هند بنت رقيقة وهادية أمها ماتت وهي صغيرة وأبوها متجوز، وطبعا مش محتاجة أقولكو علي معاملة مرات الاب. اتجوزت هند وهي عندها 18 سنة بعد ما خلصت دبلوم. هند كانت فاكرة أنها خلاص ارتاحت من مرات أبوها ومتعرفش أنها وقعت في حاجة تانية.
محمد جوز هند بكري أمه وساكن في الشقة اللي فوق أمه، عنده أخت بنت مدلعة على الآخر متجوزة وقعدت خمس سنين عقبال ما خلفت عندها بنت اسمها ليان. بعد جواز هند ومحمد حياتهم كانت هادية جدا بغض النظر عن مضايقات حمات هند ليها.
فاتت سنة والتانية ومحمد بدأ يزن على هند يروحوا للدكتور ويعرفوا سبب التأخير. هند كانت فاهمة وعارفة كويس أن دي فكرة حماتها وقالت معلش حقها بردو ما هو ابنها الوحيد.
الدكتور قال لمحمد إن هند مش بتخلف وفرصتها قليلة جدا. محمد زعل بس اتمسك بهند وقال مش مهم. لما رجع محمد وأمه سألته:
حمات هند: هاا يا محمد الدكتور قالك إيه؟
محمد (مش عارف يقول إيه وسكت)
حمات هند: متنطق، قالك إيه الدكتور؟
محمد: قال إن هند فرصتها في الحمل ضعيفة جدا.
حمات هند: أنا كان قلبي حاسس، هنعمل إيه؟
محمد: قدر ربنا يا أمي، هنعمل إيه؟
حمات هند: هنستنى إيه يا حبيبي، هتجوز طبعا!
محمد: أتجوّز ع هند ليه يا أمي؟ هند بنت اصول عمرها ما زعلتني.
حمات هند: وبنت الاصول دي ظروفها كده، هتقولك يا بابا وتشيّل اسمك؟
محمد سكت ومتكلمش.
حمات هند: إنت رااايح فين؟
محمد: طالع يا ماما، عاوزة إيه؟
حمات هند: لا يا حبيبي إنت هتبات هنا معايا، مفيش طلوع، هو مش كفاية أنها مبتخلفش كمان هطلعلها؟
محمد: يوووه يا أمي وهي ذنبها إيه يعني، وكمان أسيبها لوحدها هو دا العدل يا ناس؟
حمات هند: بتعلي صوتك ع أمك عشان مراتك؟ خلاص يا خيبتي في ابني البكري، بيزعق لامه عشان مراااااتو!
محمد: يا أمي أنا مقصودش والله، حقك عليا يا حبيبتي.
حمات هند: يعني هتبات معايا؟
محمد: حااضر.
حمات هند: ي هنننننننننننننننند! إنتي يا بنتي، ي هنننننننننننننتد!
طلعت هند من شقتها اللي فوق شقة حماتها: أيوة يا ماما.
حمات هند: تعالي يختي اغسلي المواعين واعمليلنا لقمتين ناكلهم.
هند: حاضر يا ماما.
دخلت هند المطبخ غسلت المواعين وعملت الأكل.
هند: أنا حضرت الأكل يا ماما، تعالوا عشان ناكل.
حمات هند: هو إنتي هتاااكلي يختي؟ أنا قولت هيطلع عندك دم وتزعلى انك مبتخلفش، يا بت معندكيش دم!
قامت هند من ع الأكل، دخلت أوضتها وقفلت الباب وفضلت تعيط:
“يااااارب أنا ذنبي إيه إني اتحرمت من الخلفية؟ يعني أنا عرفت وسكت ومحسستش حد بوجعي وقولت مش هبقى مبخلفش ونكدية كمان، مستكتر عليا استحمل الوجع؟”
محمد: ليه كدا يا أمي بس؟
حمات هند: بقولك اااي، البت دي مش طيقاها أصلاا، ويانا يا هي يا محمد.
محمد: يعني إيه يا أمي؟
حمات هند: يعني يا تتجوز عليها في ظرف يومين يا إما تنسى أن ليك أم!
محمد: لا خلاص، نقي عروسة وأنا هتجوزها ع طول.
وفعلا بعد يومين اتجوز محمد، اتجوز بنت أصغر من هند بسنة، واتجوزها في نفس الشقة. هند ساكتة مبتتكلمش ولا بتشتكي.
محمد: متزعليش مني يا هند، مكانش ينفع أقول لامي لأ.
هند: هو أنا عاتبتك يا محمد؟ دا حتى أنا اللي فرشالك أوضتنا بنفسي عشان العروسة الجديدة، مبروك يا محمد.
لكن كبرياء هند اللي محمد كسره هو وأمه منعها. هند زقته وقالتله: “جرى إيه يا عريس؟ مش عيب عليك تسيب مراتك العروسة الجديدة جوه؟ روح روح، مبروك عليك، متبوظش ليلتك دي ليلة العمر!”
وضحكت بمراره: “يوووه نسيت أنها مش أول مرة، معلش إن شاء الله تسعد الست الوالدة بجوازتك الجديدة اللي هتجبلك ولي العهد، ومشغلش بالك بيا أنا جوه في الأوضة التانية مش هسمعكو…”
وسابته ومشت. محمد اضايق بس دخل لعروسته وقضوا ليلة زي أي اتنين متجوزين.
هند لنفسها: “أبويا ومصدق رماني، وأمي ماتت وساابتني، وجوزي حتى محاولش نروح عند دكتور تاني… يا رب خدني وريحني من قهرة قلبي دي.”
وفي عز وجعها وغيرتها علي جوزها سمعت جوزها بالصدفة مع ضرتها وهما بيضحكوا.
نار وغيرة وغضب وقهرة كسرة قلب. مش كفاية إحساسي بالنقص إني مبخلفش، كمان إحساسي إني كنت بالنسباله مجرد وحدة بيقضي معاها وقت وخلاص.
تاني يوم الصبح، صحيت علي خبط الباب:
هند: أيووووه.
حمات هند: يختي اللي يشوفك وأنتي نايمة لحد دلوقت يقول كانت ليلتك إنتي وأنتي العروسة! أووووعي من وشي كدا، أما أصبح علي العروسة قدم السعد وش الخير! لوووووووووووووووووووووولي.
دخلت عند محمد ف الأوضة وتكلمت معاهم وخرج محمد.
محمد: صباح الخير يا هند.
هند: صباحية مباركة يا عريس.
خرجت حمات هند: لوووووووووووووووووووولي، رااااجل من ضهر راااجل يا حبيبي! إنتي يا بت، تعالي ورايا هاتلهم صنية الأكل عشان يفطرو دول عرسان، ويلا عشان تعمليلهم الغدا.
هند حاسة بالذل والإهانة: حاضر.
ونزلت هند وعملت فطار لجوزها ومراته وندهت على حماتها عشان تطلعه.
هند: بعد أذنك يا ماما تطلعيلي الفطار؟
