لما لقاها قالت بخوف: انت مين وعايز ايه، خليك بعيد عني أحسن والله هأذيني.
راضي اتسعت عنيه بذهول وقال بسرعة: اهدي يا مدام أرجوكي، أنا من طرف والدتك.
البنت قالت بغضب: ما تقولش والدتي وما تقولش مدام.
راضي بصلها بحيرة وقال في نفسه: دي شكلها اتلخبطت من الصدمة ولا إيه. وبعدين بصلها وقال: طيب حاضر مش هقول كده، ممكن تهدي بقى وتنزلي اللي في إيدك.
البنت قالت بزعيق: خليك مكانك، واخلص قول انت مين وعايزين مني إيه.
راضي اتنهد وقال بضيق: المفروض انتوا اللي عايزين، أنا مش فاهم مالك، على أساس إنك فاهمة كل الموضوع وموافقة.
نزلت السكينة وقالت باستغراب: انت بتقول ايه؟ موافقة على ايه؟
راضي حرك إيديه وقال: البيبي الوريث.
بصتله باستغراب أكبر من كلامه وقالت: بيبي ايه وهباب ايه، انت اهطل يلا.
راضي قال بدهشة: اهطل؟ شوفي بقى عشان نخلص من غير قلة أدب، والدتك جايباني هنا عشان حضرتك تبقي حامل في خلال شهر، يعني مفيش وقت للكلام بتاعك ده، إحنا ورانا تدريب مستمر ومحتاجين لكل دقيقة.
بصت له بصدمة من كلامه وقالت: انت بتقول ايه؟ إياك تقرب لي، إياك، هصوّت وهعمل لك مصيبة.
راضي قال بضيق: لا، ما هو اختاري، يا تصوّتي يا تسمعيني، لأن زي ما قلت لك مفيش وقت. شوفي أنا مقدر إنك زعلانة على المرحوم جوزك، وفعلاً اللي عايزين يعملوه ده غلط، بس انت ما كانش لازم توافقي من الأول وترجعي تندمي بعدين.
قالت بزعيق: أندم ايه وجوز مين؟ أنا ما أعرفش الناس اللي بره دول، أنا مخطوفة هنا.
راضي اتسعت عنيه بصدمة وفضل واقف يبصلها بدهشة شديدة.
تحت جنب البيت كانت ثريا واقفة بتشرب سيجارة ونجيب جنبها.
قال بزهق: احنا هنفضل في البرد ده لامتى؟
ثريا قالت بضيق شديد: مش هينفع نمشي، أحسن يعملوا حاجة كده ولا كده.
نجيب اتنهد وقال: احنا هنستفيد ايه باللي عملناه ده؟ أكيد البنت هتحكي له كل حاجة ومش هيقرب لها.
ثريا ابتسمت بخبث وقالت: هي هتحكيله كل حاجة، بس مش هيقدر ما يقربش منها.
عند راضي كان قاعد وحاطط إيده على دماغه ومش مصدق اللي بيحصل، والبنت كانت بتحكيله وبتقول ببكا: أنا كنت طالعة من الجامعة، الناس دول خدّروني وجابوني هنا، أنا ما أعرفش حد منهم.
راضي اتنهد وقال باستغراب: أمال ايه الفيلم الطويل العريض اللي حكوهولي ده؟ أنا مش فاهم حاجة.
البنت قالت بدموع ورجاء: أنا عايزة أرجع لأهلي لو سمحت ساعدني.
راضي ابتسم وقال: أكيد هساعدك. هو انت اسمك ايه؟
قالت بدموع: سهر، اسمي سهر.
راضي وقف وقرب منها وقال: اسمك حلو قوي يا سهر. وبعدين بلع ريقه بارتباك وهو يبص لعيونها بقوة شديدة.
سهر ارتبكت قوي ورجعت خطوة لورا.
راضي قرب عليها أكتر وقال بهمس: ما تخافيش، أنا هساعدك وهارجعك لأهلك.
وحط إيده عليها وقال بهمس: بس يعني كلك نظر.
