حمات هند: ليه يا عين خالتك؟ اتشليتي يختي؟ بتدلعي ع إيه؟ انجري يا بت طلعي الاكل لجوزك وعروسته.
هند: حاضر.
خدت الصينية وطلعت لمحمد جوزها، خبطت ع الباب فتحتلها ضرتها:
هند: الفطار.
ضرتها: حطي ف الأوضة جوه أنا مش قادرة أشيل.
هند: فين محمد؟
ضرتها: جوووووا بيستحمي، عاوزة في حاجة؟ لو عاوزة قوليلي أنا مراته بردو.
وطلع محمد واقف مصدوم أول ما شاف هند.
محمد: هند..
هند: ساعتين والغدا هيبقى جاهز، عن أذنكو.
نزلت هند من عند محمد ومشاعرها متلخبطة، غضب وغيرة وحسرة.
“ياااا يا محمد للدرجة دي بايعني؟ للدرجة دي مش فارقك وجودي خااالص؟” ودموعها عمالة تنزل بغزارة.
لبس محمد بسرعة ونزل ورا هند بس قابلته أمه ع السلم.
حمات هند: نهارك أسود نازل ليه؟
محمد: هاااا آآه نازل عشااان…
حمات هند: متهتهش إنت نازل وراها صح؟
محمد: يا أمي مهي مراتي بردو مهما حصل!
حمات هند: ولااا يا محمد بلا مراتي بلا هباب هي كلمة وحدا تتطلع فوق لمراتك ومشوفكش برا باب شقتك لمده أسبوع.
محمد: طب وهند؟
حمات هند: مالها؟ بتفكر فيها ليه دلوقت؟
محمد: متجيش عليها يا أمي دي يتيمة.
حمات هند: يتيمة؟ وهو أنا فاتحها سبيل ولا دار أيتام ليها؟ يلا اطلع لمراتك إنت عريس.
محمد: طالع.
هند كانت سامعة كل حاجة وساكتة: “حسبي الله ونعم الوكيل فيك يا محمد، مش قادرة أدعي عليك لسه بحبك وقلبي متعلق بيك، وعلي أد حبي ليك غيرانة عليك.”
حمات هند: تعاليلي يا بنتي.
هند: نعم يا حاجة.
حمات هند: سم الكلمة سم منك متقوليليش يا ماما تاني، أنا مش أمك، أمك ماتت ارتاحت منك وأنا ربنا بلاني بيكي.
هند: وأقولك إيه طيب؟
حمات هند: قوليلي يا حاجة، قولي أي حاجة بس ماما لاااء إنتي سااااااامعة؟
هند: حاضر يا حاجة.
حمات هند: انجري ع المطبخ يلا اعملي غدا كبير، حمام وبط ورز بالخلطة ومكرونة بشاميل والحلو أم علي.
هند: حاضر.
دخلت هند المطبخ وهي بتعمل الأكل وقلبها محروق: “منك لله يا فوزية يا حمات هند، حسبي الله ونعم الوكيل فيكي ربنا يبتليكي من جنس عملك ويكسر قلبك زي ما كسرتي قلبي.”
بعد ساعة:
حمات هند: خلصتي الأكل؟
هند: ع النار.
دخلت حمات هند الحمام وطلعت صابون ومنظفات ورمتهم لهند ف الصالة.
حمات هند: اغسلي السجاد وسخ.
هند: دنا لسه غسلاه من أسبوع يا حاجة.
حمات هند: منتي أصلك متعرففش النضافة، اغسلي السجاد دا دلوقت وتطلعي تنشري ع السطح قدامك نص ساعة تكوني خلصتي عشان الأكل ميحرقش.
هند: حاضر.
طلعت هند السجاد وبدأت تغسل وهي تعبانة وفي عز البرد.
حمات هند: إيه الوساخة دي؟ اغسلي تاني.
هند: دي رابع مرة أغسلو مهو نضيف أهوو.
حمات هند: متناقشنيش، إنتي هنا تغسلي وتنضفي وبس.
هند: حاضر.
