قلوب ارهقها العشق

عمار:

— حضرتك معلوماتك ناقصة، أنا اشتريت من مستر كريم.

مرام:

— ايه رجعك تاني يا عمار؟ عايز ايه؟

اقترب منها حتى أصبح أمامها وأمسكها من ذراعيها بكل قوته حتى كادت أن تنكسر بين يديه، ونظرت الشر والكره تظهر في عينيه.

عمار:

— بجد عايزة تعرفي أنا هنا ليه؟

مرام بوجع:

— ياريت.

عمار:

— أنا هنا عشان أدفعك تمن كل لحظة عشتها معاكي. هنا عشان أخليكي تتمني الموت ومطلوش. هنا عشان أعرفك معنى الوجع اللي بجد. هتعرفي مين هو عمار. هدفعك تمن كل لحظة عشق، كل لحظة حب. الموت هيكون أهون من اللي هتشوفيه على إيدي. هاخد منك روحك بس بالبطيء. هكون أنا الكابوس اللي هتشوفيه في أحلامك. حياتك كلها في إيدي، وحيات كل يوم عشته ليكي. هخليكي تتمني الموت، هكون سبب وجعك وحزنك.

كانت تستمع إلى حديثه وهي لا تعرف بما تجيبه. نظرته إليها تؤلمها، لا تصدق حديثه. هتفت قائلة:

— انت بتقول ايه؟ عايز توجعني أنا؟

عمار:

— الوجع بالنسبة ليكي قليل. هتشوفي أسود أيام حياتك.

حاولت كتم دموعها حتى لا يرى ضعفها وتحدثت:

— عمار اسمعني بس.

عمار:

— أسمعك تاني يا بجاحتك؟

ثم دفعها حتى سقطت على الأرض فتألمت بسبب سقوطها.

عمار:

— اطلعي برة.

مرام:

— انت راجع عشان تزلني وتكسرني وعلشان أكون تحت رحمتك. بس أحب أطمنك، أنا مش هستنى هنا دقيقة واحدة.

عمار:

— مش هتقدري تعملي كده، لأن روح أختك في إيدي. والعملية اللي مقدمة عليها بتليفون واحد مني ممكن تتلغي نهائي.

لا تصدق ما تسمعه منه. هل السنين قادرة على تغيير الإنسان إلى هذا الحد؟ نهضت من مجلسها واقتربت منه.

مرام:

— انت مستحيل تعمل كده.

عمار:

— المستشفى اللي مقدمة فيها على العملية أنا شريك فيها وأكبر مساهم كمان. بلاش تلعبي بالنار، علشان كده كده جحيمك هيحرقك.

لم تعد تستطيع التحمل أكثر من ذلك. تركت له المكتب ولم تتفوه بكلمة واحدة، بل انهارت باكية وهي تركض إلى خارج الشركة حتى وقفت أمام سيارة تأتي مسرعة كادت أن تصطدم بها، ولكن وجدت من يجذبها داخل شخص ما.

معتز:

— انتي ايه؟ مش واخدة بالك؟ ازاي تتطلعي تجري في الشارع كده؟

نظرت إلى صاحب الصوت ووجدته شابًا في أوائل الثلاثين، وسيم إلى حد ما.

مرام:

— استاذ معتز.

معتز:

— مالك؟ فيكي ايه؟ ومال عيونك مدمعين؟ ليه هنا؟

انهارت باكية وهتفت قائلة:

— تعبت، أقسم بالله تعبت. خلاص مبقاش عندي طاقة أتحمل حاجة. قلبي وجعني قوي. كنت فاكرة إن ربنا بعتلي حد يعوضني عن وجعي، بس اكتشفت إن الدنيا بتاخد مني كل حاجة.

معتز:

— طيب اهدي. تعالي ندخل الشركة وتحكيلي مالك.

مرام:

— لا بلاش الشركة أرجوك. عايزة أرجع بيتي. خليني أمشي من هنا النهاردة وهاجي بكرة أرجوك.

معتز:

— طيب اهدي بس. تحبي أوصلك البيت؟

مرام:

— لا محتاجة، همشي لوحدي أرجوك.

معتز:

— حاضر. لما توصلي ابقي طمنيني عنك، ممكن؟

مرام:

— حاضر.

كان هناك من يتابع من خلف النافذة بمكتبه، ونيران الحقد تملأ قلبه، وفجأة أزاح جميع الأشياء الموجودة فوق مكتبه ويتوعد لهم.

