لانها تاج هدير هاشم

_ سابني علشان شكلي علشان شكلي يا وعد!
_ صدقيني ميستاهلش والله.
عيطت اكتر _ انا بكرهني وبكره الحاډثة اللي حصلت معايا انا عملت فيه ايه!
_ اهدي بالله عليكي اهدي.
_ عملت فيه ايه انا كنت بحبه يا وعد والله كنت بنيت حياتي عليه سابني لما وقعت في أصعب امتحان في حياتي ليه كده!
حضنتني وبكيت جوا حضنها اكتر انا كنت قابلة بكل حاجه منه كنت موافقة بيه وهو زي ما هو برغم قلة عقله وقلة بصيرة قلبه كنت موافقه بيه وراضيه هو ليه مع اول مشكلة مشي مشي وسابني….
_ اعملي حسابك هنروح لدكتور بكرا.
_ مش رايحه في مكان يا ماما.
_ هنروح سوا يا تاج.
بصيتلها بضعف وقلة حيله_ مش عايزة اغير شكلي سايبني كده خليني فاكرة كل حاجه حصلت معايا ومش هروح لدكتور نفسي انا مش تعبانة انا بس محتاجة استوعب صدمتي في الناس اللي حواليا.
دخلت اوضتي واتوضيت ومسكت مصحفي وبدأت أقرأ بدموع أنا مش بعيط علشان اللي حصلي أنا بعيط علشان ۏجع قلبي وكسرة نفسي بعيط علشان لوحدي…
يأيها الذين ءامنوا استعينوا بالصبر والصلوة إن الله مع الصبرين.
وقفت عندها وبكيت _ يارب أنت عارف بحړقة قلبي عارف أني راضية بس تعبت تعبت وده اختبار صعب وحمل تقيل عليا…
نمت بتعب نمت وانا قلبي صاحي بيبكي_ استني بس أنا هعرف اتصرف فيها يا ماما.
_ متأكدة هتقدري تشيليها يا تاج
_ أيوة أيوة…
_ الزيت سخن.
_ انتي ايدك وجعاكي يا ماما اهدي بس وانا هتصرف.
ميلت عليها وشيلتها بحرص خطوة والتانية التالتة محستش برجلي اللي جريت من الماية اللي تحتها ثواني وكنت على الأرض وشايفة الزيت نازل عليا..
_ لااااااا
قومت مڤزوعة من نومي اټخضيت حطيت أيدي على وشي وانا ببكي آثار الحروق معلمه فيه أيدي وحشها شكلي الهادي قومت وروحت على المراية بصيت لنفسي وأيدي ماشية على وشي ببطء غمضت عيني وانا بفتكر ضحكتي زمان قدام المراية فتحت عيني پغضب ومسكت برفان كان جنبي وحدفته فيها وانا پصرخ بكل قوتي _ ليه كده ليه!
قعدت مكاني على الأرض وضميت رجلي لصدري وغمضت عيني وانا ببكي _ يارب يارب هونها عليا يارب يارب أنا أمتك الفقيرة إلى رضاك أرضى عني يارب واجعلني أرضى باللي فيا…
دخلت أمي بفزع_ تاج انتي بخير
بصيتلها بحزن _ الحمد لله انا مش بخير يا أمي انا تعبانة.
حضنتني_ اهدي اهدي يبنتي انتي لسه تاج ولسه جميلة.
_ طب ليه سابني ليه مفكرش فيا ليه مقالش افضل معاها انا كنت قابلة افضل معاه حتى لو حصله ايه…
_ مش كل الناس تاج يبنتي اهدي بس كل حاجه هتعدي اسمعي بس كلامي ونروح لدكتور التجميل بكرا.
بصيتلها بعتاب_ لا مش هروح يا ماما مش هغير في شكلي علشان أعجب حد مش هغير في خلقة ربنا أنا خلاص قبلت بنفسي كده مهما حصل هفضل بشكلي ده.
_ يبنتي متوجعيش قلبي.
_ متوجعيش قلب نفسك انتي يا أمي مش هروح لدكاترة تجميل وإذا كان على حياتي اللي وقفت فأنا هنزل الشغل مع وعد من بكرا.
_ وهو الشغل بتاع وعد يبنتي ده شغل.
_ خليني براحتي على الأقل هكون مع حد بيحبني بجد مش علشان شكلي.
بصيتلي بيأس وفضلت جنبي طول الليل تمسح بحب على راسي وتقرا قرآن كنت مغمضة عيني وقلبي مفتح انا مش نايمة أنا واخده استراحه من كل ده قررت أنزل شغل مع وعد في محل الورد بتاعها…
احنا اتخرجنا من علم نفس بعد تعب واكتشفنا أن الشغل في مجالنا
محتاج
واسطة وطاقة والاتنين منعدمين قررت هي تعيش وسط عالمها المفضل وانا قررت ابني حياتي الجاية مع الشخص اللي اتقدملي وحسيته مناسب.
_ مكنش مناسب…
_ مكنش يستاهل انا مكنتش بحبه يا وعد وانتي عارفه بس العشرة بتحط بزور الحب جوا القلب وبيسقيها الاهتمام وفي الاخر بنقطف حب هو عمل كل ده بس مفضلش للنهاية.
_ تاج صدقيني انتي مش مأذية بالطريقة دي انتي عارفه انك قوية وقد كل موقف بتكوني فيه بلاش ضعفه يهزم قوتك.
ابتسمت _ لا دكتورة نفسية فعلا مش كلام.
_ بس الله يسترك بلاش السيرة اللي تتعب النفسية دي المهم احنا هنقسم الشغل علينا احنا الاتنين تاخدي وردية الليل ولا الصبح
_ أنا هاجي من العصر للعشا ولو لقيت نفسي فاضية وقادرة وده اكيد هاجي طول اليوم.
اتفقنا إننا هنقسم الشغل بينا احنا الاتنين طول اليوم سوا واللي يقدر يوصل طلبية برا يعمل ده والتاني يفضل موجود في المكان كان مكان لطيف ومش هنسى وقت ما قررنا نجهزه سوا احنا اللي عملنا الديكور كله اللوحات رسمي والتلوين بتاعها بنكمل بعض طول ماحنا سوا كنت قاعدة برتب الورد البلدي الأحمر وانا بضحك ليه بخفة وبقول وشوك الورود لطيف كما أغصانها ولن تهدر الروح حبها لمن لا يصونها ….
_ استخدامك للكلمات متناسق انتي كاتبة
وقفت مكاني في صراع بين اني ألف ليه ولا افضل مكاني وحسمت الصراع بأني رديت وانا مشغولة بين الورد _ لا مش كاتبة بس بعرف أنسق كلامي زي ما قولت.
_ واضح جدا طيب هي آنسة وعد فين
_ وعد بتجيب شوية حاجات من برا ممكن تطلب مني اللي محتاجه.
_ لا بس شايف انك مش فاضية!
ابتسمت على كلامه وقولت بصوت واطي _ لا فاضية بس خاېفة من ردة فعلك.
_ مش سامعك…
قاطعتنا وعد _ اهلا اهلا استاذ عدي طلبك المعتاد
_ لا حابب أغير النهاردة.
_ طبعا تحب تطلب إيه
سألتها وانا بتحرك لجوا _ مفيش هنا ورد ياسمين يا وعد
ضحكت _ عندك ركن الياسمين والفل هناك يا تاج الركن الهادي بتاعك اكيد موجود.
_ طيب انا عايز ورد الياسمين ده.
بدأت تعمله الورد وهو واقف مكانه وبيرتل مع القرآن إذ قال ربك للملئكة إني جاعل في الأرض خليفة قالوا أتجعل فيها من يفسد فيها ويسفك الډماء….
_ كان معاهم حق إحنا فعلا بنفسد الأرض بنقتل القلوب.
_ مش كل الناس زي بعضها.
_ عندك حق بس الإنسان بيحب بعينه مش قلبه بص هنا كده على الورد هيلفت نظرك الأكبر والأجمل وبعدها الأقل بهجة وعمر ما هيلفت نظرك المطفي أو الدبلان.
_هو ده اللي بنتكلم فيه
_ أيوة مش بس هيعجبك الحلوة لا انت والوردة الحلوة هتبصوا للدبلانة بعند وتعايرها لانك اختارت الأجمل مع إن انطفائها مش بإيديها.
_ بالعكس مش الكل كده في ناس مبيفرقش معاها الكلام ده.
_ 5 مثلا.
قاطعتنا وعد _ الورد يا استاذ عدي.
_ متشكر جدا يا آنسة وعد بس أنا حابب آنسة تاج اللي تعمل الاوردر ده.
_ اشمعنا
_ عايز أشوف روحها في تنسيق الورد زي الكلام كده.
