كل مرحلة وكل سنة تعدي وحبك يكبر معايا. حاولت أنساك بآسر وتنازلت عن مبادئي ومشيت في طريق الغلط، بس معرفتش. كل لحظة وأنا مع آسر بجسمي، بس قلبي وعقلي معاك أنت. قررت أنساك بآسر لما اتجوزت وشوفت حياتك، بس فرحت لما عرفت إنك رجعت يوم فرحي. بسبب رجوعك صحيت مشاعري وحبي ناحيتك وبقا أكتر من الأول.
فلاش باك
رغد: هرب؟ يعني ايه؟
وأمسكت هاتفها واتصلت بآسر، وجدته مغلق. قامت بإلقاء الهاتف على الأرض وهي تبكي وقالت: الحل يا بابا؟ هنعمل ايه؟
محمد والد يونس: عندي فكرة كدة بس خايف تعترض يا علي.
علي والد رغد: قول، انقذني من المصيبة دي.
محمد بتردد: ايه رأيك لو يونس يتجوز رغد ونعدي الليلة؟
علي: هو يونس رجع؟
محمد: أيوة، رجع من أسبوع من بعد وفاة مراته.
نادية: تعال يا علي معايا كدة، عايزاك.
وأخذت زوجها لمكان بعيد عن الأنظار.
قالت: لا طبعًا، مش موافقة على الكلام دة.
علي: بس أنا موافق.
نادية: عايز تجوز بنتك أرمل يا علي؟ مش لدرجادي.
علي: مش مهم، وبعدين يونس راجل ميترفضش وعارفينة وبنتك كمان عارفاه. نسيتي لما كان يجي هنا ويذاكر لها أيام الثانوية العامة؟ غير كمان محمد صاحبي ورفيق عمري، مش حد غريب.
نادية: وبنتك هتوافق؟ معتقدش.
علي: نسألها، لو وافقت خير وبركة.
نادية: ولو رفضت؟
علي: يبقى مفيش نصيب. أنا مستحيل أجبر بنتي على جوازة هي مش عايزاها، دي حياة أبدية يا نادية.
بااااااك
هذا هو السر. كيف ستخبر رغد يونس هذا السر؟ وإيه ردة فعله؟ هل هتقدر رغد على اكتساب قلب يونس ويتقبلها كزوجة ليه ولا لأ؟
في الإسكندرية، يجلس آسر في غرفته ويقول: أنا ايه اللي عملته دة؟ مشيت ورا واحدة عندها عقدة نفسية بسبب أهلها. هتعمل ايه يا آسر في الورطة دي؟ من جهة دمرت حياة بنت كانت ضحية مي، ومن جهة مي متمسكة بيك ولو فكرت تخلع منها قصادها حياتك، دي مجنونة وممكن تعمل أي حاجة. أنا ايه اللي عملته في نفسي دة؟
عشان انت مش راجل يا آسر، نرجع لروايتنا عشان أنا عن نفسي مش طايقة الواد دة.
عند مي، وهي تمسك هاتفها وتنظر لصورتها وصورة رغد وهما معًا قالت: يا ترى حالتك ايه دلوقتي يا رفيقتي؟ أتمنى تكوني اتكسرتي زي ما أنا اتكسرت بسببك. أنتي عارفة أنا بسببك بكيت. كان مرة يا رغد يا مثالية، ياللي مفيش زيك. خلاااااص، محدش من أهلي هيقولي خليكي زي رغد، عشان رغد دلوقتي طلعت بنت مش كويسة، وسيرتها على لسان كل الناس، عريسها سبها وطفش ليلة فرحها.
وسرحت بذاكرتها.
مي بصوت عال: انت صدقت نفسك ولا ايه؟ فاكر نفسك عريس بجد وهتتجوز رغد؟ قسمًا بالله لو اتجوزتها يا آسر هروح أقولها على كل حاجة وعن علاقتنا وأنها كانت مجرد فخ.
آسر بسخرية: تهديد مش أكتر، وأنا عارف إنك مش هتعملي كدة. وبعدين اتفقنا إني أسيبها بعد الفرح.
مي: أنا غيرت رأي، مش هتروح مكان يا آسر، على جثتي.
آسر: أبعدي يا مي من وشي، مش ناقصة عك. كلها الليلة دي والأمور تخلص.
مي: لو اتجوزتها مش هتلحق تفرح. عارف ليه؟
وأخرجت له ورقة وأعطتها له، فقرأ مضمونها وجلس على الكرسي بصدمة.
آسر وهو يجلس على الكرسي بصدمة قال: ايه دة؟ عملتيها امتى وازاي؟ انتي عايزة توديني وتودي نفسك في داهية؟ ورقة جواز عرفي مزورة وبتاريخ قديم.
مي بهدوء: عشان كنت عارفة إنك مش هتوافق بالبساطة دي. وللعلم، الورقة دي معايا من فترة قليلة، بقالها تلات أيام.
