يونس: ادخلي يا رغد.
رغد بتوتر: ادخل فين؟
يونس بغضب: مش ناقصة غباء على آخر الليل. تعالي يا رغد، مش هاكلك يا بنتي، أدخلي.
فدخلت رغد الشقة وهي تحمل فستانها الأبيض بيديها الاثنين، والتفتت خلفها بخوف عندما وجدت يونس يغلق الباب.
رغد بغباء: قفلت الباب ليه؟
يونس وهو يرد: المفروض أعمل ايه يعني؟ وبعدين مش كفاية اتدبست فيكي واتجوزتك غصب عني عشان خاطر أبوكي بسبب العيل الأهبل اللي سابك وهرب. كويس إنه مكتبش عليكي، كانت تبقي مصيبة.
رغد مدافعة عنه: متقولش عليه عيل أهبل، هو أكيد في ظروف منعته، بس هو هيرجع.
يونس وهو يضرب كفيه ببعضهما: يا بنتي، أنتي حبيبك سابك وهرب. انتي مدركة، عارفة يعني ايه عريس يسيب عروسته ليلة فرحها وتتجوز حد تااااني؟
رغد وهي تتجاهل حديثه قالت: أوضتي فين؟
يونس وهو يشاور بيده تجاه الغرفة قال: هي دي.
فتركته رغد ودخلت إلى الغرفة وأغلقت الباب.
يونس وهو ينظر للباب المغلق قال: البت دي أكيد مصدومة، مش طبيعية. هدوئها مش مريح أبدًا.
ودخل لغرفته وأغلق الباب.
عند رغد، تجلس على الفراش تنظر إلى الغرفة من جميع النواحي، وفجأة أطلقت صرخة قوية من أعماق قلبها.
يونس وهو في الخارج يقف أمام الغرفة ويقول بقلق: رغد، أنتي كويسة؟ افتحي الباب.
رغد من الداخل تبكي بصوت مرتفع ولا ترد.
يونس: طيب ردي عليا يا رغد، طمنيني.
ولكن رغد كانت في عالم آخر.
يونس: افتحي يا رغد، وإلا هكسر الباب بجد. ممكن تهدي وتردي عليا.
رغد في الداخل وهي تتجه نحو المرآة وتقوم بكسرها وتأخذ قطعة منها وتقول: لازم أموت نفسي، أيوة الموت راحة ليا.
وأغمضت عيونها ووضعت قطعة الزجاج على وريدها النابض، ولكن وجدت يد قوية تمنعها، ففتحت عيونها وقالت بذهول: أنت دخلت ازاي؟
يونس بصوت عال وهو يأخذ قطعة الزجاج ويتخلص منها ويقول: أنتي بتعملي ايه؟ عايزة تنتحري عشان مين؟ هااا؟ عايزة تموتي كافرة وتخسري حياتك ودنيتك وأخرتك عشان ذكر مالوش لازمة؟ لأن ده ميعرفش يعني ايه رجولة ولا يكون تبع صنف الرجالة. فوقي بقا وأعرفي إن ربنا بيحبك وأكيد عمل كدة عشان دة مش خير ليكي.
وأمسكها من كتفيها وهزها وقال: آسر كان ماضي خلاص، ميستاهلش حد زيك يا رغد، هو الخسران مش انتي.
رغد وهي تبتعد عنه وتقول بحسرة وبكاء: طيب ليه أوهمني بحبه وضحك عليا؟ ليه ضيع من عمري سنة ونص؟ لما هو ناوي يسبني لييييه؟
يونس بهدوء: استهدي بالله يا رغد وحاولي تنسي وأرضي بقضاء ربنا. يمكن يكون خير لينا. أنا كمان ضحية زيك، مكنتش ناوي أتجوز بعد وفاة مراتي، وخدت عهد على نفسي مش هدخل حياتي ست بعدها، بس الظاهر كدة القدر ليه رأي تاني.
رغد: هي مراتك ماتت إزاي؟
يونس بألم وحزن: هقولك، مش عشان أرضي فضولك، عشان تعرفي إن ألمي أضعاف ألمك يا رغد، وعشان تعرفي بالرغم اللي مريت بيه متماسك وراضي بنصيبي. وحاجة كمان عايزة أقولها ليكي يمكن تفوقي وتعرفي إن ربنا ليه حكمة. وموفقش علاقتك مع آسر لأنها كانت من وراء أهلك بمعرفتك بيه. تفكيرك زي تفكير أغلب البنات، مش كلهم، فاكرة إن الارتباط مجرد علاقة سرية وبعدين تتطور للعلن، ولكن من وجهة نظري الارتباط هي خطوبة قدام الناس والأهل في النور. يمكن ربنا موفقش علاقتكم عشان البداية كانت غلط، زي الحرامي بالظبط اللي يسرق حاجة وميلحقش يفرح بيها لأنه اتقبض عليه أو ضاعت منه كأنه مسرقهاش. مثال للتوضيح: عارفة، لو واحد ماشي في الشارع ويشوف 100 جنيه على الأرض ياخدها ويصرفها مش هيحس بيها، هيضيعها في ثانية. غير اللي طلع عينيه وخد يوم كامل عشان ياخد نتيجة تعبه، نفس 100 جنيه بس واحدة جت بدون تعب عن طريق الصدفة وواحدة جت بشقى وتعب. فمتعة صرفها تبقي مختلفة. الحرام سهل ولكن الحلال مش أي حد يقدر يمشي في طريقه. ودي النتيجة، بس كله في النهاية خير.
فلاش باك
يونس بخضة وهو يستيقظ من نومه لا يجد مريم زوجته بجانبه، قال: انتي فين يا مريم؟ راحت فين دي؟
ونظر لهاتفه وجد الساعة الواحدة والنصف صباحًا، ونهض من على الفراش وخرج من الغرفة، ولكنه وجد مريم في المطبخ.
يونس بقلق: مريم، أنتي كويسة؟
مريم بتعب: لا، مش كويسة خالص. الحقني.
يونس بتوتر: تعالي معايا، احنا لازم نروح المستشفى دلوقتي نشوف فيه ايه. تعالي معايا يلا.
في المستشفى، بعد أن كشف الطبيب عليها قال: دي أعراض تسمم حمل: القئ، الصداع، وألم المعدة والتشنجات. دي هي في الشهر الثامن صح؟
يونس: أيوة. واكمل بقلق: الحل يا دكتور ايه؟
الدكتور: لازم تدخل عملية ولادة، بس عشان أكون صريح معاك، احتمال كبير تفقد البيبي. فرصة الحياة منعدمة بسبب التسمم.
الدكتور: هي أجهضت قبل كدة؟
يونس بحزن: للأسف، مرتين.
الدكتور: هي عندها مرض مزمن زي السكر، الضغط، مشكلة في الدم؟
يونس: لا، بعض الأوقات بيكون ضغطها مرتفع بس مش مزمن، من وقت للتاني عادي طبيعي.
الدكتور: عمومًا احنا هنعمل اللي ربنا يقدرنا عليه. إن شاء الله خير. عن إذنك.
يونس وهو يجلس على الكرسي ويبكي على رفيقة دربه وزوجته وعلى ابنته التي لم يراها، خوفًا من فقدانها وخوفًا على شعور زوجته إذا فقدت ابنتها، كيف سيكون شعورها.
في غرفة العمليات:
الممرضة: الحق يا دكتور، نبض المريضة ضعيف، شكلها بتودع، والضغط عالي. هنولدها ازاي؟
الدكتور: اخرجي بسرعة. مضى جوزها على إقرار طبي إن لو حصلها حاجة احنا مش مسئولين، وأوعي تقولي له حاجة. أنتي فاهمة عشان منلبسش مصيبة وندخل في حوارات احنا مش قدها، لازم نخلي مسئوليتنا.
وبالفعل خرجت الممرضة وجدت يونس يجلس بشرود وحزن، قالت: اتفضل يا أستاذ.
يونس: ايه دة؟
