جاسر بصوت رجولي غاضب:
“لا والله؟ معلش.”
ريم بتضحك.
جاسر:
“متضحكيش. أنا كده بتضايق أكتر.”
ريم مسكت إيده:
“لا خلاص يا روحي. متزعلش ومش تغير. أنا بحبك إنت.”
جاسر بثقة:
“عارف، بس مش عاوزك تهزري كتير.”
ريم:
“ليه بقى؟”
جاسر:
“حبيبتي، أنا عاوزك تبقي كتاب مقفول. مش أي حد يقرأه.”
ريم بصاله باهتمام:
“مش فاهمة.”
جاسر:
“بصي، لو إنتي هزرتي كتير وكده ومع أي حد، إنتي كده هتبقي كتاب مفتوح وهيعرفوا آخرك، وهياخدوا عليكي أوي. ودي وحشة.”
“إنتي بنت، اتصرفي واتكلمي بأنوثة وهدوء. وقت الضحك اضحكي بهدوء وبلاش تبقي عفوية زيادة.”
ريم:
“مممم، حاضر هحاول.”
جاسر:
“حبيبتي إنتي.”
ريم بتساؤل:
“طب وإنت عرفتني خلاص؟”
جاسر:
“أيوه طبعًا. عرفت كل تفاصيلك وحركاتك، وعرفت قلبك ودقاته وعرفت كل حاجة.”
ريم بنعومة ودلع:
“طب يلا بقى بسرعة علشان نوصل.”
وغمزتله.
وفضل جاسر يضحك طول الطريق وهي تضحك على ضحكته.
ورغم كل حاجة عاشوا بسعادة.
عيشوا إنتوا كمان بسعادة.
رأيكم يهمني طبعًا، وانتظروا إن شاء الله رواية جميلة جدًا هتعجبكم أوي.
في أمان الله.
