الممرضة: دة إقرار طبي إن لو قدر الله حصل للمدام حاجة، لا المستشفى ولا الدكتور مسئول. روتين، حضرتك مفيش قلق منه.
يونس وهو ينهض ويتكلم بصوت عال: أنتي مجنونة؟ يعني ايه يحصلها حاجة؟ لو مراتي ما رجعتش ليا بخير هوديكم في داهية، بلا إقرار بلا زفت على دماغكم.
الممرضة بخوف: وطي صوتك، بعد إذنك، دي مستشفى.
يونس بعصبية: أنا عايز أشوفها، عايز أكون معاها.
الممرضة: تفضل معايا، بس لازم تتعقم الأول قبل الدخول.
وبالفعل تعقم يونس ودخل عند زوجته.
مريم ببكاء وتعب.
يونس بحب وقلق: قلبي وروحه، متخافيش، إن شاء الله هتبقي كويسة، أنا معاكي.
الدكتور وهو يوجه حديثه ليونس: مش هاخد أي خطوة إلا لما تمضي على الإقرار الأول.
يونس بانفعال وصوت عال: همضي بعدين، بس ابدأ في العملية. مش شايفها تعبانة ازاي؟ الزفت الإقرار همضيه بعدين.
الدكتور بإصرار: مش هبدأ شغل وأنا لسه عند قراري إلا لما تمضي الإقرار الأول.
مريم بتعب: أمضي يا يونس عشان خاطري.
يونس وهو يأخذ الإقرار من يد الممرضة بعنف ويمضي وأعطاه لها وقال للدكتور: اتفضل ابدأ.
الدكتور: تمام، اتفضل بره.
مريم وهي تمسك يد يونس بشدة: متسبنيش، خليك معايا يا يونس. أنا خايفة أوي، حاسة إني هموت.
يونس: بعد الشر عنك يا قلبي، متقوليش كده. ممكن تهدي وتصلي على الرسول.
مريم: عليه أفضل الصلاة والسلام.
الدكتور وهو يسأل الممرضة: أخبار ضغطها ايه؟
الممرضة: عالي يا دكتور، والنبض ضعيف وبيقل.
الدكتور بصوت منخفض: الضغط لو منزلش ممكن تموت بسكتة دماغية بسبب الارتفاع اللي في الدم. كدة الأكسجين نسبته هتقل، حالتها هتكون في خطر.
الممرضة بخوف: وبعدين يا دكتور، لو حصلها حاجة جوزها هيقلب الدنيا.
يونس وهو يتحدث مع مريم لتخفيف عنها، وفجأة وجدها لا تستطيع التنفس.
يونس بخوف وهو ينادي على الدكتور ويقول: هي مالها؟
الدكتور: نسبة الأكسجين بدأت تقل عندها.
ونادى الممرضة وقال: هاتي جهاز التنفس.
أحضرت الممرضة الجهاز ووضعته على وجهها، ولكن ما زالت لا تستطيع أن تجمع أنفاسها.
يونس بصوت مهزوز: هي بتعمل كدة، هي تبقي كويسة صح؟
الدكتور: إن شاء الله. ممكن بعد إذنك تخرج برة عشان نشوف شغلنا.
يونس بألم وقلق لم يتحمل الوضع الذي عليه زوجته، فخرج من الغرفة مسرعًا وجلس على الأرض بانهيار قال: ياااارب، لاء ياااارب، متخدهاش مني. أنا راضي بقضاءك، لو مش مكتوب في قدري أكون أب، راضي، بس مريم لاااااا، احفظها يارب. مريم مش مراتي بس، دي حيااااتي. لو حصل ليها حاجة هدمر وانفجر.
وانفجر في البكاء.
باااااك
رغد بحزن على حالته: كل دة مريت بيه وعرفت ازاي إنها بتموت وإن حياتها في خطر؟
يونس بوجع: هقولك.
فلاش باك
يونس وهو يجلس على الأرض ويبكي، سمع الممرضة وهي تتحدث مع زميل لها تقول: صعبانه عليا الحالة اللي في العمليات، اللي عندها تسمم حمل، بتموت جوه، النبض ضعيف خالص. مش عارفة جوزها هيستقبل خبر موتها ازاي. البنت لسه صغيرة، ربنا يصبر أهلها ويصبره. الدكتور عارف إن هي خلاص مفيش أمل بس مش عارف يبلغ جوزها ازاي.
يونس وهو يتجه نحوهم قال: انتم بتتكلموا عن مين؟
الممرضة بخضة: مريضة في العمليات جوة. حضرتك تعرفها؟
فتركهم يونس وركض مسرعًا مرة أخرى لغرفة العمليات، اقتحم الغرفة بهمجية، وجد الأطباء حول زوجته يقومون بإنعاش قلبها، ولكنها لا تستجيب.
رأي يونس.
باااااااك
رغد: عملت ايه؟ كانت ردة فعلك ايه لما سمعت الدكتور؟
يونس بحزن: كفاااااية يا رغد، مش قادر أكمل. فاكر اليوم دة كأنه امبارح. تلات سنين وأنا عايش ميت، عايش بجسد بدون روح. فراقها كسرني، حياتي بقت فارغة. مريم خدت قلب وعقل وروح وكيان يونس معاها.
رغد وهي تنظر له باستغراب وتقول بينها وبين نفسها: كيف يمكن لرجل أن يعشق زوجته بهذه الطريقة؟ تمنت لو لحظة هي تكون مثل مريم. هل مع مرور الوقت يحبها يونس ولو جزء صغير مثل حبه لزوجته؟
فاقت على صوت يونس وهو يقول: الفجر بيأذن، يلا نقوم نتوضأ ونصلي.
رغد بفضول: مش هتقولي رد فعلك كان ايه؟
يونس بهروب: بعدين يا رغد، قومي غيري الفستان دة وصلي ونامي.
وتركها وخرج من غرفتها.
بالفعل قامت رغد وقامت بتغيير الفستان وتوضأت وأدت فرضها.
على الجانب الآخر، يجلس يونس في غرفته على سجادة الصلاة ويقول: لييييه يا رغد فتحتي جرح قلبي أكتر ما هو مفتوح؟ وليه جاوبتك ورضيت فضولك؟
تاني يوم
يخرج يونس من غرفته يجد رغد تجلس في الصالة وقالت: صباح الخير يا يونس.
يونس: صباح النور، أحسن من امبارح.
رغد: الحمد لله، وانت؟
يونس: أنا ايه؟
رغد: هو سؤالي ضايقك؟
يونس بعقلانية: لا أبدًا، عادي، أمر واقع وأنا رضيت بيه وعايش.
رغد: أنا آسفة على اللي عملته امبارح، مش عارفة كان دماغي فين. أنا ازاي أصلًا فكرت في الانتحار عشان فعلًا شخص ميستاهلش.
يونس: مش مهم الخطأ، المهم نتعلم منه كويس إنك فكرتي وعرفتي غلطتك.
رغد: أنا ممكن أسألك سؤال؟
يونس: ممكن.
رغد: هو ممكن تدي فرصة لقلبك وتحب مرة تاني؟
يونس وهو ينهض من على الكرسي كأن لسعه عقرب قال بصوت عال وجنون: أنتي ازاي تسأليني سؤال زي دة؟ ازاااااي؟ مستحيل حد يسكن قلبي بعد مريم. قلبي!
رغد بخوف وذهول من هيئته قالت: ده مش حب طبيعي، دة جنون.
وقامت ودخلت إلى غرفتها وأغلقت الباب وجلست على الفراش وسرحت بذاكرتها.
فلااااش بااااك
آسر: آنسة رغد.
رغد: نعم، حضرتك تعرفني؟
آسر: أنا أعرفك من زمان.
رغد: نعم، حضرتك هتهزر؟
آسر: رغد، أنا مراقبك من زمان ومعجب بيكي وبلغت صاحبتك مي.
رغد بقرف: المطلوب؟
آسر: عايز أرتبط بيكي وأتعرف عليكي من قرب.
رغد: وأنا مش موافقة. ممكن بعد إذنك أمشي.
وتركته ورحلت.
مي صديقة رغد تقول: عايز منك ايه دة؟ برضو مصمم؟
رغد بدون اهتمام: قال ايه معجب بيا وعايز يرتبط.
مي: وفيها ايه يعني؟
مي: عادي يا بنتي، طالما ارتباط في حدود الأدب.
