جاسر بصوت حزين:
“بصيلي.”
ريم وهي قاعدة بترتعش ووشها باكي وباين الأثر ده عليه.
جاسر:
“كنتي بتعيطي ليه؟”
ريم قاعدة بتحاول تتماسك. كان نفسها تستكين في حضن جاسر وتشكيله كل جروحها، بس عيون حسن اللي عليها مرعباها.
ريم قاعدة بثبات مصطنع وجسمها بيوجعها وبيصرخ من الألم، وهي بتحاول تراضي نفسها إن صوت جاسر بيواسي كل جزء بيصرخ فيها.
جاسر بعيون أشبه بالباكية:
“ريم قوليلي إيه اللي فيكي؟”
ريم بصتله بعيون دامعة موجوعة.
جاسر مستحمل انكماشها وارتعاشها بالعافية. زاد عليه التعب لما شاف عيونها الدامعة.
في اللحظة دي حسن راح يفتح الباب لأنه كان بيخبط.
فلما جاسر حس إن حسن مشي، انهارت حصونه وشد جسم ريم ناحيته ودفن راسه في رقبتها الصغيرة.
فانهارت ريم بشدة هي كمان وغرزت صوابعها في شعره وسندت براسها على راسه باستسلام.
ريم رفعت راسه بحنان من حضنها وبصتله بدموع باكية ولسه هتقوله إنها خايفة وتحكيله.
لقت بسمة بتندفع من باب الأوضة ناحيتها.
جاسر وقتها مسح وشه بسرعة وقام وقف بصرامة قدام سرير ريم.
بسمة جريت بسرعة على حضن ريم بعد ما عدت من جنب جاسر.
بسمة بخوف:
“ألف سلامة يا قلبي. حسن قال إنك تعبانة.”
ريم بابتسامة حزينة:
“متقلقيش، الحمد لله بقيت تمام.”
بسمة بفرحة:
“الحمد لله.”
وبصت لجاسر وقالتله:
“إزيك يا جاسر؟”
جاسر بضحكة خافتة حزينة:
“الحمد لله تمام.”
ريم بتبص لحسن وبتبص لبسمة وبتبص حواليها وعلى أوضتها ولحظات عذابها، وبتبص على جاسر الضخم القوي الحنون.
ريم بصراخ وانهيار وعيونها على عيون جاسر اللي بتتعذب علشانها:
“جاسر، حسن بيضربني ويعذبني ويحبسني في أوضة ضلمة وبيأذيني ويشتمني ويضربني.”
وقطعت هدومها من عند كتفها وظهرها بانهيار.
ريم وهي بتبص لجاسر بعيون وصوت باكي:
“شوف يا جاسر عورني إزاي؟”
**الفصل التاسع**
لا إله إلا أنت سبحانك إني كنت من الظالمين.
ريم بصوت باكي:
“بص يا جاسر عورني إزاي؟”
جاسر بصدمه وعيون مبرقة وهو بيبص لريم وعلى بشرتها الرقيقة اللي الخدوش والأثر واضح عليها.
جاسر بص بسرعة واندفاع ناحية حسن.
جاسر بصوت رجولي قوي:
“إنت اللي عملت فيها كده؟”
حسن بعناد:
“وإنت مالك إنت؟ دي بنتي ومن حقي أتعامل معاها زي ما أنا شايف.”
بسمة بغضب:
“ده مش أبونا يا جاسر. ده جوز ماما.”
جاسر راح بقوة واندفاع ناحية حسن اللي بدأ يتوتر، وحسن وهو بيرجع خطوات لورا:
“جاسر، ملكش إنك تتدخل بيني وبين بناتي.”
جاسر بقوة:
“ده في حالة لو كنت بتعاملهم كويس.”
وقام بضربه بيده القوية على وجهه، فتألم حسن من قوة الضربة.
حسن بدفاع:
“بلاش تهور يا ابني. أنا زي أبوك.”
جاسر بغضب:
“وإنت كنت رحمتهم؟”
حسن:
“هما مبيسمعوش الكلام.”
جاسر بصوت رجولي:
“إنت شايف ده مبرر إنك تعمل كده؟”
ومسكه من هدومه وجره بقوة ناحية سرير ريم.
جاسر بقوة:
“بص. شوف تصرفك عمل فيها إيه.”
وبيهزه وريم بتعيط.
كلام جاسر خلاها تصعب على نفسها أكتر.
جاسر لما سمع صوت عياطها، دفع حسن بقوة من جنبه وراح لريم.
جاسر بحنان:
“ريم!”
جاسر حط إيديه الاتنين برقة على وشها.
وريم عيطت بين إيديه.
جاسر بحنان وهو بيمسح على شعرها:
“بس خلاص. باااس. بس. حقك عليا.”
وأخدها في حضنه بحنان، وريم مسكت في هدومه بقوة.
جاسر بص بعنف ناحية حسن وقال بصوت مخيف:
“مستني إيه؟”
حسن بارتباك:
“إيه؟ مش فاهم.”
