رغد وهي لا تجد أي إجابة شعرت لوقت أنها رخيصة، ولكنها تجاهلت ذلك الإحساس لأنها كانت تثق بآسر ثقة عمياء، ظنته رجلًا حقيقيًا هو حبيبها وبطلها.
آسر مقاطعًا شرودها: معلش يا رغد، عشان خاطري استحملي، وأنا أول ما أكون جاهز هخطبك. تأكدي إني مش هتخلى عنك أبدًا ومش هسمح لحد ياخدك مني وتكوني لغيري.
وبالفعل اقتنعت رغد الحمقاء بهذه الكلمات.
بااااااك
يقطع سرحانها دخول يونس.
فتنهض وتقول: يونس، أنا…
هو مقاطعًا: بس ولا كلمة. أنا جاي أقولك إني آسف على تصرفي معاكي، بس مكنتش متوقع إنك هتسأليني السؤال دة. أنا عارف يا رغد إنك اتخدعتي ولسه خارجة من علاقة حب فاشلة وقلبك عايز اللي يداويه، بس نصيحة ليكي: أوعي تبادلي مشاعرك لحد لمجرد سد فراغ. كدة هتبقي بتظلمي نفسك أولًا والطرف التاني، تخلصي من أثر العلاقة الأولى وبعدين افتحي قلبك مرة تانية يا رغد. الحب تجربة، مش شرط يكون للحبيب الأول، ممكن يكون قلبك ملك التاني أو التالت. بس اختاري صح، وبعقلك الأول وبعدين القلب. أنا عارف إن الحب زي الموت بيخبط على قلوبنا بدون استئذان، بس الإحساس ديمًا بيكون إشارة لينا. ممكن يكون آسر مكنش حبك الحقيقي وكانت في إشارات بس انتي عاندتي واقنعتي نفسك إن آسر حب حياتك.
رغد بذهول وإعجاب: كيف يعرف يونس كل ذلك دون أن تحكي له أي شيء؟ هل تخبر يونس بسرها الذي تخفيه عنه؟ ولكنها لا تتوقع ردة فعله كيف ستكون.
رغد وهي تنظر ليونس بخوف وتقول بينها وبين نفسها: أخبره بسرها أم لا؟ فقررت إخفاء السر عنه لوقت مؤقت وإخباره به في وقت آخر.
فاقت من شرودها وقالت: كلامك صح ومقنع، بس عرفت بيه متأخر أوي، بعد فوات الأوان.
يونس: مش مهم يا رغد، في مثل بيقول: الوصول متأخرًا أفضل من ألا تصل أبدًا. يعني لو وصلتي للصح متأخر أفضل من الاستمرار في الغلط ومتوصليش لنتيجة. الحياة لسه قدامك، وأكيد جرحك مع مرور الأيام هيخف وهتنسي. المهم تكوني اتعلمتي وعرفتي إن المشاعر غالية، وباب القلب مش أي شخص يخبط عليه نفتحه ليه، إلا لو فعلًا الشخص دة يستاهل المشاعر دي ويكون قدها ويكون في الحلال. أهم حاجة اللي بيحب بجد بيدق الباب بعد دقة القلب اللي بيحس بيها الشخص دة. لو دقة الباب اتأخرت بعد دقة القلب، يبقى دقة القلب دي مزيفة.
فسكتت رغد ولم تظهر أي ردة فعل، كانت مستمعة لحديثه فقط، ولكن كان هناك صراع داخلها لا تعلم أسبابه.
بعد أسبوع، استقر الوضع بين يونس ورغد وبدأت تتقبل الحياة معه، وهو كذلك تقبل الأمر، ولكن ما زال كل منهما مستقل بغرفته، علاقتهما فاترة ليس لها معنى. هل ستدوم على ذلك أم ستتغير؟
فلاش بااااك
بعد تسعة أشهر من علاقتهما، تمت خطبة رغد وآسر، ولكن عائلتها لم تكن تعلم أنها كانت على علاقة سابقة به.
رغد: أخيرًا هنعيش في النور وسط الناس ووسط أهلك وأهلي وقدام العالم كله، علاقتنا بقت معروفة.