_ لا تاج مختصة بمكان تاني.
بصلي شوية وهو مش عارف إني شايفة كل ريأكشن ليه في مرايا قدامي في الورد ابتسم بحب وهو بيحط الورد وبيلمسه بإيده وبعدها رفع عينه وحط أيده في جيبه واتنهد _ ممكن تلفي حابب أشوفك.
جسمي اتشنج ووعد بصيتله پصدمه وايديها مسكت أيدي نفسي علي وعيوني اتملت بالدموع وقفت لثواني وبعدها اتحركت ومشيت من المكان كله…
رجعت البيت وانا بفتكر في
شكله وتعبيراته وفضوله
اللي مالي عينيه وقفت قدام الاوضة وبصيت عليها من بعيد قررتي تخرجي منها يبقى اتحملي مش هينفع تفضلي تهربي من الناس مينفعش تخافي من نظرة الناس ليكي أنسي وعيشي.
_ صباح الخير.
_ انا آسفة يا تاج والله بس عدي فضولي شوية بس.
ضحكت _ واضح واضح بس يعني هو مين اصلا
_ ده يبنتي صاحب احمد أخويا بيجي كل أسبوع يوم خميس ياخد الورد ده ويروح بيه القپر لوالدته هي بتحب نوع ورد معين بس امبارح اول مرة ياخد ورد الياسمين.
_ عادي هو برضو ورد يتحب.
مسكت أيدي _ تاج انتي كويسة
ابتسمت _ بخير يا حبيبتي اطمني.
_ طيب الحمد لله …
بدأت اشتغل معاها وأبحث في نفسية الاطفال المكفوفين وكيفية تعاملهم مع صعوبات الحياة الوضع في الاول كانت صدفة لطيفة مع طفل دخل المحل عندي ولمس الورد وابتسم فات الاسبوع وبدأت نوعا ما اتعامل تاني مع الناس…
_ صباح الخير يا وعد.
_ تاج انا عندي النهاردة مشوار مهم جدا وتسليم اوردرات النهاردة احمد هيجي ياخدهم فالمحل عليكي بقا لحد مرجع.
_ في حاجه يعني
_ لا لما اجي هحكيلك تمام.
خرجت وعد وجه احمد جهزتله المطلوب واخده ومشي روحت للركن الهادي بتاعي مع رواية لطيفة جاتلي هدية من حد ألطف بدأت أقرأ وانا ببتسم على إبداع الكاتب قرأت جملة وقفلته واتنهدت وأنا بقول لم يكن يعلم أن قلبه سيهرول إليها راجيا المزيد من الطمأنينة بجوارها.
_ احم احم مازلتي ممتازة في تنسيق الكلام.
عرفت صوته فابتسمت تلقائي_ اهلا استاذ عدي اوردر كل مرة
_ لا ياريت تضيفي الياسمين.
_ مضطرة اعملك أنا علشان وعد مش هنا لو مش هيضايقك!
_ لا أبدا ده ياريت يعني.
بدأت اجمعهم وأنا مبتسمة ومتوترة ومش قادرة أحدد هو توتر علشان هيضطر الموقف أنه يشوفني ولا علشان بعمله هو بالذات!
_ لسه عند موقفك أن الناس زي بعضها.
_ اكيد الناس مبتتغيرش.
_ قالوا الحب بيغير.
_ الحب! مفيش حاجه اسمها حب في الزمن ده أو الأهم أن الحب زي إعجابك بالوردة اللي بتلمع بس.
_ قصتك باين عليها غريبة.
_ قصتي مأساوية.
_ ليه بتقولي كده
خلصت الورد واتنهدت وانا بلف وبقدمه ليه وانا بحاول ابتسم _ علشان العالم قاسې على الضعيف مع اني مكنتش ضعيفة.
مد أيده اخد الورد وهو مبتسم وعيونه بتلمع لمعة غريبة_ انتي بقا تاج
رديت بخجل _ بيقولوا.
_ بتقفلوا الساعة كام
رديت باستغراب_ الساعة 8.
_ تمام…
ابتسم ومشي قعدت مكاني وانا ساكته شكله لطيف نظرته متغيرتش برغم شكلي وفضل باصصلي ومبتسم بس مشي! زي الكل ما بيمشي هرب من الضلمة اللي هنا ابتسمت باستهزاء وانا بقول الظاهر مقدرش يتحمل الوردة المطفية فهرب للي بتلمع.