منوعات

طلقني يارعد

قال شريف: حلوة؟ ليقع على الكرسي، دا نار يا معلم. خدود ايه؟ بعيون ايه؟ والا يا واد، أنا ما شفتش مزة جامدة كده. كتكوت صغنن.

هتف مازن: شوقتني، ودي لقيتها فين يا بن الدايخة؟ وماجاتش سكه ليه؟

هتف شريف: عشان بومة، بنت جزمه فقرانة.

ليهتف مازن: ازاي؟

ليهتف مازن: طب فكك منها، تتفلق.

هتف شريف: ما أنا نفسي أفك، بس طول ما هي قدامي ما بتحملش. البت نار، بنت الجزمه، نفسي أطولها.

قطب مازن جبينه: قدامك قدامك فين ياض؟

ليهتف: بتشتغل يا سيدي مع السكري بتاع المحاسبة، بت موس قشاط، شغل وقطر، ما بتبصش لحد.

لمعت عين مازن: انت شوقتني يا واد.

لوى شريف فمه: اترزي، بقلك أنا ما عرفتش أطولها.

ضحك مازن: عشان خفيف. إنما أنا ما فيش واحدة بتعدي من تحت إيدي.

هتف شريف: لا والنبي، ايه؟ اتنيل، اتنيل، بدل ما تتكبس.

هتف مازن: واللي يوقعها تعمل ايه؟

ليهتف: مش هتقدر، البت مش بتاعه كده.

هتف مازن: طب يا سيدي، أنا بقى هعرفك إن مازن جامد مش خفيف زيك. وجلس يفكر في تلك الجميلة.

كانت خديجة تصعد لأحد الأبواب لتدفعه، فاصطدمت بأحد الأشخاص، ولم يكن إلا حمزة. ليقطب جبينه ويتذكرها، ليهتف بقوة: انت بتعملي ايه هنا؟

استدارت واندهشت، فهو ذلك الشخص الذي أهانها وخبط عربتها وأجبرها على الاعتذار. لتنظر إليه غاضبة: وانت مالك؟ انت اعمل، والا ما عملش. دا ايه ده؟

ليبهت من ردها وقوتها: لا والله، دا حاجة آخر مسخرة. ما عتش إلا اللي زيك يرد عليا.

استدارت بغضب: ما تحترم نفسك. هو مين اللي زيي؟ هو فيه ايه؟ انت جاي تقول شكل للبيع؟ دا ايه المصايب دي؟

هتف غاضبًا: انت يا بت بترازيني بموشح؟ بسألك سؤال، تردي عليا.

هتفت غاضبة: بت؟ أما تبقي تبتك. ايه النصيبة دي؟ وارد عليك بتاع ايه من أساسه؟ مالك انت؟ الله. ربنا يشفي، خليك في حالك يا أستاذ.

لتسمعه يقول: انت طالعة لمين؟ مين محتاجك هنا في الشركة؟ تعرفي مين انت هنا؟

لتتنهد وتستغفر ربها: أقول ايه يا رب؟ الصبر. طالعة ألعب؟ والا أقلك طالعة أنضف الشركة، جايز تنضف من الهم اللي بيخشها.

فنظر إليها بغضب حارق، اقترب ومسك يدها بعنف: قولي طالعة لمين.

فدفعته، وكان في يدها ملف فخبطته به: إيدك تتمد عليا هقطعهالك، فاهم؟ طالعة للعفريت الأزرق، ايه رأيك تعرفه؟ تعالي وأنا عرفك عليه، جايز يلبسك أكتر ما نت ملبوس وبتعض في خلق الله. وهنا فتحت الباب واندفعت للخارج، تاركة ذلك المتعجرف، لتشهق فجأة عندما…

كانت خديجة تندفع، لتحس بيد تقبض على يدها وتشدها، وهي تنهره، ليصل بها إلى مكتبه ويدفعها ويغلق الباب.

فصرخت: انت ازاي يا بتاع؟ انت تمسك إيدي؟ فيه ايه؟

اقترب غاضبًا: بت انت، لمي لسانك. مين يا أختي اللي هيلبسه عفريت؟ انت مش عارفة إني أبقي مين؟

هتفت غاضبة: وأنا مالي بيك يا عم الله؟ لتدمع عيونها، فكانت لا تحب الشجار والصوت العالي.

