شخص 2: أنا قولت لك الموضوع فيه مخاطرة، بس للأسف انتي برضو نفذتي اللي في دماغك عشان نمنع الشك. كان لازم آخد الخطوة دي.
شخص 1: بس أنا كنت عايزاك تكسر غرورها، تتسلى بيها لوقت مؤقت مش أكتر، تضيع معاها وقت، مش تتجوزها يا آسر.
آسر: خلااااص يا مي، واهو اللي حصل وسبتها يوم فرحها وخلصنا وكسرت رغد زي ما انتي عايزة. ممكن تهدي بقا.
مي: الشعور بالنفور أمر صعب. عندما تشعر أن قيمتك قليلة وسط عائلتك وأحبابك المقربين، تنكسر القلوب وتضعف الأجساد.
مي بعصبية: هي مش أحسن مني ولا هتكون. أنت فاهم، رغد مش أحسن مني يا آسر.
آسر: مفيش حد أحسن من حد يا مي، بس اللي عايز أعرفه ليييه كدة؟ ليه تأذي رغد بالشكل دة؟
مي بوجع: أهلي هما السبب.
آسر بدون فهم: ايه دخل أهلك في الموضوع؟
مي: هما اللي وصلوني لكدة. دائمًا: خليكي زي رغد، شوفي رغد بتعمل ايه وكوني زيها، شوفي رغد وصلت لفين وانتي فين. مقااارنات مقااارنات، لما تعبت.
آسر: تعرفي رغد من امتى؟
مي: من مرحلة الإعدادي، كنا جيران قبل ما نعزل ونجي اسكندرية هنا، ويشاء القدر ندخل جامعة واحدة هنا.
واكملت بوجع: عارف يعني ايه كل وقت وكل دقيقة وكل ثانية أنت في نظر أهلك قليل؟ مهما عملت، مهما تعبت، دائمًا قليل في نظرهم.
وأخذت نفسًا عميقًا وأكملت: أنا كرهت نفسي وكرهت أهلي.
آسر وهو ينظر لها بصدمة وذهول.
في القاهرة، عند يونس، يستيقظ من نومه بنشاط كعادته للذهاب إلى عمله محاسبًا في بنك. ينهض من على الفراش ويخرج من غرفته يجد رغد تقول: صباح الخير، هعمل قهوتك تكون جهزت.
وتركت وغادرت للمطبخ.
يونس بإستغراب: من امتى رغد بتصحى بدري كده؟ وعرفت منين إني بحب أشرب القهوة على الريق؟
واتجه إلى الحمام.
بعد نصف ساعة، في غرفة يونس وهو يرتدي بدلته الرسمية ويسرح بذاكرته.
فلاش باااك
بعد انتهاء دوام عمله، يمر بجانب محل العطور ليقابل مريم، دلف للمحل وقال: مساء الخير.
مريم: أنت تاني؟
يونس وهو يبتسم لها: كويس إنك فاكراني.
مريم: عايز ايه؟
يونس: أنتي.
مريم بشهقة وغضب وقالت: اطلع برة قبل ما أمسح بكرامتك المحل هنا. يا أسمك ايه انت؟
يونس ببرود: يونس، أسمي يونس. وبعدين شاب زي محترم ولابس بدلة يتمسح بيه كرامته بالبساطة دي؟ هو أنا عملت ليكي حاجة؟
مريم بغيظ: المظاهر خداعة. مش كل اللي مظهره محترم يحترم. وللأسف وقتنا الحالي الناس بتحكم على المظاهر.
واكملت بوقاحة: وأنت مظهر محترم بس أسلوبك وطريقة تعبيرك مش باين عليها ولا تعرف الاحترام. عقليات الناس بقت مستواها في الأرض، بصراحة عندها المظهر الخارجي أهم من المبادئ والجوهر الداخلي. ليس كل ما يلمع ذهبا. متفرحش بنفسك ومظهرك أوي، ممكن تكون الناس تنجذب ليك ولمظهرك، مش احترام ليك، لأ، عشان المظهر ومركزك وسطهم بس. ولكن لو الناس بتنجذب ليك لذاتك وشخصيتك، مش هيفرق معاهم مظهرك ولا مركزك أي كان مكانتك. جمال الشخص واحترامه مش بالمظهر والاهتمام الخارجي. سبب مش كافي على فكرة، كل الناس تعرف تهتم بشكلها، بس مش كل الناس تعرف تكتسب إحترام حقيقي. وفي مثل بيقول: لا تنخدع بالمظهر، فمن أراد البحث عن اللؤلؤ فاليغص إلى الأعماق.
باااااااك
تقطع تفكيره رغد وهي تقول: أنا آسفة يا يونس إني دخلت أوضتك، بس خبطت وناديت عليك مردتش فأضطريت أدخل.
يونس: ولا يهمك يا رغد.
وأخذ القهوة من يدها وقال: شكرًا، تعبتك.
رغد: لا عادي، عن إذنك.
وخرجت من الغرفة.
عند رغد وهي تقف في المطبخ، تذكرت آسر فسرحت بذاكرتها.
فلاش باااك
رغد: عايز ايه يا آسر؟ جاي المطبخ ليه؟
آسر: جاي أساعدك.
رغد بضحك: تساعدني؟ وده من ايه إن شاء الله؟ اللي أعرفه إن الرجل الشرقي معندوش الصفة دي.
