روايه جنه بقلم اسماء عادل

عمرو..- أنا جاهز مش يلا بينا
جنة..- وأنا كمان يلا
ونزلوا وركبوا العربية
عمرو يقطع السكوت ويقول..- مرتاحة ف الشغل ياجنة
جنة..- إزاى يعني
عمرو..- يعنى ف ناس بتبقي شغالة ومستحملة الشغل عشان الفلوس عشان أسباب كتير
جنة..- لا أنا حباه لو مكنش عاجبني مكنتش فضلت فيه
عمرو..- أيوه بس…. وفجأه برق وضرب فرامل
جنة بخضة..- ف إيه
عمرو مازال متنح ومش بيرد
جنة بصت ع الحتة اللى بيص فيها
لقت راند ماشية وماسكة ف إيد واحد وواضح عليهم الحب
عمرو طلع الموب واتصل براند
راند..- وطبعا ياحبيبي أنا… لحظة أشوف مين اللى بيتصل وبتبص لقت عمرو
أحمد..- مين
راند بقلق..- ها.. حد مش مهم
أحمد بشك..- متأكدة
راند..- أه
وكل دا وعمرو مراقب الموقف كلو
عمرو..- كنت متأكد بس كويس إني عرفت حقيقتك بالسرعة دى
جنة..- عمرو احنا تأخرنا أوووى ممكن نمشي
عمرو..- أه يلا
وراحوا المصنع وفضلوا يتابعوا ويحفذوا العمال وبعدين رجعوا الشركة تااااني

أول ما وصلوا ع الشركة كل واحد راح ع مكتبه
وفجأه
الشخص..- لو سمحتي ممكن أقابل عمر بيه
جنة..- مين أنت
الشخص..- أنا عندى ميعاد عشان أقدم للشغل اللى أنتوا منزلينو ف الإعلان
جنة..- إعلان… طب أقولو مين
مريم..- مريم
جنة..- لحظة واحدة
ودخلت عند عمر
جنة..- ف واحدة جت بخصوص الإعلان اللى أنت منزلو
عمر..- أه أه مريم صح
جنة بااستغراب..- أه
عمر..- طب دخليها لو سمحتي
جنة..- أكيد عن أذنك.. بس عمر
عمر..- نعم
جنة..- أنت مش متغير شوية
عمر..- إزاى يعنى
جنة..- متغير معايا
عمر..- لا مش متغير ولا حاجة وسكت شوية وبعدين قال ولا كان ف بينا حاجة عشان أغير؟
جنة..- هاا لا عن أذنك

عمر..- ف نفسه أنفذ بس اللى عايزو وبعدين هرجعلك عمر زى ماكنت
.
جنة..- اتفضلي
مريم باابتسامة..- شكرا
ودخلت
مريم..- صباح الخير ياقلبي
عمر..- صباااح النور.. نبدأ الشغل بقي
مريم..- أكيد اللى أنت عايزو هيتم
عمر..- تمام أووى
مكتبك هيبقي عندها هناك
مريم..- تمام.. أحب إنك تيجي توريني المكتب بنفسك
عمر..- أكيد اتفضلي
وخرج عمر ومعاه مريم
ف مكتب جنة
عمر..- جنة مكتب مريم هيبقي هنا وطبعا أنت أكيد عرفتي إن هى هتبقي السكرتيرا بتاعتي
جنة..- أممم تمام ورجعت بصت ف الورق اللى قدماها
التليفون يرن الخاص بالمكتب
جنة..- أيوه يافندم
عمرو..- جنة تعالي دلوقتي
جنة..- أكيد

ودخلت جنة المكتب
جنة..- أيوه
عمرو..- كنت عاوز أتكلم معاكي بخصوص البيت
جنة..- بخصوص الإخلاء مش كده
عمرو..- ها.. أه بابا مستعجل وكده
جنة..- طب ممكن أخد مهلة أسبوعين بس
عمرو..- أممم صعب بس هشوف كده وأحاول أظبط الدنيا لو محتاجة مساعدة منى أنا ف الخدمة
جنة..- لا مفيش لزوم أنا بدأت ف إجراءات الشقة الجديدة اللى هأخدها
عمرو..- طب كويس أبقي هاتيلى الورق بتاعها عشان أراجعه وأتابع معاكي لحد ما تاخدى الشقة دى
جنة..- مفيش داعي
عمرو..- ف إيه مالك أنا حاسس إنك مسترخماني ليه
جنة..- أنا ليه أنا بشتغل معاك وبس ومفيش حاجة تستدعي إني أسترخمك
عمرو..- يبقي أساعدك لحد ما أطمن إنك هتاخدى الشقة
جنة..- طيب عن أذنك
عمرو..- اتفضلي
دخلت جنة ولقَت مريم بتدور ع حاجة ف مكتبها
جنة..- أنت بتعملي إيه
مريم بخضة..- أنا أنا.. كان ف ورق وقع من ع المكتب فكنت بشيلو
جنة بشك..- أه طيب شكرا ممكن ترجعي لمكتبك بقي
مريم بارتياح..- أه ماشي
.
وبعد فترة خرج عمرو
عمرو..- ممكن تحضرلي أوراق الصفقة الجديدة
جنة..- أه أنا محضراها.. عمرو أنا عايزه أستأذن ساعة
عمرو..- ليه
جنة..- عايزه أروح أقابل ريم صحبتي
عمرو..- أممم أه ممكن بس متتأخريش عشان الشغل
جنة بابتسامة..- شكرا
عمرو بادلها الابتسامة وقال بهيام (الله يخربيت حلوتك يا شيخة)
وراحت الكافيه لقت ريم مستنياها
ريم..- عامله إيه ياقلبي
جنة..- الحمد لله وحشتيني أووووى
ريم..- وأنتى كمان والله
جنة..- قوليلي بقي كنت مختفية فين كده
ريم..- فاكرة لما قولتلك إن سامر انتحر
جنة..- ابن عمك صح
ريم..- أه الموقف أنا لقيت الشخص اللى هو السبب ف انتحاره وناوية أنتقم منه
جنة..- ريم بلاش كده خلى ربنا هو اللى ياخد حقك منه
ريم..- أنا لازم أعذبه
جنة..- هو مين الشخص دا أو اسمه إيه
ريم..- عمر محمد الخطاب
جنة..- اااااااااايه!!!!!

