نرجع
عند رعد
جلس يفكر لثواني، ومن ثم ما إن وقف حتى اصطدم بحورية لينظر لها بحدة قليلًا:
رعد بحدة:
— في ايه انت كمان؟
توترت حورية قليلًا لتجيب:
— مفيش حاجة.
رعد:
— أومال طالعة من أوضتك ليه؟
حورية:
— عادي يعني، أنا مش محبوسة علشان أفضل جوا على طول. خارجة أشرب.
لتتركه وترحل دون النطق بكلمة أخرى، ذاهبة إلى المطبخ.
بينما ظل رعد ينظر في أثرها قليلًا، ليزفر بضيق ويدخل إلى غرفته مجددًا.
بينما عند حورية زفرت براحة، فهي لم تخرج بتشرب كما كانت تدعي، هي خرجت لتعلم ماذا هناك، لأنها قد سمعت صوت رعد وهو يصرخ على شريف، وقلقت عليه عندما رأته يضع رأسه بين يديه من أن يكون هناك مكروه قد أصابه. كانت تنوي سؤاله عن ما به، ولكنه فاجئها بحدته معها في الكلام لتتراجع عن ذلك.
وبينما هي واقفة في المطبخ أخذت تفكر: يا ترى ما الذي حدث؟ وهل شيء له علاقة بنغم؟ ولكنها عادت ونفت تلك الفكرة من رأسها. بالتأكيد ليس له علاقة بها، فهو لم يغضب هكذا من شيء كهذا. لتقرر أنه لا شأن له. فلماذا تقلق عليه وهو لا يطيقها من الأساس؟
لتعود إلى غرفتها وتجلس فيها بملل وهي لا تجد أي شيء تفعله، لتمسك هاتفها وتبدأ في تفحصه بعدم اهتمام.
عند شريف
دخل إلى منزله ليجد والدته جالسة تنتظره ليتجه إليها بهدوء:
شريف:
— ست الحبايب يا حبيبة أخبارك ايه؟
أم شريف:
— وحشتني أوي يا شريف، كده تغيب عليا كل ده؟
شريف:
— ده هو أسبوع واحد بس يا جميل، لحقت أوحشك بالسرعة دي؟
أم شريف:
— ولو يوم واحد بس هتوحشني فيه أكيد.
شريف:
— قلبي بقى أنا، كده هتعود على الدلع ده كله وأنا مش قده.
أم شريف:
— اتعود يا حبيبي، وهو أنا عندي أغلى منك انت واختك؟
غمز شريف لها بضحكة خفيفة:
— طيب والحج ملهوش في الطيب نصيب؟
أم شريف:
— انت مش هتكبر أبدًا وتحترم نفسك يعني؟
شريف:
— لا مش هحترم نفسي. قولتيلي بقى هو فين من الموضوع؟
أم شريف:
— أبوك ده حبيبي وعشرة عمري، مقدرش أقول إني بحبه، بس لا، ده أنا بعشقه أصلًا، وده شيء معروف فمبقيتش مطرة إني أقوله.
شريف:
— أطورنا بقى وبقينا بنعرف نقول كلام حب.
أم شريف:
— بس يلا قوم غير هدومك، وثواني وهيبقي الأكل جاهز.
شريف:
— فوريرة، ثواني وهبقي عندك يا عسلية.
ليتركها ويدخل إلى غرفتها.
بينما أخبرت والدة شريف الخدم بتجهيز الغذاء لابنها، ومن ثم جلست مرة أخرى لتقول فجأة:
— هي فين ميادة أصلًا؟
ميادة:
— مين بيجيب في سيرتي؟
ستوب
كوثر: والدة شريف وميادة، في الخمسين من عمرها. تحب أولادها للغاية وتتمنى لهم دائمًا الخير.
ميادة: فتاة في الثانية والعشرين من عمرها، ذات شعر أسود حريري وعينان بنية وبشرة سمراء، ولكن جميلة. فتاة مرحة للغاية وتحب الحياة كثيرة. تحب نغم للغاية، وتعلم جيدًا بأن شريف يحبها، وتتمنى سرعة زواجهم.
نرجع
ميادة:
— ايه يا ست الكل؟ أخبارك ايه؟
كوثر:
— كنتي فين يا ست ميادة؟
ميادة:
— كنت في اوضتي يا ستي، هكون فين يعني؟
كوثر:
— وطول اليوم فيها؟
ميادة:
— وفيها ايه بقى؟
كوثر:
— مفيهاش حاجة يا ستي.
ميادة:
— هو فين شريف صح؟
كوثر:
— بيغير هدومه وزمانه جاي.
شريف:
— مين بيجيب في سيرتي؟
كوثر بضيق:
— في ايه؟ انتو الاتنين النهاردة بقيتوا بتظهروا على السيرة ليه؟
ميادة:
— وده مضايقك؟ خلاص يلا نمشي ونسيبك تقعدي لوحدك وتدوري علينا بقى وتقولي ابقوا اقعدوا جنبي علشان مش لسه هاطلعلكوا أو ابعتلكوا حد يطلعلكوا.
شريف:
— أيوه يلا بينا.
كوثر:
— لا والله، اتفقتوا انتو الاتنين عليا يعني؟ ماشي ماشي.
ميادة:
— هو صح يا ماما، انت مش ملاحظة إن شريف سفراته كترت أوي اليومين دول؟
كوثر:
— مش عنده شغل يا حبيبتي، ده شيء طبيعي.
ميادة:
— وانت متأكدة بقى إنه بيروح في شغل بس؟
كوثر:
— آه طبعًا شغل بس، واحترمي أخوكي شوية، هو مش بتاع كده.
