مشيوا على القسم، والأمين قالها يلا تنزل. نور قالت: “هي ليلة مش فايتة!” وراحت على أسد وهو بيقعد وقالت: “طيب يا باشا، طالما أنت مصر أجيب معاك واجب، يبقى على الأقل أركب جوه بالعربية، مستحيل أركب البوكس، أنا كده برستيجي العالي يبوظ في السوق!”
أسد قال بتهكم: “مش عاوزة كمان عربية ملاكي خاصة توصلك لحد باب الشقة؟”
نور: “يا ريت، والله ما أقول لأ، كرمك سابق!”
أسد بقلة صبر: “خدها يا عسكري على القسم وركبها.”
نور رفعت إيديها وقالت: “حسبي الله ونعم الوكيل فيكم، هو الواحد ما يعبرش الشارع براحته ولا إيه!”
بعد شوية وصلوا القسم، أسد نزل وبص لها، وهي نزلت وراه على طول وقالتله: “على فكرة، مش أسلوب ده خالص يا باشا اللي بتعمله معايا، أنا معملتش جريمة!”
أسد مردش ومشي دخل مكتبه. نور بقت تجري وراه وهي بتقول بهمس: “اهدي شوية، أنت إيه، قطار إكسبريس ماشي بسرعة البرق؟ قطعت نفسي!”
أسد سمعها وابتسم ابتسامة جانبية خفيفة، ودخل مكتبه وقفل الباب في وشها.
نور وقفت بره وقالت: “طيب أعمل إيه دلوقتي؟ أدخل وراه، ولا أجري أهرب قبل ما يلتفت؟ ربنا يهدي الجو!”
أسد نادى على العسكري اللي واقف على الباب: “وديها الحجز.”
نور بصدمة: “لا، أنت بتهزر بقا! أدخل الحجز ليه يعني؟ عملت إيه يا جدع أنت؟”
أسد ببرود: “معاكي أداة حادة وأدوات مشبوهة.”
نور ببراءة مصطنعة: “والمصحف ما أعرف أصلاً إنها ممنوعة، أنت شكلك ناوي تلبسني مصيبة وخلاص!”
أسد كتم ضحكته على لسانها، وقال بجدية: “وهي أدوات الدفاع دي مش بتدخل في قضايا?”
نور: “وأنا أشعرفني، أنا أخرتي أفك لغز في الكلية مش أفك قضايا أمنية!”
أسد مردش وقال: “تعالي يا عسكري، نزلها الحجز.”
نزلوا الحجز، وأول ما دخلت، لقت ست شكلها شرير اسمها عطيات، وقفت وقالت: “أهلاً يا حلوة.”
نور بغضب ورفض: “ابعدي عني يا ست إنتي، أنا ناقصة أشكال تعصبني على الصبح!”
عطيات بغضب: “إنتي بتقولي إيه يا بت؟ إنتي اتجننتي ولا إيه؟”
نور بقوة وثقة: “بقولك ابعدي عن قدامي بدل ما أعملها معاكي، أنا دماغي راكبة شمال وناقصة بلاوي!”
واحدة تانية اسمها نبيله دخلت في الكلمة وقالت: “مالك يا بت داخلة فاردة عضلاتك علينا هنا؟ فاكرة نفسك في صالة جيم؟”
نور بصت لها ببرود: “بقولك إيه، إنتي كمان، وفري نصايحك لنفسك.”
نبيله بصوت عالي: “أنا هنا اللي بقول الكلمة، هاتي 50 جنيه رسوم دخول.”
نور بذهول: “نععععم يا عنيا؟ ليه إن شاء الله؟ هواحنا في ترام؟”
نبيله: “علشان لسانك الطويل ده، هندفعك 100.”
نور ضحكت بسخرية: “اقسم بالله أعملكم قلق وأقلبها فوق دماغكم كلكم في دقيقة!”
عطيات قربت: “إيه رأيك بقا هتدفعي 200 عشان صدعتيني بصوتك.”
نور هنا اتعصبت، ومرة واحدة مسكت نبيلة من طرحتها بحركة سريعة جداً ووقفتها في ركن وقالت: “حد له شوق في حاجة تانية؟ الليلة دي مش ناقصة طاقة سلبية!”
الستات كلهم رجعوا لورا في خوف، والعسكري جري بسرعة على الظابط أسد وقال: “يا باشا، البت اللي لسه نازلة الحجز عاملة دوشة وصوتها جاب آخر القسم!”
أسد ضحك وقال: “بنت المجانين دي!” وطلع معاها على تحت، لقى الستات كلهم واقفين في ركن خايفين منها، ونور قاعدة حاطة رجل على رجل.
أول ما شافته قالت بصوت عالي: “نورت يا باشا، القعدة من غيرك ظلمة!”
العسكري قالها: “قومي يا بت اقفي قدام الباشا!”
نور وقفت ببرود وقالت: “خير، الجلسة العرفية بدأت ولا إيه؟”
أسد قال للعسكري: “هاتها وتعالي ورايا على المكتب.”
دخلوا المكتب، وأسد قال للعسكري: “اتفضل بره واقفل الباب.”
نور بسرعة: “لا يا باشا، باب إيه اللي يتقفل علينا؟ الشيطان شاطر، وأنا زي ما أنت شايف قمر وكيوت ومن عيلة كبيرة، وأكيد فيا الطمع يعني!”
أسد بأرف: “حلوة وكيوت؟ دا إنتي كارثة ماشية على الأرض!”
نور: “ومن عيلة كبيرة أوي أوي يا باشا، مش أي كلام!”
أسد: “إنت أسطوانة مش بتخلص؟ اخرسي شوية وبطلي رغي!”
نور: “طلعتلك في البخت يا باشا، تعمل إيه بقى نصيبك كده.”
أسد: “إحنا بنهزر؟”
نور: “هو أنت بتصدق؟ دنا غلبانة!”
أسد: “اقسم بالله أديكي بوكس في وشك يغير معالمك!”
نور: “يا راجل واهون عليك؟ وشي الكيوت ده يتشلفط؟ حررام!”
أسد مسك دماغه من كتر الرغي: “اخرسي خالص ومش عاوز أسمع صوتك.”
نور: “طيب، وبالنسبة للتنفس يا باشا؟ هتعمل فيه إيه؟”
أسد بص لها ورفع حاجبه.
نور قعدت على الكرسي المقابل ليه بكل راحة وقالت: “خلاص يا باشا، أنا كنت عاوزه أدردش معاك وأغير لك مودك، لأني شايفك عصبي وشكلك دايماً مكشر.”
أسد: “أنا قلتلك اقعدي؟”
نور: “ما هو مش معقول هفضل واقفة طول الليل ورجلي توجعني.”
أسد استغفر ربنا وقال: “خليني أمشي بقا يا باشا، تعبانة والله.”
أسد ببرود: “لأ.”
نور: “ليه كده بس؟ هو المزاج اشتغل؟”
أسد: “كيفي كده، ومزاجي كمان.”
نور: “كيفك ومزاجك؟ أنت طلعت من عيلة محترمة ولا إيه؟ طب قول لي أريحك.”
أسد بمكر: “وهتعرفي لوحدك.”
نور: “لا يا باشا، متفهمنيش غلط، أنا قصدي أساعدك في الشغل مش أكتر.”
أسد: “عارفة لو…”
