البارت الأول
في أحد الأحياء الراقية، ومن داخل فيلا فاروق صفوان، تطرق الخادمة هند باب غرفة نوم الهانم الكبيرة.
عنايات: ادخلي يا هند.
تدخل الخادمة وتضع الفطار للمدام وتقولها:
هند: يا ست هانم، زين بيه منتظرك تحت من بدري. أنا جهزت له الفطار ورفض وطلب فنجان قهوة وقال لي لما تصحي أبلغك إنه عايزك ضروري، وسأل عن الهانم الصغيرة.
عنايات: ليه مصحتنيش أول ما وصل؟ وتقوم تلبس روبها. هي يمني هنا ولا راحت كليتها؟
هند: لا يا ست هانم، الهانم الصغيرة من ساعة ما خرجت الفجر مع أصحابها مرجعتش لحد دلوقتي.
عنايات بذعر: ليه؟ هي الساعة كام دلوقتي؟ وليه خرجت متأخر أوي كده؟ وتبص لساعتها تلاقيها ٧ صباحًا. بس إيه جاب زين دلوقتي؟ يارب خير. بقولك إيه يا هند، خدي الفطار نزليه تحت، أنا هفطر مع زين، وشوفي فاروق بيه هيفطر معانا ولا هيفطر بالشركة.
هند: فاروق بيه مش عايز يفطر وهو قاعد مع زين بيه بالمكتب، وطلب فنجان قهوة زيه، وطلب مني أطلعلك الفطار وأبلغك بحضوره وتروح تشيل الفطار وتاخده وتخرج.
عنايات تاخد شاور سريع وتلبس وتنزل تقابل زين وتدخل مكتب جوزها فاروق صفوان وتشوف زين تاخده بالحضن.
زين يحضنها بحب: ازيك يا عمتي؟ هو أنا لو مجتش سالت عليكم محدش منكم يسأل عليا؟ نسيتوني خلاص؟
عنايات: ازاي أنساك؟ ده أنا اللي مربياك، بس يا حبيب قلبي. أنا كنت مسافرة أنا وعمك ولسه راجعين امبارح. هو انت مقولتلوش ليه يا فاروق ولا ايه على موضوع سافرنا؟
فاروق: طبعًا قولتله، وليه حق يزعل. انت وعدتيه ووعدتي أخوكي وفيق من مدة تسافري تقعدي معاهم يومين انتي وبنتك، لا روحتِ ولا اعتذرتِ ليهم، وتستاهلي زعله منك.
عنايات: انت بكلامك ده هتزعل زين مني، وهو عارف إنه ميمنعنيش عنه غير الشديد القوي ده الغالي ابن الغالي.
زين: أنا عارف ومقدر يا عمتي، بس خلاص ملكيش حجة. زفاف خلود الأسبوع الجاي، وأنا حبيت أعزمكم بنفسي على الفرح وتقعدوا معانا يومين انتي ويمني وعمي فاروق بيه. ايه رأيك؟ أحسن فرصة نتجمع فيها زي زمان.
فاروق: لا، انساني أنا كلها بكرة ومسافر تركيا لصفقة أنسجة، وهغيب أسبوعين، يعني مش هقدر أحضر. الفرح عندك عمتك تعوض غيابي، وبلغ عمك أسفي وعدم قدرتي على الحضور، وخليه يسامحني، وقوله إني هعوضهاله بزيارة ليه خصوصي لما أرجع من السفر، وهاجي أبارك للعروسة إن شاء الله.
زين: طيب يا عمي، أنا ليا عندك طلب أتمنى مترفضوش. السنادي آخر سنة دراسية ليمني، وكلها كام شهر وتتخرج، وأنا طلبتها كذا مرة وانت وعدتني لما تخلص دراستها هتمم خطوبتنا رسمي، وأنا طلبي إننا نخلي الفرحة فرحتين، وتوافق على الخطوبة لحد ما تخلص دراستها ونتمم الزفاف.
فاروق يرتبك: أكيد يا زين، أنا مقدرش أرفض طلبك، مش هلاقي ليمني حد أحسن منك. بس يا ابني، يمني مش بتفكر بالارتباط دلوقتي، وبتفكر في مستقبلها ودراستها وبس، وانت عارف إنها بنتي الوحيدة ومش عايز أفرض عليها حاجة هي رفضاها. اصبر كلها كام شهر وتتخرج، وساعتها هنتمم الخطوبة.