سهر دفعت إيده وقالت بارتباك: احم، أنا مش فاهمة حضرتك عايز ايه.
راضي قرب أكتر وقال: لا انت فاهمة، وحلوة قوي.
سهر كانت بترتجف من الخوف ولسه هتبعد، شدها عليه.
سهر بقت تصرخ وتحاول تبعد عنه بس مش قادرة خالص، وقالت بغضب وخوف: ابعد عني يا حيوان، سيبني، سيبني.
سحبت تحفة فنية تقيلة مصنوعة من الأحجار الصغيرة كانت على الكومود، وضربته بيها بقوة.
راضي اتجمد وبقى يبص لعيونها بذهول وقال بألم شديد: ااااه، انتي عملتي ايه؟
ولسه هيقف وقع من طوله على الأرض، ووجبينه بينزف.
سهر حطت إيدها على بقها بذهول من اللي حصل، وقربت عليه بخوف تشوفه عايش ولا لأ.
كانت مرعوبة جدًا وفاكرة إنه مات.
طلعت من الشقة ونزلت جري، بس رجعت من عند السلم بذهول لما سمعت صوت نجيب وثريا وشافتهم لسه واقفين، خافت يشوفوها، حطت إيدها على بقها وطلعت جري لفوق تاني.
دخلت الشقة ورجعت عند راضي وقعدت على الأرض وهي بتبص له وبقت تبكي مش عارفة تتصرف ازاي.
بعد شوية، راضي فاق وهو حاطط إيده على دماغه بصداع شديد وقال بألم: ااااه، ايه اللي حصل؟
بس اتصدم لما افتكر اللي كان بيعمله، وافتكر إنها ضربته على دماغه.
قال بذهول: ايه اللي أنا هببته ده؟ البنت فين؟
شاف الباب بتاع الأوضة مفتوح، لسه هيجري يشوفها، بس لمحها بطرف عينه عند الحيطة.
رجع اتلفت لها بسرعة، كانت نايمة على الأرض وحاضنة رجليها عليها.
راضي اتنهد بارتياح وقرب منها وقال: سهر، سهر، سمعاني؟
سهر فتحت عينيها بتوهان ورجعت نامت تاني بتعب.
راضي اتنهد وشالها حطها على السرير ونام جنبها بتعب شديد وهو مش مصدق اللي عمله، ومستغرب ايه سبب اللي عمله.
بس جه في باله وقت ما كان بيتفق مع ثريا وجابت له عصير وقالت له اشرب العصير الأول هيساعدك.
غمض عينيه بغضب شديد وبقى يبص لها بحزن، كانت لسه بترتعش من الخوف.
قربها عليه بقوة وحنية.
سهر مسكت فيه وهي مش حاسة بأي حاجة، لحد ما راحوا في النوم هما الاتنين.
في صباح يوم جديد، قامت من النوم لقيت نفسها في حضنه، اتسعت عينيها بصدمة ورجعت لورا بخوف.
راضي فتح عينيه أول ما بعدت بالطريقة دي وقال: صباح الخير.
سهر بصت له كأنها شايفة شبح قدامها، وضحكت ضحكات خفيفة بذهول وسعادة وقالت: انت عايش؟ عايش؟ أنا ما كنتش.
راضي ضحك وبصلها وقال: قتلتيني حتة واحدة، على العموم يا ستي أنا امبارح كنت أستاهل.
سهر بصت لنفسها وللسرير ولكل حاجة حواليها وقالت بقلق: انت عملت حاجة وأنا نايمة؟ ايه اللي حصل؟
راضي قرب منها وقال: انسى اللي حصل، أنا امبارح ما كنتش في وعي، وأسف جدًا. قومي معايا يلا هارجعك عند أهلك.
سهر بصتله بسعادة ووقفت وقالت: بجد؟ بجد هتوديني؟
راضي ثبت عيونه عليها.
سهر استغربت نظراته وقالت: ها، ايه؟ بسألك هتوديني ولا لأ؟
وبتبص مكان ما بيبص، شهقت بشدة وضمتها عليها بذهول وبقت تبص قدامها وعيونها مفتوحين على آخرهم.
