جنه:-إيه، عمر لا، حاول.
عمر:-بتعرفي تسوقي؟
جنه:-لا.
عمر:-طب أنا تعبت.
جنه بخوف:-تعبت مالك؟
عمر:-السواقة وجعتلي إيدي بس، تحبي تاخدي التيشيرت بتاعي؟
جنه:-ودا هيعمل إيه، وكمان أنت كدا هتبرد.
عمر:-مش مشكلة، المهم تبقي مش سقعانة، وكمان أنا متعود على كدا. وفعلا قلعه وادهولها.
جنه:-لا لا البسه تاني، وغطت عيونها.
عمر بضحك:-هههه استحملي ويلا البسيه.
خدته منه غصب عنها عشان سقعانة، ولبسته، أدفيت شوية بس لسه سقعانة برضه. وفضلوا قاعدين وراح قالها:-أنا مش هعرف أفضل على الكرسي دا، إيه رأيك ترجعي ورا وأنا هقعد مكانك؟
جنه:-ترجع فين؟ لالا أنا أخاف.
جنه:-تخافي إيه يا هبلة إحنا في نفس العربية.
جنه:-أهوه هخاف وخلاص.
قعد جنبها عشان يفرد رجله عشان الفرامل والحجات دي مضايقاه، وعمر نام، وجنه مش عارفة تنام من الساقعة.
جنه:-عمر، عمر اصحي.
عمر بخفة:-فيه إيه؟
جنه:-أنا سقعانة أوي، اتصرف اعمل أي حاجة.
عمر حاوطها بإيده.
جنه بتفاجؤ:-هتعمل إيه؟
عمر:-هدفيكي. وخدها في حضنه، بعدت بسرعة وقالتله:-لا شوف حاجة غير كدا.
عمر:-هو دا اللي موجود، تعالي.
جنه:-لا.
عمر:-براحتك أنا هنام.
جنه:-ياربي بقي. واستسلمت وفضلت قاعدة جنبه لحد ما نامت.
صحي عمر بعدها بدري شوية بعد الفجر:-طب اصحيكي ولا أعمل إيه؟ جه عمر يقوم لقاها ماسكة فيه وجسمها بيترعش رعشة بسيطة.
عمر:-ياااه للدرجادي سقعانة، لحسن تكون تعبت… جنه، جنه قومي.
جنه بنوم:-لا لا، مش هقرب من حد.
عمر بااستغراب:-جنه فوقي.
جنه:-قلتلك مش هقرب من حد، كل اللي بحبهم بيمشوا… وقامت مفزوعة بتقول:-ماااااااااااامااااااااا.
عمر بخوف عليها:-جنه، أهدي أنا هنا.
جنه:-هااا، أنا أنا آسفة يا عمر.
عمر:-على إيه؟
جنه:-تعبتك وزهقتك وخليتك تنام برا بيتك.
عمر:-كان يوم حلو على فكرة.
جنه وهي باصة في عينيه:-هاا.
عمر:-جنه، رحت فين؟
جنه:-هااا، معـ… معاك، أنت دفتني إزاي كدا أنا… وصرخت جامد وقالت:-ااااااااااااه أنت حاضني كدا من أمته؟
عمر:-بنت، إنتي مجنونة ولا إيه نظامك؟ من بالليل يا اختي كنتي سقعانة.
جنه بكسوف وشها بقي أحمر وبصت لتحت.
عمر بضحك:-مش وقت جو الطماطم دا، هاتي التيشيرت بتاعي.
جنه ادته التيشيرت وروّحها واداها إجازة، وهو كمان روح وقضوا اليوم نوم.
عمرو راح الشغل:-إيه دا، مجتش يعني من أولها غياب عن الشغل وإهمال؟
سيف يدخل عليه:-صباح الخير يا عمورة.
عمرو:-صباح النور، إيه أخبارك؟
سيف:-تمام الحمد لله.
عمرو:-لحظة يا سيف، هتصل بعمر.
واتصل وعمر رد عليه.
عمر بنوم:-إيه يا بني؟
عمرو:-إيه يا عمر قلقتني عليك، فينك ومجتش البيت إمبارح ولا الشغل النهارده؟
عمر:-معلش يا عمرو بس جنه كانت تعبانة وكنت بروحها، بس أنت شفت الجو كان عامل إزاي والطريق كان مقطوع وخدنا طريق تاني وقعدنا كتير فتعبت من السواقة فنمنا في العربية لحد الصبح وروحناها عشان تنام.
عمرو بضيق:-يعني هي دلوقتي في البيت؟
عمر:-آه، سيبني أنام بقى.
عمرو:-طب يا شفيق، سلام.
عمر:-سلام.
عمرو: يعني هي كانت معاه! طب وأنا مضايق ليه؟
سيف:-عمرو.
عمرو:-نعم يا سيف، قولي بقى فيه حاجة ولا إيه؟
سيف:-آه، كان فيه قضية وكدا كنت عايز أعرف منك شوية تفاصيل.
