محلل عاشق

يعني إيه مش هتطلق؟ ايه، معندكش ضمير؟ بيسمعها وهو بيتصفح على التليفون بلامبالاة ولا كأنها بتتكلم، وقال ببرود:

— أنا شايف تقعدي وتهدي ليطقلك عرق، لأن في جميع الأحوال مش هطلق. أنا قولت شروطي.

قالت بزعيق وغضب:

— شروط إيه يا بني آدم طماع وبجح؟

كتفت إيديها بغيظ وقالت:

— طب ما كنت تقول قبل ما تخطفني. طاهر بيحبني وجاهز.

ضحك جامد وقال بهدوء:

— معلش، أصل الجملة دي تضحك قوي.. هو لو كان بيحبك.

قال:

— والله الباشا جوزك لو عايزك اللي على قلبه مش شوية، واهو بعد كده يبقى يربط لسانه ويبطل يطلقك عمال على بطال. دي خدمة ليكي يا جنجون.

قالت بغضب:

— جنى هانم بالنسبالك، متنساش إنك حتت سواق، لا روحت ولا جيت.

قال بغضب:

— اهي طولة لسانك دي اللي بتخليني أزعل منك يا جينو.. وأنا زعلي وحش، انتي متعرفهوش.

جنى بلعت ريقها بتوتر وخافت من طريقته وقالت:

— احم.. طيب طيب، اخلص قول آخر كلام علشان أكلم طاهر يمنلك الفلوس.

قال بسخرية:

— أنا قولت اللي عندي ومش هنقص جنيه.

جنى بصتله بغضب وقالت بتحذير:

— لآخر مرة هقولك لم نفسك.. اخلص هات تليفونك أكلم طاهر وهو هيجبلك.

طلع تليفونه وقال:

— ولو إني مش واثق إن الجلدة ده.

وادالها التليفون.

جنى اتصلت بطاهر، وأول ما فتح قالت بسرعة:

— طاهر، أنا جنى.

وسمعت شويه وقالت:

— اهدى متخافش.. أنا مع الزفت اللي اسمه ياسين.

ياسين بصلها بطرف عينه، وهي قالت بسرعة:

— قصدي مع ياسين السواق نفسه اللي كتب عليا.

وسمعت وقالت بغضب:

— البيه خاطفني.

وعقدت حواجبها باستغراب لما مسمعتش أي صوت وقالت:

— ألو.. ألو.. طاهر انت فين.. ألووو.

جنى بقت تبص للتليفون باستغراب وقالت:

— هو مفيش صوت ليه؟.. تقريبًا الخط قطعه.

ياسين انفجر من الضحك وبقى يضحك عليها جامد، وهي ما فهمتش بيضحك ليه وقالت بضيق:

— ممكن تضحكني معاك إلا إذا كنت اتجننت يعني وبتضحك من غير سبب، فدي ظروف خاصة.

ياسين حاول يبطل ضحك وقال:

— انتي فاكره إن الخط قطع؟ والله بتصعبي عليا ساعات.

جنى قالت بتوتر:

— انت قصدك إيه؟

ياسين قرب منها:

— قصدي إن الباشا هو اللي قفل السكة.. الظاهر كده شايف إنك ما تستاهليش.

جنى اتسعت عينيها بذهول وهي بتفكر في كلامه، بس هزت راسها برفض وقالت بسرعة:

— لا لا لا، طبعًا طاهر بيحبني ومستحيل يعمل كده.. أكيد الخط قطع، أنا هكلمه تاني.

وبقت تتصل تاني، بس تليفونه اتقفل.

قالت بخوف:

— دي أكيد شبكة، هحاول تاني.

وبقيت تحاول أكتر من مرة وإيديها بترتعش، بس برضو مقفول. قعدت بيأس على الكرسي وهي مش مصدقة اللي بيحصل أبدًا.

ياسين اتنهد وقرب منها وقال:

— ما تزعليش نفسك، يمكن فعلًا تكون شبكة.. أو التليفون فصل شحن مثلًا.

جنى رفعت عيونها ليه بدموع وهي ساكته ومصدومة جدًا.

صعبت عليه جدًا لما شاف حالتها، وقعد جنبها وقال:

— ما تزعليش نفسك قوي كده.. وبعدين متفاجئه من إيه؟ أنا قلت لك إنه جلدة.

جنى حاولت تتماسك ومسحت دموعها وقالت بحزن:

— تمام، تروحني عند بابا بقى، لأن أنا خلاص ولا طايقاك ولا طايقه نفسي.

ياسين اتجاهل كلامها وراح ناحية الدولاب.

جنى بصيت له بغضب من تجاهله ليها ووقفت وقالت بعصبية:

— أنا مش بكلمك.. عايزة أتطلق وأرجع عند بابا، ما تخلينيش أطلع جناني عليك.

ياسين حطلها التيشيرت على السرير وقال:

— أنا هدخل أستحمى.

جنى ضربت رجلها في الأرض بعصبية وقالت:

— أنا بقول لك عايزة أروح لبابا.. انت ميتني إيه؟ مش شوفت بعينك هفضل هنا لامتى؟ بلاش غباء بقى، ما تزهقنيش.

ياسين حاول يكتم غيظه ويتجاهل كلامها، ولسه هيروح على الحمام قالت بزعيق وغضب شديد:

— بقول لك روحني، أنا مستحيل أبات هنا لو هموت نفسي، مش هقعد مع واحد زيك.

ياسين أخد باله اللي بيعمله وحمحم وقال بغضب مصطنع:

— احم.. عايزك تلمي نفسك.. وتركزي كده وتحفظي ربايتك، مفهوم؟

جنى قالت بغضب شديد:

— مش لما تحفظ انت ربايتك الأول.

ياسين اتنهد وقال:

— لا، ما ينفعش للأسف.. لأني ما تربيتش أصلًا.

وراح الحمام وهو بيضحك على شكلها، وهي هتفرقع من الغيظ.

جنى بقت تزعق بغيظ وقالت:

— والله فعلًا ولا عمرك شوفت ربايه.

وقعدت على السرير بيأس وهي مش عارفه تعمل إيه في الورطة دي.

استغلت الوقت اللي دخل فيه الحمام وبقت ترن تاني على طاهر على أمل تكون الشبكة سقطت أو التليفون فصل ويرد عليها.

بعد شويه خرج ياسين وهو بينشف شعره، لقاها قاعده مكانها وماسكه التليفون. ابتسم بسخرية وقال:

— ايه، لسه فاكره إنه ممكن يرد عليكي؟ معلش اصبري عليه يومين على بال ما يفوق من صدمه.

جنى نفخت بغيظ شديد وقالت:

— أنا عايزه أفهم بس، هتروحني امتى؟

ياسين بصالها بطرف عينه وهو بيسرح شعره وقال:

— عجباني الثقه اللي عندك.. يعني متخيله إني هروحك وبتسالي امتى كمان.

جنى وقفت وقربت منه بغضب وقالت:

— يعني إيه.. هقعد معاك هنا بمناسبه إيه إن شاء الله؟

ياسين التفت لها وقرب منها قوي وقال:

— بمناسبه إننا اتجوزنا. انتي أكيد نسيتي، بس لو تهدي معايا كده.

ياسين راح مدد على السرير وقال بمنتهى البرود:

— طيب، نبقى نشوف الموضوع ده الصبح.. ممكن يكون حبيب القلب وقتها فاق من الغيبوبه ورد مثلًا.. يلا تعالي نامي.

جنى بصت له بدهشه وقالت:

— أنام فين؟.. انت مستوعب اللي انت بتقوله؟

ياسين ضحك جامد وقال:

— يا بت انتي بقيتي مراتي، أكتبها والزقهالك على دماغي علشان تفكرك كل شويه.

جنى كتفت ايديها بغضب وقالت:

— بطل كلمة مراتي دي. أنا اتجوزتك مش أكتر عشان أعرف أرجع لجوزي. بلاش تصدق نفسك، لأن لولا اللي حصل معانا ده، أنا ما استنضفش تلمع جزمتي مش تتجوزني انت. حتتة أجير لمهمه محدده وبس.

ياسين قال بغيظ:

— طالما بتعرفي تطولي لسانك وتقلي أدبك..

جنى قالت بغضب:

— احنا ادينا لك حقك، انت اللي طماع.

ياسين وقف وقرب منها وقال: