مريم بمشاكسة: عارفة والله بس بتأكد.
يونس: تتأكدي من ايه يا مريم؟ أعتقد تصرفاتي واضحة معاكي.
مريم بمرح: خلاص بقا، قلبك أبيض يا حبيبي.
وابتسمت له فبادلها بابتسامته أيضًا.
بااااااك
يونس وهو يمسح دموعه: وهتفضلي حبي الأول والأخير يا مريم. باب قلبي اتقفل من بعدك خلاااااص.
هل سيستمر يونس على حاله أم مع مرور الأيام سيتغير؟
تحرك يونس واتجه إلى سيارته وانطلق لمنزله، وسرح بذاكرته مرة أخرى وتذكر يوم زواجه برغد.
فلاش باك
يونس بصوت عال: ليييه يا بابا؟ تاخد قرار كبير زي دة من غير ما ترجع ليا؟ هو أنا عيل صغير ولا الجواز لعبة؟ جاي تقولي قوم يا يونس البس عشان تتجوز؟ هو في كدة؟
محمد: وطي صوتك، أنت نسيت أني أبوك ولا ايه؟
يونس: أنا آسف، مش قصدي، بس الوضع مش منطقي. وبعدين مريم…
محمد بمقاطعة: مريم ماتت يا يونس.
يونس بوجع: ماتت بالنسبة ليكم، لكن بالنسبة ليا عايشة جوايا وهتفضل معايا لحد ما أموت.
محمد بخذلان وهو يجلس على الكرسي: ماشي يا يونس، براحتك. لو ترضى تصغر أبوك وتكسر كلمته مع الناس، براحتك يا ابني، حياتك وأنت حر. قدّر بمصلحتك.
ونهض من على الكرسي واكمل: خلاص هروح عند علي وأقوله صاحبك رجع في كلامه واعتذر منه.
يونس بتفكير: خلاص موافق، بس عندي شرط.
بااااااك
بعد مدة وصل للمنزل واستقبلته رغد قالت: حمد الله على السلامة.
وسرح بذاكرته.
فلاش بااااك
يونس وهو ينظر بطرف عينيه ويبتسم قال: واقفة بعيد ليه يا مريم؟ قربي.
مريم: أنت عرفت منين إني موجودة؟
يونس: ريحة البرفيوم بتاعتك مميزة، كأنها اتعملت عشانك انتي وبس.
يونس: قربت، أخلص عشر دقائق بس.
بااااك
يقطع تفكيره رغد قالت: يونس، خلصت.
يونس في الداخل وهو يضع زجاجة العطر ويخرج من الغرفة وجلس أمام رغد قال: خير يا رغد، كنت عايزة ايه؟
رغد بتوتر: يونس، بصراحة أنا…
وسكتت.
يونس وهو يقطع سكوتها قال: اتكلمي يا مريم.
رغد بحزن ووجع: أنا رغد يا يونس، مش مريم.
يونس بإحراج: أنا آسف يا مريم.
وسكت وأخذ نفسًا عميقًا وقال: يا رغد، حقك عليا، آسف بجد.
رغد: نسيت، لم أفتكر. هقولك يا يونس، عن إذنك.
وتركته وغادرت إلى غرفتها وأغلقت الباب.
في الخارج، يونس وهو يمسح بيده على وجهه ويقوم بركل الكرسي بقدمه بغضب، نظر لغرفة رغد وقال بندم: أنا آسف يا رغد بجد، أتمنى تسامحني، غصب عني.
في غرفة رغد وهي تقف أمام المرآة تحدث نفسها قالت بتوتر: أنا إزاي كنت هقوله؟ لا الوقت مناسب ولا هو مستعد. الحمد لله إني متكلمتش.
واكملت بحزن: لدرجة دي حبك لمريم قوي كدة؟ مش مخليك شايف غيرها يا يونس.
وسرحت بذاكرتها.
فلاش بااااك
رغد وهي تجلس، يدخل يونس عليها وهو يرتدي بدلته السوداء.
رغد وهي تقف: يونس، أنا…
قاطعها يونس وقال: هم كلمتين يا بنت الحلال بس. قبل ما أقولهم عايز أعرف، عريسك سابك في يوم زي دة وليه انتم اتخانقتوا؟
رغد: لا والله أبدًا.
وجلست على الكرسي وقالت: هقولك على كل حاجة يا يونس.
وحكت ليونس كل شيء عن علاقتها بآسر.
وقالت: هي دي كل القصة يا يونس.
يونس بإشمئزاز: يا خسارة يا رغد، لييه يا بنتي تخسري نفسك ومبادئك؟ أبوكي وامك فين؟ احترامهم فين؟ ربنا فين؟ هو عشان أهلك بيحبوكي وسايبينك تعملي اللي أنتي عايزاة؟ وأخذ الهاتف الخاص بها من يدها وقال: أبوكي وامك اللي واثقين فيكي وشايفينك وانتي ماسكة تليفونك بالساعات، عشان عارفين إن بنتهم متربية مش هتعمل الغلط، تقومي تكسري ثقتهم فيكي كدة يا رغد؟ ما هو الحرام والغلط مش بيدوم كويس أوي. إن الحكاية انتهت لهنا، ربنا بيحبك وراعي أبوكي وامك.
في الحب هنصحك إنك متقدميش أكتر من اللي بيتقدملك. الراجل لازم يبذل مجهود ويتعب علشان يوصلك، يقدملك أكتر، مياخد منك. يسعى ويحاول ويعافر علشانك. اللي بيجي سهل بيروح سهل. انتي عزيزة في عين نفسك ولازم تفضلي عزيزة لآخر العمر. الحب الحقيقي تضحيات. لو فعلًا الحب حقيقي صادق وفي النور، كل خطوة فيه هتكمل.
رغد: كنت فاكرة آسر بيحبني بجد. أنت مشوفتش كان بيعمل ايه عشاني على السوشيال؟ غير الهدايا اللي جبهالي في خطوبتنا، كان بيحاول بكل الطرق يقربني منه.
يونس: المبالغة في إظهار الحب ورومانسية العلاقات على السوشيال ميديا مالها أي علاقة بالحب ولا أي علاقة بالرومانسية.
محمد طه.
الهدايا كلها إغراءات وأوهام لإثبات الحب. معظم الناس مغفلة، فاهمة أن دة حب وأن حبيبي دة أعظم إنتصار. سوشيال بس في الحقيقي ممكن يكون أسوأ أختيار. فاكرة تقليدها للإنفلوست والبلوجر حاجة واو أن مفيش زيها؟ تعالي شوفي حياة الناس دي بعد الجواز، حاجة مقرفة في تناقض ومشاكل. انتم اللي عيشتوا نفسكم في وضع كداب وأوهمتوا نفسكم أنه حقيقي، مع أن الحقيقية مش كده خالص. معظم علاقات الحب الشائعة عاملة زي البالونة، واخدة حجم مش أكتر، لكن جواها هواء أقل ضغط يفرقعها. زي تفكير ناس فاكرة أن قصص حبهم مفيش زيها ولا أقوى منها، مع أول مشكلة كله بيظهر على حقيقته، زي آسر كده.
رغد ببكاء وندم: غلطت وندمت والله العظيم وعرفت إني اخترت غلط. أوعي يا يونس تقول لبابا وماما حاجة عشان خاطري، مش عايزة صورتي تقل من نظرهم.
يونس: تبقي غلطانة ولسه متعرفيش مين يونس. مستحيل أعمل كدة. أنا موافق اتجوزك يا رغد بس عندي شرط.
رغد: شرط ايه هو؟
يونس: جوازنا هيفضل على الورق، هنعيش مع بعض سنة واحدة جوة البيت، أخوات برة البيت، زوجين عاديين، وبعد السنة نتطلق. هنقول أننا مرتحناش مع بعض، نفس الوقت ابقي طاوعت أبويا وكمان حلينا مشكلتك. موافقة؟
رغد بحزن: موافقة يا يونس.
يونس وهو يبتسم: تمام كدة، الاتفاق دة سري بينا، مفيش طرف تالت يعرف بيه.
رغد: حاضر يا يونس.
بااااااك
رغد وهي تضع يدها على رأسها قالت: غبية، عايزة تقولي يا يونس إني بحبك بقالي أربع سنين؟ متخيلة ايه؟ هيفت ويقبلك؟ ايه العبط دة؟ أول مرة أشوف قصة حب من طرف واحد، لا وكمان من طرف البنت، وهو ولا على باله. حب مراته مسيطر عليه بشكل كامل. شكلي كدة كنت هلخبط الدنيا وهخسر يونس ومكنتش هوصل لنتيجة.
وسرحت بذاكرته
