أخرجت الأكل من الثلاجة وسخنته وجلست لتأكل، وكان ظهرها للباب فلم تأخذ بالها من الشخص الواقف خلفها يراقبها وهو يحاول كتم ضحكته على منظرها، ليقول فجأة:
— انت بتعملي ايه؟
شهقت حورية بخوف وتركت الطعام على الفور، وأخذت تحاول إيجاد حجة مقنعة حتى لا يصبح منظرها سيئ أمامه أكثر مما هو سيئ، لتقول:
— أصلي خرجت من الأوضة علشان أشرب، ف… وأنا معدية لمحت التلاجة فقولت يمكن فيها أكل فاسد ولا حاجة، فقولت أتأكد بنفسي علشان لو فيها حاجة محدش يتأذي. بس كده.
رعد بدهشة مصطنعة:
— بجد؟
حورية:
— أيوه طبعًا بجد. انت مش مصدقني ولا ايه؟
رعد:
— لا طبعًا مصدقك. أومال بس هو ازاي في حد بيحاول إنه يشوف الأكل إذا كان فاسد ولا لا وياكله كله مثلًا؟ وايه أصلًا اللي يخلي حد شاكك إن الأكل فاسد ياكله؟ ده كده دماغه ضايعة خالص.
حورية:
— لا مش ضايعة ولا حاجة، احنا بس نختلف عن الآخرين مش أكتر، فعلشان كده تلاقي حركاتنا جديدة شوية وفريدة من نوعها بس مش أكتر. وبعدين أنا مكلتوش كله، أنا سيبت شوية علشان لما الواحد بيتزوق بيحتاج شوية علشان يحدد موقفه من الأكل. بس كده مش أكتر.
رعد:
— ويا ترى طلع عامل ازاي؟
حورية بغباء:
— هو ايه ده؟
رعد:
— الأكل.
حورية:
— آه آه، حلو.
رعد:
— بجد؟
حورية:
— آه طبعًا بجد، وأنا هكدب عليك ليه؟
كاد يرد، ولكن قاطعهم بكاء عمر من الغرفة، لتتركه حورية واقف بمفرده وتذهب بسرعة لتتفقد عمر. أما عند رعد فابتسم بخفة على تصرفاتها الطفولية، ثم سريعًا ما وعي لنفسه قائلًا:
— ايه اللي أنا بعمله ده؟ بلاش تنسى يا رعد، حورية دلوقتي أشد أعدائك. لازم تتجنبها، مينفعش تتصرف معاها عادي جدًا ولا كأن أي حاجة حصلت. لا، انت نسيت كل اللي هي عملته؟ فوق لنفسك يا رعد، دي هي الشخص اللي المفروض تنتقم منه على كل حاجة حصلت قبل كده، مش تهزر معاها.
ليزفر بغضب ويرحل ويدخل إلى غرفته مرة أخرى ويقوم بإغلاق الباب بقوة.
عند حورية
دخلت لترى ما بال عمر لتبدأ بمحاولة تهدئته. ثواني وسمعت صوت الباب يغلق بقوة لتبتسم بانكسار، فقد علمت السبب حتى دون أن تسأل.
حورية بصوت خافت:
— ايه يا حورية؟ افتكرتي إنه هيفضل بهزر كده كتير معاكي؟ أكيد وعي لنفسه وندمان إنه اتكلم معايا من البداية. أصلًا أكيد دلوقتي بيفكر إن كل تصرفاتي كنت قاصداها علشان…
لتزفر بضيق، محاولة تهدئة نفسها ومحاولة إقناع نفسها أنه لم يحدث أي شيء وأن رعد سيسمعها بالتأكيد في يوم وسيصدقها وسيعلم جيدًا أنها مظلومة.
كانت تعلم أنها تخدع نفسها، فلا يوجد أي شيء من ما قالته حقيقي، ولكنها ستحاول وستظل تحاول إلا أن تجعله يسمعها ويعلم أنها مظلومة. أخذت تفكر وتفكر في خطة لجعل رعد يسمعها دون أن يغضب أو يتركها ويرحل.
عند رعد
كان يلوم نفسه على كلامه معها، ثم عاد بذاكرته إلى ذلك اليوم الذي كان يتمنى لو لم يأتي.
