ف ديسكو
احمد:-بقالك فتره سيباني ياراند…هوا ف ايه
راند بقلق:-هيكون ف ايه ياحبيبي انا كنت مسافره واول مارجعت جتلك ع طول
احمد بشك:-بس مقولتليش يعني انك مسافره
راند:-ها ما اا مااصل جه فجأه ومعرفتش اقولك
احمد:-هوا ايه دا اللي جه فجأه
راند بلجلجه:-ا ا الس السفر….السفر يااحمد
احمد:-طيب انا عايز……
احمد:-انا عايز منك تعرفيني تحركاتك عشان كدا مينفعش خالص,,,وانتي عارفه اني بحبك المفروض تقدري دا
راند باارتياح :-حاضر ياحبيبي انت تؤمر
وتشرق يوم جديد مليئ بالامل والحيوية والحماس
الباب يتفتح
مروه:-انسه جنه، انسه جنه
جنه بنوم:-ايه يامروه عايزه ايه
مروه:-الساعه 7 يلي عشان تقومي
جنه:-انا معادي 8 في الشركه,,,,استوعبت اللي بيحصل اوبس شكرا يامروه انا قايمه اهو
مروه بابتسامه:-خلصي وانزلي بسرعه عشان عملالك الفطار اللي بتحبيه
جنه:-تمام
دخلت جنه خدت شاور وخرجت اتوضت وصلت
جنه لنفسها:-النهارده اول يوم هلبس ايه لازم اكون قمر عشان انا عارفه ان امبارح كان شكلي ملخبط وهوا كان يرفضني عشان كدا فينك ياريم
ريم تدخل من باب الغرفة:-مين بيجيب في سيرتي
جنه بفرح:-ريم قلبي كويس انك جيتي انا مش عارفه هلبس ايه وكنت بفكر البس…تقاطعها ريم هتلبسي اللي انا جيباه دا
جنه:-جايبه ايه. ريم:-فستان جااامد هيعجبك ااوي. جنه:-بس ليه,,,تقاطعها ريم:-بت انتي انا مش جايه المسافه دي كلها وصحيالك بدري وفي الاخر تفضلي تبسبسي
جنه حضنت ريم وابتسمو لبعض وريم قالتها يلي هخليكي قمر ادخلي البسيه
دخلت جنه ولبست الفستان وكان كالأتي
فستان ابيض قط وكان انيق ولبست عليه حذاء بكعب عالي اسود وشنطه سوده
ريم:-ياجامد انت تعالي بقي نشوف الميكاب بسرعه عشان مفضلش غير نص ساعه وقعدت جنه وريم ظبطتها وكانت حلوه اوي ريم:-يلي عشان اوصلك. جنه:-يلي بينا
نزلو. مروه:-مش هتاكلو. جنه:-معلش يارورو هتعشي معاكي بقي افطري انتي
وركبوا العربيه ووصلوا عند الشركه
جنه:-ريم انا خايفه عمرو دا ميقبلنيش ويبوظلي حاجه في الشغل كان نفسي ابقي مع عمر بس هعمل ايه. ريم:-معلش ياجنه شوفي ايه الاخبار النهارده وانا معاكي متقلقيش. جنه:-ربنا يخليكي ليا ياريم انا محظوظه بيكي بجد
ريم:-ويخليكي ليا يلي عشان متتأخريش
جنه نزلت من العربيه وودعت ريم ودخلت الشركه
سيف:-جنه صباح الخير
جنه بابتسامه:-صباح النور يااستاذ سيف
سيف باانبهار بجمالها:-بقي متنح
جنه بااستغراب:-استاذ سيف انت روحت فين
سيف:-ها معاكي
جنه:-طب انا عايزه اعرف فين مكتبي
سيف:-هعمل فيكي خدمه وهوصلك ليه
جنه بضحكه رقيقه:-شكرا
سيف لنفسه:-الله يخربيت جمالك خليني في حالي احسن
وصلو
سيف:-اتفضلي
جنه بااستغراب:-هوا ليه في بابين هنا
سيف:-دا مكتب عمر ودا مكتب عمرو
جنه بدهشه:-هوا انا هبقي ليهم هما الاتنين اقصد يعني شغاله معاهم هما الاتنين
سيف:-حاجه زي كدا بس اطمني عمر بيخلص كل حاجه لوحده ونادر لو طلب منك حاجه
اما بقي عمرو هوا اللي ميقدرش يقعد من غير سكرتيره
جنه:-شكرا. بس في سؤال محيرني
سيف:-اتفضلي
جنه:-هوا انت المفروض محامي يعني ليك مكتب بس بتعمل ايه هنا
سيف:-انا اه محامي ….بس عمي قالي اني اكون معاهم هنا واكون خاص بالشركه والقضايا بتاعتها بس
جنه:-شكرا يااستاذ سيف
سيف:-افضل انها تكون سيف بس,,,,يلس عن اذنك جنه بابتسامه:-اتفضل
وبعد نص ساعه كانت جنه رتبت مكتبها وعرفت مكان كل حاجه فيه
دخل عمر بابتسامه:-صباح الخير…عاملة ياجنه
جنه:-الحمدلله ودخل مكتبه
عمرو:-صباح الخير
جنه:-صباح النور
عمرو:-تعالي ورايا عشان عايز اديكي ملفات
جنه دخلت معاه وخدت منه الملفات غصب عنه لمس ايديها عمرو حس بحاجه غريبه وجنه حست برعشة في جسمها وقالتله بسرعه:-طب عن اذنك يافندم وخرجت
عمرو:-طلب قهوه وقعد يشوف شغله
عند جنه بعد شويه
راند:-انتي مين
جنه:-السكرتيره الجديده
راند بتبص عليها وبغيره من جمالها
طب انا عايزه ادخل لعمرو نااااو
جنه:-لحظه اديلو خبر
خبطت واذنلها
جنه:-في واحده برا عايزه حضرتك. عمرو:-مين
جنه:-مقالتش. عمرو:-طب دخليها
جنه:-خرجت وقالت اتفضلي
ودخلت راند:-عمرو حبيبي وحشتني مووووت
عمرو:-لا والله لسه فكراني
راند بعدم ارتياح:-ليه بتقول كدا ياعمرو
عمرو بغضب:-لا ياماما محصلش حاجه انا عمرو محمد الخطاب تطنشيني انا ليه
راند بخوف:-عمرو عشان خاطري اهدي متخوفنيش منك.. انا كنت مسافره عند مامي
عمرو بدهشه:-عند مامتك…اومال مين اللي ماتت من 3 شهور
راند:-مرات بابا بس معتبراها في مقام مامتي….وكملت بدموع وتمثيل ياعمرو حرام عليك انا بخاف لما بتكون كدا
عمرو ابتدي يهدي:-ماانتي اللي بتعملي كدا يا راند بتستغلي حنيتي وخوفي عليكي وبتعملي اللي انتي عايزاه
راند بعد مااطمنت انه معرفش حاجه:-ياحبيبي والله غصب عني
عمرو بحنيه:-خلاص ياحبيبتي متعيطيش انا مش قصدي اكدبك او ازعلك اهدي بقي بحبك
راند بعد مامسحت دموعها:-بحبك ياعموره اووووووي وقربت منه وادته بوسه واثناء اللحظه دي جنه دخلت
جنه:-انا اسفه مكنش…
عمرو:-حصل خير
راند:-واحدة مهزئه ازاي تدخلي علينا كدا
عمرو:-راند في ايه…محصلش حاجه
راند بنرفزه:-انت مش شايف
جنه بعصبيه:-انا اعتذرتلكو وصاحب المكان نفسه قال محصلش حاجه
عمر سمع الصوت وجه
عمرو:-انتي ازاي تكلميها كدا اطلعي برا
عمر:-في ايه ياعمرو. عمر بقرف:-ايه دا راند موجوده عشان كدا في مشكله. راند بحزن:-تقصد ايه ياعمر. عمر:-ولا حاجه انتي كويسه ياجنه
جنه بدموع:-مفيش حاجه ياعمر. راند:-ابعدي عنه وزقتها وقعتها في الارض
عمر حس بوجع في قلبه لما جنه وقعت. وعمرو نفس الحكاية مش عارفين ليه.
جنه:-آه ياايدي. عمر جري عليها جنه انتي كويسه….وقومها وهي سانده عليه
عمرو:-جنه انا اسف راند اعتذريلها
راند بغيظ:-ومن كتر عصبيتها وغيرتها علي عمر
جريت علي جنه وشدتها من شعرها وقالتلها انتي ازاي تلمسيه ابعدي عنه عمر دا ليا انا ابعدي. والموقف كاالاتي
عمرو واقف مش مستوعب اللي راند بتقوله
عمر واقف ومخلي جنه ورا ضهره وماسك ايد راند ومش مصدق اللي هي بتعمله دا
عمرو:-خلاص ياجنه سيبها تعالي ياراند
راند:-قعدت وبعد كدا استوعبت اللي هي عملته
عمر:-مسك جنه وخدها ع مكتبه وطلبلها مايه وعصير
طبعا انتو مش فاهمين حاجه
راند مع احمد عشان فلوسه
ومع عمرو مش عشان فلوسه لا عشان هي بتحب عمر ومش عارفه توصله بس فضلت مع عمرو لانه بيحسسها انها معاه، لكن هي بتخطط عشان تبقي مع عمر لانها بتحبه فعلا
راند بنت متوسطه الجمال عينها بني فاتح شعرها اسود وقصيره ودا اللي محليها
نرجع تاني للقصه
في مكتب عمر
عمر بقلق:-انتي كويسه
جنه بتعيط:-اه الحمدلله
عمر بحزن:-جنه بطلي عياط انا اسف بالنيابه عنها عارف ان هي زودتها ودا عشان هي مجنونه شويه
جنه بتزيد في العياط وساكتة. عمر:-جنه طب انتحر طيب ولا اعمل ايه
جنه بضحكه رقيقه:-لا خلاص سماح المرادي
عمر:-يالهوي ع الرقه
جنه بكسوف:-طب انا هخرج عشان ورايا شغل عن اذنك وخرجت بسرعه
عمر:-اموت انا. ايه دا ياعمر فوق انت في شغل وبعدين فضل يضحك ع نفسه وكمل شغل
عند مكتب عمرو
عمرو:-راند انتي كويسه
راند:-عمرو انا كنت عامله كدا لاني من كتر العصبيه اتخيلته انت
عمرو:-ماانا عارف ياقلبي روحي دلوقتي عشان تستريحي
راند براحه عشان عمر صدقها:-طيب ياحبيبي باي
خرجت لقت جنه شغاله ع الكمبيوتر بصتلها بقرف وقالتلها:-عمر دا ليا انا بس
عمر خرج من مكتبه ع الجمله دي:-دا بعدك ياراند وبكره عمرو يبعد عنك
راند:-اخوك اناني ومبيحبش غير نفسه حتي انت
عمر بصلها بقرف وقال:-يلي غوري
راند:-بصت لجنه وقالت باي ياجنه
جنه:-هي مالها دي عمتا كنت عايز ايه يااستاذ عمر
عمر بضيق:-مااكانت عمر من شويه وياريت تبقي ع طول
جنه:-اوكي ياعمر كنت عايز ايه بقي
عمر:-كنت عايز اخليكي تترجميلي الملف دا ايطالي بس بسرعه
جنه:-تحت امرك. عمر:-بس ناو البريك
طب ايه تحبي اطلبلك اكل معايا
جنه مش معاها فلوس غير اللي هتروح بيها عشان كانت الصبح متسربعه فمخدتش معاها وكمان متعرفش حد هنا:-لا انا مش جعانه
عمر:-متأكده انا اعرف مطعم حلو هنا
جنه:-لا انا هكمل الشغل
عمر:-طيب عن اذنك
عمرو:-انا جيت وبص ع جنه وحس براحه
عمر خد باله واضايق، مش يلا ياعمرو
عمرو:-يلا ياشق
وراحوا عند باباهم وقعدوا اتغدوا معاه ورجعوا تاني
جنه:-ابتديت تحس بدوخه وخصوصا انها مفطرتش
دخلت وودت الملفات لعمرو واعتذرلها عشان راند وقرر يعمل حاجه
خرجت وراحت تودي الملف لعمر
جنه بتعب:-اتفضل
عمر بخضه:-انتي كويسه
جنه:-اه، وكانت هتقع بس عمر مسكها وقعدها اطلبلك الدكتور
جنه:-لا انا بس مش شايفه كويس وعندي دوخه
عمر بص في ساعته:-مواعيد الشغل خلصت خلاص تعالي اروحك
جنه بتعب:-ماشي بس ياريت بسرعه ياعمر
قومها وسندها ونزلها وركبها العربيه وركب هوا كمان
هي باصه ع الطريق دا مش طريق البيت
عمر:-انا معرفش عنوان بيتك بس هنروح المستشفي الاول
جنه:-……
جنه:-مش لازم ياعمر انا هبقي كويسه
عمر باستغراب:-إيه دا، الطريق مقفول ليه؟
جه واحد شكله غريب بيقول:-يا باشا فيه تصليحات قدام، أنت ممكن تمشي من الطريق دا.
عمر:-انهي طريق؟
الشخص:-دا وشاور له عليه.
عمر:-أنا أول مرة أشوف الطريق دا.
والمطر اشتغل والجو ساقعة.
عمر بقاله نص ساعة ماشي بالعربية.
جنه:-عمر، أنا سقعانة أوي ووجعانة أوي.
عمر وقف العربية، وكان معاه ساندوتشات.
عمر:-خدي كلي دول، كانوا معايا الصبح أصل الست الوالدة فكراني في مسابقة.
جنه بتضحك بضعف وهي بتاكل:-ههه، شكرا.
عمر زعل أوي عشان هي تعبانة، وكمل بالعربية.
عمر:-مخلصتيش الأكل ليه؟
جنه:-سقعانة أوي ومش قادرة.
عمر:-مفيش حاجة هنا معايا حتى جاكيت مش جابب، معلش قربنا نوصل يا جنه، استحملي.
جنه قاعدة وسقعانة أوي ومستغرببة إن الصبح كان حر بس الليل يكون ساقعة كدا وفيه مطر، وبرضه الطريق مش راضي يخلص.
عمر تعب من السواقة وقال:-شكلنا هنقعد هنا النهارده.
