نور كانت راجعة من المطعم الساعة واحدة بالليل، وفي طريقها قابلها كمين، قالت وهي بتنفخ بضيق: “اوووف إيه ده.. يلا ربنا يستر!” راح الأمين وقال بجدية: “راحه فين يا بت؟” نور بكل ثقة: “مروحة يا باشا.” الأمين بصرامة: “اتكلمي عدل أحسنلك!” نور استغفرت ربنا وقالت: “استغفر الله العظيم.. أنت عاوز إيه يا بني آدم أنت؟”
في اللحظة دي جه الظابط أسد، وبصوت عالي قال: “في إيه هنا؟”
الأمين: “البت دي بتعلي صوتها يا باشا، تقريباً كده عاملة عملة وخايفة منها!”
نور دافعت عن نفسها بسرعة: “أنا مش عاملة حاجة، وبدل ما تتهم الناس باطل، اتعلم الأول تتكلم كويس!”
أسد بص لهدومها وبص لها نظرة فاحصة وقال: “جاية منين يا أواندا دلوقتي؟”
نور بملل وأرف: “من الشغل يا باشا.”
أسد باستنكار: “شغل إيه ده اللي الساعة واحدة بعد نص الليل؟”
نور بغضب ظريف: “وأنت مالك أصلاً؟ هو أنا بستأذنك؟”
أسد بعصبية مصطنعة قال للأمين: “ركبها البوكس، أما نشوف حكاية الهانم دي.”
نور باندهاش: “بوكس إيه يا عم أنت؟ هو احنا راكبين ملاهي؟”
أسد ببرود شاور على العربية وقالها: “ده يا حلوة.. إيه، مش عرفاه؟”
نور بغيظ: “أنا مش راكبة حاجة ولا متحركة من هنا غير على بيتي عدل!”
أسد بتحدي: “ومين بقا اللي قال كده؟”
نور بقوة وثبات: “أنا!”
أسد بص لها وقال بحدة: “على البوكس يا حضرة المهندسة!”
نور ببرود وسخرية: “وليه كده يا باشا؟ مش ممكن والدتي الله يرحمها زي والدتك الله يرحمها برضو؟ ولا هي والدتك أحسن من والدتي في الحكايات دي؟”
أسد اتعصب وقال: “قولي إيه، إنتي بتهزري؟”
نور بسرعة: “عادي يا باشا، أنا أشعرفني، ربنا يخليهالك!”
أسد أمر الأمين: “فتش الشنطة دي.”
نور: “يفتش مين يا باشا؟ ميصحش كده، عيب!”
الأمين أخد منها الشنطة وفتحها، لقى فيها علبة سبراي دفاع شخصي صغيرة وكشاف صغير.
أسد باستغراب: “الله، إيه ده بقا يا حلوة؟”
نور بتلعثم خفيف: “إيييه ده.. ده.. ده جهاز إنذار وكشاف للظلمة!”
أسد شخط فيها: “إيه، انطقي بوضوح!”
نور بلعت ريقها وقالت: “ده سبراي فلفل حامي للحماية الشخصية مش أكتر.”
أسد: “للحماية؟”
نور: “أيوه يا باشا، من عيال الحواري وكلاب السكك والشتوية والظلمة عشان برجع متأخر.”
أسد: “ماااشي.. يلا على البوكس.”
نور: “لا، أنت متعرفنيش ولا إيه يا باشا؟”
أسد: “هنتعرف في القسم كويس!”
