نرجع
تجاوزته نغم متجهة إلى حورية.
فيروز:
— صباحية مباركة يا عروسة، عاملة ايه يا حبيبتي؟
حورية:
— كويسة يا ماما، متقلقيش.
فيروز:
— متأكدة؟ شكلك مش كويس خالص.
كانت تتمنى حورية لو تنفجر بالبكاء في والدة رعد، فهي تعتبرها والدتها منذ تزوجت كريم، ولكنها قاومت رغبتها في ذلك خوفًا من ردة فعلها وفعل رعد، فلذلك قررت الصمت.
حورية:
— مفيش يا ماما والله، أنا كويسة خالص، متقلقيش.
فيروز:
— هعمل نفسي مصدقاكي رغم إني مش مقتنعة خالص بالموضوع ده، بس اللي يريحك يا حبيبتي. بس أنا موجودة دايمًا جنبك لو عوزتي أي حاجة أو تحكي لأي حد، أنا موجودة. أنا أمك بردو.
حورية:
— إن شاء الله.
نغم:
— اركني على جنب كده شوية يا ماما. عاملة ايه يا شبح المجرة؟
حورية:
— بخير يا أختي، وانتِ عاملة ايه؟
نغم:
— نعم، اهي أيام وبنعيشها.
حورية:
— قنبلة تفاؤل. في ايه يا حاجة؟ هدي التفاؤل شوية، مش كده هتموتي من كتر التفاؤل.
نغم:
— يلا بقى، ربنا ميحرمكوش مني.
فيروز:
— طيب يلا يا نغم ننزل دلوقتي.
نغم:
— ليه يا ماما؟ ما لسا بدري.
فيروز بضيق:
— يلا يا نعم قدامي.
نغم:
— انت بتبرقيلي ليه؟
سحبتها فيروز من يدها بضيق قائلة:
— يلا يا آخرة صبري، مش طالبة ذكاء.
ثم أكملت للرعد وحورية:
— عايزين حاجة يا ولاد؟
رعد وحورية:
— عايزين سلامتك.
ليذهب رعد ليوصلهم إلى الباب ويعود إلى حورية قائلًا:
— نفسي أفهم ازاي مفهماهم إنك ملاك لدرجة إنهم طالعين مخصوص ليكي وبتقولي يا ماما وكل ده حقيقي؟ يا خسارة مخدوعين فيكي للأسف. ياه، نفسي أوي أقولهم علشان ما يفضلوش منخدعين فيكي كده كتير، بس لازم أستحمل بقى، هعمل ايه؟
نظرت إليه حورية ببرود قليلًا لتغادر دون قول كلمة، فقد قررت أن تنفذ كلام صديقتها وتقوم بتجاهله تمامًا. ليستشيط رعد غضبًا من تصرفها ذلك ليقول بسخرية:
— طبعًا ملقتيش رد، هتقولي ايه يعني؟ هتدفعي عن نفسك بالكدب مثلًا؟
لم يجد أيضًا رد، بينما دخلت حورية إلى غرفتها لتجلس على السرير وهي تفكر في أيامها القادمة كيف ستكون. بينما كان رعد غاضبًا بشدة من تجاهلها ذلك، ولكنه قرر الصمت والذهاب إلى غرفته أفضل.
نغم:
— ليه بقى نزلنا؟ ما لسه بدري.
فيروز بضيق:
— انت معندكيش مخ؟ تفكري فيه عريس وعروسة صباحيتهم النهاردة وشكلهم متخانقيين كمان؟ عايزة تقعدي معاهم ليه يا لزقة؟
نغم بضيق:
— طيب مش كنت أقعد أفهم منها في ايه علشان أساعدها حتى؟
فيروز بضيق:
— ساعدي نفسك يا فلحة الأول، بعد كده ابقي شوفي غيرك. سيبيهم يحلوا مشاكلهم سوا، بلاش تطفل. يلا انزلي شوفي الأكل.
نغم بصوت منخفض:
— كل حاجة نغم، كل حاجة نغم، مفيش غير نغم في أم البيت. ما يسيبوا اللي جايين يطبخوا هنا يطبخوا. ليه لازم نروح نساعدهم؟ يعني ايه ده؟ وليه لازم اللي يساعد يبقي نغم؟ ما يساعدوا هما، هما مش هما اللي قالوا؟
فيروز:
— بتقولي ايه يا آخرة صبري؟
نغم:
— ولا حاجة، ده أنا بكح بس.
الفصل الثاني والثالث
ذهبت نغم إلى المطبخ لترى إلى ماذا وصلوا في الطعام، لتقول ما إن دخلت:
— نعم، مسا مسا على البني آدمين.
لتجد الجميع منهمك في عمله ولم يرد عليها أحد، لتقول بملل في نفسها:
— ايه يا ربي؟ البشر المملة دي. أنا عايزة حد مهيبر زيي كده. أنا بحس الناس دي عبارة عن رجل آلي بس مش أكتر.
ثم نظرت إليهم قليلًا وكادت تتكلم، ولكن قاطعها رنين هاتفها. لتنظر إلى الهاتف لترتبك قليلًا لتغادر دون قول كلمة، ذاهبة إلى غرفتها. ما إن دخلت حتى أخذت تلتفت حول نفسها بخوف، وما أن تأكدت أن لا يوجد أي أحد يسمعها حتى ردت على الفور:
نغم بصوت خافت:
— الو؟
— عاملة ايه يا قلبي؟
نغم بضيق وصوت خفيف:
— انت بتتصل ليه دلوقتي؟ أنا مش قولتلك اليومين دول لازم نبعد شوية علشان بدأوا يحسوا.
رد الآخر بضيق:
— وبعدين بقى؟ معاكي نفسي أفهم انت خايفة كده ليه؟ وعدتك إني هتجوزك، خايفة كده ليه بقى؟ وبعدين هو مش أخوكي اتجوز امبارح؟ يعني الدنيا عندك فاضية أصلًا.
نغم بضيق:
— واضح اتجوز، آه، امبارح. بس ماما شاكة فيا أصلًا. وبعدين لو انت هتتجوزني فعلًا، فليه التأخير ده كله؟
— قولتلك أول ما أظبط أموري هاجي أتقدملك. أكيد انت مش واثقة فيا ولا ايه؟
نغم:
— لا طبعًا واثقة فيك، بس افهمني، طريقة كلامنا دي غلط.
— وليه بقى إن شاء الله غلط؟
نغم:
— علشان ده حرام، مينفعش إني أتكلم معاك ومفيش أي رابط ما بينا، وكمان انت لسه حتى ما اتقدمتليش. وبعدين…
لم تكمل كلمتها حتى فوجئت بصوت يخبرها بصرامة:
— انت بتكلمي مين؟
