يعني إيه هتتجوز؟ هو ببرود: حقي كراجل أتجوز مرة واتنين وتلاتة وأربعة كمان.
بصتله بصدمة وعدم استيعاب للكلام اللي بيقوله، دا إستحالة يكون ياسين اللي بيتكلم كدا. إيه اللي حصل لكل ده؟
أنا مريم، ودا ياسين ابن خالتي وجوزي في نفس الوقت. متجوزين من 5 سنين، كان جوازنا عادي، جواز قرايب. كنت برفض بس مع ضغط أهلي وافقت، لحد ما وافقت، بس حبيته وأبقى أهم حد عنده، خصوصًا بعد ما خلفنا حمزة ابننا.
مريم ببكاء: ليه يا ياسين؟ أنا قصرت معاك فيه إيه؟ بقالنا 5 سنين متجوزين، مش المفروض إنك بتحبني؟
ياسين ببرود: زهقت يا مريم، حقي أعيش حياتي. جوازنا كان جوازة قرايب وأهلنا هما اللي ضغطوا علينا علشان نتجوز، بس خلاص مبقتش قادر أتحمل الوضع ده، حقي أتجوز واحدة بحبها وأختارها.
لملمت مريم شتات نفسها وتمسح دموعها وترفع رأسها بكبرياء له قائلة: حقك طبعًا يا ياسين، أنت صح ودا حقك طبعًا، وأنا مش هعارضك.
لتقترب منه تحتضنه قائلة بابتسامة خبيثة: ألف مبروك يا حبيبي، ربنا يتمملك على خير.
لتتطلع أمامها وهي تضمر كل خير بداخلها لياسين وعروسه، ليحتضنها ياسين بدوره وهو يفكر في رد فعلها وتقبلها للأمر بسهولة، ولكن بداخله خوف كبير منها ومن هدوئها هذا. لتتركه مريم وتغادر بإتجاه غرفة ابنها حمزة لتراه جالسًا على الأرض يلعب بألعابه ويرسم بالألوان، لتقترب تجلس بجواره تقبله وتلعب معه، وهي تعد الخطة لهم.
بعد مرور يومين من تحدثهم بشأن زواجه، كانت مريم جالسة تلاعب ابنها في الصالة، فاقترب منها ياسين وطلب منها أن تبتعد عن حمزة ليتحدثوا سويًا.
ياسين: مريم، عايز أتكلم معاكي شوية جوه.
لتومئ له مريم وتذهب خلفه لغرفتهم، مريم وهي تجلس على الكرسي المقابل للسرير الجالس عليه ياسين.
مريم بهدوء: خير يا ياسين.
ياسين بريبة: أنا خدت ميعاد من أهل البنت اللي هتجوزها، والميعاد النهاردة الساعة 8 بالليل.
مريم بابتسامة عريضة: ألف مبروك يا حبيبي، أنا طبعًا جايه معاك أنا وابنك، مستحيل نسيبك في يوم زي دا لوحدك أبدًا، وهعرف خالتوا كمان.
ياسين بخوف من رد فعل أمه: هي ماما تعرف بخبر جوازي؟
مريم بخبث: آه طبعًا عرفت وفرحانة جدًا بالخبر دا.
أومئ ياسين وبداخله قد تأكد أن أمه وزوجته اتفقتا عليه وانتهى الأمر. تركته مريم وغادرت الغرفة ودخلت غرفة أخرى لتتصل بخالتها منى والدة ياسين.
مريم: أيوه يا خالتوا، ابنك رايح يخطبها النهاردة.
منى: دا بجد بقى الموضوع؟ طيب وحياة أمه زي ما هنياه على الجوازه دي.
لتصرخ مريم في وجهها: ابنك هيتجوز عليا يا منى، شوفيلي حل.
منى: ما خلاص يا بنت الهبلة، قولت هتصرف. اسمعي هقولك ايه وتنفذيه بالحرف.
لتصغى مريم لحديثها وتومئ برأسها له، ثم أنهت معها المكالمة وقامت للتنفيذ فورًا، فلم يبقى سوى عدة ساعات ليذهبوا لخطبة أخرى لزوجها.
عند الساعة السابعة مساءً كان ياسين قد ارتدى ملابسه وجهز نفسه للتقدم لفتاة أخرى. كان يحمل ابنه على رجله يلاعبه حتى سمع صوت خطوات خلفه، ليقوم وهو يحمل ابنه ليراها أمامه بجمالها وملامحها الأكثر من رائعة، وهذا الفستان الذي ترتديه فكان أكثر من رائع عليها.
لتلاحظ مريم نظراته لتقترب منه بخطوات واثقة من نفسها وهي تحمل ابنها منه، وكل ذلك وهو مازال شاردًا بها.
مريم بدلال: مالك يا ياسو مسهم كدا ليه؟
ليفيق لنفسه وهو يسير أمامها قائلة بتوتر: لا مفيش حاجه، يلا بينا.
لتذهب خلفه مريم وهي تبتسم بخبث: آه طبعًا، يلا بينا، بس هنروح نعدى على خالتوا الأول.
ليومئ لها ويغادروا منزلهم ليذهبوا لمنزل منى ويأخذوها لمنزل العروس الجديدة. بعد ركوب منى السيارة تحدثت مريم موجهة كلامها لمنى.