الحلقة (8)
“جنة”
جنة بذهول:- إزاى دا إيه ياريم اللى أنت بتقوليه دا أنت متأكدة
ريم:- أه طبعا متأكدة وأنا هتهم أى حد ف حاجة خطيرة زي دى وأنا مش متأكدة
جنة:- بس.. بس ياريم عمر ميعملش كده أبدا
ريم:- أنت بتدافعي عنه كده ليه
جنة:- ياريم ربنا يخليكي أنا مش ناقصة بجد ارحميني أنا طبعا مش قصدي إني أطلعك كدابة بس عمر مش ممكن يعمل كده
ريم بذهول:- لحسن تكونى بتحبيه ياجنة
جنة بسرعة:- ها أه.. لا.. طب إيه الدليل اللى هتثبتيه عليه
ريم بحيرة:- مش عارفة
جنة بصت في ساعة يدها ثم قالت:- ياااه أنا تأخرت أووووى أنا لازم امشي لما أروح هعدي عليكي
ريم:- ماشي مستنياكي.. تعالي أوصلك
جنة:- يلا

ف مكان آخر ف شركة الخطاب
عمر:- غلطة زي دى المفروض متحصلش تاني أنت فاهمة
مريم..- والله ياعمر أنا كنت شاكة فيها لحسن تكون بتخرج أسراركم لحد
عمر بعصبية:- هو أنا جايبك عشان تشكي أنت موجودة هنا عشان مهمة معينة هتنفذيها وتغوري
مريم بضيق:- أغور ماشي بس مكنتش أعرف إنك واقع لشوشتك كده
عمر محاولا تهدئة نفسه:- مريم امشي من وشي دلوقتي
مريم انصاعت لأمره وهى ناتية على شئ سيئ

دخلت جنة وجلست على مكتبها تركت أشيائها ودخلت إلى عمر لتعتذر منه على التأخير
عمر:- ادخل
جنة..- أنا آسفة إني تأخرت بس غصب عني
عمر..- ولا يهمك أنا خلصت شغل أصلا
جنة..- يعنى حضرتك هتروح
عمر..- وياريت تنبهي على عمرو والموظفين على حفلة بالليل
جنة بدهشة:- حفلة! حفلة إيه
عمر..- ترويج لشركتنا الجديدة
جنة..- مبروك
عمر:= الله يبارك فيكى لو خلصت شغل تقدري تروحي
جنة..- لا فاضلي حاجات بسيطة أووى
عمر..- تحبي استناكى
جنة بسرعة:- لالا لا مفيش داعي… شكرا
عمر بتنهيدة:- ماشي اللى يريحك.. سلام
جنة..- سلام
ورجعت تاني لمكتبها
وبرضوا لقت مريم بتعمل حاجة ف مكتبها
جنة بغضب:- وبعدين بقي ف اللى أنت بتعمليه دا
مريم بخضة..- هه اصل اااص اصل يعنى
جنة بصوت عالي:- هااا كنتى بتعملى إيه المرادي
.
ف مكتب عمر وكان يتحدث على الهاتف
عمر:- أه طبعا أنت عارفة إن الموضوع دا لو اتكشف يأذينا أنا وأنت واللى معانا وبابا مش هيتساهل
الشخص:- متقلقش أنا مرتبه كل حاجة ياحبيبي أهدى أنت وروق
عمر بعدما علا صوتهم:- طب أنا هقفل دلوقتي
الشخص:- ماشي هستنى تليفون عشان هنشوف هنعمل إيه مع البت اللى اسمها ريم دى
عمر..- ماشي ماشي سلام دلوقتي
وأغلق الخط وخرج
عمر..- ف إيه
جنة بغضب:- كل ما أباجي عند عمر ف المكتب أرجع ألاقيها بتقلب ف المكتب ليه معرفش
مريم بخوف من عمر لأنه نبهها على هذه الفعلة مسبقا
عمر..- معلش أنا آسف بس كان ف ورق ضايع فافتكرته عندك فقولتلها تقولك قالتلى إنك مش موجودة فقولتلها شوفيه أنت
جنة بشك:- ماشي بس بعد أذنك خليها متجيش ناحية مكتبي تاني
عمر باابتسامة:- أسفين يافندم… مريم حصلياني على مكتبي
مريم بتردد:- حاضر يافندم
جنة جلست قليلا وبعد أن أنهت عملها ذهبت لكى تستلم شقتها الجديدة القريبة من الشركة
جنة..- يعنى كده خلاص أقدر أنقل حاجي فيها النهارده
البواب..- أه ياست هانم أنا خلصت كل حاجة مع صاحب البيت والاستاذ عمرو قام بالواجب برضوا
جنة..- طب شكرا ياعم محمد
عم محمد..- العفو
أخرجت هاتفها لتتصل بصديقيتها
ريم..- الو
جنة..- الو إيه يابنتي
ريم..- أنت مجتيش ليه زي ما اتفقنا
جنة..- معلش أصل خلاص هقل حاجتي ف الشقة الجديدة
ريم بفرحة: بجد مبروك ياجوجو
جنة بحب:- الله يبارك فيكي تعاليلي بقي
ريم..- أكييييييد طبعا جيالك أنت هتروحي الفيلا عشان تجهزي حاجتك صح
جنة..- أه تعاليلى على هناك
ريم..- أشطا باي
جنة..- باي