جاسر بعيون قاسية:
“مش عاوز أشوف وشك هنا تاني، لا في الشقة ولا في العمارة. فاهم؟”
حسن وهو بيتمسكن:
“بس يا…”
قاطعه جاسر بصوت غاضب:
“أنا قلت إيه؟”
حسن مشي بسرعة واندفاع من قدامه وهو حاسس بوجع جامد في وشه.
في أوضة ريم، جاسر واخد ريم في حضنه بحنان وبيملس بهدوء ورقة بإيده على شعرها وكتفها وظهرها.
ريم بتغمض عيونها وإيديه بتمسح على شعرها بحنان.
جاسر بص لريم بزعل وقال بصوت حزين:
“مقولتيليش ليه من الأول؟”
ريم بصتله بعيون باكية.
جاسر بحزن:
“ليه خبيتي عني كل ده؟”
جاسر بدأ يمسح دموعها بإيده ويطبطب على ظهرها أكتر، وريم بتحضنه أكتر.
جاسر رفع عيونه لقى بسمة واقفة بعيد.
جاسر مد إيده ليها، فبسمة قربت عليه ومسكت إيده، فسحبها جاسر وسطهم.
ريم حضنت بسمة بحنان، وجاسر بعد عنهم وقف بعيد وعيونه على الطفلتين الجميلتين دول اللي زي الملايكة، وهما مبسوطين أوي وحاسين بالقوة وإن ليهم سند.
بسمة بصت لجاسر وقالتله:
“ممكن أخدك معايا في مرة في محل الملابس اللي شغالة فيه؟ بيتضايقني هناك واحد بيرخم عليا.”
ضحك جاسر ضحكة رجولية قوية:
“بس كده… حاضر.”
فرحت ريم لما شافت ضحكة بسمة وحضنت جاسر بسعادة، وجاسر لف إيده حواليها بقوة وضمها أكتر.
بسمة بمزاح:
“أحم أحم.”
جاسر بمزاح:
“بس والنبي، أنا ما صدقت.”
وفضلوا يضحكوا هما التلاتة.
في بيت وليد.
حسن:
“الحقني يا وليد.”
وليد بقلق:
“في إيه؟ ومين اللي عمل فيك كده؟”
قعد حسن يحكيله كل حاجة.
وليد بغضب:
“لا بقى. هما الأغنياء دول بيسيطروا على كل حاجة؟ لا كده ظلم.”
حسن:
“أنا كمان مش هسكت. ده بيقولي إياك أشوفك في الشقة تاني.”
وليد بوقاحة:
“وهو ليه اتحمق أوي كده على بنتك؟ وإشمعنى ريم بالذات مش بسمة؟”
حسن بحيرة:
“مش عارف.”
وليد بوقاحة واضحة:
“مش ريم هي اللي كانت بتروحله شقته ترتبهاله؟ تلاقيها سلمتله نفسها.”
حسن بتفكير:
“تصدق ممكن.”
وليد بغضب:
“أنا مش هسكت. ده أنا هروح لها. إنت عارف إن عيني عليها من زمان وإنت وعدتني إنها تكون ليا، بس إنت رجعت في كلامك.”
حسن:
“ما أنا كنت موافق وقلت لها في ناس جايين يتقدمولك. رفضت وجريت على شقته.”
وليد بغضب:
“يبقى بينهم حاجة وأنا مش هسكت.”
في شقة ريم، جاسر قاعد في الصالة بيهزر مع بسمة وريم وسايبين باب الشقة مفتوح.
بسمة بمزاح:
“بس إيه ده كله؟”
جاسر بابتسامة هادية:
“عجبتك؟”
بسمة باندفاع:
“أوي.”
ريم بصتلهم بغيظ وقالت:
“لا والله؟”
جاسر بصلها وضحكلها، فريم اتغاظت أكتر وقالتله بعصبية وهي بتضحك:
“بتضحك على إيه؟”
جاسر بصلها بحنان وقالها بمكر:
“بتغيري؟”
ريم بسذاجة واندفاع:
“أيوه.”
فضحك جاسر ضحكة رجولية قوية من السعادة.
فجأة لقت ريم وقفت وربعت إيديها قدام صدرها ووقفت تهز رجليها بغيظ.
فضحكت بسمة وقالت:
“ما تتقلي.”
جاسر بمكر:
“أهون عليكي يا ريم تبصيلي كده؟ ده أنا حبيبك.”
ريم بتناكه وابتسامة طفولية:
“لا مش مسمحاك.”
جاسر ضحك بهدوء وقال:
“طب إيه اللي يرضيكي؟”
ريم بطفولية:
“مش عارفة، بس أنا متغاظة.”
جاسر قام وقف بقامته وبنيته القوية وقال:
“لا، بعيد الشر عليكي يا قلبي.”
فبسمة ضحكت بقوة.
جاسر قرب من ريم ووقف قصادها:
“موزتي الصغيرة لسه متغاظة؟”
ريم بغضب طفولي:
“أيوه.”
جاسر قرب عليها ومسكها بحنان.
ريم اتكسفت وزقته بإيدها الصغيرة بسرعة وبرقة.
فضحك جاسر.
بسمة بتمثيل:
“يا لهوي! إيه ده؟”
ريم مكسوفة وقالت لبسمة برخامة:
“بس اسكتي، أنا لسه زعلانة أصلًا.”
جاسر بطريقة مضحكة:
“ناعم؟”
ريم بصتله بعيون مبرقة.
جاسر بابتسامة:
“مبخافش.”
ريم كشرت بطفولية تاني.
بسمة برخامة:
“خلاص يا جاسر تعالى بوسني أنا وهي هتبقى تمام.”
فضحك جاسر.
ريم بصتله وقرصته من كتفه:
“بتضحك على إيه؟ عجبتك الفكرة؟”
جاسر:
“هتهون عليكي؟”
ريم بضحكة أنثوية:
“لا.”
بسمة بغيظ طفولي:
“جاتكوا القرف في حلاوتكم.”
جاسر بص لبسمة وقال:
“شفتي بقى أختك مطلعة عيني إزاي.”
وبص لريم بمكر وقال:
“شكلي هبدل ولا إيه؟”
بسمة بضحك:
“وأنا موافقة كتير.”
ريم مسكت خدود جاسر بغيظ وغيرة وقالت:
“لا طبعًا.”
جاسر لف وشه ناحية ريم وعيونه بتلمع من السعادة، وقال بصوت خافت:
“عيون جاسور.”
بسمة بطفولية:
“سمعته.”
وفضلوا يضحكوا.
بسمة باندفاع:
“جاسر هات رقمك، علشان لو حصل حاجة.”
جاسر بصوت رجولي:
“أيوه صح. فكرة تمام.”
وراح قام من جنب ريم وقعد جنب بسمة وبدأ يقولها الأرقام.
وريم غارت أوي وفضلت بصاله، وبسمة كانت مركزة في الموبايل.
جاسر بص لقى ريم بتبصله، فغمزلها لما حس بزعلها.
ريم غيرت وشها الناحية التانية.
جاسر لاحظ خدودها الحمرا من كتر الزهق وضحك جواه:
“بقى السكر والعسل ده يغير عليا بالطريقة المجنونة دي.”
ريم بصوت غيران:
“وأنا كمان عاوزة رقمك.”
جاسر راح وقف قدامها وقالها بحنان:
“إنتي تاخدي الموبايل كله يا قلبي.”
فرحت ريم وبدأ جاسر يمليها الأرقام.
ريم:
“اقعد يا جاسر.”
جاسر:
“لا، أنا همشي بقى.”
ريم بصتله بعيون خايفة.
جاسر حط إيده على شعرها:
“متخافيش، أنا جنبك.”
بسمة:
“أحم.”
جاسر بضحك:
“جنبكم.”
بسمة:
“أيوه كده.”
وفضلوا يضحكوا هما التلاتة.
وبعدها استأذن جاسر وراح شقته.
ريم وبسمة بدأوا يناموا بسعادة ومبسوطين أوي. أخيرًا بقى ليهم سند.
جه الصبح.
جاسر نايم في أوضته، وفجأة صحى مفزوع على صوت الباب.
طلع فتح الباب، لقى بسمة.
جاسر بذهول:
“بسمة؟”
بسمة بسعادة:
“بالليل جهز بسرعة علشان رايحين فرح ندى بنت عمي متولي.”
جاسر بحيرة:
“ممممم. هتاخدوني معاكوا؟”
بسمة بضحك على كلامه اللي شبه الأطفال:
“أيوه طبعًا.”
جاسر بموافقة:
“تمام.”
فجأة طلعت ريم من شقتهم.
جاسر بصلها بابتسامة عذبة.
ريم أول ما شافته اتكسفت منه أوي، مع إنها مش أول مرة تشوفه وكانت بتروح شقته عادي.
جاسر بصوت هادي:
“صباح الورد.”
ريم بخجل:
“صباح النور.”
جاسر:
“رايحة فين؟”
بسمة بمقاطعة:
“رايحين فوق نرقص ونهيص.”
جاسر بتفكير:
“ترقصوا إزاي؟”
بسمة:
“نرقص رقص شرقي مش إسلوب.”
جاسر بص لريم بعيون جريئة وقالها:
“هترقصي؟”
ريم اتكسفت.
بسمة باندفاع:
“آه طبعًا، ده هتولعها فوق.”
جاسر بصوت رجولي:
“كمان؟”
بسمة لما لاحظت نظراته لريم حبت تسيبهم لوحدهم، وراحت لفوق وقالت لريم تبقى تحصلها.
ريم بصوت خافت:
“حاضر.”
جاسر بيبص لريم بعيونه القوية وقال:
“هترقصي؟”
ريم بصتله علشان تستمتع بجمال عيونه ولذة الوقوف معاه، وخصوصًا جنبه وقدامه.
ريم بثبات:
“أيوه.”
