الفصل الرابع
لا إله إلا أنت سبحانك إني كنت من الظالمين
جاسر كان أخد ريم شقته، ومسكها من إيدها وبدأ يسحبها وراه.
ريم وهي بتمشي وراه وبتحاول تبعد إيده عنها:
* جاسر سيبني.
جاسر بصوت غاضب:
* تعالي بقولك.
وصلوا للصالة، وجاسر أبعد ريم عن طريقه وخلاها تقعد على الكرسي. ريم بصتله بعيون مبرقة، مستنياه يقول سبب مقنع.
ريم بغضب:
* ممكن تقولي بقى إيه اللي حصل؟
جاسر:
* لا والله، على أساس إني هندي مثلًا! ولا إنتِ مجنونة وبتتجنني عليا؟
ريم بهدوء وتماسك:
* أنا عايزة أفهم أنا عملت إيه غلط؟
جاسر اتضايق من هدوئها.
جاسر بتذمر طفولي:
* مش هقول. اعرفي لوحدك. راجعي مواقفك معايا.
وادالها ضهره.
ريم بهدوء وحنان:
* أفهم من كده إننا متخاصمين؟
جاسر بصوت رجولي:
* نعم!
ريم بنفس الهدوء:
* وأفهم بردو إنك زعلان مني.
جاسر سكت.
ريم بحنان:
* رد عليا.
* طب بصلي!
جاسر بعد دقايق بصلها.
جاسر بتهكم:
* ممكن تقوليلي، بما إنك هتسمعي كلامي وتنفيذيه، بتتكلمي وبتتحولي ليه؟
جاسر بعدم فهم:
* لما إنتِ هتيجيلي هنا ونتفاهم، كان لازمته إيه اللي عملتيه من شوية؟
ريم بهدوء:
* جاسر، أنا مش فاهمة.
جاسر اتضايق وبص قدامه، لقى حاجات على الترابيزة، فزقها بعيد.
ريم بضحك:
* لا والله!
جاسر بعناد طفولي:
* أومال أسيبك تجننيني؟
ريم بابتسامة قامت ومسكت خدوده وقالت:
* إنت فعلًا مجنون يا وردتي، لأني ما عملتش حاجة.
جاسر بيبصلها بتحدي:
* ما عملتيش حاجة؟
ريم بتأكيد:
* أيوه.
جاسر حب يزود الموضوع أكتر وقال:
* خلاص، أنا مجنون.
ريم بطفولية:
* وأنا بحب المجانين.
جاسر رفع إيده في الهوا، وريم ضحكت وبعدت عنه.
ريم بزعل طفولي مصطنع:
* هتضايقني؟
جاسر بصوت قوي غصب عنه:
* أيوه.
ريم بجدية:
* بجد؟
جاسر لاحظ إن الموضوع خرج عن الهزار، فهدى.
جاسر قرب منها وقال بهزار:
* شكلك مش بتيجي غير بالطريقة دي يا قلبي.
ريم بغضب:
* قصدك إيه؟
جاسر حس إنه كده تمام، وراح قعد على الكرسي وحط رجل على رجل وعمل نفسه مش مهتم.
ريم راحت عليه وقعدت تهز فيه علشان يرد عليها.
ريم بغيظ:
* قصدك إيييه؟
جاسر عامل نفسه مش مهتم.
ريم بغيظ:
* رد عليا… يا بارد… رد… فهمني!
جاسر ببراءة:
* وطي صوتك والله يا وردتي، علشان بفكر أنام.
ريم بانتصار:
* أهو شفت؟ إنت اللي مجنون فينا.
جاسر بغيظ:
* إنتِ اللي بتجننيني. ده تاني موقف يضايقني تقابليني بيه.
ريم خبطت إيدها على جبينها:
* رجعنا لنقطة الصفر تاني.
جاسر قاعد زعلان.
ريم بتريقة:
* قاعد زعلان ليه يا بطة؟ مستني أصالحك؟
جاسر بهدوء:
* هس… اخرسي.
ريم بغيظ:
* على فكرة زهقت منك. كنت عايزة أقضي معاك اليوم كله، بس زهقت منك. همشي بقى.
جاسر زعل، بس ما بينش ده، وشغل التلفزيون وعمل نفسه مشغول.
ريم مشت بالفعل وقفلت باب شقته بهدوء.
جاسر أول ما اتأكد إنها مشت وقفلت الباب، رمى الريموت على الكنبة بضيق. كان متضايق إنها مشيت.
جاسر قعد حزين، والدقايق والثواني بتعدي عليه، وكل ما الوقت بيعدي كان زعله بيزيد، كأنه مستني ريم ترجع تاني علشان يعرف يضحك.
جاسر بصوت حزين:
* هنت عليكي تسيبيني زعلان وتمشي؟
بعد ساعة…
باب شقته كان متوارب.
ريم دخلت منه بهدوء وعلى وشها ابتسامة، وفجأة اتجمدت مكانها.
ريم كانت حاملة على إيدها طفل صغير. حطته على الكرسي التاني، وراحت ناحية جاسر.