رغد: عايزة أسألك سؤال وتجاوبني بصراحة.
آسر: قولي.
رغد: هو ممكن في يوم من الأيام تتغير معايا وتيجي عليا؟
آسر باستغراب: ايه السؤال دة؟ وليه؟
رغد بحيرة: مش عارفة، بس دايما على بالي وعايزة أعرف رد فعلك.
آسر وهو يمسك يدها ويقول: مش هيحصل يا رغد، صدقيني. مش هتغير معاكي ولا هاجي عليكي، ومش هتندمي على اختيارك ليا. ده وعد من حبيبك، متشغليش بالك بالأفكار دي.
آسر: وعد وهيوفي.
بااااااك
رغد وهي تمسح دمعتها التي سقطت من على وجنتيها قالت: كدبت إحساسي وتجاهلت الإشارات ومشيت في طريق مجهول، خدت منه الخياااانة والكدب وكلام فاضي.
في الإسكندرية.
آسر بصدمة وذهول: تكرهي أهلك؟ مش لدرجة دي يا بنتي.
مي بإنهيار: لا، لدرجة دي وأكتر. أنت متعرفش أهلي وصلوني لأيه. أنا مستعدة أعمل أي حاجة تتخيلها المهم محدش يكون أحسن مني.
وانفجرت في البكاء ولم تكمل حديثها.
آسر.
مي ببكاء: أنا تعبت يا آسر، حاسة إني وحيدة، معنديش سند ولا حد يحبني غيرك.
ومسحت دموعها وقالت: عارف لو فكرت تسبني أو تستغنى عني هقتلك وأقتل نفسي وراك.
وابتسمت بجنون واكملت: بس أنا واثقة إنك مش هتعمل كدة صح؟
آسر بخوف داخلي وتوتر: لا لا، مش هسيبك، أنتي حبي الأول يا مي، اطمني أنا معاكي على طول.
في القاهرة، عند يونس وهو يخرج من غرفته يجد رغد أمامه.
يونس: واقفة هنا ليه يا رغد؟ في حاجة؟
رغد: بصراحة، عايزة أتكلم معاك في موضوع كدة بس مش عارفة أبدأ منين وازاي.
يونس وهو ينظر لساعته وقال: للأسف اتأخرت على شغلي، مش هينفع لما أرجع يا رغد. بعد إذنك عشان اتأخرت.
وتركها ورحل من أمامها.
رغد بحيرة: أقول له ولا بلاش؟ بس أنا خايفة من رد فعله وممكن يفهمني غلط.
وقالت بغيظ: منك لله يا آسر.
وسرحت بذاكرتها.
فلاش باااااك
آسر: حبيبي سرحان في ايه؟
رغد: لا مفيش حاجة.
آسر: متأكدة؟
رغد بكذب: أيوة. آسر، هي المرأة من وجهة نظرك ايه؟
آسر: يعني ايه؟ مش فاهم.
رغد: سؤالي واضح يا آسر.
آسر: كائن جميل وكيوت، يحب الدلع زيك يا قمر يا حليوة. أنت كائن ضعيف محتاج اللي يقوية ويكمله.
رغد: وايه كمان؟
آسر: بس كدة. هي البنت محتاجة ايه غير دلع واحتواء وحب وعيشة حلوة، وإنها تكون سعيدة مع حبيبها؟
بااااك
رغد بقرف: كل يوم يعدي يثبتلي اد ايه آسر شخصية مقرفة وسطحية. مش عارفة كنت فين وعقلي كان فين لما أوهمت نفسي وحبيت واحد زيك.
وابتسمت بحب وقالت: مفيش غيرة، اللي خد عقلي وقلبي بس كنت بكابر وحاولت أنساه وأشوف بديل بس معرفتش.
وسرحت بذاكرتها مرة أخرى.
رغد: ممكن أسأل حضرتك سؤال؟
هو: اتفضلي.
رغد: هي المرأة من وجهة نظرك ايه؟
هو: بس دة؟ مالوش علاقة بالدرس يا رغد.
رغد: عارفة، بس ممكن أعرف لو سمحت.
هو: المرأة دي حاجة كبيرة أوي، لؤلؤة مكنونة يا رغد. دي وصية رسول الله لما قال: استوصوا بالنساء خيرًا. هي الأم، الزوجة، الأخت، الابنة، الخالة، العمة، الجدة. بس كل حد منهم ليه معاملة خاصة بيه.
رغد: المرأة الزوجة ايه قيمتها عندك؟
هو: دي حاجة كبيرة عليكي. انتي لسه صغيرة على الكلام دة. خليكي في دراستك ومستقبلك. ممكن بقا نبطل ضياع وقت ونكمل الدرس.
رغد: أنت اتضايقت؟
هو: لا خالص، ممكن نكمل الدرس.
بااااااك
رغد وهي تبتسم: دلوقتي فهمت وعرفت ليه قولت لي كدة. حبي ليك مكنش قليل، خدت قلبي في فترة قصيرة، كل نبضة كانت بأسمك وليك بس. حاولت أنساك معرفتش، ملقتش بديل، ويوم ما فكرت في البديل مكنش ليك بديل ولا هلاقي زيك يا يونس. أنت حبي الأول، كنت فاكرة إنها مراهقة وهتروح لحالها، بس لأ،
