رفع إيديها باسها وسند رأسه على رأسها ونام.
بالليل
— إيه اللي أنتي بتقوليه دا يا سحر؟
— أنا كنت مستنياك تتصل من زمان بس تلفونك كان مقفول.
— أنتي متأكدة إنها هربت بجد ولا دي لعبة من حمزة!
— لا لا، دي هربت فعلا. أنت مشفتش حمزة حالته كانت ايه وهو بيدور عليها زي المجنون. دا يا حبيبي وقع من طوله من زعله.
— غريبة، معقولة لحق يحبها!
بحزن: — دا كان ماسك في إيدي زي العيل الصغير وبيعيط. لما افتكر إني عارفه مكانها ومخبية عليه علشان خاطري، لو تعرف مكانها قوله وريحه.
— أنا نفسي معرفش مكانها فين. برن عليها تلفونها مقفول، حتي الـGPS اللي في التلفون اللي معاها مش قادر أحدد موقعها بيه.
— اتصرف علشان خاطري. فريد كلمني وقال إنه اختفى من وقت ما راح إسكندرية وقافل تلفونه. أنا خايفة ليعمل في نفسه حاجة.
— خلاص أطمني، أنا هتصرف. يالا سلام.
— أبقي طمني على حمزة.
في الشاليه
صحيت وعد وهي حاسة نفسها متكتفة، فتحت عينيها لقت حمزة واخدها في حضنه جامد ومحاوطها بإيديه كأنها تهرب منه.
إبتسمت وهي بصاله وبعدها كشرت تاني وهي بتقول لنفسها: — لأ يا وعد، بلاش.. بلاش تعشمي نفسك وأنتي عارفة أخرتها ايه. مش معنى إنه حضنك وقال إنك مراته تستسلمي لقلبك وتصدقي إنه ممكن يحبك بجد. حتي لو حبني، مصيره يعرف الحقيقة، وغصب عنه هيكرهني. مش هقدر أستحمل وقتها نظرته ليا، أنا ممكن أموت فيها. لازم أكرهه فيا لحد ما يطلقني. وجعي أنا بعيد عنه أهون عليا من وجعي لما أشوف نظرته ليا لما يعرف اللي حصلي.
صحي حمزة على دموعها وهي بتنزل على إيده.
— إيه دا؟ مالك؟
اتعدلت وهي بتبعد عنه: — أنت جبتني هنا ليه؟
— أنا أسف علشان سبتك لوحدك، مكنتش أعرف إنك هتتعبي.
— أنا متعبتش علشان كدا، أنا تعبت علشان بعدتني عن إسلام.
اتغيرت ملامح وشه ومسكها من الدريس: — نعم يا روح أمك؟ تعبتي علشان مين؟ سمعيني تاني كدا!!
زعقت في وشه: — علشان إسلام، هه.
رفع حاجبه بجدية: — دا أنت قلبك مات بقي.
— طلقني وخليني أمشي من هنا.
— دا بعينك يا حلوة؟ الجواز كان بمزاجك، أنما الطلاق دا بمزاجي أنا.
— يعني إيه؟
— يعني ربنا جمعنا تاني صدفة بعد ما هربتي مني، بس المرة دي مفيش سمير تضحكي عليه، ولا هتعرفي تغفليني وأنا نايم وتمشي.
بلعت ريقها بصعوبة: — ااا قصدك أيه؟
— محدش يعرف عني ولا عندك حاجة. سمعت عنك حكاوي كتير. أحنا بقي هنفضل مع بعض هنا لحد ما تحكيلي كل حاجة، ولأقتنع، لا مقتنعش.
قامت بتوتر: — بس أنا مش موافقة.
قام خلع قميصه فشهقت، حطت إيديها على عينيها. قرب منها، رفع رأسها وشال إيديها، بص في عنيها بتركيز: — بلاش تخبيها عني، أنا بقالي كتير بدور عليها.
ضربات قلبها بدأت تعلي من قربه: — هي.. هي مين دي!
— لون عنيكي اللي شبه البحر.
لمس شفايفها ومكان الجرح اللي كان السبب فيه قبل كدا.
بخوف وهي باصة في عينيه: — ح… حمزة، أنت هتعمل ايه؟
قرب منها أكتر وهو بيجيب شعرها على جمب: — ششش.
اترعشت من قربه ووشها أحمر بخجل.
همس في ودنها: — أنا هدخل أخد شاور وأطلع عاوزك في حاجة.
— حاجة أيه؟
— قولت لما أطلع.
لاحظ خوفها وعيونها اللي بتبص يمين وشمال.
— تؤ، متقلقيش، هنا بقي لا سمير ولا عمارة ولا ناس. أنا وأنتي والبحر وبس. كل الشاليهات اللي حولينا فاضية، فمتحلميش إنك تهربي مني.
— حمزة، أنت كنت عاوز تعاقبني صح؟ يالا عاقبني، أنا موافقة وزعقلي عادي، بس بلاش طريقتك المرعبة دي، أنا هموت من الخوف.
قرب باسها من خدها وهو بيقول: — كل حاجة ليها وقتها يا قلبي، متستعجليش.
سابها ودخل الحمام.
— ي لهووي، دا قالي يا قلبي!!
بصت في المراية شافت العرق مالي جبهتها.
مسكت فوطه وهي يتمسح وشها: — يا ربي، أنا هموت من الخوف. هو هيعمل فيا أيه؟ إسلام الواطي هرب وسابني.
— بتكلمي نفسك كمان؟ أهي كملت.
اتنفضت بخضة لما سمعت صوته.
لفت وشها فجأة صرخت أول ما شافت منظره، رمت الفوطة عليه وهو واقف قدامها بشورت فوق الركبة بشويه ومش لابس حاجة فوق. فجأة…
البارت 12
— بتكلمي نفسك كمان؟ أهي كملت.
اتنفضت بخضة لما سمعت صوته.
لفت وشها بصدمة، صرخت، رمت الفوطة عليه أول ما شافت منظره وهو واقف قدامها بشورت فوق الركبة بشويه ومش لابس حاجة فوق.
ضحك من منظرها وقرب منها.
— هو فيه ايه؟ ايه مالك؟!
وهي حاطة إيديها على عينيها: — أنت سافل وحيوان، ايه المنظر دااا.
— ماله يعني؟ منظري مش فاهم.
شاورت بإيديها التانية على الحمام: — أدخل بسرعة ألبس حاجة.
قرب منها وهو بيحط إيده على وسطها فشهقت بخوف: — هو أنتي خايفة مني ليه!
— أنت بتتعمد تخوفني.
— قولتلك مية مرة متخبيش عيونك مني، بحب دايما أشوفهم دايما وأستمتع بجمالهم.
فتحت عينيها وخوفها بدأ يهدي.
بصت في عيونه وقلبها دق جامد من نظراته ليها وشعره اللي بينزل ميه على وشه ورموشه.
وهي تايهه في جمال ملامحه: — أنت رموشك أطول من طموحاتي.
ضحك بقوة على كلامها وتعبيرات وشها وهي بتتكلم: — ودي حاجة حلوة ولا حاجة وحشة!
— دي حاجة قمر أووي.
— أنتي كمان حلوة أوي وعيونك جميلة.
وهي مركزة في عينيه: — قول والله.
إبتسم برقة: — أه والله.
