
يمنى تبصله بغضب وهو بيشيل إيده: انت ايه طلعك هنا؟ وبطريقة الحرامية دي؟ انت اتجننت؟ اتفضل اطلع بره.
كريم: في ايه يا يمني؟ أنا بنفذ كل اللي بتطلبيه مني، حتى لما طلبتي أبوسك لما وصلتك وشوفتي ابن خالك في الفراندا وطلبتي نمثل عليه إننا على علاقة ببعض وشديتي إيدي وحطتها هنا، مرفضتش رغم إني عارف لو ابن خالك كان مسكني ساعتها كان قتلني. كل ده عملته إرضاء ليكي، مع إني كنت هروح في تمثيلية لكني قبلت علشان بحبك.
يمنى: شيل إيدك، انت هتستهبل؟ أنا طلبت منك كده علشان يفقد فيا الأمل وميحسبش نفسه وصي عليا ويبعد عني ونقدر نتجوز بعد ما بابا يقتنع إن زين صرف نظر عن الجواز بيا. لكن إنك تلمسني وتتجرأ تدخل أوضتي بالشكل ده، أنا مش هقبل بكده أبدًا. واتفضل اطلع بره بدل ما أفضحك وساعتها مش هيبقى في جواز بينا يا أستاذ كريم.
كريم: أنا مكنش قصدي حاجة، بس انتي نسيتي شنطتك في العربية، ولما جيت أرجعها ليكي سمعت كلامك مع ابن خالك وهجوم مامتك وباباكي عليكي، فضلت ما ادخلش لتحصل مشكلة. ولما رجعت لعربيتي لقيت ابن خالك خارج بعربيته، قلت أجي أرجعلِك شنطتك. بصراحة فضلت أدخلك بالطريقة دي.
يمنى تبعد عنه وتبصله بغضب وتقوله: اطلع بره يا كريم، وخلي وعدك ليا إنك عمرك ما هتفكر تلمسني غير لما أكون مراتك قدام عينيك، علشان لو فكرت تاني تطلب اللي طلبته دلوقتي اتأكد إن فكرة ارتباطي بيك هتبقي مستحيلة. أنا عايزة أتجوزك وأنا فخورة بنفسي وراسي مرفوعة، ومحدش كسرني أو أخد حاجة مني مش من حقه، فاهم؟
كريم: وأنا فخور بيكي وسعيد إنك محافظة على نفسك علشاني، وهتوهبيني نفسك يوم زفافنا وهكون أول راجل يلمسك. ويبصلها برغبة لكن يمنع نفسه عنها خوفًا من خسرانها. بس عارفه يا يمني، لو كانت دي تمثيلية عليا، أنا كمان وبتمثلي عليا الشرف، مش هتتصوري هعمل فيكي ايه، هفضحك.
ويخرج من الفراند زي ما جه، وهي تقفل الباب وراها وتقفل الستارة وتقلع البورنص وتبص لنفسها بالمرايا بزهو.
يمنى: صحيح أنا ظهرت ليك إني ساقطة يا زين، لكني أطهر من بنات كتير بينافقوا أهاليهم بطاهرتهم وهما ساقطين. أنا جسمي هيفضل طاهر للزوجي وحبيبي، هو الوحيد اللي ليه حق يملكه. بسببك يا زين اتغصبت وخليت كريم يلمسني تمثيل قدامك علشان تفقد الأمل فيا وتصرف نظر عن الارتباط بيا، بس خلاص مش هتتكرر تاني بعد ما فهمت إني رفضاك وكارها ارتباطي بيك. واللي هيلمسني بعد كده هيكون بالحلال وشرع ربنا.
وتلبس بيجامتها وتدخل تنام وهي سعيدة بنفسها.
وفي المساء تصحى يمني وتنزل تتعشى معاهم وهي صامتة.
عنايات: ايه يا هانم؟ مش قد المقام تعبرينا وتتكلمي معانا؟
يمنى: أتكلم ايه وأكلم مين؟ وأنا شيفاكم بسبب ابن أخوكي مقلوبين ضدي. مكنتش أعرف إنه عندكم أهم من بنتكم الوحيدة. يارب أموت وأريحكم مني.
فاروق بغضب: يمني اخرسي. احنا لو بنحب زين بنحبه لأنه راجل بجد، ومفيش حد هيقدرك ويحبك ويصونك زيه. يمكن انت شيفاه راجل عملي، لكن مش ملاحظة إنه اتيتم من أمه وأبوه في سنة واحدة؟ صحيح معاه المال، لكن افتقد الحب وخزن كل ده ليكي، عايز يعيشه معاك، لكن انت مبتفهميش.
يمنى: يوه، أفهم ايه؟ أنا مش بحبه وربنا ما بحبه. أنا مش شايفاه غير إنه بنك متحرك ليكم ولعيلته كلها. لكن أنا مش عايزه، عايزة إنسان أحس معاه إني ملكة على قلبه وحلم حياته، مش بنت حبها ويقدر يشتريها بماله زي ما بيعمل معاكم.
فاروق: انتي بقيتي وقحة. مش معنى إننا بنعترف بجميله علينا يبقي اشترانا. يا كلبة، ما ينكر الجميل إلا خاين العشرة. عايزاني خاين يا يمني؟ ويمسك إنسيالها اللي في إيدها: شايفه ده وده وده؟ وكلك على بعضك كله من مال زين. لولا ثقته فيا ووقفته جمبي مكنتش خرجت من شقة الشرابية اللي فوق السطوح، وكان أكبر أحلامك تجيبي شنطة أو فستان جديد.
يمنى: يمكن كلامك صح، لكن على الأقل هعيش عيشة أهلي وأحتفظ بعزة نفسي. لكني دائمًا شايفة زين اشترانا كلنا بماله، ومحدش منكم قادر يعصيه أو يزعله. قول عني معقدة، لكنه إحساسي، أنا حتى مش قادرة أتعامل معاه كابن خالي.
عنايات: بطلي هبل. أبوكي شريكه مش شغال عنده، ولو زين كان سبب في اللي احنا وصلنا ليه، لكن أبوكي بمجهوده وتعبه كبر نفسه وشركته أصبحت أرباحه تنافس أرباح مجموعته.
يمنى: أما هو كده ليه؟ عايزين تراضوه على حسابي وتجوزوني ليه رغم إنكم واثقين إني مش بطيقه ولا بحبه؟
فاروق: لأنك إنسانه متخلفة وغبية، وفعلًا مستاهليش واحد زي زين يعبرك. روحي لكريم اللي عايش على مال أبوه، بكره لما يزهق منك هيدور على غيرك، لأنه مش هيعرف قيمتك ولا هيقدرك ولا يحافظ عليكي ويصونك.
يمنى: أيوه كريم بحسه وبحبه وقلبي اختاره. ليه بتلوموني على اختياري؟ وانتي لما اتجوزتي بابا وكان فقير خالو وافق لأنه مقتنع إن الحب أساس الحياة السعيدة. وأنا مليش سلطان على قلبي، هو اللي اختار، وبيكره حب زين ليا وسيطرته عليا.