فلاش باك
رعد:
— في ايه بقى يا ستي؟ طلبتي نتقابل دلوقتي وبسرعة أوي كده؟
كان واضح للغاية عليها التوتر، ثم عادت إلى طبيعتها.
حورية بهدوء:
— مبقاش ينفع يا رعد.
رعد باستغراب:
— مبقاش ينفع ايه؟
حورية:
— احنا لازم نسيب بعض.
رعد بصدمة:
— ايه؟
نظرت إليه حورية لثواني ولم ترد.
رعد:
— حورية، ده مقلب من المقالب بتاعتك صح؟
حورية:
— لا طبعًا مش مقلب، هو أنا ههزر في حاجة زي دي؟
رعد:
— يبقي انتي أكيد مضايقة علشان اتأخرت في إني أتقدملك، بس خلاص هاجي أتقدملك قريب.
حورية:
— رعد، افهم، أنا خلاص هتجوز. أنا آسفة، بس مش هقدر أكمل معاك.
كان ينظر لها رعد بصدمة حقيقية، ثم قال بلهجة حاول جعلها باردة قدر الإمكان:
— وبعدين؟ يبقي مين ده بقى؟
حورية:
— كريم، أخوك. أنا آسفة يا رعد.
قالت ذلك ثم رحلت بسرعة دون النطق بكلمة زائدة. أما هو فظل ينظر في أثرها بصدمة، يحاول استيعاب كل شيء حدث. تركته حبيبته التي كان يعشقها، وليس ذلك فقط، بل ستتزوج ومن أخيه. لم يستطع استيعاب ما حدث، لقد كان مصدومًا كليًا.
عاد إلى بيته وهو مازال لا يصدق الموقف. أخذ يتذكر جميع ذكرياتهم سويًا، قولها أنها تحبه كثيرًا، وكل ذلك. هل يعقل أنه كان كذب؟ جميع ذلك كان مجرد كذب؟
عاد بذكرياته إلى الواقع ليبتسم بسخرية:
— ايه يا رعد؟ نسيت كل اللي حصل؟ نسيت إنها اتخليت عنك بعد كل حبكوا ده؟ نسيت كل حاجة بالسرعة دي؟ للدرجادي لسه بتقدر تسيطر عليك؟
حاول التبرير لنفسه قائلًا:
— لا لا، أنا منسيتش ومسمحتهاش، وعمري ما هسامحها أبدًا.
قاطع شروده صوت جرس الباب. ليخرج من غرفته ذاهبًا إلى الباب ليفتحه ليجد:
— مبروك يا رعد.
الفصل الثالث
رعد باستغراب:
— شريف؟
ثم سريعًا ما استوعب الموقف ليقول له:
— آه آه، أهلًا يا شريف، اتفضل ادخل.
شريف بهدوء:
— أسف جدًا على إني جيت من غير ميعاد، رغم إنك اتجوزت امبارح، بس معلش بقى، قولت لازم أجي أقولك مبروك بما إني مقولتهلكش امبارح.
رعد:
— لا عادي، انت تقدر تشرف في أي وقت. عن إذنك ثواني وراجعلك.
دخل رعد إلى غرفة حورية وهو متضايق من أنه سيتكلم معها، ولكنه مصر للأسف.
رعد ببرود:
— اخرجي اعملي أي حاجة لشريف علشان يشربها. أعتقد انت عارفة كويس هو مين، مش محتاج أقولك.
ثم خرج مرة أخرى تاركًا إياها مندهشة قليلًا من الموقف. شريف أتى والآن لماذا يا ترى؟ ثم نفضت تلك الأفكار من رأسها وارتدت حجابها وخرجت متوجهة إلى المطبخ. أحضرت بعد الشاي وخرجت وأعطتهم لهم واستأذنت منهم لتعود إلى غرفتها. ما إن رحلت حتى قال:
رعد:
— ايه اللي جابك؟
شريف:
— ايه يا عم؟ المقابلة دي؟ مش بدل ما تقولي الحمد لله على سلامتك، أي حاجة كده؟ هو أنا كنت في مكان سهل؟
رعد بنفاذ صبر:
