أسد بص لها وقال بغيظ: “خلصتي تمثيل؟ يلا في داهية بره!”
نور خرجت من القسم وهي بتتنطط، وأول ما طلعت بره الشارع، لقت توكتوك ماشي بسرعة خبط ست كبيرة كانت معدية.
نور جريت عليه وقالت بغضب: “أنت أعمى ولا إيه؟ مش تفتح يا متخلف!”
السواق بغضب: “وأنا مالى؟ هي اللي كانت ماشية نايمة في الشارع!”
نور: “هي مين دي اللي نايمة يا محترم؟ بدل ما تنزل تتأسف للست وتشوف حصل لها إيه!”
السواق نزل من التوكتوك وقال: “احترمي نفسك يا بت وإنتي بتكلمي مين!”
نور بسرعة البرق قربت منه وبحركة ذكية خلته يخبط في التوكتوك نفسه من غير ضرب ولا جرح، وجريت على الست العجوزة باشتها وقالت: “حصلك حاجة يا أمي؟ أوديكِ للدكتور نتطمن؟”
السواق اتقهر وجاي يهجم عليها، فنور صرخت بأعلى صوتها، فالأمن بتوع القسم طلعوا جري على الصوت ومسكوا الاتنين ودخلوهم جوه تاني عند أسد!
أسد فتح باب المكتب وقال: “إيه الدوشة دي على الصبح؟ في إيه تاني؟!”
نور بصت له وقالت ببرود: “نسيت أقولك صباح الخير وأنا خارجة، فرجعت تاني ألقي عليك التحية.”
أسد بنفاذ صبر: “تعالي هنا.. في إيه؟”
السواق وهو بيعيط: “يا باشا، البت دي بوظت لي التوكتوك وبهدلتني!”
نور: “كداب يا باشا، أنا كنت بدافع عن الست الطيبة دي، وهو ماشي يسوق برعونة!”
أسد: “بسسس.. خلصونا، مين غلطان ومين صالح التاني؟”
نور قربت من السواق وقالت له بصوت هامس: “تعمل صلح وتعتذر للحجة فوراً، ولا أعمل فيك بلاغ وأقول إنك كنت بتعمل فضيحة في الشارع وهتحبس سنين؟”
السواق اتخض وقال بسرعة: “خلاص يا باشا، أنا متنازل، وحقها على عيني وراسي!”
أسد بصلها بدهشة من قدرتها العجيبة على إثارة وإدارة الأزمات في ثواني.
الست دعت لنور وقالت: “ربنا يبارك لك يا بنتي ويحفظك من كل شر.”
نور باست إيد الست وودعتها برة القسم، وبعدين رجعت لأسد وقالت: “عن إذنك بقى يا باشا، ورايا محاضرة مهمة في الكلية ومش فاضية لسهراتكم اللذيذة دي.”
أسد: “إنتي ليكي عين تتكلمي بعد اللي عملتيه بره؟”
نور: “أنا مجرد مواطنة صالحة بتحب تفرض القانون بطريقتها الخاصة!”
في اللحظة دي، دخل ظابط شاب خريج جديد اسمه عثمان، وقال بصوت عالي: “صباح الخير يا باشا!”
نور لفتت وشافت عثمان، وقالت بصوت مسموع: “يا حلاوة! هو القسم بينزل عروض أزياء ولا إيه؟ إيه الجمال ده!”
عثمان بص لها بتهكم: “احترمي نفسك يا آنسة وإنتي بتكلمي الضباط!”
نور: “يا خلاصي على الأسلوب الجميل والبدلة البيضا! دنا كان نفسي أدخل الشرطة بس خسارة، العائلات الكبيرة رفضت!”
أسد بغيظ: “اخرسي يا نور وأعدلي لسانك!”
نور لفتت لعثمان وقالت: “أنت اسمك إيه يا قمر أنت؟”
عثمان ببرود: “عثمان.. إنتي مين أصلاً؟”
نور بغرور مصطنع: “أنا المهندسة نور، خريجة بتقدير، مش زيك شكلك دخلت بالواسطة!”
عثمان اتجنن: “إنتي نهارك أزرق معايا!”
نور: “ياريت يكون منقط بأصفر عشان بحب الألوان المبهجة!”
أسد قام وقف وقال: “براااااا! امشي من قدامي أحسن لك بدل ما أحبسك بجد!”
نور جریت على الباب وقالت: “باي باي عثمان.. باي باي يا باشا!” وقفلت الباب وراها وجريت.
خرجت نور من القسم، وهي ماشية في الشارع، لقت شاب طايش اسمه هاني بيضايقها في الكلام ويقول: “ماله القمر واقف حيران لوحده كده ليه؟”
نور بصت له بأرف: “غور يا ابن الناس من وشي، أنا مش ناقصة إزعاج على الصبح!”
هاني ضحك باستفزاز: “على مهلك يا ست هانم، ما تكبري دماغك.”
في اللحظة دي، أسد كان مراقبها من عربيته من بعيد بفضول، وشاف هاني وهو بيضايقها. نور بعدت عنه بكل عزة نفس وقالت بصوت عالي: “ابعد عن طريق يا عديم الأدب، الحتة كلها عارفة أخلاقي كويس، ومش أنت اللي هتقيم بني آدمين!”
