ريم مسحت دموعها ومشت من قدامه بانهيار وزعل، وطلعت بهدوء على أوضتها ونامت بحزن على سريرها.
بعد ثواني دخل جاسر عليها الأوضة، لقاها نايمة في منتهى الزعل والحزن وسامع صوت شهقاتها.
جاسر بصوت هادئ:
“ريم.”
جاسر قرب عليها وقعد جنبها:
“إنتي نمتي؟”
ريم بهدوء:
“لا.”
جاسر ملس على شعرها وقال بحنان:
“طب خلاص متزعليش.”
ريم وجهت جسمها لجاسر وقالتله بصوت باكي:
“أنا مش وحشة زيك علشان أتعبك معايا.”
وحضنته وقالت بحنان:
“خلاص مبقتش زعلانة.”
فضحك جاسر بهدوء وبدأ يملس على ضهرها وشعرها بحنان.
ريم بنعومة وهي ماسكة فيه:
“رايح فين؟”
جاسر بأسف:
“هنزل المكتب أظبط شوية ورق.”
ريم بتذمر:
“مليش دعوة.”
جاسر:
“خلاص حقك عليا.”
وباسها من راسها بحنان.
ريم قامت بغضب وبدأت تساعده بحب.
جاسر حضنها وودعها بحنان وبعدين مشي.
فجأة موبايل ريم رن.
ريم بتكاسل:
“أيوه يا بسبس.”
بسمة بغضب:
“شوفتي الخاين عمل إيه؟”
ريم بقلق:
“عمل إيه تاني؟”
بسمة بغضب:
“بيكلم بنات على الفيس وأنا خلاص قررت أواجهه وأقوله إني عرفت.”
ريم بزعل:
“لا يا بسمة، متعمليش كده.”
بسمة بغضب:
“أومال أعمل إيه؟”
ريم:
“استني، هسأل جاسر. هو راجل وأكيد عارف.”
بسمة:
“ماشي وأنا هستنى ردك.”
ريم:
“حاضر، هنزله اهو. باي.”
في مكتب جاسر، قاعد مندمج في الشغل.
فجأة ريم دخلت بخطواتها الناعمة وشكلها الهادئ الجميل.
ضحك جاسر بسعادة.
جاسر:
“إيه؟ في ساعة وحشتك؟”
ريم بنعومة:
“آه… أوي.”
جاسر بمكر:
“سلامتك من الـ آه يا عينيا.”
ضحكت ريم.
ريم قربت من جاسر ولفت إيدها حواليه، فجاسر أرخى راسه بتعب على جسمها، فبدأت ريم تهتم بيه بحنان.
جاسر قاعد بارتياح.
ريم بقلق:
“ممممم. جاسر، هو الراجل اللي بيكلم بنات على الفيس، المفروض الست تعمل معاه إيه؟”
جاسر بتساؤل:
“مش فاهم.”
ريم بهدوء:
“مش فاهم إيه؟”
جاسر بصرامة:
“قصدك على مين؟”
ريم بطفولية:
“هو إنت لازم تعرف يعني؟”
جاسر بصوت رجولي:
“أكيد.”
ريم بتأفف:
“محمد يا سيدي، جوز بسمة.”
جاسر بحزن:
“ممم، آه.”
ريم:
“أنا هتصرف معاه.”
ريم:
“قولي بس، يعني المفروض بسمة تعمل إيه؟”
جاسر:
“هتعمل إيه يعني؟”
ريم بغضب:
“هو إيه اسمه ده؟”
وجات تمشي من جنبه.
جاسر مسكها وقعدها جنبه.
ريم:
“أبعد عني.”
جاسر:
“اهدي بس.”
ومسك إيدها.
جاسر:
“بصي يا قلبي، هي لو قالتله وصارحته، هو كده مبقاش هيخاف تاني.”
ريم بقلق:
“قصدك إيه؟”
جاسر بتوضيح:
“يعني هي لو قالتله إنها عارفة إنه بيكلم بنات، وواجهته وزعلته، هو خلاص عرف آخرها إيه.”
ريم بغضب:
“جاسر متجننيش.”
جاسر بهدوء:
“طب بصي، هو المفروض دلوقتي إنه بيحاول يخليها متعرفش إنه بيكلم بنات، وهيبقى خايف طول الوقت.”
ريم بمقاطعة:
“لا والله؟ ده على أساس إنكم بتخافوا؟”
جاسر:
“بنخاف. معروف إن الست حساسة ومشاعرها مرهفة، فبنخاف عليها.”
ريم بغضب ومسكته من خدوده:
“متتكلمش بصيغة الجمع. علشان إنت مستحيل تتحط في الموقف ده، وإلا هزعل منك. اتكلم عنه هو.”
جاسر ضحك.
جاسر:
“طب بصي، هي لو قالتله إنها عارفة كل ده، هو كده هيبطل يخاف. ما هي خلاص عرفت.”
“لكن لو هو حس إنها معرفتش، هيبقى طول الوقت خايف إنها تزعل منه.”
ريم وهي بتبرق:
“يعني إنت بتكلم بنات؟”
جاسر بصوت رجولي:
“إحنا قولنا إيه من شوية؟”
ريم بضحك:
“لا والله.”
وفضلوا هما الاتنين يضحكوا.
ومرة كان جاسر وريم معزومين عند بسمة، ورايحين خلاص وخلصت العزومة.
في عربية جاسر.
جاسر بصوت رجولي:
“عجبتك العزومة؟”
ريم بنعومة:
“أيوه أوي.”
جاسر:
“أيوه إنتي هتقوليلي. ده إنتي كنتي مخرباها هزار مع محمد.”
ريم بضحك:
“ما هو اللي دمه خفيف.”
