
وتكفيرًا لذنبه في حقها كتب كل ثروته باسم أمي. وبعد موتها أصبحت أنا الوريث الوحيد لكل أملاك أمي وأبي، وأصبحت مليونيرًا في سن صغير، لكني يتيم الأب والأم، ولي أخ أنا مسؤول عنه. وطلبت عمتي بالوصاية عليا تلبية لرغبة أمي قبل وفاتها، وعشت معاها في منزلهم الصغير جدًا لضيق حال زوج عمتي فاروق صفوان. وأخذ عمي أخي حمزة ليرببه، وكانت يمني بنت عمتي في الثامنة من عمرها، وتربينا سويًا. ولثقتي
في زوج عمتي تركت لها ثروتي يديرها ويأسس لها منه عمله الخاص، وأكون شريك له بالمال وهو بالمجهود. وكبرت أعمال شركة زوج عمتي، وبعد ثلاث سنوات انتقلنا للفيلا التي يقيمون فيها الآن، وتم تخصيص غرفة خاصة لي احتفظت بها رغم عدم إقامتي معاهم منذ سنتين، وانتقلت لفيلتي الخاص أنا وأخي الذي أصبحت وصيًا عليه. ويتذكر كل ذكرياته مع يمني وأمنيته في أن تصبح زوجة له، لكنها في السنتين الأخيرتين أصبحت تبعد عنه وتتحجج بدراستها كل ما يطلب منها اتمام خطوبتها رسمي.
ويدخل ياخد شاور ويلبس ترينج رياضي مريح ويخرج للفراند يستنشق نسيم الصباح، ويتصدم لما يشوف يمني نازلة من عربية شاب هو عارفه كويس، لأنه في عيد ميلادها الأخير.
يمنى: اسمع، انت ملكش دعوة بيا أو بمظهري. انت مش واصي عليا ولا ليك عندي حاجة، ومتحرضش أهلي عليا، أنا حرة.
زين بغضب: لا انت مش حرة، انت خطيبتي، يعني في حكم مراتي. واسمعي، لو محترمتيش نفسك ورجعتي في تصرفاتك اللي بتقل منك، أنا هتجوزك وهعرف أحكمك كويس.
يمنى تضحك بهستيريا: انت بتحلم. من المستحيل إني اتجوزك. أنا بحب كريم وهو بيحبني، ومش هتجوز غيره، فاهم؟
زين: انتي بتقولي ايه؟ يعني ايه هتتجوزي كريم؟
يمنى: يعني كريم اتقدم لبابا وهو وافق، بس بيراعي مشاعرك المتطفلة عليا. مش معنى إنك وقفت جمب بابا بمالك تبقي اشتريتنا. لو عندك كرامة تقبل رفضي ليك بصدر رحب، وانت عارف كويس إن الجواز قسمة ونصيب.
زين: أنا عمري ما طلبت مقابل مساعدتي لأبوكي، وعمرك ما هتكوني الثمن. أنا بحبك ومن زمان وطلبتك كتير. ويروح لأبوها: ليه يا عمي مقولتليش إن بنتك رفضاني؟ ليه يا عمتي تخليني صغير أوي قدام نفسي؟ أنا آسف ليكي يا يمني، وطبعًا ليكي حرية اختيار شريك حياتك، بس أنا ليا سؤال: ايه سبب رفضك ليا رغم صداقتنا؟
يمنى: يوه، انت مش شاب روش؟ كل دماغك حسابات وأرقام. أنا عايزة حبيبي يكون رومانسي وأكون أنا أهم ما في حياته قبل ماله وشركاته. انت عايز تتجوز واحدة تحسب وتعد اللي بتكسبه. قولي هتتمتع امتى بمالك وهتصرفه على مين وانت متعرفش يعني ايه حياة؟
زين: مش هنكر فعلًا إني كده، لأني مستنيكي أشوف الدنيا في عينيكي. كاره متعتي من غيرك، حرمت نفسي من كل السعادة علشان أعيشها وياكي، لكن الظاهر إنك محستيش بيا، علشان كده مقدرتيش كل اللي كنت بعمله وهعمله ليكي.
