بس قطع شروط خبط على الباب، قام وفتح، وكانت نوجا قالت بغضب شديد: طلعت خاطف البنت كمان؟ أهلها جايين قالبين الدنيا وقالوا لي هياخدوني في الرجلين كمان عشان تنبسط حضرتك.
راضي اتنهد وقال: دول مش أهلها، دول هم كمان خاطفين، أنا اللي عايز أرجعها لأهلها.
نوجا اتنهدت وقالت: وانت مالك ومال ده كله؟ بس ليه تجيب لنفسك المشاكل؟
ولسه هتكمل، شافت باب الحمام بيتفتح بسرعة، قالت: وحشتني قوي، سيبك من كل ده.
وقربت منه بقوة من غير أي مقدمات.
راضي اتفاجأ وحاول يمنعها أو يعمل أي حاجة، بس خرجت سهر وهي بتضحك وقالت: واسعة عليا.
بس اتسعت عينيها بشدة من اللي شافته.
راضي أول ما سمع صوتها دفع نوجا بسرعة وارتباك وقال: دي نوجا كانت بتحكي لي عن ثريا ونجيب.
وقاطعته سهر وقالت بسرعة: مش عايزة أعرف حاجة، أنا ضيفة عندكم، تقدروا تعملوا اللي انتم عايزينه، بس يا ريت ما يبقاش في الأوضة اللي قاعدين فيها يعني.
