أمام مطار القاهرة الدولي، يخرج شاب في السابع والعشرين من العمر، يرتدي بذلة سوداء مثل باقي رجال الأعمال. شاب وسيم طويل وصاحب جسد رياضي، عينيه من اللون البني الفاتح التي إذا أتت عليها أشعة الشمس تحولت للون العسلي. إنه عمار أمجد نصار، صاحب أكبر شركات المعمار في مصر والوطن العربي. رغم صغر سنه حقق أرباحًا وإنجازات في وقت قياسي. صعد إلى سيارته التي تقف في انتظاره واتجه مباشرة إلى شركته الجديدة. أتاه اتصال هاتفي من صديقه المقرب.
كريم:
— لحقت أوحشك؟ ده أنا لسه سايبك يا عمار.
عمار:
— انت عارف أنا بتصل ليه، بلاش نلف وندور على بعض.
كريم:
— طيب، وانت عارف عايز إيه دلوقتي.
كريم:
— راجع نفسك يا صاحبي، اللي في دماغك بلاش، هتتعب صدقني.
عمار:
— متخافش عليا، أنا قادر على كل حاجة ومش هضر حد. أنا هارجع حقي بس.
كريم:
— مش هترتاح كده، الانتقام مش هيريحك.
عمار:
— على الأقل هاخد حقي منهم وقلبي ناره تبرد.
كريم:
— الحب والكره وجهين لعملة واحدة يا عمار.
عمار:
— متقلقش، أنا قفلت قلبي خلاص، والحب ده مش موجود في قاموسي. أنا راجع أخلص تار قديم وهرجع تاني. إنما انت هتنزل مصر امتى؟
كريم:
— مليش مكان فيها يا صاحبي، أنا سبت فيها قلبي وسافرت، ولو رجعت هتوجع أكتر. خليني كده أحسن. المهم ابقي كلمني أول ما توصل الشركة الجديدة. مش كفاية إنهم لسه مش عارفين إني أنا اللي اشتريت منهم وبعت لك؟ يعني المالك الحقيقي في نظرهم أنا عمار.
عمار:
— أنا عايز أعمل مفاجأة تكون قادرة تكسرهم. هيندموا على أفعالهم معايا.
كريم:
— خلي بالك من نفسك يا صاحبي.
عمار:
— حاضر، سلام.
أنهى اتصاله وظل ينظر من خلف الزجاج إلى الشوارع، فقد تغيرت كثيرًا في الخمس سنوات الماضية. وصل إلى مقر شركته الجديدة ونزل بكل وقار ودلف إلى داخل الشركة وسط همسات الموظفين وبالأخص الفتيات. قابله محامي الشركة وأيضًا المحامي الخاص به، واتجه إلى مكتب رئيس مجلس الإدارة.
دخل عمار مكتب رئيس مجلس الإدارة وجلس بكل شموخ، وطلب من المحامي الخاص أن يعقد الاجتماع مع الموظفين ومع المدير السابق للشركة. أما هو جلس يستريح من كل ما يدور في مخيلته، ثم رفع سماعة الهاتف يطلب السكرتيرة الخاصة بمكتبه.
عمار:
— تعالي حالًا يا نيفين.
نيفين:
— تحت أمر حضرتك، حالًا أكون في مكتبك.
دلفت نيفين إلى الداخل بعدما سمح لها هو.
عمار:
— نيفين.
نيفين:
— تحت أمر حضرتك.
عمار:
— انتي عارفة أنا مين؟
نيفين:
— المدير الجديد للشركة، مستر كريم منصور.
عمار:
— اممممم، ومين قالك الخبر ده؟
نيفين بتوتر بالغ:
— استاذ حسين قال لمرام، وأنا عرفت منها.
عمار:
— مين مرام؟
نيفين:
— ماسكة حسابات الشركة وتعتبر أهم الموظفين هنا، واستاذ حسين بيعتبرها بنته.
عمار:
— طيب كويس. أنا عايز كل ملفات الحسابات آخر ستة شهور فاتت. تروحي للاستاذة مرام وتخليها تجيني هنا حالًا، فاهمة؟
نيفين:
— فاهمة.
خرجت نيفين وهي تسب بهذا الشخص المتكبر، واتجهت إلى مكتب مرام التي ظهر عليها الوهن والتعب الشديد.
نيفين:
— المدير الجديد عايزك حالًا، وهاتي معاكي آخر ملفات للشركة من ستة شهور.
مرام:
— مجهزة له كل حاجة عشان عارفة هو هيحتاج إيه. بس هو ليه مش في الاجتماع؟
نيفين:
— المحامي بتاعه حضر بالنيابة عنه، وهو أكيد هيعمل اجتماع تعريفي بنفسه.
مرام:
— طيب أنا هروح أشوفه عشان أخلص من الموضوع ده، أساسًا زهقت منه.
غادرت مكتبها متجهة إلى مكتب مديرها الجديد. دلفت إلى مكتبه بعدما سمح لها بالدخول. شعرت بقلبها ينقبض من رائحة عطره التي تذكرها بشيء تعرفه جيدًا، ولكن نفضت تلك الأفكار من رأسها. نظرت إليه ووجدته يقف أمام النافذة، واضعًا يده في جيوب بنطاله، ويواليها ظهره.
مرام:
— صباح الخير يا فندم. آنسة نيفين قالت إن حضرتك طالبتني.
بمجرد سماع صوتها جعل قلبه يخفق مثل الطبول. هذا الصوت الذي مازال يرن في أذنه. التفت لها حتى يراها، وهنا فقط التقت الأعين. صمت دام كثير بينهما. ألف سؤال وسؤال ليس لهم إجابة الآن. كل منهما في داخله شوق ونيران لا تهدأ. صدمتها كانت لا توصف، لم تعرف بماذا تجيب. فهل هو حقًا مرام؟
عمار اقترب منها وهو يدور حولها يتفحصها بعينيه وعلي وجه ابتسامة ساخرة:
— مرام سالم الأسيوطي، 25 سنة، خريجة تجارة، رقم واحد في اللعب بقلوب الشباب، بمعنى أصح أستاذة ورئيسة قسم. طبعًا مكنتيش متوقعة إني هرجع تاني، فاكرة إني ميت وانتي هتعيشي بسلام وخلصتي مني.
مرام:
— بشمهندس عمار لو سمحت.
عمار:
— بتعملي إيه هنا؟
مرام:
— المفروض أنا اللي أسألك، لأن دي شركتي وأنا المدير الجديد.
مرام:
— المدير الجديد؟ طب ازاي؟ مستر كريم منصور هو المالك الجديد.