شركة الجندي
أحمد يتحدث ف الهاتف
أحمد..- طب تمام…. أكييد طبعا…. أه النهارده…. خلاص ماشي….. أكيد طبعا جاى… مع السلامة
تدخل السكرتيرة
تقي:- اتفضل يافندم الورق اللى طلبته
أحمد وهو ينظر ف الأوراق ويبتسم
أحمد..- شكرا أووى تقدري تتفضلى أنت
تقي:- عن أذنك يافندم
أحمد..- الو
الشخص:- إيه يابني
أحمد..- عمر أنا جبت الورق خلاص
عمر..- بجد
أحمد..- أه هنروحلها أمتي
عمر..- هى هتبقي موجودة ف الحفلة بالليل
أحمد..- طب تمام
عمر..- نتقابل بالليل بقي.. يلا سلام وأغلق الخط

عمرو ف بيته
عمرو..- إيه ياأمى كل دا سفر
سهير..- معلش بقي ياحبيبي هعمل إيه يعنى ما أنت عارف أبوك
عمرو..- حمد الله على السلامة يا أمى هو بابا فين
سهير..- راح يحضر مؤتمر سيبك هو أبوك دا بيبطل شغل
عمرو..- أه ربنا معاه
سهير..- أومال فين عمر
عمرو..- ف الشركة ما أنت ما قولتش إنك جاية أنت وبابا لولا كده كنت جيت أنا وهو
سهير..- حبيت أعملهلكوا مفاجأة
عمرو..- ماشي ياست الكل أنا هطلع أنام شوية عشان ورانا حفلة بالليل
سهير..- ماشي ياحبيبي

ف مكان آخر وهو شقة جنة الجديدة
جنة..- بت أنا لازم أروح حفلة النهارده
ريم بااستغراب:- حفلة إيه دى اللى هتروحيها
جنة..- ترويج لشركة فتحوها جديد
ريم..- أمممم ماشي ظبطي نفسك بقي
جنة..- أكييييييد طبعا.. ثم أكملت أوووف أخيرا خلصنا
ريم بتعب:- حرام عليكي يا شيخة قولتلك نجيب واحدة هى اللى تعملها
جنة ضاحكة:- طب وأجيب ليه ما أنت موجودة
ريم متصنعة الحزن: بقي كده ياجوجو
جنة مازحة:- أه طبعا أومال إيه
ريم أهسكت المخدة وأصبحت تجرى وراء جنة لكى تضربها
نسيب أصحابنا دول ونروح ف حتة تانية
راند..- أنا مش عارفة أعمل إيه ياحياة الحفلة النهارده وأحمد مصمم إني أروح معاه ولو مروحتيش مش عارفة إيه ممكن يحصل
حياة..- ما أنا قولتلك بلاش الاتنين دول أنت عايزه تودى نفسك ف داهية ليه
راند..- مش وقت كلامك دا
حياة..- طيب أنت لازم تسيبي أحمد
راند بحزن:- مش هينفع مش هيسبني ف حالى وعمر نفس النظام عشان ف صفقات كتييرة أنا دخلتها معاهم
حياة بضيق:- مفيش فايدة فيكي أنا ماشية
راند..- طيب براحتك امشي
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”