يمنى: فعلًا أنا مش قادرة أحبك. دائمًا شايفة نفسي ثمن لكل خدماتك لأهلي، وده سبب كرهي الارتباط بيك.
زين: وأنا مش هفرض نفسي عليكي، وتقدري تختاري اللي يناسبك وهفرحلك. ويطلع: أنا آسف يا عمتي، مش هقدر أفطر معاكم، بس ياريت تمنعي بنتك من الانحدار الأخلاقي وتخليها تحافظ على نفسها وكرامتها وتصون اسم عيلتها اللي بتمرمطه في الأرض بأفعالها الغلط.
ويطلع أوضته ويقفلها بغضب، ويقول لنفسه: بقى ده جزاء حبي ليكي يا يمني؟ الإهانة والاستهتار بمشاعري؟ بكره تندمي لما تعرفي إنك ضيعتي حبي الكبير مقابل نزواتك.
ويغير هدومه وينزل ويبصلهم كلهم بحسرة ويخرج من غير ولا كلمة.
يمنى وهي بتترنح: لأنه حبيبي وهتجوزه وافق. انت واحنا نتجوز من بكره، وكده أحسن للكل إني صرحت لزين برفضي ليه، مش هيذلنا بماله، انت خلاص مش محتاجه.
فاروق: لأنك غبية. مش حكاية محتاجه أو لأ، ده واحد لولا هو عمري ما كنت غني ولا عندي شركة ورجل أعمال شهير.
يمنى: وعايزني أنا أدفع ثمن جميله معاك؟ آسفة يا بابي، أنا إنسانه وحرة وليا شخصيتي المستقلة اللي أقدر بيها أختار الإنسان اللي يشاركني حياتي، مش مقابل رد جميل. وكفاية كلام وملامة، أنا تعبانه وعايزة أنام. واسمعوا، أنا هخرج أسهر بليل والأسبوع الجاي طالعة رحلة سفاري مع كريم.
عنايات: خلصتي كلامك؟ اسمعيني بقى، خروج وسهر تاني مفيش. ولما تخلصي دراستك ابقي اتجوزي اللي انت عايزه أو تتحرقي بجاز. والأسبوع الجاي هتسافري معايا الصعيد نحضر زفاف بنت خالك وفيق، واعملي حسابك إنك لو مسافرتيش معايا واعتذرتي من ابن خالك زين، هخلي أبوكي يحرمك من كل حاجة، لا عربية والكريديت كارت ولا لبس وفسح، فاهمه؟
يمنى بغضب: كل ده علشان ابن أخوكي؟ بس بردو مش هسافر، واللي انتي عايزه تعمليه اعمليه. تصبحوا على خير.
صعدت إلى غرفتها ثم دلفت إلى المرحاض كي تأخذ حمامًا دافئًا يزيل عنها آثار سهرتها الماجنة. بعد أن أخذت حمامها خرجت منه وهي ترتدي البورنص، وحين همت بأن تنزع ملابسها رأته من خلال انعكاس المرآة يدخل من الفراند. ذهبت مسرعة إلى الباب لكي تغلقه في وجهه وتمنع دخوله، إلا أنه دفعها وقبل أن تصرخ وتستغيث بأهلها وضع يده على فمها لكي يخرسها.
يتبع
بسبب زين وتدخل، تاخد شاور يفوقها وتخرج وهي لابسه البورنص وتروح لدولاب ملابسه تطلع بيجامة تنام فيها، تلمح شخص يتسلل من الفراند لتسرع وتغلق بابها بوشه، لكنه يزقها ويدخل الغرفة، وقبل أن تصرخ يضع يده على فمها.
كريم: اسكتي، هتفضحينا. هشيل إيدي واهدي واسمعيني.