ليجدها تدمع، هتف: ايه؟ قلبتي بطة بلدي دلوقتي؟

قالت بغضب: أنا عايزة أعرف أنا جيت جنبك؟ أنا ما عملتلكش حاجة. انت مولود تقول شكل للبيع.

ليهتف: تصدقي آه، مجنون، ايه رأيك؟

همست: ربنا يشفيك، ما تروح الخاتمة يعالجوك؟

اقترب غاضبًا: بتقولي ايه يا بت انت؟

قالت خانقة: ما بقولش. وعايز ايه انت؟ أنا راحة شغلي ارتاحت.

قال بسخرية: وبتشتغلي ايه في المدعوقة دي؟

لتهتف: مالك بالمدعوقة؟ دا ايه النصيبة دي يا رب؟ مين اللي حدفه عليا؟ بشتغل في المحاسبة، لسه فيه استجواب تاني؟ امشي بقى، والا ايه في نهارك؟

رفع حاجبيه: والله في المحاسبة؟ ومين شغلك؟ هي الشركة بتلم اليومين دول؟

نظرت إليه غاضبة: هو ايه اللي بتلم؟ ما تحترم نفسك، ايه قلة أدبك دي؟

هتف بسخرية وأشار إليها: ما تبصي لنفسك.

رفع جبينه من قوتها: لا، تعجبي. انت تعجبي حد؟ أنا أبصلك أصلًا.

نظرت بعيونه، ليتراجع من جمال عيونها ويبتلع ريقه. سمعها تقول بغضب: الحمد لله إن ما عجبش. أعجب ايه؟ بلا هم. دا ربنا نجدها اللي تفلت من تحت إيدك وتحمد ربنا وتصلي صلاة شكر وتطلع عرفة تحج حاجتين وعمرة.

هنا اشتعل وتذكر حبيبته لينفعل ويشدها ويصرخ: هيا مين اللي نجدها دي؟ زبالة!

كانت تتململ بعنف وهو مشدد عليها، فصرخت: ما تسيب يا زفت، انت مكلبش فيا ليه؟ عبوشكلك؟ عيب كده، منك لله.

فوضع يده على فمها: اخرسي بالله، راديو.

فعضته.

فصرخ: آه يا بت العضاضة.

فدفعته بعيدًا: لو فاكر إني هسكتلك تبقي غلطان. أنا آه مش بحب الخناق، بس أقدرلك وأقدر لعشرة زيك.

فرفع حاجبيه: لا والله؟ هتتخانقي معايا؟ اللي هو ازاي؟ مش شايفة إني ممكن أهبك بحاجة تطبي فيها؟

نظرت إليه شجاعة: قرب كده، أهبجني عشان أبعت لك كرامتك. انت صنف بيحب التهزيق، تقريبًا بتتغكى الخناق، بتشبع نفسك المريضة.

اندفع ومسكها من يدها: عارفة انت لازم تترفدي؟ لازم يطلع روحك عشان تتلمي.

دفعته: يا رب روحك انت اللي تطلع. انت عايز ليه في نهارك الأسود؟ انت مين أصلًا؟

اندفع وشدها إليه وكلها، ليهتف بشماتة: أنا صاحب الشركة يا كتكوته.

لتبهت وتسكت، وتدمع عينها، فخافت أن يرفدها.

قال ونبرته حادة: انت نهارك مش معدي.

اندفعت واستدارت لتهتف بمهادنة وتبتلع ريقها وترفع يدها: أنا عملتلك ايه؟ زعلان ليه؟ طيب انت اللي عضتني في الأول.

لينظر إليها ويرى الدموع في عينها، ليهتف: هتترفدي عشان تتعودي تردي من الأول. مش قطر مش شغالة في السوق تحت بيتك.

تنهدت وهتفت: طب استني بس، أنا ما كنتش أعرف. طب يا فندم، آسفة لحضرتك، ممكن أمشي؟

ظل يتأملها وهي قد احمرت من نظراته. فهمست برجاء: ما ترفدنيش والنبي.

هتف بتعالٍ: انت بتشتغلي من إد ايه؟

لتقول: بقالي شهر. أمشي بقى.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى