نور: آآه يا نور آآه يا حبيبتي يا اللي أيامك بقت معدودة، إيه إيه لا دي بقت ساعات يا نور ياختي! وراحت على ليلي وقالت لها: لولو حبيبتي، انجديني من الطور دا. ليلي (بمرح قالت): لا. نور: راحت على مختار وقالت: عمو حبيبي، ارحمني منه. مختار: لأ. نور: بقا كدا يا مختار! أنت وليلي بتخلو بيا وأنا اللي علطول بستر عليكم، بقا مش عاوزين تنجدوني من ابنكم الزفت دا؟ وأنا اللي مكنتش راضية أقول لحد إنكم قفشتكم بليل في المطبخ وأنتو بتخلصوا على صينية البسبوسة لوحدكم من غير ما تسيبولنا حتة!
ليلي (بمرح وكسوف مصطنع بتقولها بصوت هامس): اسكتي منك لله دي كانت سرقة مشروعة!
نور: وبصت لجدها وقالت: يرضيك دا يحصل في بيتك يا كبير؟ دا أنا كل ما أدخل المطبخ ألاقي الراجل دا بياكل الحلو لوحده هو ومراته، وأقولهم عيب كدا معاكو ناس في البيت، يقولولي مالكيش دعوة احنا أحرار في الأكل!
ليلي: اخرصي يا بت هتعومي على عومها المجنونة دي.
نور: راحت على عمها ماهر وقالت: عمو ماهر حبيب قلبي الغالي، أنت الوحيد اللي هترحمني منه.
ماهر (بصلها وبعند قال): لأ.
نور: بقا كدا يا ماهر! وأنا اللي كنت ناويه أرجعلك مراتك وبقول عفا الله عما سلف؟ قسما عظماً ما هيحصل!
(وبصت لقت حمزه وخالد داخلين، جريت عليهم وقالت): خالود حبيبي!
خالد: ولا هعبرك.
نور: بقا كدا؟! (وبصت لحمزه).
حمزه: متحاوليش.
نور: بقا كدا يا كلاب! وأنا اللي كنت ناويه أرجعلكو أمكم بدل ما أنتواتبضعتو لبن معيز ومش مقصر فيكم عاوزه أجبلكو أمكم تراعيكم!
وراحت على ياسمين وقالت: سوسو حبي.
ياسمين: أبداً.
نور: بقا كدا وأنا اللي مخبية على جدو إني سمعتك وأنتي بتقولي لحمزه هات حتة شوكولاتة!
ياسمين: أناااا؟
نور: أيوا، وهو الحقير كان عامل فيها شريف وقالها خلصت، وبعدين قال فرصة مش هتتعوض وهروح أشتري غيرها!
حمزه: نهار أبوكي أسود!
نور: راحت على أميرة وقالت: مرمر قلبي.
أميرة: أنا مش قد الأسد ماليش دعوة.
نور: بقا كدا يا بت! طب والله لقول لجدو إنك كنتي خارجه من أوضة خالد الساعة اتنين بالليل عشان تسرقوا سناك، وأنا أقولك عيب كدا تقولي محدش له حاجة عندي، أقولك إحنا بيت محترم تقولي محدش له كلمة عليا أنا مش صغيرة ومش هنام غير لما أكل شيبسي!
أميرة: يا مصيبتي ياني والمصاحف ما حصل يا جدو!
نور راحت على جدتها وجدها وقالت: ها، هتتصرفوا مع حفيدكم ولا أقول إني قفشتكم وأنت بتقولها كلام سكر وهي بتتدلع عليك وتقولك هات الموبايل وأنت طبعا مش عجبك كلامها روحت مخبي الموبايل وراك وأنا أقولكم عيب معاكم سناجل في البيت تقولي إحنا الأصل ومحدش له كلمة؟
جدتها (قالت): الله يكسفك اسكتي يا بت!
وكل دا أسد واقف عالباب وبكتم ضحكته عليها وعلى أسلوبها، وبعدين قال: نوووور!
نور: يا لهووووووي يا مصيبتييييي ياحسرة قلبي عليكي يا نور يا اللي عيلتك كلها طلعت واطية! آآه يا نور يا قليلة الحيلة آآه يا اللي كل عيلتك مطهداكي، لكي الله يا نورررر!
أسد: وصلها ومسكها من إيدها بغضب هزلي.
نور: بقا كدا يا باشا بتستقوي عليا علشان أنا يتيمة وأم وأبويا ميتين ومليش حد وعيلتي كلها ماتت غرقانة في البحر قبل المركب تولع بيه ويصلهم كلهم! (وقالت): حسبي الله ونعم الوكيل فيكم نفر نفر.
(وبصت لأسد وقالت): هات هدية الخطوبة يا باشا!
وفي لحظة جريت وقالت: أروح فين أروح فين كلهم أندال ياربي أعمل إيه؟
وبصت لقت باب المكتب مفتوح جريت عليه ولسه هتقفل…
أسد لحقها وزقها ودخل وقفل الباب.
العيلة كلها عمالة تضحك عليها.
حمزه: فظيعة البت دي.
ليلي: بس دمها شربات.