زين: خلاص مفيش مشاكل، وأنا واثق في كلمتك ليا يا عمي، من إن يمني هتكون من نصيبي. أومال هي فين؟ منزلتش تسلم عليا ليه؟ هي مش عندها كلية النهاردة ولا ايه؟
عنايات بتوتر وارتباك: لا يا حبيبي، هي طلعت رحلة مع أصحابها بالكلية وهترجع كمان يومين. بقولك إيه، أنا مفطرتش، تعالي افطر معايا واحكيلي عن شركتك وأخوك عامل معاك ايه.
زين: ماشي يا عمتو، ويقبل راسها باحترام. اسمحيلي الأول أطلع أوضتي يا عمتي أغير وآخد شاور وأنزل افطر معاكم. لو كنت أعرف إن يمني مسافرة كنت أجلت زيارة حضوري لحد ما ترجع بالسلامة، بس يسعدني أقعد معاكي انتي وعمي.
فاروق: وأنا علشان خاطرك هقعد النهاردة معاك ومش هروح الشركة. يلا اطلع خد الشاور بتاعك وإحنا بانتظارك.
زين: شكرًا يا عمي.
وياخد شنطته ويطلع لأوضته ويلاقيها زي ما سابها آخر مرة من سنتين، زي ما هي. ويفتكر أول يوم جه عاش معاهم هنا، كان من ١٢ سنة، بعد موت أمه حسرة لما عرفت بجواز أبوه عليها من واحدة تانية، وجت سلمت ابنها لينا بعد ما عرفت إن مفيش ميراث لابنها.
ويرجع بالذكريات لليوم المشئوم اللي خسر فيه أمه، لكن قلبه يتذكر قصة حب أمه وأبيه التي كانوا دائمًا يتحدثون عنها أمامه. أمه كانت بنت من عائلة ثرية جدًا، وأبيه كان مهندسًا في شركة من شركات أبيها. وبعد عدة لقاءات بينهم صارحها أبي بحبه لها، وكانت أمي تبادله نفس الشعور، ليتقدم لها وأهلها يرفضون بشدة لعدم وجود التكافؤ الاجتماعي بينهم. لكن أمي أصرت وتركت بيت أهلها لإرغام أهلها على الموافقة، ولأنها كانت بنتهم الوحيدة رضخوا لها وتزوجوا بمباركة أهلها. ولكي يليق أبي بهم في وسطهم الاجتماعي أعطوه شركة من شركاتهم كجزء من نصيب أمي في الميراث، وقبل ما تمر ٣ سنوات أصبحت شركة أبي من أكبر الشركات الهندسية، وأصبحت عائلة أمي فخورة به وبدأ أبي في تكوين ثروته.
التي هي بالأساس من مال أمي، واشترى أرضًا وتركها لعمي وفيق يزرعها ويصبح بسببها من أعيان البلد، وزوج عمتي عنايات لشاب فقير لأنه مقتنع أن الحب ليس عليه سلطان، ودائمًا كان يوصيني أن أتزوج من أحب لأنه هيكون سبب لنجاحي. وبعد أن بلغت الـ١٣ بأيام توفي أبي إثر سقوطه من مبنى سكني تحت الإنشاء.
وبعده بست شهور على وفاة أبي تحضر سيدة تطلب مقابلة أمي، ويظهر من مظهرها ولبسها أنها امرأة لعوب، واستقبلتها أمي بكل ترحاب، لتصدمها بأنها زوجة أبي ولها منه ولد يبلغ من العمر ٦ سنوات، وطلبت بميراثها في أملاك أبي ليها ولابنها حمزة اللي ثبت بالأوراق أنه أخي، وهي زوجته تزوجها من ٧ سنوات. وكانت صدمة لأمي أصيبت على إثرها
بجلطة ماتت بعدها بشهرين. واكتشفنا بعد موت أمي أنها طليقته وليست زوجته، وأنها كانت نزوة عابرة لأبي، وتزوجها فقط لمدة شهر حتى لا يصبح ابنه منها ابن حرام، وأعطاه اسمه وعائلته ينتسب، لكنها لما يردها لعصمته مرة أخرى بسبب إحساسه بالذنب في حق أمي،
