يعني يوم ما اتجوز اتجوز خرسة.. مالها يعني الخرسة مش إنسانة زينا؟ وصدقني هي دي اللي هتصلح حالك.
لا يا ماما، مش هتجوزها. وبعدين اشمعنا دي اللي ماسكة فيها؟ ما في بنات كتير حلوين.
ده آخر كلام عندي يا حمزة. ياريت تكون جاهز الساعة 7 عشان هنروح نقابل الناس.
حمزة: مش رايح أنا. يبقى روحي لوحدك.
مامت حمزة: هنشوف كلام مين اللي همشي.
دخل حمزة الأوضة وهو مضايق من مامته: يعني يوم ما أقول أتجوز تقولي خرسة؟ مستحيل دا يحصل، دا على جثتي.
اعرفكم.. حمزة شاب طايش، كل همه الخروجات وبس، رغم إنه متخرج من كلية هندسة، بس فلوس والده موجودة فطبيعي يصرف منها.
خالد، والد حورية: فين حورية يا هنا؟
هنا: جوه في الأوضة يا بابا.
خبط على الباب ثم دخل.
خالد: حبيبتي بابا، بتعملي ايه؟ رفع وشها، كانت بتعيط. مالك يا حورية؟
حورية بنت جميلة جدًا وهادية، عيونها بني، شعرها أسود، بشرتها صافية، ملامحها بريئة جدًا. هي خرسة، بس ده بسبب صدمة حصلت في حياتها. بس بتسمع عادي.
حورية جابت ورقة وكتبت فيها: خايفة يا بابا العريس يرفضني زي كل مرة.
الأب: متخفيش يا حبيبت بابا، هيكون هو الخسران، عشان مش هاخد الجوهر بتاعنا.
حورية بدموع وهي بتكتب: مش عايزة أشوفه يا بابا، مش عايزة أسمع كلام يريق زي كل مرة. عارف يا بابا إني نفسي ألاقي اللي يحس بيا وبوجعي.
ضمها لحضنه وطبطب على ضهرها: كله هيبقى تمام، ويلا بقى اجهزي عشان الناس على وصول.
حورية هزت دماغها بمعنى آه. خرج والدها وهي قامت اتوضت وصلت فرضها.
مامت حمزة: يلا يا حمزة عشان نمشي.
حمزة: مش رايح أنا. أنا حر.
مامت حمزة: خمس دقايق تكون جاهز.
حمزة: يوه بقى.
لبس حمزة ونزل مع مامته. بعد شوية وصلوا.
خالد: أهلًا وسهلًا، نورتونا والله.
حمزة ببتسامة: أهلًا بيك يا عمي.
خالد: اتفضلوا اقعدوا.
مامت حمزة: أمال فين عروستنا؟
خالد: يا هنا، هاتي أختك وتعالي.
هنا: حاضر يا بابا.
خرجت حورية وكانت شبه الملائكة، كانت لابسة فستان وعليه خمار.
حمزة أول ما شافها وقف، هو مذهول من جمالها.
مامت حمزة: طب نسيبهم لوحدهم.
خالد: آه طبعًا، اتفضلي.
حمزة: احم، ازايك؟ آسف، عارف إنك مش هتسمعيني، بس انتي قمر أوي بصراحة.
حورية جابت ورقة وكتبت فيها: الحمد لله، سمعتك على فكرة. شكرًا.
حمزة أخد الورقة وكان محرج جدًا: بس ازاي؟ أنا ماما قالت إنك يعني…
حورية كتبت: إني خرسة، عارفة. بس أنا بسمع كويس، اطمن. يعني قول اللي عندك، أنا متعودة على كده. ولو انت رافض قول عادي، مش هتفرق، كده كده أنا عارفة ردك هيكون ايه. عن إذنك.
حمزة أخد الورقة قرأ اللي فيها، بس في الوقت ده حورية خرجت.
ها يا حمزة، ايه اللي حصل؟
حمزة: كل خير يا عمي. نقرأ الفاتحة.
مامت حمزة بفرحة: مبروك يا قلب أمك.
هنا جريت على حورية: حورية يا حورية، الحقي.
حورية شاورت بإيديها بمعنى ايه؟
هنا: حمزة بيقرأ الفاتحة مع بابا.
حورية استغربت وطلعت، كانت هتقول لا، بس شافت فرحة باباها وأختها، شافتهم مبسوطين، اكتفت إنها تبتسم وتدخل تاني.
مامت حمزة: رضيت بيها يعني؟
حمزة: مش عارف يا ماما، أول ما شوفت حسيت بحاجة جوايا، خطفتني من نظرة عيونها، من كلامها حسيت إنها ضعيفة ومحتاجة حد جنبها.
مامت حمزة: ربنا يكملك على خير يا حبيبي.
مبروك يا حبيبتي.
حورية جابت ورقة وكتبت: بابا، أنا رافضة، هو ازاي وفق؟ أكيد دي شفقة منه ليا.
خالد: متفكريش كده، الناس مش زي بعضها. دا بيرن عليا.
الو، أي يا حمزة؟ حصل حاجة؟
حمزة: كنت عايز أقول لحضرتك إني أكتب الكتاب بكرة.
خالد: آآآي.
حورية شاورت بإيديها بمعنى ايه؟
خالد: طب يا ابني، هاخد رأي حورية وهبلغك.
حمزة: تمام يا عمي، مستني ردك.
خالد قفل مع حمزة.
هنا: خير يا بابا؟ في حاجة حصلت ولا رفض، حورية؟
خالد: لا، بالعكس، دا عايز يكتب الكتاب.
حورية اتصدمت وجابت ورقة وكتبت فيها: ازاي يعني يا بابا؟ دا أكيد صعبت عليه ولا حاجة، أنا مش موافقة يا بابا.
خالد: بصي يا بنتي، صوابع إيدك مش زي بعضها، وهو شاب كويس وعايزك، أهو يعني شريكي يا بنتي، وأنا شايف إنك توفقي عليه. فكري وردي عليا.
هزت دماغها بمعنى حاضر.
خالد: أسيبك بقى ترتاحي شوية.
حورية قبل ما باباها يخرج مسكت إيده وجابت ورقة وكتبت فيها: أنا موافقة يا بابا.
الأب فرح جدًا وأخدها في حضنه: مبروك يا حبيبتي، يلا تصبحي على خير.
بعد ما خالد خرج، حورية دمعها نزلت على حظها، وبينها وبين نفسها: أنا وفقت بس عشان بابا بس. يا ترى حياتي الجاية فيها ايه؟ وحمزة ازاي رضي بيا كده؟ رغم إنه شكله بتاع بنات. يارب نور طريقي يارب. ونامت.
تاني يوم خالد رن على حمزة.
السلام عليكم.
حمزة: وعليكم السلام، خير يا عمي.
خالد: احنا موافقين يا ابني، تقدر تجيب المأذون وتيجي.
حمزة بفرحة: بجد يا عمي؟ يعني حورية وفقت؟
خالد بضحك: آه وفقت، بسرعة بقى قبل ما تغير رأيها.
حمزة: دا أنا هاجي في صاروخ عشان خاطر حورية. سلام يا عمي بقى عشان ألحق أجيب المأذون.
خالد: سلام يا حبيبي.
حمزة: ماما يا ماما.
مامت حمزة: أي يا حبيبي؟ في ايه؟
حمزة بفرحة وهو ماسك إيد مامته وبيلف بيها وبيقول: وفقت يا ماما، وفقت.
مامت حمزة: بجد يا حبيبي؟ ربنا يتمملك على خير. بس يا حمزة، انت بجد بتحبها زي ما بتقول ولا في حاجة تاني في دماغك؟
حمزة: بصي، أنا جوايا حاجة بس مش فاهم ايه هي، بس أنا فرحان أوي.
مامت حمزة: ربنا يسعدك يا حبيبي، يلا بقى اجهز يا عريس.
هنا: قمر يا حورية، ما شاء الله عليكي.
حورية اكتفت إنها تبتسم، كانت ملامحها هادية ومش حاطة ميكب كتير. كانت لابسة فستان أوف وايت وعليه خمار نفس اللون.
وصل حمزة ومامته وكام شخص من أهله.
خالد بابتسامة: أهلًا أهلًا، نورتونا يا جماعة. بعد الترحيب والسلام.
حورية خرجت وكانت ملائكية بمعنى الكلمة.
بارك الله لكما وبارك عليكما وجمع بينكما في خير.
حمزة قرب منها باس على جبينها: مبروك يا حورية.
حورية بابتسامة، جابت ورقة وكتبت: الله يبارك فيك.
حورية سلمت على باباها وعلى أختها ومشيت هي وحمزة.
حمزة أخد حورية وطلع على الشقة، فتح الباب، اتصدم أول ما شاف بلالين والشقة مزينة. تليفونه رن، دي ماما.
حلوة المفاجأة يا حبيبي؟
