روايات وقصص

نور واسد2

طبعا الكل عارف أنهم بيحبوا بعض بس كانوا مستنيين أسد يتجوز الأول.
الجد وهو عالسفرة قال: كل شئ تمام، (وبص لنور وقال): هتروحي الجامعة بكرا؟
نور: لازم عندي عملي بكرا بس أخلص وأرجع علطول ومش هروح الشركة.
أسد: تمام، بس تخلصي كلميني أجي أخدك.
نور: مفيش داعي.
أسد بصلها وقال: في حاجات لازم نشتريها للخطوبة.
نور: حاجة إيه دي؟
أسد اتنهد وقال: استغفر الله العظيم اسكتي شوية وبلاش تقاوحي على كل حاجة كدا.
نور: الله مش بفهم إيه اللي هيحصل؟
أسد: مش مهم نفذي وأنت ساكتة.
نور: لا بقولك إزا دا أنا مهندسة وكل حاجة عندي لازم أتكتك لها وأخططها وأرسها كويس مش ساييبة هي!
خالد: ههههه يخربيت عسلك يا نور!

وبعد انتهاء العشا…
نور والبنات طلعوا فوق يشوفوا هيليبسوا إيه.
أسد قال لجدو: أنا عاوز أكتب الكتاب بكرة مع الخطوبة.
الجد: ليه كدا خليها خطوبة دلوقي ولما نور تخلص إمتحانات أبقوا اتجوزوا كلها شهرين.
أسد: لا يا جدو أنا عاوز كتب كتاب مش بس خطوبة علشان تتلم شوية.
الجد: وليه الاستعجال يا بني؟
أسد: أنت مش شايف بنت ابنك ماشية طايحة في كل البيت إزاي من الأوضة دي للأوضة دي؟ دي بتدخل عندي الأوضة كتير يا جدو تسأل على الأكل وهي زي العبيطة كدا.
الجد ابتسم وفهم كلامه.
أسد (لما عرف أن جدو فهم قصده قال): ربنا يخليك لينا يا جدو.
الجد: أنا موافق وكمان نكتب كتاب حمزه وياسمين بالمرة.
حمزه (بفرحة): أهو دا الكلام يا كبير دا أنا خلاص كنت فقدت الامل حرام عليكم!
الجد: خلاص الصبح بإذن الله تاخد ياسمين وتشتري الشبكة.
حمزه: أنت تؤمر يا جدو.
(والكل كان مبسوط وسعيد).

وتاني يوم، الكل عِرف بالخبر السعيد.
نور نزلت وراحت الجامعة، وبعد ما خلصت، أسد راح وأخدها وراحت اشترت شبكة كتير حلوة وفستان كتير شيك ولنفسه بدلة على ذوقها.

وحل المساء على الجميع…
أسد تم كتب كتابه على نور، وحمزه على ياسمين.
ليلي طلعت فوق وقالت: ها يا بنات جاهزين؟
ياسمين ونور: أيوا يا ماما.
ليلي راحت عليهم وحضنتهم هما الاتنين.
الجد وابنه مختار وماهر طلعوا يجيبوا العرايس.
مختار باس ياسمين من جبينها وعطاها لحمزه، وراح على نور وحضنها وباركلها.
الجد وماهر أخدوا نور كل واحد من دراع وراحوا على أسد وقالوا: دي الغالية ممنوع تزعلها ولازم تستحمل جنانها.
أسد بصلها بإعجاب ومال على جبينها وباسها بحب وقال: في عيوني يا جدو!
وأخدها وراح للكوشة اللي كانوا مجهزينها ولبسها الشبكة.
وفجأة شافوا أم خالد وحمزه داخلة، الكل بصلها.
نور راحت مسكة عمها وجدها من إيدهم وقالت: معلش علشان خاطر حمزه وخالد وخصوصاً النهارده ماينفعش كتب كتاب ابنها وأول فرحتها ما تحضروش، وعموما أنا مسامحاها واللي فات مات يا جدو.
(وباست عمها وقالت): علشان خاطري يا ماهر سامحها.
(وبصت لجدها وباست إيده).
حمزه وخالد راحوا عليها وباسوها من خدها.

