منوعات

طلقني يارعد

هتفت بقهر: بس أنا مش غلطانة، انت اللي طلعتلي فجأة. حرام عليك، ايه الافترا ده؟

قال بتكبر: هتعتذري وإلا نطلع عالقسم، أهبدل أمك.

ابتلعت ريقها ونظرت إليه بقهر: أنا آسفة، حقك عليا.

نظر إليها بشماتة: طب يلا من هنا بقى، بلاش قرف. وتركها وصعد عربته.

فانفجرت في البكاء: حسبي الله فيك يا شيخ، منك لله. واستدارت وعادت إلى بيتها.

دخلت بيتها لتسمع صوت زوجة أخيها: ايه المعدولة؟ راجعة إيد ورا وإيد قدام؟ ايه يا حيلتها؟ ما لقتيش شغل؟

تنهدت خديجة: لا يا وفاء، أعمل ايه؟ بدور لسه.

قالت وفاء: من ساعة ما خدتي الشهادة، ال… ايه العالية وسياتك قاعدة؟

هتفت خديجة: ما أنا لسه واخداها يا وفاء، ما لحقتش. كام شهر وهنزل اشتغل. أنا حرام عليكي، مش هشتغل أي حاجة ولا ههين نفسي. بابا كان راجل محترم. أنا مقدمة في كذا مكان، إنما محلات لا.

هتفت وفاء: ما انت وش فقر، كنا هنتنغنغ. إنما نقول ايه؟ كتي هتتجوزي جوازة سقع وتنجدينا من القرف ده.

تنهدت خديجة: قرف ايه يا وفاء؟ ما حنا زي الفل أهو. واتجوز واحد قد أبويا وعرفي كمان واحدة عندها اتنين وعشرين تتجوز واحد خمسين سنة.

قالت وفاء بقرف: بس كان هيجبلك شقة وعربية.

قالت خديجة: آه، وكان عايز أقلع الحجاب وأمشي أتمسخر معاه وأقل أدبي ويديني قرشين أبيع نفسي يعني؟

هتفت زوجة أخيها: هو انت ما بتزهقيش من القرف والنغمة دي؟ كان هيديكي شقة وعربية وفلوس واخوكي هيديله فلوس. إنما أقول ايه؟ منك لله، فقرتينا. خشي ياختي يلا نضفي الحتة، أنا طبخت، مش خدامة عندكو أنا.

تنهدت خديجة ودخلت تغير ملابسها وتخرج لتكمل شغلها فأنهته ودخلت تنام.

يدخل أخوها لتهتف وفاء: حمد الله عالسلامة حبيبي، خش.

قال بتعب: الله يسلمك. أمال فين خديجة؟

قالت بخبث: هتكون فين؟ نايمة من الصبح. هي بتعمل حاجة غير إنها تنام؟ يلا خليني ساكته.

ليتنهد: معلش حبيبتي، خلاص، ربنا يخليكي لينا.

قالت: خش غير، علي ما أحضر الأكل. لتدخل إلى خديجة لتوقظها: قومي ياختي، أما ناكل. الخدامة بتاعتك أنا.

تنهدت خديجة وقامت تضع معها الأكل.

فقال محمد أخوها: ايه يا خديجة؟ وفاء بتشتكي منك ليه؟ ما تمشي أمورك.

لتتنهد خديجة: الله يسامحك يا وفاء، هو أنا عملتلك حاجة؟

قالت وفاء: آه، اتمسكني، هو أنا هتبلي عليكي؟ دا ايه ده؟ لترزع الأكل: والله ما قعدالكو بقى. لتقوم وتدخل حجرتها.

نظر أخوها إليها بغضب: هو كل يوم غم؟ ما فيش مرة تسكتي؟ دا بقت عيشة مرار. وتركها وقام يراضي زوجته.

سالت دموعها: يا رب، تعبت، أنا تعبت. أعمل ايه؟ لتقوم وتدخل حجرتها، كانت لا تخرج منها من الأساس. لتدخل على موقع الوظائف، فوجدت وظيفة خالية في شركة استيراد وتصدير تطلب مساعد محاسبين وسكرتارية، لتعتزم أن تقدم فيها لعلها تجد مخرجًا تصرف به على نفسها ولا تتعرض لذل أخيها وزوجته.

في الصباح استعدت خديجة، كانت تلبس ملابس محتشمة، كانت جميلة وتمتلك ملامح هادئة. ذهبت إلى الشركة، ليتم تعيينها. فكانت مجتهدة وتأخذ كثيرًا من الكورسات، لتعين تحت التمرين لمدة ستة أشهر كتدريب، لتسعد كثيرًا وتبدأ العمل بجدية في تلك الشركة.

مرت الأيام وهي تعمل بجد وتجتهد، ليعجب بها رئيسها ويسند إليها أعمالًا ويزيد من تعليمه لها، فهي ذكية ومتفوقة وتتحمل الشغل الصعب. كانت فتاة مجدة ومخلصة، ولم يكن يؤرقها إلا تجاوزات أحد المدراء، ويدعى شريف، الذي ما إن لمحها حتى كرس نفسه لمطاردتها، ولكنها كحائط سد، لتردعه وتسمعه أصعب الكلمات وتشتكيه لمديرها، ليبعده عنها.

كان مازن يجلس في مكتبه، ليدخل عليه ابن خالته شريف.

شريف: ايه؟ هنسهر النهاردة فين؟

هتف مازن: أي حتة، أنا زهقان.

هتف شريف: طب ايه؟ هكلم ميرا تيجي معاك.

قال مازن بتأفف: لا، ميرا ايه؟ أنا فكستلها، زهقت، عايز وجه جديد.

هتف شريف: على قولك، الواحد زهق. بس أقول ايه؟ منها لله، بنت الجزمه مش راضيه تيجي سكه. أعمل ايه؟ متغاظ.

هتف مازن: مين يا واد اللي تيجي سكه؟ اتهبلت؟

ليهب شريف: اسكت يا واد يا مازن، أووز حتة بونبونة متغلفة. نار بنت الإيه، لابسه شوال بس حاجة كده تخبل.

هتف مازن: يا سلام، حلوة قوي كده؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى