في أحد الأحياء الراقية، تجلس الأم وابنها الأكبر على السفرة، ليدخل عليهم الابن الأصغر، وكان مدللًا بزيادة.
دخل مازن قائلًا: يا صباح الفل على أحلى مزة في الدنيا.
ضحكت الأم: يا واد بطل بكش، هتفضل كده لاسع وخفيف؟
رد مازحًا: مالي يا مزتي؟ مش بتموتي فيا؟
لتدخل عليهم أخته المتزوجة: آه يا أخويا، ما ورهاش إلا انت دلع وبس.
ضحك مازن: الله أكبر، من شر حاسد، بت بومة مالك بيا؟ مزتي وبتدلعني.
تنهد ذلك الذي لا يتكلم كثيرًا وهتف: طب وآخرتها يا سي مازن؟ أظن نعقل بقى وتيجي الشركة يا بني. أنا ملبوخ في المصنع وبشتغل، محتاج حد معايا.
هتف مازن: حاضر يا حمزة، والله أنا أصلًا نويت أجي الشركة نشتغل بقى ونشوفلنا مزة كده نخطبها.
لتخبطه أمه بغيرة: ولاه مزة إيه؟ مفيش مزة ليك إلا أنا، اتلم.
تنهد حمزة: مفيش فايدة، أهمد بقى.
قام مازن: طب هطلع ألبس وأجي معاك، أهو بضحي في سبيل العمل. ليصعد وتركهم.
استجار حمزة لأخته: وانت يا ليلى هتفضلي غضبانة كده؟ ما كلمنيش كذا مرة.
قالت والدته غاضبة: خليه يتربى ويسمع الكلام.
قال معارضًا: يا ماما، الراجل ما غلطش، عايز يصرف على بيته بطريقته. تديها فلوس ليه وتديها تصرف؟ بتذليه؟ إنه اليومين دول شغله واقع. ايه؟ الست ما تقفش جنب جوزها؟
مصمصت أميمة شفتيها: يعني بنتي بنت العز تتحوج لأي حد؟ ايه المشكلة؟ أما أديلها الله، هيذلها؟
هتف غاضبًا: يذلها في ايه؟ أفهم، أكل وشرب مكفي بيته، إنما مش مهم الشنطة أم ستين ألف وسبعين ألف؟ دا ايه ده؟
قالت أميمة: لا، بقلك ايه، أنا بنتي ما تتحوجش وتعيش زي ما حنا عايشين.
صرخ فيها: ما هي كانت عايشة أحلى عيشة وفسح ولبس وخروجات بقالها سنين ومغرقها فلوس، يقوم لما يحصله أزمة تبعد عنه؟ ايه قلة الأصل دي؟ انتو ايه؟ ما عندكوش أمان خالص؟
لتهتف أمه: انت كل شوية تتكلم عن الزفت الأمان. ايه؟ ما بتنساش؟ كل شوية ذنبنا ايه؟ البت اللي سابتك، احنا ذنبنا ايه؟ بتحمل أختك ذنبها ليه؟ بنتي مش هتسيب جوزها، بس برضه ما تتحملش كده. مش كل البنات زي مراتك اللي سابتك في أزمتك.
تجمد لحظة، فتلك السيرة تنهش قلبه. ليهب ويهتف: أنا ما جبتش سيرتها عشان تجيبيلي سيرتها. وأنا بنصح بنتك عشان جوزها موجوع، ولو زهدها ما ترجعيش تنحي وتلطمي، هيرمهالك بعيلها. شيليها بقى، الراجل طيب ومحترم، يبقى تخلي عندها دم بقى. الفلوس مش كل حاجة، الدنيا مش صعرة وبيعة وشروة. ليزيح الطبق ويقوم خارجًا.
هتفت ليلى: ليه يا ماما كده توجعيه؟ هو ناقص يا ماما؟ ما تسيبيه في حاله، موجوع بزيادة. منها لله.
قالت أميمة: أعمل ايه؟ ما هو خمس سنين مش راضي ينسي. زفته الطين، منها لله اللي يحرق قلبها وحرقت قلبه. وغلبت أقله اتجوز. انساها، اتجوزها وقرفنا كلنا. تاني سنة أبوه مات والشركة وقعت سابته. خمس سنين كاره النسوان، تلاتين سنة بس زي الراجل العجوز. هيقعدلي لامتى؟ لما يشيب وتروح زهوته؟ مالنا بقى؟ ما ينساها، بنت الجزمه اللي بدعي عليها ليل ونهار.
وسهام بنت خالته هتموت عليه وبتشتغل معاه في الشركة ومستنياه. أعمل ايه؟ البت غرزت غرزتها، وبدلته بقى بيكره الستات، وزي العفريت ما بيطقش صنفهم. هيعيش كده بطوله؟ أي ست يعض فيها. أعمل ايه بس؟ ويجي يحرقلي دمي ويقلي كده، محسسني إني خرابة بيوت الله.