وبعد شوية من الرقص والفرحة مع الجميع…
أسد قالها: إيه رأيك نروح نقعد شوية في الجنينة؟
نور ابتسمت وقالت: ومالو.
حمزه قال: يلا بينا.
خالد: وأنا كمان هجيب أميرة وأجي معاكوا.
(وفعلاً راحوا).

أسد قعد وبص لنور بفرحة وقالها: مبروك يا قلبي.
نور قالت: بس هو دا اللي إنت جيبني هنا علشانه؟ ولا عشان تاكلني الشوكولاتة لوحدك!
(والكل بصولها ومستغربين أو عاملين مستغربين).
نور قالت: إيه يا باشا مفيش هدية تانية حلوة كدا من إيدك إن شاء الله حتى طبق كيكة!
أسد: يخربيتك! (وبعدين قالها): إيه يا بت مفيش دم مفيش إحراج مفيش كسوف؟ (وقام مشي بهزار).
نور: خد تعالى هتكسف أهو والله هتكسف تعالى!
حمزه وخالد وياسمين وأميرة ميتين ضحك عليها وعلى كلامها.
نور: عاجبكم كدا؟
ومرة واحدة مالت على ياسمين ورمت عليها ورقة هدية بقوة.
ياسمين: آآه يا بنت المجانين أنا مالي؟!
حمزه شد ياسمين منها وقالها: يخربيتك هتموتيني ضحك!
نور قالت: قوم يلا هاتلي معاك عصير.
حمزه قالها: أنا مالي؟
(وهو عارف إن أسد قام لما شاف زمايله بالقسم وصلوا راح يسلم عليهم).
نور: بقا كدا مش عاوز تقوم؟ أنا بقا اللي هروح أجبة، بس قبل ما أروحله هروح الأول لجدو وعمو مختار ولولو وأقولها إن إنت واخد نصيبها من الحلويات إمبارح بالليل!
حمزه وياسمين (مع بعض): يا نهارك أسودك!
أميرة وخالد: ههههه هههههه.
نور سابتهم ومشيت.
ياسمين: يخربيتك يا نور، قوم يا حمزه وراها دي هتودينا في ستين داهية بكلامها!
حمزه: مجنونة وتعملها!
(وبعدين بصلها بحب وقالها): على فكرة إنتي مراتي ومحدش له حاجة عندي بس للأسف مش عاوزين فضايح من لسان نور، حسبي الله ونعم الوكيل فيها الشعنونة دي! (وجري ورا نور وقالها): نوري!
نور: مالكش دعوة بيا.
وكانت وصلت عند أسد ولقته واقف مع عثمان زميله، ابتسمت.
حمزه: أبوس إيدك بلاش جنانك دلوقي.
نور: اسكت إنت.
(وراحت وقفت جنب عثمان وقالت): باشا والله وحشتني يا واد يا عثمان.
عثمان: نور إنتي هنا بتعملي إيه؟
نور: إنت أعمى يا واد مش شايفني عروسة يعني؟
عثمان مسكها من طرف فستانها ولفها وقال: شايف عروسة زي القمر والله تستاهلي تكوني عروس الليلة ومبروك لأسد.
نور: أممم هي دي الناس اللي بتفهم في الذوق.
أسد بصلها بغيرة مصطنعة.
نور طنشت وقالت: أنا فرحانة قوي قوي يا ميمو إنك جيت.
عثمان: وأنا أقدر ما أجیش دا كتب كتاب الباشا!
نور: طيب مفيش هدية ليا كمان ولا إيه؟
عثمان بصلها ومش فاهم قوي.
نور: منا العروسة يا عبيط هتقبض من مين غيرك!
عثمان (أحم.. وروحه هطلع من نظرات أسد): الف مبروك! ومشي جري من قدام أسد.
نور: جبان!
حمزه: إنت تعرفيه؟
نور بعند في أسد قالت: طبعا يا بني دااا…
أسد قاطعها وقال: إيه اللي إنتي عملتيه دا؟
نور ببرود قالت: عملت إيه يا باشا؟
أسد: يعني مغلطتيش؟
نور: نو نو.
أسد: نو نو! دا أنا هخليكي تنونوي دلوقي من العصبية! (وأخدها من إيدها ودخلوا البيت).
نور: على فين يا باشا أنا مش بتاعت الكلام دا!
أسد: اسكتي شوية.
نور: طب أفهم بس إحنا طالعين السطوح ليه؟ هو أنتو بتعزموا الناس فوق ولا إيه؟
أسد: كدا.
(وكانوا وصلوا).
نور دخلت لقيت سطح البيت مفروش بالورود ومنظم بطريقة تجنن ومضاء بالأنوار وموجود أكل وعصير، فرحت بالمنظر جداً.
أسد: عجبك؟
نور رمت نفسها في حضنه وقالت: يجنن يا قلبي!
أسد ضمها لحضنه بقوة وقالها: بحبك وبموت فيكي، وكل عمري مستنيكي ومستني اللحظة اللي تنوري فيها حياتي وتبيقي معايا. (ومال عليها وباسها من جبينها بحنان).
نور: وأنا كمان بحبك وكنت هتجنن عليك وكنت كل ليلة عندي أمل إني أشوفك وعمري ما مليت ودعيت ربنا ليل نهار يجمعني بيك.
(وبصتله وعيونها لمعت وقالت): اتمنيتك جنبي في أصعب أوقاتي، اتمنيتك تضمني لحضنك وتقولي أنا جنبك يا عمري أوعى تخافي.
أسد مسح دموع فرحتها وباسها من خدها وقالها: وأنا جنبك يا عمري وعمري ما هسيبك أبداً أنا مصدقت لقيتك.
نور حضنته وقالت: يديمك ليا يا قلبي سند وضهر وأمان.
أسد (بمرح قالها): حب وعشق وبس!
نور اتكسفت.
أسد: إيه دا اتكسفتي؟
نور: والله بتكسف إنت اللي مدتنيش فرصة للكسوف بمقالبك.
أسد: هههههههههه.
وبعدين قعدوا ع الأرض وفتح دراعه وأخدها في حضنه وضمها بقوة.
نور (بمرح قالت): لا لا أبعد شوية عني أنا متربية وبنت ناس وعيب تقعدنا كدا!
أسد: هههههه.
(وفعلاً أبعد بهزار).
نور قربت منه تاني وراحت جوا حضنه وقالت: الشتاء دخل ولا إيه؟
أسد ضحك وقالها: إنتي اللي بتلزقي فيا وتدوري على الدفا وبعدين ترجعي تعيطي وتقولي زحمة! (وضمها لحضنه أكتر).
نور (بطريقة كوميدية): صغنن مين يا خويا؟ دول كلهم أربع سنين مش كتير يا عيا!
أسد: يخربيتك يا بت دا إنتي فصيلة كدا تفسدي اللحظة الرومانسية بأمثالك! (وبص لها بحب).
نور بخبث بصلته وقربت منه زيادة.
أسد بصلها بترقب وقلبه دقاته زادت.
نور ضحكت وجريت منه بخفة.
أسد: بقا كدا! (وجري وراها وسط ضحكهم).

