الفصل الأول
وصل الأسانسير ونزل منه بعض الأشخاص، والذي حياها أحدهم قائلًا لها بود:
— صباح الفل يا أستاذة صافي.
أجابته بهدوء وود:
— صباح الخير يا أستاذ محمد.
كادت أن تدخل الأسانسير لولا أن اعترضتها يد ماهر سائق ساري كي يسمح لساري بالدخول قائلًا بجفاء لها ويده ما تزال حاجزًا أمام الأسانسير:
— ماهر السائق، استنى لما الباشا يطلع وابقى اطلعي بعده.
أزاحت يده بغضب وهي تدلف للداخل مع ساري الواقف بتعالٍ داخل الأسانسير قائلة بعصبية للسائق:
— صافي البشواية اتلغت من زمان، والأفندى بتاعك لو عاوز يطلع يبقى يطلع مع الكل، وإلا يبقى يجيب له أسانسير خاص زي ما جايب له واحد زيك خاص برضه.
قالتها وهي تضغط زر الدور الحادي عشر، وساري ينظر إليها بتمعن ممزوج بنظرة كبر. استفزتها نظراته فنظرت إليه بنظرة احتقار، إلا أنه ابتسم بطرفي شفتيه ابتسامة مستفزة، متعمدًا أن يتفحص ملابسها بوقاحة قبل أن تستدير إليه قائلة بغضب:
— صافي هتفضل تبصلي كده كتير؟
ابتسم ساخرًا قائلًا:
— وانتي شايفة فيكي حاجة تستحق إني أبص عليها من أساسه؟
قالها وهو يتفحصها باستفزاز أكثر.
أجابته بضيق:
— لا عادي، ماهو اللي زيك ما بيفرقش معاه. أي أنثى تمر من أودامه يجبها من تحتها لفوقها حتى لو كانت كلبة.
ابتسم ساخرًا:
— لا، متقوليش على نفسك كده.
استدارت إليه قائلة بعصبية:
— انت إنسان قليل الأدب ومش محترم.
توقف الأسانسير ونزلت منه مسرعة. تبعها باسمار باستفزاز وعيناه ما تزال تتابعها أثناء دخولها للمكاتب التي ظهرت أمامه.
دلف للداخل فوجد صالة التحرير كبيرة وواسعة مليئة بمكاتب خشبية كثيرة يجلس خلفها أشخاص كثيرون يعملون بهمة ونشاط على أجهزة اللاب توب التي توجد أمامهم، يفرق ما بينهم جدران.
استقبله فور دخوله عدة أشخاص مرحبين بحرارة، من بينهم رجل في منتصف الخمسين من عمره. عرفه ساري فور رؤيته نظرًا لكونه صحفيًا شهيرًا وله كتب وبرامج شهيرة يقدمها منذ سنوات بنفسه، بخلاف صداقة قديمة جمعتهم منذ سنوات من خلال محسن صديقه صاحب الجريدة سابقًا.
اتجها معهم للداخل بعدما خطف نظرات سريعة في المكان المكتظ بالصحفيين.
في الداخل جلس خلف مكتب أنيق، ومن خلفه ظهرت شوارع المنطقة من خلال الزجاج السميك الذي يحيط بالمكان. تطلع للشارع ثواني قبل أن يتطلع من خلال الزجاج أمامه لمكاتب العاملين خارج مكتبه قائلًا للشخص الجالس أمامه في فضول:
— ساري عبد الحميد، تفتكر إني غلطت لما اشتريت الجرنال ومكتب الإعلانات وشركة الإنتاج من محسن صاحبي؟ يعني شايف إن ده فيه مكسب؟
عبد الحميد بحماس مفرط:
— بص يا ساري، أنا وانت نعرف بعض من سنين من أيام سهراتنا سوا انت ومحسن وباقي الشلة. وأنا مش عشان محسن صاحب عمري هجامله وهاجي عليك. بس صدقني انت اللي كسبان. انت عارف الجريدة دي لوحدها بتدخل كام من الإعلانات؟ بس ملايين. ده غير دار النشر وشركة الإعلانات اللي واخدة حقوق كام قناة مشهورة، وكله كوم وشركة الإنتاج الفني اللي بتنتج لأشهر فنانين مصر.