هند بتغسل السجاد وحست بتعب شديد وهبوط مفاجئ بسبب الإرهاق الشديد ومجهود البيت فوق طاقتها، فوقفت ونزلت شقتها بسرعة ودخلت أوضتها وقفلت على نفسها وهي حاسة بدوخة وإعياء شديد، ومن كتر القهرة والجهد نامت وهي تبكي في ألم.
تاني يوم وتالت يوم، هند مخرجتش من أوضتها ومكانش فيها حيل تقوم، ومحمد مكلفش نفسه يخش يسأل عليها.
طلعت حمات هند خبطت جامد، فتح محمد.
حمات هند: هند فيييييين؟
محمد: معرفش مخرجتش من يوميها وأنا مبصتش عليها.
حمات هند: طب خش شوفها.
فتح محمد الباب ودخل لقى هند نايمة في السرير وجسمها ضعيف وشاحب جدا وبتئن من التعب.
محمد (بخضه وخوف): هند! هند حبيبتي مالك؟
شالها محمد بسرعة وهو منهار خايف عليها، ونزل بيها عشان يوديها المستشفى رغم اعتراض أمه.
جري ع المستشفى وفضل ينادي: حد يلحقني بسرعة!
جه دكتور شاب واسمه عمر: هاتها بسرعة.
الدكتور بعد ما عملها فحص وتحاليل: إنت جوزها؟
محمد: أيوة.
الدكتور: المدام كانت حامل في شهرين وللأسف الجنين نزل بسبب الإرهاق الشديد وضغط الأعصاب وسوء الإطعام والجهد البدني، دي بقالها أيام في حالة إعياء رهيبة! دي عايشة بمعجزة!
محمد (بصدمة وندم يمزق قلبه): حااااامل؟ حامل إزاي؟
الدكتور: هو دا اللي هامك؟ أنا لازم أعمل إجراء رسمي باللي حصل ده.
بعد ما محمد عرف أن هند كانت حامل وسقطت بسبب الإجهاد دخل في صدمة جامدة من الندم، وجهت الشرطة وسألت عن الموقف، فمحاولاً للخروج من الورطة، اقترح المحامي ومحمد بطريقة خاطئة أن يقولا غير الحقيقة لإنقاذ محمد، فغضبت هند بشدة من هذا الظلم الجديد حين سمعت به.
في المستشفى، دخل الدكتور عمر ليطمئن على هند التي كانت تبكي بصمت وقهر.
عمر: حمدالله ع سلامتك يا هند.
هند (بصوت ضعيف): أنا فين.. ومين جابني هنا؟
عمر: إنتي هنا ف المستشفى، وجوزك هو اللي جابك، وأنا اسمي عمر الدكتور بتاعك.
افتكرت هند كل قسوة محمد وأمه ودخلت في نوبة بكاء شديدة، وقصت عليه حكايتها بالكامل منذ ماتت أمها مروراً بمعاملة زوجة أبيه وزواجها من محمد وقسوة أمه وزواجه عليها والإهانة المستمرة.
عمر (وقد دمعت عيناه): ياااااا كل دا استحملتي يا هند؟
هند: لازم استحمل، أمال ليا مين؟ مانا أبويا ومراته راموني ومليش حد ف الدنيا غيره.
عمر: إنتي طيبة أووووي يا هند، بس ده ظلم كبير.
وفي تلك اللحظة دخلت فوزية وعملت مشكلة في المستشفى، لكن الدكتور عمر طردها بحزم.
ومع الوقت، أدركت هند أن البقاء في هذه البيئة المدمرة هو هلاك لها، فقررت الاستقلال والبدء من جديد. وبالتنسيق مع الدكتور عمر الذي ساعدها بإنسانية بالترتيب لعمل شريف لها في محل بمدينة نصر، خرجت هند وبدأت صفحة جديدة من حياتها معتمدة على نفسها، كسبت رزقها بجهدها، وأصبحت تؤجر غرفة بسيطة على السطوح، بينما بدأ الندم يلتهم قلب محمد الذي فقد زوجة أصيلة لم تُقدر بالشكل اللائق.
وهكذا، تعلمت هند أن القوة الحقيقية ليست بالعنف، بل بالاعتماد على النفس، وأن حق المظلوم لا يضيع أبدًا عند رب العالمين.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
