قلوب ارهقها العشق

سميرة:

— طيب قومي نظفي المطبخ واغسلي الأطباق اللي اتوسخت دي في العزومة.

مرام:

— حاضر.

أبدلت ملابسها وخرجت متجهة إلى المطبخ، ولكن أوقفها صوت شقيقتها مع إسلام. فتحت باب الشقة وجدتهم على السلم مازالوا يتحدثون.

مرام:

— ايه ده إسلام؟ ازيك عامل ايه؟

إسلام:

— الحمد لله، إني شفتك. كنت جاي وبدعي ربنا أشوفك.

رهف:

— مرام، انتي جيتي بدري ليه كده؟

مرام:

— ها؟ لا عادي، اخدت إذن. المهم تعال يا إسلام، واقف بره ليه؟

إسلام:

— لا معلش، وقت تاني. المهم عايز أتكلم معاكي لوحدنا.

رهف:

— لوحدكم؟ أنا مش عارفة ايه هي الأسرار اللي بينكم، بس ماشي هدخل أنا وأسيبكم مع بعض. باااااي.

مرام:

— خير يا إسلام؟ في حاجة؟

إسلام:

— خدي دي.

نظرت إلى ما يحمله في يده، فكان عبارة عن شنطة من الجلد.

مرام:

— فيها ايه دي؟

إسلام:

— أنا استلمت الاسم التاني في الجمعية اللي كنت داخل فيها، ودي 30 ألف جنيه عشان تكملي فلوس العملية.

مرام:

— تاني يا إسلام؟ انت دفعت قبل كده الاسم الأول، مقدرش اخد منك المبلغ ده كمان.

إسلام:

— أرجوكي افهميني، المبلغ ده ولا حاجة قصاد نظرة واحدة من عين رهف.

مرام:

— بس ده مش من حقنا يا إسلام.

إسلام:

— انتي بعتي عمارة والدك، وكمان دهب مامتك عشان تكملي الفلوس، وأنا جبتلك آخر جزء أهو. خديه بقى بالله عليكي.

مرام:

— يا إسلام، اللي انت بتعمله ده كتير والله.

إسلام:

— أنا مش عارف انتي ليه مش عايزة تفهمي إني بحبها. رهف دي حياتي. مستعد أعمل أي حاجة عشان تعيش. افهمي بقى.

مرام:

— بس انت ليه مش عايز تقول لها إنك بتدفع فلوس العملية؟ ليه مخبي عليها؟

إسلام:

— مش عايزها تحس إني بعمل كده شفقة، أو أخليها تحس بالذنب. أرجوكي خدي الفلوس.

مرام:

— حاضر يا إسلام.

إسلام:

— شكرًا.

في الشركة، دلف معتز إلى غرفة الاجتماع، ولكن شارد كل تفكيره في دموع مرام. انتبه فقط حينما علم باسم المالك الجديد.

المحامي:

— طبعًا كلكم عارفين إن مستر كريم هو المالك الجديد، بس في معلومة جديدة إن مستر كريم باع الأسهم بتاعته لمستر عمار أمجد نصار.

معتز:

— نعم؟ مين؟ انت متأكد من كلامك ده؟

المحامي:

— طبعًا يا فندم، وحاليًا مستر عمار في مكتبه.

معتز:

— معقول؟

عمار ترك غرفة الاجتماع واتجه إلى مكتب رئيس مجلس الإدارة.

معتز:

— المدير جوه؟

نيفين:

— آها، حالًا هديلوا خبر.

ولكن قبل أن تكمل حديثها كان هو دلف إلى الداخل، وجده يواليه ظهره كأنه كان في انتظاره.

معتز:

— ايه اللي رجعك يا عمار؟

التفت له وابتسامة ساخرة على وجهه.

عمار:

— ده المفروض ترحب بيا يا معتز.

معتز:

— كانت بتعيط بسببك صح؟ انت السبب في دموعها؟

عمار:

— اممممم، هي لسه شافت دموع؟

معتز:

— مرام خط أحمر يا عمار. بلاش تعمل حاجة تندم عليها بعدين.

عمار:

— متخافش، اطلع انت من الموضوع وأنا هحل أموري بنفسي. بعد إذنك، لازم أمشي عشان اتأخرت.

دلفت نيفين إلى الداخل بعد مغادرة عمار متسائلة عما يحدث.

نيفين:

— هو في ايه؟ ومرام اختفت؟ وايه سبب الخناق بينك انت ومستر عمار؟

معتز:

— هي مرام كانت بتعيط ليه؟

نيفين:

— مش عارفة، بس هي كانت هنا عند مستر عمار، معرفش حصل ايه.

معتز:

— ماشي، سلام.

غادر الشركة واتجه مباشرة إلى قصر عائلة نصار. وما إن دلف إلى الداخل وجد رجلًا في العقد الخامس من العمر ينتظره، وعلى وجهه ابتسامة فخر. إنه أمجد نصار، صاحب أكبر شركات المعمار في مصر.

أمجد:

— أخيرًا رجعت مصر يا عمار، وهو والده.

عمار:

— كل وقت وله أذان، وأنا كان لازم أرجع دلوقتي.

أمجد:

— اتغيرت أوي يا عمار، فعلًا عالم الأعمال غيرك أوي.

عمار:

— اللي شفته كان كافيل إنه يعلمني كل حاجة. أنا هطلع أرتاح شوية عشان تعبان من السفر.

أمجد:

— هتنزل تاني؟

عمار:

— لا، أنا محتاج راحة.

في منزل مرام، انتهت من كل شغل المنزل ودلفت إلى المطبخ تجهز تلك الفرشة التي تنام عليها كل ليلة كما أمرتها زوجة عمها. تنهدت بحزن وهي تتذكر مقابلة عمار، لا تعلم ما تخفي لها الأيام القادمة. نفضت كل الأفكار من رأسها وغطت في سبات عميق، حتى دقت الساعة الثانية صباحًا، وجدت دلو الماء ينسكب على وجهها. نهضت بفزع وهي تشهق من الرعب والذعر.

سميرة:

— قومي معايا عشان في كام حاجة في البيت محتاجة تنضيف.

مرام:

— تنضيف ايه تاني دلوقتي؟ البيت أنا نضفته قبل ما أنام.

سميرة:

— في سجاد البيت عايز غسيل، وكمان في البطانية اللي في اوضتي ريحتها مش عجباني. قومي اغسليهم قبل ما تمشي على شغلك.