نور: “والله يا باشا أنا بريئة برائة الأطفال!”
أسد كتم ضحكته بالعافية، وبص في الورق اللي قدامه عشان يهرب من لسانها. نور بصت له وقالت: “تعرف يا باشا؟ أنا حاسة إني أعرفك من زمان.”
أسد ببرود: “بصي قدامك وبطلي كلام.”
نور: “هو احنا ما تقابلناش في حلم قبل كده؟”
أسد بأرف شديد طنشها.
نور كملت: “براحة على نفسك شوية يا باشا، ده أنت في قمة الشباب والمفروض تبتسم للدنيا!”
أسد فقد الصبر: “أنا نفسي أعف إنتي مش بتخرصي ليه في أم الليلة دي؟”
نور: “يا باشا صدقني، أنا من عيلة كبيرة، ومينفعش اللي أنت عامله فيا ده، ورجوعي متأخر كان عشان الكلية والشغل.”
أسد بنفاذ صبر: “طيب، أنا عاوز أشوف حد من عيلتك الكبيرة دي، اتصلي بحد يجي يضمنك ويخرجك بره القسم.”
نور: “لا يا باشا، أنا أحب أعتمد على نفسي في كل المواقف.”
أسد: “أممم، هنجيب ورا بقى ونخاف؟”
نور: “لا طبعا، بس أنا مبيحبش أتعب حد، والدنيا ليل وهما نايمين، يرضيك أقلقهم في وقت زي ده؟”
أسد بصلها أوي مش بيتكلم.
نور: “إيه يا باشا؟ شكلي عجبك ولا إيه؟”
أسد بص لها بحدة.
نور: “عادي يا باشا، ما هو الكل بيعجب بيا، وأنا صراحة مش بعبر حد.”
أسد بسخرية: “لا والله؟ ده مين أصلاً اللي يرضى يبوصلك؟ إنتي مش شايفة نفسك ولا إيه؟”
نور بصت لنفسها في المرايا اللي على المكتب وقالت: “قمر يا نور.. قمر يا قلبي، ما شاء الله عليّ!”
أسد ابتسم غصب عنه وقالها: “اسمك نور؟”
نور: “حلو صح؟”
أسد بعند: “زي الزفت!”
نور: “شكلك غيران مني يا باشا! أي نعم أنت امور وموز وعيونك تججن، بس برضو أنا أحلى وأذكى!”
أسد: “إنتي بتعاكسيني عيني عينك كده؟”
نور: “بصراحة أه، ويلا بقى عشان الفجر يأذن وعاوزة أروح أريح.”
أسد: “مفيش خروج من هنا غير لما تتعرضي على النيابة الصبح في بلاغ رسمي.”
نور بصدمة: “نيابة إيه يا باشا؟ كل ده عشان سبراي دفاع عن النفس؟ اسمحلي أقولك إنك جاي عليّ ومتضطهدني عشان أنا غلبانة!”
أسد قام وقف وقال: “خليكي هنا لحد ما أرجع.”
نور: “هتروح فين يا باشا بعد كل الوعود دي؟ كدة تخلي بيا وتغدر بيّ؟ مكنش العشم!”
أسد: “حلو قوي المشهد التمثيلي ده.”
نور: “عجبك؟”
أسد: “جداً.. اجهزي بقى للي بعده، على ما أصلي الفجر وأرجع لك.” وقفل الباب ومشي.
بعد شوية رجع أسد، وأول ما شافته نور قالت: “بص بقى يا باشا، أنا لازم أمش دلوقتي ومن غير ولا كلمة اعتراض منك.”
أسد: “ده تهديد صريح ده ولا إيه؟”
نور: “أيوه يا باشا عشان الشمس قربت تطلع وأنا مش مسؤولة عن اللي هيحصل في الكون لو القمر مشي والشمس طلعت في وقت واحد!”
أسد بصلها بستغراب وبدأ يفهم جنانها: “مالك يا بت إنتي اتجننتي رسمي؟”
نور: “يا باشا هو ينفع الشمس تطلع والقمر الجميل ده لسه موجود؟ دي كارثة كونية! عموماً أنا حذرتك عشان أخلي مسؤوليتي قدام التاريخ.”
أسد جاب آخره وقال: “اقسم بالله لو ما سكتي لأديكي بوكس في وشك!”
نور ببرود: “بوكس ولا بونيه يا باشا؟ حدد موقفك عشان أبقى فاهمة أنواع الضربات العسكرية!”
في اللحظة دي، الباب خبط، ودخل عسكري ومعاه كيس أكل حطه على المكتب وخرج.
نور: “إيه ده يا باشا؟ أوعى تكون قنبلة وعاوز تخلص مني وتلبسها لي في المحضر!”
أسد: “ثواني وهخلص منك ومن لسانك ده.. يلا افطري وأنتي ساكتة.”
نور: “لا يا باشا، أنا مش باكل من إيد حد بالساهل، وبعدين من أمته الحنينة دي؟ دنا حارق دمك من الصبح!”
أسد: “اتطري وأنتي ساكتة أحسن لك.”
نور: “مستحيل.. ادفع الأول، دنا حسابي في البنك بالملايين!”
أسد بيحاول يستحمل: “خلاص، اعزميني أنتِ يا ست الهانم.”
نور: “عيب عليك يا باشا تبقي ملو هدومك كده وأعزمك، اعتبره بيتك!”
الباب اتفتح فجأة، ودخل شخص باين عليه الهيبة والوقار.
نور قامت بسرعة وقالت: “الحقني يا باشا.. الحقني يا حكومة.. الحقووووني يا ناااااس!”
أسد اتصدم: “في إيه؟!”
اللواء شكري دخل وقال بجدية: “في إيه يا بنتي، مالك بتصرعي كده ليه؟”
نور جريت عليه وقالت: “الباشا الصغير ده يا باشا مبهدلني ومعذبني من امبارح، وكمان دخلني الحجز والستات هناك شتموني وعملوا عليّ حفلة، وكل ده ومكفاهوش، ده قعدني في القسم سهرة للصبح، أنا معتش فيا حيل يا باشا، أنا بقيت خريطة جروح!”
اللواء شكري بص لأسد بصة طويلة، وأسد قال بذهول: “أنا؟! أنا عملت فيكي كده يا كدابة؟!”
نور: “هو أنا هتبلى عليك يا باشا؟ ما أنت شايف بعينك!”
اللواء شكري ابتسم بهدوء وشاف الأكل اللي على المكتب، وهو عارف أخلاق أسد كويس مستحيل يعمل كده، فقال بهدوء: “اسمك إيه يا بنتي؟”
نور: “نور الجوهري يا باشا.”
أسد: “إنتي ليكي عين تنطقي باسمك كمان؟”
اللواء شكري: “لا يا أسد، سيبها تتكلم.. إيه اللي جابك هنا في الوقت ده أصلاً؟”
نور: “الباشا جابني بالليل وغصب عني ومش راضي يمشيني وأنا معملتش حاجة غلط، ولا بغلط في الداخلية ولا غيرها، دي ناس محترمة.. إلا حضرتك طبعا يا باشا منور القسم!”
اللواء شكري ضحك وقال: “طيبة أوي.. طب بتشتغلي إيه؟”
نور: “بشتغل في مطعم يا باشا عشان أصرف على نفسي.”
اللواء شكري بإعجاب: “تشتغلي وأنتِ صغيرة كده؟ ومبتخافيش وأنتِ راجعة بالليل؟”
نور بحزن صادق: “أعمل إيه يا باشا، والدي الله يرحمه.. ووالدتي الله يرحمها.. متوفيين.”
اللواء شكري اشفق عليها جداً وقال بحنان أبوي: “ربنا يرحمهم يا بنتي.. بس برضو خطر ترجعي لوحدك متأخر.”
نور: “الصبح بكون في الكلية، وبعد الظهر في التدريب، وبليل في المطعم.. أهو عيشة نقضيها بالحلال بدل ما أسرق.”
اللواء شكري ابتسم: “ما شاء الله عليكِ، بنت بمليون راجل.. يلا يا أسد خلص إجراءاتها وخلها تمشي.”
أسد أومأ برأسه احتراماً للّواء.
اللواء شكري وهو ماشي طلع كارت وقالها: “ده رقمي يا نور، لو احتجتي أي مساعدة في أي وقت كلميني فوراً، اعتبريني زي أبوجي.”
نور مدت إيديها وأخدت الكارت وقالت: “تسلملي يا فندم، مع إني محبش أكون طماعة ولا أبقى مديونة بجميل لحد.”
اللواء شكري ضحك وطبطب على كتفها وخرج.
