السلام عليكم ورحمة الله وبركاته
انا ارمله في الثلاثينات من عمري ، زوجي ټوفي من سنه تقريبا ، هو مش كان زوجي وبس لأ ، ده هو حب عمري وكنا بنحب بعض فعلا زي روميو و جولييت كده .
ټوفي زوجي وهو في حضڼي وكان اصعب يوم في حياتي .
حاليا عندي مشكله كبيره وهي ان اي راجل متجوز بيتشد ليا و عندي جاذبيه شديده جدا خصوصا لاي راجل متجوز فعليا .
اغلب الطاقه الي جوايا بحولها لحب و مشاعر ، و عندي حالة من العطش للمشاعر و للاسف بتعامل بطبيعتي مع الناس .
و معرفش ليه اي حد ابقي بتعامل معاه بطبيعتي ف مجال شغل او اي حاجه الاقيه بدأ يدخل ف اتجاه تاني خالص .
انا بجد عايشة مشكلة كبيرة في الموضوع ده ، يمكن فعلا محتاجه اعوض الحرمان الشديد لجوزي حبيبي الي اتاخد مني فجاه لكن في نفس الوقت مش عايزه اعرف اي راجل متجوز !!
لكن ڠصب عني ساعات يبقي نفسي اترمي في حضڼ حد زي ما كنت ايام جوزي !!
غاب عني اوي شعور الامان اللي كنت بحس به .
كنت متعودة اني اكون محور اهتمام .
بس مش قادره اشوف حبيبي ف اي حد تاني بعد جوزي .
انا بستغرب ان الناس مديين لنفسهم حق امتلاكي .او اني بما اني بقيت ارمله يبقي في تجاوزات كتير ف حياتي !!
للاسف انا مش عايزه اتجوز و مش عايزه اغلط و مش عايزه احب حد تاني .
لكن جوايا طاقه حب و مشاعر كبيره جدا مش قادره اوظفها ف حاجه .
عارف لما تبقي بتصحي كل يوم بتدور علي حد تقوله بحبك اوي ووحشتني و ابقي عايزه اعمل اي حاجه عشانه .
عارفة ان مشاعري متلخبطة لكن انا بقول اللي حاسة به بمنتهي الصراحة . مش قادره اركز ف اي حاجه ف حياتي غير في الموضوع ده اللي واخد قدر كبير اوي من تفكيري .
عندي استعداد اسعد اي راجل في الدنيا بدون مقابل .
مجرد نتكلم و اسال عليه بحس اني ملكه .
لكن انا لا قلت لحد بحبك و لا غلطت و لا اتعاملت مع اي حد خارج اطار الاحترام ، الفكره كلها والله اني روحي حلوه و بحب اعمل كل حاجه بحب اوي .
مش عارفه اعمل ايه ؟!! الناس بجد بقت وحشه اوي اوي !!
انا اسفة يا استاذ عادل عبد الله لو كنت طولت في رسالتي لكن بجد حسيت اني محتاجة افضفض واخرج كل اللي جوايا وياريت تنشر رسالتي يمكن الاقي حل لمشكلتي بين تعليقات المتابعين لصفحتك ، والف شكر .