أما هي انطلقت تتمشى بين الطرقات لا تعلم إلى أين تذهب. ظلت تتجول في الطرقات، قلبها مشتت وأفكارها ضائعة. لم تعد تتحمل أكثر من ذلك، قلبها أصبح هزيلًا. لم تشعر بالوقت الذي مر عليها وهي تتجول هكذا، ولكن وجدت نفسها تقف أسفل منزلها. نظرت بشرود تام، كأنها مجردة من الروح والجسد، حالة يرثى لها. صعدت إلى الدرج وهي تائهة في ذكريات الماضي. تنهدت بداخلها ودلفت إلى الداخل متجهة إلى غرفة شقيقتها. لم تبدل حتى ملابسها بل ألقت جسدها فوق الفراش وغطت في سبات عميق، كأنها تريد الهروب من هذا الواقع.

في كافتيريا كلية الهندسة، كانت شاردة مغيبة عن الواقع، ومازالت تحاول الاتصال به وهو لم يجب عليها. لم تشعر إلا بشخص جلس بجوارها. نظرت إليه فكان شابًا زميلًا لها بنفس الدفعة.

رهف:

— عايز ايه يا سامح؟

سامح:

— ليه بس المعاملة دي يا ريري؟

رهف:

— نعم؟ ايه ريري دي؟ متحترم نفسك يا جدع انت. وبعدين مين سمح لك تقعد هنا أصلًا؟

سامح:

— في ايه؟ هو أنا كنت عملت جناية؟ وبعدين أنا والله عايز أتعرف عليكي بشكل أفضل، يعني نخرج ونتكلم زي أي اتنين.

رهف:

— تصدق إنك إنسان وقح فعلًا؟ لتكون فاكر إني ممكن أتعرف على أمثالك؟ هو انت متعرفش الجامعة كلها بتقول عنك ايه؟ ولا كمية البنات اللي انت تعرفهم قد ايه؟ بس صعبانة عليا بسبب الواد إسلام اللي فاكرة إنه هيموت عليكي. بالعكس، ده بكرة يزهق منك ويرميك في الشارع. أصل مفيش واحد هيتجوز واحدة بينها وبين الموت خطوة. سلام يا قطة.

تركها وانصرف، وهي لا تعرف كيف حبست تلك الدموع بعينيها. رأت نظرات الشفقة في عيون الجميع. لم تتحمل أكثر بل جمعت أشياءها وغادرت وتركت لدموعها تصريح النزول. لم تشعر بمن يمشي خلفها.

إسلام:

— رهف.

رهف:

— إسلام؟ مالك؟ مين عمل فيك كده؟

إسلام بنبرة مطمئنة:

— متخفيش يا حبيبتي، دي مجرد خناقة بسيطة.

رهف:

— بسيطة ايه؟ ده انت متخرشم. اوعى تكون رحتلي الجامعة واتخانقت؟

إسلام:

— بصراحة آه، رحت وشفت اللي اسمه سامح، بس صبرت لما انتي مشيتي ورحت أكلته حتت علقة.

رهف:

— كده وضربته؟ أمال لو كان هو اللي ضربك كان عمل فيك ايه؟ ليه بس عملت كده يا إسلام؟

إسلام:

— كنتي عايزني أسكت له بعد كلامه معاكي؟ رهف، انتي اللي يمسك بكلمة واحدة أنا مستعد. ده انتي حتة من قلبي.

رهف:

— أنا كنت هموت من خوفي عليك، ورنيت عليك كتير بس انت مردتش.

إسلام:

— معلش يا حبيبتي، أنا الموبيل بتاعي اتسرق، ومكنش ينفع أقول لحد إني معايا موبيل، وإلا كنت هتسجن عشان ممنوع.

رهف:

— بس انت جيت بسرعة الإجازة دي.

إسلام:

— أنا نزلت عشان أخلص ورق التعبئة بتاعي عشان أسلمه بكرة.

رهف:

— يعني هتمشي النهاردة؟

إسلام:

— لا، همشي بكرة الضهر كده. بس تعرفي وحشتيني أوي.

رهف:

— وانت كمان وحشتني.

إسلام:

— طيب يالا أوصلك البيت عشان متتأخريش، والحرباية مرت عمك تقول كلمتين وقتها بقى هطبق في زمارة رقبتها.

لم تستطع كتم ضحكتها، فهي تعلم كيف العلاقة بينهما.

إسلام:

— اضحكي اضحكي بس، الصبر. أنا هنتقم منها بس لما نتجوز. يالا نمشي بقى، واقفنا في الشارع دي غلط.

فاقت من نومها على صوت زوجة عمها.

مرام:

— خير يا طنط؟ في ايه؟

سميرة:

— انتي جيتي بدري ليه؟ المفروض شغلك بيخلص الساعة 6.

مرام بتوتر:

— أصلي اخدت إذن.