هاني اتعصب ومسك دراعها بعنف: “بتقولي مين عديم الأدب يا بت؟ دنا هعلمك الأدب!”
نور بسرعة الحركات الفدائية، وبحركة دفاع عن النفس سريعة جداً خلته يسيب إيده وهو بيأوه من الوجع، وقالت له: “إياك تمد إيدك مرة تانية، دنا أشتكيك في القسم!”
أسد كان هينزل من العربية يتدخل، بس شاف قوتها وشخصيتها المستقلة فرجع يتفرج بابتسامة إعجاب.
هاني بغضب جه يهجم عليها تاني، فالحارة كلها اتلمت وشدوه بعيد عنها وهو بيزعق: “وربي ما هسيبك يا نور، والأسبوع الجاي هكتب الكتاب غصب عن الكل!”
نور بصت له ببرود وسخرية: “تتجوز مين يا بني آدم؟ دنا لو آخر بني آدم في الكون ما أبص في وشك!” وسابتهم ومشيت وهي مرفوعة الراس.
أسد ضحك بصوت عالي وقال لنفسه: “دي بمليون راجل.. والله مش سهل إن واحدة تقف قدام كل دول لوحدها.” ومشي بالعربية وراها عشان يتطمن إنها وصلت بيتها سالمة.
طلعت نور شقتها وهي على آخرها من التعب، فتحت الباب لقت أم فاروق جارتها بتقول بفضول: “كنتِ فين يا بنتي لغاية دلوقتي؟”
نور بملل: “معلش يا أم فاروق، ورايا مشاغل الدنيا.. عن إذنك مستعجلة!” ودخلت وقفلت الباب في وجهها وقالت: “حاجة تأرف، كل الناس مراقباني!”
رمت نفسها على الكنبة بتعب، وعيطت شوية من ضغط اليوم، وبصت لصورة والدها ووالدتها على الحيطة وقالت: “ياريتكم أخدتوني معاكم وريحتوني من الدوشة دي..”
لكنها بسرعة مسحت دموعها وقالت لنفسها: “قومي يا نور، اللي خلف ما ماتش، وراكي مستقبل ودراسة!”
قامت غيرت هدومها ونزلت على الكلية وهي بتقول: “كله بسبب الظابط الرخم ده!”
وصلت الكلية، قابلت صديقتها ميرنا اللي قالت لها: “أخيرًا جيتِ يا بنتي، كنت فين؟”
نور: “سيبيني يا ميرنا، يوم أسود من قرن غزال!”
قعدوا المحاضرة، وبعد ما خلصت، التليفون رن برقم غريب. نور كسلته، رن تاني كسلته، رن للمرة التلاتة.
ميرنا: “شوفي مين، يمكن حد مهم بيسأل عنك.”
نور بسخرية: “حد مهم مين؟ ده أنا من عيلة كبيرة أصولاً!”
ميرنا ضحكت: “يا بت بطلي الاسطوانة دي بقى!”
نور ردت بحدة وغضب: “أيوه مين يا سيدي؟ مزهقتش اتصال من الصبح؟ أعوذ بالله!”
أسد على الناحية التانية كان سامع صوتها وبيببتسم بخبث: “بنت المجانين دي.. دي طريقة رد ناس محترمة؟”
نور: “الو! مين معايا؟”
أسد بصوت هادئ ومستفز: “بنت العيلة الكبيرة قوي قوي بتقفل في وش ظابط الشرطة؟”
نور اتفاجئت وقالت: “يا إلهي.. هو أنت؟!”
أسد ضحك بصوت عالي: “أيوه أنا.. ولسه هخليكي تلفي حوالين نفسك طول اليوم!” وقفل السكة في وشها.
نور بغيظ فظيع: “آآآه يا رخم يا بارد!”
ميرنا بفضول: “مين ده؟”
نور بصوت شارب: “واحد أصله قليل الذوق وعارف عني كل حاجة!”
بعد ساعات في الشركـة، التليفون رن تاني، نور فتحت وقالت: “يا سيدي الفاضل.. اسمع يا اخ أنت، غور من وشي وأياك تتصل تاني وإلا أبلغ عنك في قسم الشرطة!”
صوت من الجانب التاني قال بجدية: “البمهندسة نور.. المهندس طارق عايزك في مكتبه حالاً.”
نور اتفشلت وقالت بصوت واطي: “احم.. حاضر يا عم أحمد، جايّة حالاً.”
ميرنا بغمزة: “أووه.. البشمهندس طارق بنفسه! حني يا بنتي على الغلبان اللي هيتجنن بحبك!”
نور وهي ماشية: “يا بنتي اتجوزي وخلينا نخلص.. أنا مش فاضية للحب والقطط العاطفية دي!”
راحت خبطت على باب مكتب البشمهندس طارق، ودخلت وقالت بثقة: “أهلاً يا بشمهندس.”
طارق بابتسامة واسعة: “أهلاً بقمر الشركه كلها، نورتِ المكتب يا نور!”
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