كان نايم بإهمال، وملامح الزعل والتعب واضحة على وشه.
ريم قعدت تلمس شعره بنعومة وعلى خده.
ريم بزعل:
* ما كنتش أعرف إن لما أسيبك زعلان… هتنام زعلان.
ريم قربت منه وطبعت قبلة رقيقة على خده.
ضحكت ريم برقة من منظره، وقعدت تحاول تصحيه.
وفعلًا صحي جاسر وفتح عيونه بتكاسل.
لقى ريم قاعدة قدام الكرسي بتاعه، ورابطة شعرها ديل حصان، ولابسة لبس بيتي بسيط ورقيق.
جاسر كان متمدد على الكرسي. قام واتعدل.
ريم ساعدته.
جاسر بهدوء وصوت نايم:
* سيبيها.
ريم بهدوء:
* لا.
ريم بزعل:
* بقى كده يا وحش؟ إيه اللي عامله في نفسك ده؟
جاسر بعدم فهم:
* عملت إيه؟
ريم:
* في حظ ينام كده؟ بالإهمال ده؟
جاسر حب يغيظها:
* وإنتِ مالك؟
جاسر كان فرحان من جواه، بس بيعاملها بزهق.
جاسر ببرود:
* بتعملي إيه هنا؟
ريم بهدوء ورقة:
* أنا عارفة إنك زعلان مني. متزعلش.
وبصتله ببراءة.
جاسر بتريقة:
* لا والله… متزعلش؟ يا فرحتي أنا بـ”متزعلش” دي. خلاص مبقتش زعلان.
ريم بصتله بضحكة:
* طب وإيه اللي يرضيك؟
جاسر:
* إنتِ عارفة.
ريم:
* لا، إنت كده هتتعود وهتبوظلي أخلاقي.
ضحك جاسر بصوت رجولي.
ريم بحنان:
* متزعلش مني تاني أبدًا، ماشي؟
جاسر:
* كله بإيدك… وليه الرغي؟ يلا.
وشاور على خده.
ريم بنفي:
* لا يا جاسر.
جاسر:
* بقى كده… طب أهو.
ريم شهقت:
* آه يا جزمة!
وقامت وخبطته بخفة.
جاسر بضحك:
* خلاص خلاص، خديها أهي.
ريم:
* هات يا جزمة.
جاسر:
* مش فاهم.
ريم شاورته على الطفل اللي على الكرسي.
جاسر بخضة:
* مصطفى!
ريم بطفولية:
* ده مصطفى.
جاسر:
* آه… مصطفى مين بقى؟ صاحبك يعني ولا حبيبك؟
ريم بزهق وهي بتحاول تلم شعرها تاني:
* ما لكش دعوة.
جاسر شد التوكة من شعرها.
جاسر:
* سيبيه مفرود. بحبه مفرود.
ريم بضحك:
* وإنت مالك يا رخم؟ وتحبه ليه أصلًا؟
جاسر بضحك:
* طب تعالي هربطهولك.
ريم بنفي:
* لا، بس شيل مصطفى.
جاسر:
* نعم؟
ريم بعد ما ربطت شعرها:
* خلاص.
ريم بتكشيرة:
* مش بتحب الأطفال؟
جاسر بتردد:
* مش عارف.
ريم:
* لا والله!
ريم برقة:
* شوف يا جاسر بيبصلك إزاي.
جاسر سكت.
ريم راحت شالته.
جاسر بجدية:
* ريم، مش أنا قلتلك بلاش تحطي الحاجات دي على وشي؟
ريم برقة:
* قول لنفسك. وقوم بص في المراية.
جاسر:
* خدي هنا… رايحة فين؟
ريم:
* هودي مصطفى لمامته.
جاسر:
* ابقي تعالي تاني.
ريم بابتسامة:
* حاضر.
جاسر قام يبص في المراية، وضحك بهدوء وحط إيده على خده وغمض عينيه، كأنه بيحاول يستعيد اللحظة دي تاني.
ريم ودت الطفل لمامته ونزلت بسرعة.
ريم بسعادة:
* اتأخرت عليك!
جاسر بابتسامة:
* تعالي.
وقرب منها وقال:
* الروج ده وصل على خدي إزاي؟
ريم ببراءة:
* أصل أنا بوستك وإنت نايم.
جاسر بسعادة:
* بوستيني ليه؟
ريم بابتسامة وكسوف وبصت في الأرض.
جاسر بمكر:
* طب ينفع أنا أبوسك؟
ريم حطت إيدها بسرعة على بوقها.
جاسر رفع حواجبه:
* آه يا لئيمة! لئيمة إنتِ. طب إيه رأيك بقى؟ كنت هبوسك من خدك.
ريم بامتناع وأدته ضهرها:
* وإيه يعني تبوسني ليه أصلًا؟
جاسر بدون تفكير قرب منها وقال بحنان:
* مش عارف… يمكن علشان بحبك.
ريم قلبها وقف، وبصتله بسرعة وفزع وعيونها مبرقة.
يتبع ::