ولكن لم تكن تعلم أن البداية كانت خاطئة، وأي شيء أتى سهلًا يمكن خسارته بسهولة. لم تكن تعلم أنها علاقة ليست صحيحة، لم تكن تعلم أنها مجرد لعبة، لم تكن تعلم أن أساس هذه العلاقة ضعيف وسوف تنهار وتنكسر في أي وقت.
آسر بحب: فعلًا مع أن اليوم ده جه متأخر، بس حصل يا روح قلبي.
رغد بفرحة: أنا مبسوطة أوي يا آسر.
فتقطع حديثهم مي وهي تتقدم تجاههم قالت: مبروك يا قلبي، مبروك يا آسر، يتمم لكم على خير.
مي: يارب إن شاء الله. المهم همشي بقا عشان اتأخرت، هكلمك، يلا سلام.
وتركتهما ورحلت.
باااااااك
رغد بغيظ وكره وهي تمزق الصورة وتضعها تحت قدميها وتقول: هنساك يا آسر وهعيش حياتي. أنت خلاص كارت محروق، ماضي أسود، وهتخلص منك ومن ذكرياتك. بس فعلًا دي غلطتي إني وثقت وكسرت مبادئ عشان واحد زيك.
فلاش بااااك
مريم فتاة جمالها عادي، ليست فائقة الجمال ولا قبيحة، ملتزمة، ترتدي خمار، تعمل في محل عطور.
يدخل يونس المحل ويقول: لو سمحت.
فالتفتت له مريم وتبتسم وتقول: أيوة يا أستاذ، اتفضل.
يونس: أول مرة أدخل محل عطور ألاقي بنت، لا وكمان قمر ومحتشمة. إيه الحلاوة دي؟
مريم بضيق وبحدة: نعم حضرتك؟ بتهزر؟ لو جاي تستظرف هنا دة مش مكانك، اتفضل برة، دة مكان شغل.
يونس: لا لا، أنا آسف، فكرتك من النوع التاني.
مريم ببراءة: نوع ايه؟
يونس: لا متشغليش بالك. المهم عايز برفن رجالي حلو، رشة منه توصل ريحته لآخر شارعنا وجاهز.
مريم وهي تعرض له الأنواع المطلوبة قالت: اتفضل، دول أحسن حاجة، اختار اللي يعجبك.
يونس بحيرة: كلهم حلوين بس مش عارف، ممكن تساعديني أي الأفضل؟
مريم وهي تلتقط عطر سينت أوف سيلفر إنفيكتوس قالت: أعتقد دول أفضل اتنين من وجهة نظري، ريحتهم جميلة.
يونس وهو يستنشقهم قال: خلاص، أنا هاخد الاتنين، ولم يخلصوا هاجي اخد تاني.
ونظر لها بغموض وقال: شكلي هاجي هنا كتييير الأيام الجاية.
مريم بضيق وابتسامة صفراء: الحساب أربعة مئة وخمسون ج.
وقامت بتغليفهم وأعطته وقالت: اتفضل.
فأخرج يونس المال.
يتوقع منها ذلك قال يونس: أنا آسف، مكنش قصدي.
وأخذ العطور ورحل من أمامها وخرج من المحل.
بالرغم من أن يونس تعامل مع بنات كثيرة، ولكن مريم كانت مختلفة بالنسبة له.
بعد أن رحل من أمامها.
بااااااك
يونس بإبتسامة عاشق مختلفة ومميزة: ومفيش منك. اشتقت يا مريم، كانت أجمل صدفة وأسوأ نهاية.
وتنهد بحزن وأغمض عيونه واستسلم لنومه.
في محافظة الإسكندرية، منطقة سيدي بشر، في إحدى الشقق.
شخص 1: كنت عايز تسيبني؟ عايز تضحي بيا بعد السنين دي كلها؟ عايز تباعني بعد كل اللي عملته عشانك؟
شخص 2: مش أنتي اللي خططتي وأنا نفذت زي ما كنتي عايزة؟
شخص 1: بس مكنتش أتوقع إن الموضوع هيوصل لكدة.