مريم: خالتوا، فاكرة خالد ابن عمى اللي كان مسافر بره؟
منى: آه طبعًا فاكراه، دا كان ونعم الشباب، مش كان تقريبًا ليكى؟
لتنظر مريم بطرف عينيها لتجده منتبه للحديث وعلى وجهه علامات الإنزعاج.
مريم: آه كان اتقدم لبابا بس رفضت لأنى كنت لسه في أولى جامعه. المهم لما كنت عند ماما من كام يوم قابلته هناك، كان لسه راجع من السفر وقالى إنه هيفتح شركه هنا خاصة بيه، وعايزنى أشتغل معاه في قسم الترجمه، فقولتله هفكر وأرد عليك. إيه رأيك؟
منى: والله يا بنتى أنا رأي توافقى، خصوصًا وإنك كان نفسك تشتغلى في المجال اللى بتحبيه، واهى الفرصة جاتلك لحد عندك.
لينفجر أخيرًا البركان الجالس بجوارهم قائلًا بعصبية: وأنا إيه؟ كيس جوافة جنبكم؟ مليش رأى؟
ثم وجه نظره لمريم قائلًا: رايحه تأخدى رأي خالتك؟ وأنا لا، مفيش شغل نهائي.
لتنظر له مريم ببرود: والله دا شئ ميخصكش. سبق واتنازلت عن شغلى ومستقبلى وفى الآخر إيه؟ خسرت. هشتغل يا ياسين، وإلا قسماً بالله أنا أخربلك جوازتك دى، وأنت عارف إنى أقدر.
ياسين بعصبية: قولت مفيش زفت شغل.
مريم: هنشوف الكلام دا بعدين، ركز في السواقة لتعمل حادثة وتروح للعروسة متجبس ولا حاجه.
لينظر لها ياسين بغيظ ثم ينظر أمامه ويكمل سواقة حتى وصلا لبيت العروس، لينزلوا من السيارة. لتنظر منى للبيت وكأنها تتذكر شئ، ثم نظرت لياسين بعصبية وصدمة.
منى بهدوء أولًا: العروسه اسمها ايه يا ياسين؟
ياسين بتوتر: اسمها سارة إبراهيم.
لتنظر له منى بعصبية وغيظ: جاى تتجوز اللى رفضتك زمان يا ياسين، وراحت اتجوزت واحد غيرك أغنى منك يا غبى.
ياسين بهدوء: اتطلقت وجيت اتجوزها لأنى لسه بحبها.
لتقوم منى بصفعه على وجهه بشدة، لينظر لها ياسين بصدمه، وتشهق مريم هي أيضًا بصدمه.
ياسين بصدمة: بتضربينى يا أمى؟ أول مره تعمليها.
منى بعصبية: وأعملها تانى وتالت لحد ما تفوق من اللى بتعمله، ورايح تتجوز البنت اللى رفضتك قبل كده وضيعت كرامتك، وأنت دلوقتى بتخرب بيتك وبتضيع مراتك وابنك من ايدك.
ياسين بهدوء: أنا عارف يا أمى أنا بعمل ايه، يلا نطلع وقفتنا هنا غلط.
منى: هنطلع يا بنى، بس اسمع لينا كلام تانى لما نخلص من الموضوع ده، وأعرف أنا مش جايه معاك أنت، أنا جايه أقف مع بنتى.
ليومئ لها ياسين بدون كلام ويصعدوا بإتجاه شقة سارة. بعد دخولهم وجلوسهم غرفة الجلوس، كانوا جالسين مع والد ووالدة سارة.
والد سارة إبراهيم: أهلًا يا بنى، نورتونا.
ياسين بهدوء: أهلًا بيك يا عمى، هدخل في الموضوع مباشرة، أنا جاى وطالب ايد بنت حضرتك على سنة الله ورسوله.
إبراهيم بخبث، فهو يتذكره أنه سبق وتقدم لها ولكنه رفضه لأنه لم يكن ذاك الشاب الذى يستحق أن يتزوج ابنته، فهو يريد شاب يملك المال، أما الآن فهو صاحب شركة استيراد وتصدير لها اسمها في السوق.
إبراهيم بخبث: دا شئ يشرفنا يا بنى، أنا عن نفسى موافق. هنادى سارة ونشوف رأيها.
ليقوم ويذهب لينادى سارة ليأخذ رأيها، لتمتم منى بصوت خافت: دلوقتي موافق لما بقى معاه فلوس؟ راجل خبيث صحيح.
ثم انحنت تجاه مريم الجالسة بجوارها تشاهد ما حدث بقلب مقهور، ولكنها وجهها جامد، ما يحدث أمامها من ضياع زوجها وحبيبها وسيصبح لأخرى، ولكنها أقسمت لتذيقه ما فعله بها أضعاف، فهى ليست تلك الضعيفة التى تبكى عليه وتطلب الطلاق، ستفعل هذا بالطبع ولكن بعد أخذ حقها منه.
منى بهمس لمريم: اعملى اللى اتفقنا عليه فاهمه؟
لتومئ لها مريم بهدوء وهي تبتسم لها بخبث.
لتدخل سارة بجوار والدها الغرفة وخلفها والدتها أمينة، لتجلس سارة بجوار والدها ووالدتها.