وتاني يوم…
أسد فتح عيونه على أشعة الشمس لقي نور نايمة على دراعه براحة وأمان، بصلها وابتسم ومال عليها وباسها من خدها.
نور صحت وقالت: يا فضيحتني إنت بتعمل إيه هنا؟ أنا لازم أصوت ولم عليك الناس الحقووووني!
أسد زقها من على دراعه وقالها: غوري يا بت، هو أنا عارف أنام منك تك البلا في لسانك!
نور ضحكت ونزلت جري على تحت.
ياسمين قابلتها وهي بتدخل أوضتها وقالت: كنتي فين يا بت يا نور أنا دخلت عندك ملقتكيش؟
أسد نزل وراها ومستني إجابتها.
حمزه شافه وقاله: وإنت كمان كنت فين؟ أنا دخلت أصحيك ملقتكش!
نور بصت لأسد وغمزت بعينها وبعدين قالت: كان بيحاسبني على سرقة الشوكولاتة فوق السطوح ياريتكم كنتوا معانا!
ياسمين اتكسفت ونزلت جري على تحت.
حمزه: أحم.. ونزل وراها.
نور: هههههههه.
أسد: ههههههه يخربيتك العيال منطقتش!
نور: مش هما اللي معندهمش دم وبيسألوا أسئلة غريبة؟
أسد: عيال برضه. (وبعدين قالها): هتروحي الجامعة؟
نور: أيوا.
أسد: طب أجهزي يلا علشان أوصلك.
نور: أوك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى