— طيب يا أخويا، الحمد لله على سلامتك. ها، جاي ليه؟ بردو ما انت أكيد مش جاي غير علشان مصيبة.
شريف:
— انت ظالمني على فكره. أنا المرة دي جايلك علشان أقولك مبروك مش أكتر.
رعد بصدمة:
— انت بتهزر صح؟
شريف بقلق:
— احم، لا.
رعد بعصبية:
— يا روح أمك، وجاي مخصوص تقولي مبروك؟ قوم يلا اطلع بره يا تافه، أنا غلطان إني قاعد مع أمثالك.
شريف:
— بس بس، يخربيتك، بهزر معاك يا جدع. الله الواحد ميعرفش بهزر معاك أبدًا. أنا بحاول أخفف عنك اللي هقوله يعني.
رعد:
— يلعن أبو تقل دمك يا أخي. متهزرش تاني ومتخففش الخبر، قول على طول.
شريف:
— …
رعد بصدمة:
— انت متأكد من الموضوع ده؟
شريف:
— أيوه طبعًا متأكد مية في المية، وعلشان كده جيتلك دلوقتي علشان كان لازم تعرف الموضوع ده.
رعد بضيق:
— طيب وهنعمل ايه دلوقتي؟
شريف بضيق:
— معرفش بقى، أنا أول ما رجعت جيتلك على طول. المفروض انت اللي تفكر بقى هنعمل ايه دلوقتي.
رعد:
— يخربيت أخبارك يا أخي، قوم اطلع بره.
شريف:
— ايه المعاملة دي يا عم انت؟
رعد بضيق:
— قوم ياض اطلع بره، مش كفاية الأخبار الزفت اللي شكل وشك اللي جبتهالي دي؟
شريف:
— تسلم يا برنس، أنا همشي بس علشان عايز أنام، غير كده مكنتش سيبتك.
بينما جلس رعد يفكر في الذي قيل له من قبل شريف والذي حدث قبل قليل ويوم أمس ليقول بضيق:
— هي المصايب كلها بتيجي مرة واحدة كده؟
ليزفر بضيق ويضع وجهه بين يديه بضيق وهو يفكر.
عند شريف
ما إن غادر من عند رعد حتى نزل إلى الأسفل، وبينما هو في الطريق قابل من خطفت قلبه، حبيبته وكل حياته. لقد قابل نعم التي ما إن رأته حتى صدمت بشدة.
نغم بصدمة:
— شريف؟
ثم نظرت حولها لتتأكد أنه لا يوجد أحد يراهم، لتنظر له مرة أخرى. ما إن تأكدت أنهم بمفردهم:
نغم:
— انت ايه اللي جابك هنا؟
شريف بضيق:
— يخربيت كده، هو كل ما حد يشوفني يقولي الجملة دي؟ جاي أشوفك يا جميل.
نغم:
— نعم يا أخويا؟
شريف:
— بهزر، بهزر. حتى انت كمان مش بتهزري؟ جاي أبارك لأخوكي.
نعم بس.
شريف:
— واقوله حاجة؟
نغم:
— بس.
شريف:
— وهو في حاجة تانية؟
نغم بحزن خفي:
— لا طبعًا، وهيكون فيه ايه؟
شريف:
— لا، فيه أهم حاجة. جاي أطمن على قلبي وأعرف ايه اللي حصل خلاها تقفل الخط كده، وأشوفها علشان وحشتني جدًا.
ابتسمت نغم لتكمل:
— ويا ترى مين هي دي؟
شريف:
— واحدة كده واقفة قدامي اسمها نغم، وبحبها جدًا. لا، بحبها دي كلمة قليلة، ده أنا بعشقها.
ابتسمت نغم بفرحة حقيقية ليقول:
— صح، ايه اللي خلاكي تقفلي التليفون كده؟
نغم بضيق:
— محمد شافني وكان هيقفشني أصلًا، بس لولا ربنا ستر.
شريف:
— صح، أنا حسيت إن في حد كبس عليكي بردو، علشان كده قفلتي، وأنا كمان روحت قافل تليفوني على طول.
ثم أكمل بضيق واضح في صوته:
— قريب قوي مش هخليكي تخافي كده. هكلم أخوكي أول ما هيرجع الشغل علشان أخطبك.
نغم بصدمة:
— بتتكلم بجد يا شريف؟
شريف بابتسامة:
— جد الجد يا روح قلب شريف. قريب أوي هتبقي مراتي.
ابتسمت نغم وكادت ترد، ولكن الآخر قاطعها:
— بقولك يا نغم، وقفتنا دي غلط أوي بجد، ولو حد شافنا هتبقي كارثة. سلام دلوقتي وهشوفك قريب.
ثم رحل بسرعة دون سماع ردها، فهو قد شعر، وكان أحد سيأتي، ولم يكذب شعوره. فما إن أكمل نزول ذلك السلم حتى وجد فيروز كادت تصعد، لتبتسم فور رؤيته.
فيروز:
— طلعت لرعد خلاص يا حبيبي؟
شريف:
— آه يا حبيبتي، وخلاص همشي أهو.
فيروز:
— ليه بس؟ خليك معانا للغدا.
شريف:
— معلش بقى، مرة تانية علشان مستعجل، وكمان تعبان من السفر. عن إذنك.
فيروز:
— إذنك معاك يا حبيبي، اتفضل.
ليرحل شريف ويزفر براحة عندما غادر من أمامها، فكم كان ذلك وشيكًا. وعندما كاد يخرج من البيت حتى فوجئ بمحمد أمامه ليقول بضيق:
— في ايه بقى؟ هو أنا هقابل كله النهاردة؟ أنا عايز أعدي سليم، ربنا يستر.
محمد:
— ازيك يا شريف؟
شريف:
— كويس، وانت عامل ايه يا محمد؟
محمد:
— تمام. انت ايه اللي جابك هنا؟
شريف بعفوية:
— هو في ايه بقى؟ هو البيت كله هيسألني عن كده؟
محمد باستغراب:
— بيت ايه؟
تدارك شريف نفسه ليقول:
— مرات عمي وأخوك طبعًا. هيكون مين؟
محمد بشك:
— فعلًا هيكون مين تاني؟ انت قولتلي جيت ليه؟
شريف:
— علشان أبارك لأخوك، مش اتجوز امبارح؟
محمد:
— آه صح، وبس كده؟
شريف:
— آه بس.
كان محمد يريد أن يتكلم، ولكن قاطعته الآخر:
— طيب استأذن أنا بقى يا معلم، علشان هموت وأنام بصراحة.
محمد باستغراب:
— اتفضل.
ما إن رحل حتى قال لنفسه:
— هو في ايه النهاردة؟ كله بيتهرب مني كده ليه؟ يلا بقى ملناش دعوة.
ثم دخل إلى المنزل.
ستوب
شريف: شاب في السابع والعشرين من عمره، ذا ملامح سمراء قليلًا وعضلات خفيفة وعينان خضراوتان. يكون ابن عم رعد، يدير معه شئون العائلة ويعملان في عمل لا يعلمه غيرهما، ولذلك يسافر شريف كثيرًا. يكون حبيب نغم السري، يحبها للغاية وهي أيضًا تحبه جدًا. عندما ارتبطا كان يشعر بالضيق الشديد من نفسه لأنه يخدع أخيه وليس فقط ابن عمه، ولكنه حقًا يحب نغم. ولكن كلما فكر في التقدم لها كان يحدث شيء يجعل الأمر يتأجل، فلذلك قرر الارتباط بها وهي لم تمانع ذلك. يعلم جيدًا أن ذلك ليس من عاداتهم، وأنه بذلك التصرف من الممكن أن يخسر عائلته، ولكنه للأسف فعل ذلك بسبب حبه لنغم. ولكن الآن الظروف قد سمحت ليتقدم لها، فلذلك سيفعل ذلك بدون تردد.