عمرو بابتسامة:-أنت تؤمر.
وفي مكان تاني:
جنه تصحي من النوم.
جنه:-آه، راسي.
قامت ونزلت تحت عند مروة.
جنه:-مروووه… مرووووه، مبتردش ليه دي؟
ودخلت أوضتها لقيتها نايمة.
جنه:-تلاقيكي تعبانة، يلي اضحي براحتك بقي.
خرجت وكان فيه حد بيخبط على الباب، راحت فتحت والمفاجأة كان عمر.
جنه:-عمر!
عمر:-مالك مبرقة كدا ليه؟ كنت جاي بخصوص حاجة بس الواضح إن جيتي هنا معجبتكيش.
جنه:-لا متفاجئة بس، لكن فرحت برضه لما شفتك.
عمر بابتسامة:-أممم فرحتي، طب أجيبك كل يوم بقي؟ وكمان هنفضل واقفين على الباب؟
جنه:-Oops، اتفضل.
ودخلوا وقعد.
عمر:-أنت عاملة إيه بقي، لسه سقعانة؟
جنه اتكسفت أوي.
عمر:-خلاص خلاص، أحب أشرب نسكافيه.
جنه:-إيه الرخامة دي! أنا مسألتكش على فكرة.
عمر:-أحم أحم، تحبي أقوم أساعدك؟
جنه:-ههع، لا شكراً.
وراحت دخلت المطبخ.
جنه:-ياربي بقي، فين النسكافيه؟ أووف بقي، أنا هصحيكي بقي يا مروة وخلاص.
عمر:-تصحيها ليه، مش دا مطبخ بيتك؟
جنه:-ها هوا أنا صوتي كان عالي كدا؟ عامتاً هي اللي بتعمل كل حاجة، أوضتها أهي لحظة هصحيها وأجي.
دخلت الأوضة.
جنه:-مروة يا مروة اصحي. وشالت الغطا وبتهزها مش بتصحي، استغربت، جت تشوف نبضها لقيت مفيش نبض.
جنه بذعر:-اااااااااااااااااااااه، مروة!
عمر اتخض ودخل:-فيه إيه؟
جنه:-مـ… مـ… مروة يا عمر، مـ… ماتـ… تـ.
عمر راح عند مروة وشافها واتأكد فعلاً أنها ماتت:-إنا لله وإنا إليه راجعون.
جنه:-لا يا مروة، اصحي.
عمر خدها في حضنه وهي مسكت فيه وفضلت تعيط.
عمر:-جنه عشان خاطري متعيطيش، خلاص دا عمرها.
جنه:-أنا بقيت لوحدي خلاص.
عمر:-عشان خاطري متعيطيش، كفاية عياط جنه، أنا…
وأغمي على جنه قبل ما عمر يكمل كلامه.
عمر:-جنه، جنه!
وطلع بيها على المستشفي وبعت ناس ياخدوا مروة ويبدأوا مراسم الدفن.
عمرو بيتصل بعمر.
عمر:-الوو.
عمرو:-جنه فين يا عمر؟ فيه حد مات في البيت ولا إيه؟
عمر:-آه، دي يعتبر الدادة بتاعتها باين، عمتاً هي في المستشفي.
عمرو:-وأنت فين؟
عمر:-معاها طبعا في المستشفي.
عمرو بعصبية:-وبتعمل إيه معاها؟ مش أنت وراك شغل برضه؟
عمر:-لا والله، وأنت اللي هتيجي تعرفني إيه اللي عليا؟
عمرو:-عمر أنا آسف بس بصراحة أنا… أنا حاسس بحاجة غريبة إتجاه جنه.
عمر:-إزاي يعني؟
عمرو:-حاسس إني بحبها.
عمر بصدمة:-بتحبها؟! و… و… وراند دي إيه؟
عمرو:-دي واحدة كدابة فضلت معايا أنا عشان شبهك، لكن هي بتحبك أنت.
عمر:-طب يا عمرو أنا هقفل ناو عشان الدكتور جه.
عمر:-طيب أنا جاي عمتاً.
عمر بضيق:-طيب سلام.
عمر: لا لا لا مينفعش، أنا اللي بحبها، مينفعش تكون ليك لا.
الدكتور:-آنسة جنه عندها صدمة عصبية وهتفضل كدا لحد بكره الصبح، هتفوق يعني.
عمر:-شكراً يا دكتور… أنا همشي وياريت لما تفوق تبلغوني.
الدكتور:-سيب رقمك عند الاستقبال وهيتصلوا بيك.
راح اداهم الرقم، وطلع وفضل يلف بالعربية.
عمرو راح المستشفي الصبح، ودخل لاقاها فاقت.
جنه بتعيط بصمت وباصة قدامها.
عمرو:-جنه، إنتي كويسة؟
جنه بصتله وساكتة.
عمرو:-عشان خاطر أغلى حاجة عندك، ردي.
جنه:-كل اللي بيحبوني بيسيبوني يا عمرو.
عمرو:-ربنا ليه حكمة في كدا.
جنه:-بس أنا تعبت، أومال فين عمر؟
عمرو:-بتسألي عليه ليه؟
جنه:-كان معايا، هو كويس طيب؟
عمرو:-آه كويس، أنا همشي عشان الشركة مفيهاش حد وبابا مسافر وعمر معرفش فين. سلام.
تليفون عمر بيرن.
عمر:-الو.
الشخص:-الو مع حضرتك إيمان مصطفي من مستشفى ******* ونحب نبلغك إن الآنسة جنه فاقت.
عمر:-طب أنا جاي حالاً.
وهو ماشي في الطريق لقي واحدة وقفت قدامه وفرمل بسرعة قبل ما العربية تخبطها.
عمر:-إنتي مجنونة…! إنتي…!
عمر:- أنتى مجنونة
الشخص:- عمر أنا مش هسيبك أنت دمرت حياة ابن عمي وعايزني أسيبك بالسهولة دى دانا لما صدقت لقيتك
عمر..- بقولك إيه متجيش ترمي بلاكي أنا مش ناقص ولو سمحتي بقی وسعي عشان ورايا مشوار ضروري لازم أروحه.. ابعدي عن طريقي… وبحذرك ياريم إنك تعترضي طريقي تاني
ريم..- هتندم ياعمر والله لخليك تندم
سابه عمر ومشي راح لجنة المستشفى
عمر..- صباح الخير
جنة..- صباح النور
عمر..- عامله إيه
جنة..- زى ما أنت شايف
عمر..- أممم تماسكى وخليكى قوية
جنة..- إن شاء الله
وععدى 3 أسابيع وجنة نفسيتها اتحسنت شوية
ف يوم ف الشركة
جنة..- اتفضل الملفات دى يافندم عايزه تتمضي
عمرو..- أوكى قولتي للموظفين على الاجتماع
جنة..- أه زى ما قولت بعد نص ساعة
عمرو..- تمام أوى كده اتفضلي
الباب بيدق عليه حد
عمر..- اتفضل
جنة..- الملفات اللى أنت طلبتها أهى وكمان ف اجتماع بعد نص ساعة
عمر..- تمام شكرا
جنة..- عن أذنك
عمر..- جنة لحظة
جنة..- نعم!!
عمر..- أنا طلبت ليا سكرتيرة وهى جاية من الفرع التاني بتاع الشركة
جنة..- هو أنا قصرت ف حاجة من ناحية الشغل اللى أنا مسكاه
عمر..- لا بس أنا شايف إنك كنتى جاية عشان عمرو بس ف الأحسن تبقي معاه
جنة..- أمممم اللى تشوفه.. عن أذنك
عمر..- اتفضلي
جنة ف مكتبها
هو ليه عمل كده أكيد ف حاجة وأنا لازم أعرفها
ونروح ف شركة تانية خالص ف مكتب المدعو أحمد الجندي
أحمد…- لا ياحبيبي هيوصلك النهارده
الشخص.- ميرسي ياحبيبي
أحمد..- عايزه حاجة تاني ياراند
راند..- أها عيزاك أنت ماتجيجي النهارده ياأحمد
أحمد..- عيزاني أخرجك
راند..- أها وياريت توديني مكان حلو
أحمد..- أنت تؤمر ياجميل
راند..- باباي ياروحي
أحمد..- باي ياحبيبتي
ونرجع لشركتنا تاني
عمرو ف الاجتماع
عمرو..- عشان كدا لازم نبذل جهد كبير عشان الصفقة دى تتم
عمر..- وزى ما أنتو عارفين بالصفقة دى الشركة هتعلى أوووى بس الجد والاجتهاد ف العمل وباش الكسل وعايزين نخلص الشحنة دى بسرعة يا ريت أنا عارف إن الفترة دى فيها تعب ف الآخر أكيد الكل
عمرو&عمر..- هيبقي مستفاد
الكل:- تمام يافندم
الكل خرج معادا جنة وعمر وعمرو وكام موظف
عمرو..- عايزك معايا النهارده ف المصنع وفيه كمان شويه ملاحظات هقولهوملك تنبيه للعمال ودى مهمتك
جنة..- تمام.. هنروح امتى
عمرو..- نص ساعة كده وأكون خلصت الشغل اللى ف إيدي دا
جنة..- تمام عن أذنك
وخرجت برا وقعدت ف مكتبها
وطلعت موبيلها واتصلت بريم
جنة..- الأووو
ريم..- وحشتييييينييي موووت ياجوجو فينك
جنة..- وأنتى كمان ياقلبي موجودة بقالك شهر مش بتسألي
ريم..- معلش يجنة بس والله حصلت حاجات كتير ف الشهر دا هبقي أحكيلك عليه لما أشوفك
جنة..- طيب ماشي أنا عايزه أشوفك هنتقابل أمتي
ريم..- إيه رايك بكره
جنة..- تمام أنا هقفل ناو أوكى عشان عندى شغل أوكى
ريم..- أوكى ياقلبي سلام