لتتنهد ليلى: يا ماما، ما هو عنده حق، موجوع. حبها وخدها غصب عننا كلنا، ووقف لبابا الله يرحمه واتجوزها، وكان عايش. تقوم اللي منها لله أول ما بابا يموت وتحصل أزمة عندنا تسيبه وتطلق وتتجوز بعد العدة واحد غني من أصحابه. مالوش حق ينقهر يعني؟
لتهتف: وخلاص؟ عدى خمس سنين على الحزن ده؟ مش يعقل بقى؟ وإلا هيفضل ينح ويبكي الأطلال طول العمر؟ مخه صعب، أعوذ بالله. مش زي حبيب قلبي مازن.
هتفت أميمة: ربنا يهديه، بيصعب عليا.
هتفت أميمة: ماشي يا نحنوحة، زي ما التاني صعبان عليكي.
لتتنهد ليلى: يا ماما، أكمل طيب. حنين ما قصرش معايا. ما أرجع وأعيش، ايه المشكلة؟
هتفت أميمة: بت، انت احترمي نفسك. انت عايزة الناس تقول ايه لما تخرجي ونقعد في النادي ويبصولك يشوفوكي بنفس هدومك؟ ايه الفقرانة دي؟ والبيه مش قادر يجيب، خلاص، ما قلناش يجيب، يسيبنا نجبلك ونديكي ويقطم بقه. هو فقر وعنطزة. شوفي مرات نادر أخوكي، أهلها بيجيبوا ويودوا، وداخلة بشنطة وشويات.
لتهتف ليلى: أيوه يا ماما، بيدوا، بس انت صعبة، بتنقرزيه بالكلام. ونادر بيكب على مراته فلوس، وهي عادي عندها. إنما أنا جوزي حي وراجل بزيادة، ما بيحبش حد يديله قرش.
لتهتف: قصدك ايه يا بت؟ نادر مش راجل؟ ما تحترمي نفسك. دا ايه الهم ده؟ وإلا انت عاجبك الفقران ده؟
هتفت ليلى بغضب: بس أكمل، مش فقران، دا بس أزمة، ومش حايش عني حاجة، وبيقولي هجبلك اللي تعوزيه بس اصبر يا ماما، عادي.
لتهتف أميمة: افضحيني بقى وسط الناس ويقولوا جوزك مش عارف يجيب. لا، بعد كده يتعود، نديله وما ينطقش. الله، مش كتر خيرنا إننا بنديله؟
لتهتف ليلى: بس هو يا ماما مش عايز حد يديله، هو عايز يبقى نفسه ويشيل بيته.
هتفت أمها: الواد ده متفرعن وعامل فيها دكر وابن بارم. ديله والا ايه؟ أنا راجل، محدش يقلي كلمة. لا، احنا نقول الله، هو هيتحكم؟ وهو معهوش مليم؟ خلاص، ابعدي بقى، لما يتربى واجبهولك راكع. ايه؟ هيستحمل كام شهر ويعرف إنه مالوش إلا بيته وولاده، ويجي يعملنا اللي عاوزينه.
لتتنهد ليلى وتصمت، فأمها متحكمة بشكل بشع، وهي تخاف منها رغم حب زوجها وتفانيه لها.
خرج حمزة من البيت غاضبًا. دخل عربته وركن عليها وظل فترة، ليخبط على المقود بغضب. كيف أحبها وأعشقها ووقف أمام أهله؟ كيف كان يعاملها كأنها ملكة؟ وما إن حدث له أزمة بعد والده ومر بضائقة، حتى تركته فورًا، وهو حاول أن يثنيها كثيرًا ويرجوها، لتصمم أن تتركه. وبعد أن تطلقا مرت العدة وتزوجت صديقًا له من الأثرياء، ذلك ما جعله محروقًا ناقمًا على جنس النساء، لا يقربهن رغم وسامته، ولا يريد حتى أن يتعامل معهن.
أخذ عربته واندفع إلى الشركة، كان يقود بتهور من غضبه، ليخبط فجأة أحد العربات الصغيرة. كانت عربة متهالكة تقودها فتاة. لينزل هو غاضبًا: مش تتنيلي؟ خلي بالك، انت ايه؟ ما بتشفيش؟ ايه اللي مركبكو عربيات؟
دمعت عينها وهتفت: عيب يا أستاذ، انت اللي خبطني.
صرخ: انت كمان ليكي عين؟ بعربيتك اللي شكلها زي القنفد دي؟ انت خبطيلي عربية تصليحها بعربيتك كلها.
لتنزل دموعها، فكانت فتاة رقيقة. هتفت: حرام عليك، انت اللي ظهرت قدامي مش أنا. الله. وعيب بقى، وتحترم نفسك، محدش بيكلم حد كده.
صرخ: وليكي عين تتبجحي؟ والله أخرب بيتك وتدفعي تمن التصليح ده.
لتجهش بالبكاء، فهي لا تملك المال: انت ايه؟ حرام عليك، أنا ما عملتش حاجة ومعييش أدفعلك. منك لله، انت واحد ضلالي، حسبي الله فيك.
هتف غاضبًا: طب لما تبقي فقرانة وماشية بالضالين، يبقى تتنيلي وتبصي قدامك كويس وتعتذري وتعترفي إنك غلطانة.