آسر: مكنتش متصور إن مستواكي يوصل لكدة ولا تفكيرك للدرجة دي.
ونطق بإحباط: حاضر يا مي، أنا مش رايح الفرح خلاص، ارتحتي كدة؟
فابتسمت مي بسعادة.
بااااااك
مي وهي ترمي هاتفها على الفراش وتتسطح قالت: كدة الواحد ينام بهدوء ومرتاح البال بعد ما الخطة تمت بنجاح.
لم تكن تعلم أن خطتها فشلت، وكان للقدر رأي آخر، ولكنها لا تعلم بذلك. كيف سيكون موقفها عندما تعلم أحوال رغد الحالية؟
عند رغد وهي تتجول في غرفة يونس وتجلس على فراشه وتسرح بذاكرتها مرة أخرى.
فلااااش بااااك
رغد وهي تجلس بفستان زفافها وتبكي، يدخل علي ونادية لها فتقف وتقول: آسر جه صح يا بابا؟ هو فين برة؟
علي: للأسف لا، ومالوش أثر، وتليفونه مقفول حتي تليفون خالة كمان مقفول.
رغد: يعني ايه؟ خلاااااص كدة؟
نادية: قولها يا علي.
رغد: يقولي ايه يا ماما؟
رغد: طيب والفرح والناس هنعمل ايه؟
علي: في البديل غير آسر.
رغد: نعم، مين دة؟
علي: يونس يا رغد.
رغد بعدم استيعاب: يونس مين؟
نادية: مالك يا بت؟ يونس ابن صاحب أبوكي اللي كان بيذاكر ليكي أيام الثانوي.
رغد: انتم بتقولوا ايه بس؟ يونس متجوز ومتخيلين مراته هترضى يبقا ليها ضرة؟
نادية بغيظ: هو دة اللي فارق معاكي؟
علي: متخافيش، يونس وحيد.
فتدخلت نادية وقالت: يونس أرمل يا رغد، مراته ماتت ورجع وعايش مع أبوه دلوقتي.
رغد بصدمة: اييييييه؟ مراته ماتت امتى؟
علي: مش عارف. رغد، انتي موافقة تتجوزي يونس؟ القرار قرارك، لو رفضتي تأكدي مش هزعل منك.
رغد بمقاطعة: أنا موافقة يا بابا، اتجوزه.
نادية كأي أم مصرية وهي تضرب صدرها بيدها: نهارك أسود يا بنت بطني، هتتجوزي أرمل ليه يا حبيبة أمك؟ ناقصة ايد ولا رجل ولا أرمل يا رغد؟ لا طبعًا، أنا مش موافقة.
علي بغضب: اسكتي يا نادية.
ممكن ونظر لابنته وقال: على اقتناع يا بنتي موافقة؟ دة قرارك النهائي؟
فهزت رأسها تأكيدًا على كلامه.
بااااك
عند يونس وهو يقف أمام كورنيش النيل بحزن.
فلااااش بااااك
مريم: عارف يا يونس، نفسي في ايه؟
يونس بحب: في ايه يا قلب يونس؟
مريم وهي تشبك يدها في يده وتضع رأسها على كتفه وتتحسس بطنها المنتفخة: نفسي الحمل يتم وأسمع كلمة ماما. أنا تعبت يا يونس، حاسة إني هموت ومش هسمع الكلمة دي أبدًا.
واكملت بيأس: لو الحمل دة متمش، مش عارفة ممكن يحصلي ايه.
يونس: بعد الشر عنك يا مريم، أوعي تقولي كدة. خلي عندك ثقة وحسن ظن بالله، وإن شاء الله ربنا هيحقق أمنياتنا. قولي يارب، لو العبد دعى ربه بصدق ويقين أكيد مش هيخذله، إلا لو ربنا شايل الأحسن ليه.
مريم برضا: ونعم بالله.
وأخذت نفسًا عميقًا وقالت: يونس، أنت ممكن تحب حد بعدي؟
يونس بغضب: ايه السؤال الأهبل دة؟ انتي واعية لكلامك؟
مريم: عادي يا يونس، بختبر غلاوتي عندك، اعتبرها دردشة افتراضيات.
يونس برفض: مفيش الكلام دة.
واكمل بهدوء: مريم، أنت روحي، عارفة يعني ايه؟ أنتي الركن الهادئ ودنيتي الخاصة بيا. أنا عرفت الحب بيكي وحبيبت الحب لأجلك. أخترتك بقلبي وعقلي، قلبي مستحيل يشوف حد تاني غيرك، فاهمة؟
مريم بحب وسعادة: فاهمة، خلاص بقا، حقك عليا لو ضايقتك.
يونس: بلاش تختبري حبي ليكي يا مريم، لأن انتي عارفة حبي ليكي مالوش وصف.