أميرة: إنتي تسكتي يا ليلي فضحتينا، عاجبك اللي إنتي عملتيه دا إنتي ومختار ولا علشان هو جوزك يعني تعملي كدا في الأكل؟
ليلي: اخرصي يا بت هتعومي على عومها المجنونة دي.
الجد: والله عسل بس مبتسترش أسرار البيت.
(الكل ضحك).
حمزه: لا يا جدو بس مش كله صح في حكاية الشوكولاتة.
الجد: أممممم.
حمزه: أوعى تفهمني غلط.
الجد: لا دا أنا فاهمك صح قوي يا بن أبني في حبك للأكل. (وضحكوا).
في المكتب:
أسد: تعالي هنا.
نور بتطير تسيطر عليه، راحت عليه وبدلع وقالت: في إيه يا أسودي يا حبيبي مالك بس إيه اللي مزعلك ومضايقك كدا؟ (وقربت منه).
أسد: بلع ريقه وبحاول يسيطر على نفسه خصوصاً إنه فاهمها، وقالها: أنا قولت إيه إمبارح؟
نور: عادي يعني قولت حاجات كتير يا روحي.
أسد: نورررر متعصبنيش!
نور (بهدوء قالت): طيب بس قولي أنا عملت إيه زعلني منك؟
أسد: روحتي المطعم ليه لوحدك؟
نور: أها دا أنت مراقبني بقا!
أسد: لا يا حلوة، يوم ما أفكار أراقبك هيبقى موتك أسهل، أنا كنت في مشوار تبع الشغل وشوفتك وأنتي خارجه من المطعم بتجيبي كيكة، ولولا إن معايا صحابي كنت نزلت عاقبتك على عدم سمعك كلامي إمبارح.
نور: طيب ممكن تهدي وتسمعني؟
أسد: أسمعك بعد ما شوفتك بعيني؟
نور: أسد، كان لازم أروح المطعم علشان أقولهم إني خلاص مش هشتغل تاني، وكمان أعزم زمايلي هنا على الخطوبة.
أسد: كان ممكن تقوليلهم بالفون.
نور: ماينفعش، لأن كان لازم أروح وأخد باقي حسابي و…
أسد (بصوت عالي قالها): هو إنتي محتاجة فلوس؟!
نور: أسمعني يا أسد وبلاش العصبية دي، أنا روحت علشان أخد باقي حسابي وأديه لواحدة كدا أنا بساعدها لأنها تعبانة وفي حاجة لإيجار البيت.
أسد (بصلها وابتسم وأعجب بشخصيتها وطيبتها).
نور: والست دي أنا مش هتخلى عنها أبدا لاني بجد بحبها وحابة أهلك عليك أنت كمان.
أسد: وليه مقولتليش قبل كدا؟
نور: مجتش فرصة.
أسد: قرب منها وقالها: جاهزة للخطوبة بكرا؟
نور: لا يا باشا أنا مش موافقة بالشروط دي.
أسد: قرب أكتر وقال: لازم تتعاقبي على جناني منك! (ورتب شعرها بحنان وقالها): بحبك.
نور: اتكسفت ووشها أحمر.
أسد بابتسامة قالها: إيه دا نور الجوهري بتكسف؟ لا لا مش معقول.
نور: ضربته في صدره بهزار وراحت عند الباب وأخدت نفس وبعدين فتحت الباب وطلعت.
أسد: قعد وقال: آآآه منك يا بنت قلبي، ناويه على إيه تاني معايا؟ حب ومجنون بيكي وخلاص.
نور راحت وقعدت جنب جدها.
حمزه: قالها إيه ذا دا أنا كرت هتقطعوا بعض!
نور: هو أنت سامع صوته؟
حمزه: يعني إيه؟
نور: يعني متقطع جوا من كتر الضحك، روح لمه بقا ومتنساش تاخد أكياس الشوكولاتة معاك.
حمزه: هههههه.
(ودخل المكتب وقال): إيه يا باشا هي الشعنونة دي جابت آخرك ولا إيه؟ لا لا دا إحنا لسه بدري علينا قوي.
أسد: ابتسم.
حمزه: أمممم بس تستاهل بجد حبك لها كل السنين اللي فاتو دي.
أسد بابتسامة وفرحة قال: حاسس إنها هتجيب أجلي من كتر تصرفاتها وأسلوبها المجنون.
حمزه: هههههه آه لو كنت شوفتها من شوية عملت إيه، دي لبست الكل في بعض وخلت الكل مش قادر ينطق من الإحراج.
أسد: هههههه شوفتها ومتابعها.
ياسمين خبطت عليهم وقالت: تعالوا العشا جاهز.
أسد: خدي يا بت تعالي هنا.
ياسمين (بإحراج قالت): خير في حاجة؟
أسد قالها: إنتي إزاي تقولي للواد دا هات شوكولاتة وسايبينا؟
ياسمين (بإحراج قالت): والمصاحف ما حصل دي مجنونة بنت مجانين أوعى تصدقها يا أسد!
نور دخلت وقالت: يعني أنا كدابة يا كلبة؟
ياسمين: وديني لربيكي! (وجريت وراها بهزار).
أسد وحمزه: هههههههه ههههههههه.