ساري بتمعن:
— تمام. هنشوف.
عبد الحميد:
— هو انت كده لك ٤٩ من أسهمها كونك عربي مش مصري، يعني يا ساري ولا ضبطتوها ازاي؟
ساري:
— لا، كل ده بقى بتاعي. بس مضبطين الورق أنا ومحسن.
قالها وهو ينهض ناحية الشباك الزجاجي الذي يفصل بينه وبين العاملين بالخارج قائلًا بفضول وهو يتابعهم:
— ساري، فهمني بقى تقسيمة المبنى ماشية ازاي.
عبد الحميد وهو يرتشف من فنجان القهوة أمامه:
— الأدوار الأولى مطابع الجرنال ودار النشر، ومن الرابع للسادس وكالة الإعلانات، ومن السادس للثامن شركة الإنتاج، ومن التاسع للحادي عشر الجرنال ومكاتب الصحفيين زي ما انت شايف. بس هنا في الدور ده مكاتب الكبار، يعني مكتبك بصفتك رئيس مجلس الإدارة، ومكتبي كمدير تحرير، ومكاتب رؤساء الأقسام.
فجأة لفت نظر ساري ظهور صافي بالخارج أمام أحد المكاتب ترتشف من أحد الأكواب بيدها وهي تنظر لأحد الأوراق التي يقدمها لها شاب بجوارها وعلامات الجدية على وجهها.
نادى ساري على عبد الحميد قائلًا:
— ساري عبد الحميد… مين دي؟
نهض عبد الحميد وبيده فنجان القهوة إلى جواره قائلًا وهو ينظر من خلال النافذة الزجاجية إلى حيث يشير:
— مين قصدك؟ صافي؟
ساري:
— اللي واقفة هناك.
عبد الحميد بتمعن:
— آه، صافي… رئيس قسم صفحة المرأة. واحدة من أشهر الصحفيين هنا، وبنت صحفي كبير أكيد سمعت باسمه قبل كده… رفيق الزهيري.
فكر ساري للحظة قبل أن يقول:
— آه، ده الصحفي اللي كان مستشار لرئيس الجمهورية في وقت؟ صح، أيون افتكرته.
عبد الحميد بخبث:
— آه بنته. وكانت زوجة ابن وزير كبير في البلد.
ساري بفضول:
— كانت هي مطلقة؟
عبد الحميد:
— آه، مطلقة بعد ٢٤ ساعة. قصة طويلة، فكرني أحكيها لك بعدين.
ساري:
— لا، احكيها لي دلوقتي، إدينا بنتسلى.
عبد الحميد بخبث:
— ماشي، بس هتطلبلي فنجان قهوة تاني بقى. ولو إني مكانك لا أسأل عنها ولا أشغل نفسي فيها، لأنك مش هتاخد منها حق ولا باطل.
ساري:
— اقعد واحكي قصتها، وسيبلي أنا حكاية هاخد منها إيه، دي.
قالها وهو يجلس قباله عبد الحميد أمام المكتب بعدما ضغط على أحد الأزرار أمامه طالبًا منهم إرسال فنجانين من القهوة.
عبد الحميد بهدوء:
— بس يا سيدي. بعد جوازها الأسطوري اللي مصر كلها حضرته، واللي أنا كنت منهم مع وزرا وشخصيات عامة وفنانين وخلافه.. المهم تاني يوم عرفنا إن العروسة رجعت بيت أبوها بفستان فرحها. طب إيه اللي حصل؟ محدش عارف. المهم حصل الطلاق، وهي وأبوها متكلموش أبدًا في الموضوع ده. بس العريس وأهله هما اللي قالوا.
