نرجع
حورية بصوت خافت:
— تعرف يا عمر، انت الحاجة العدلة الوحيدة اللي خدتها من ابوك. انت شبه الملاك أوي. أحيانًا لما ببصلك بكون متأكدة إنك مش ابنه. ازاي تبقي بالبراءة دي وتبقي ابن الشيطان ده؟ انت الحاجة الوحيدة اللي بتصبرني على العيشة. خلصت من نار ابوك، دخلت في نار رعد. أنا تعبت بجد، تعبت ومبقيتش عارفة أعمل ايه. بس طول ما انت جنبي هستحمل، هستحمل كل حاجة علشانك انت يا حبيبي، علشانك انت وبس.
قاطع كلامها دخول رعد إلى الغرفة، لتنظر إليه بهدوء وتساؤل، وقد كانت آثار البكاء ما زالت مرسومة على وجهها.
تجاهلها تمامًا متجهًا إلى الصغير، ألقى عليه نظرة وتأكد من كونه بخير، ثم نقل نظره إليها بسخرية قائلًا:
— بتعيطي؟ أكيد كنتي ناوية تنفزي فكرة زبالة من أفكارك، بس للأسف بقى بوظتلك كل خططك امبارح، صح؟
صُدمت حورية بشدة من كلامه لترد بصياح:
— حرام عليك بقى يا أخي، ارحمني. انت ليه شايفني كده؟ ليه مش قادر تصدق إني مظلومة؟ مفيش أزبل منك هنا. انت شايفني زبالة علشان انت ظالم ومفتري ومش راضي إنك تسمعني. عمري ما هسامحك أبدًا.
غضب رعد بشدة من كلامها واتجه نحوها بغضب وبقوة قليلًا:
— مشوفتش في بجاحتك انتي ايه؟ معندكيش دم خالص. عايزة تقولي ايه؟ إنك مجرد واحدة زبالة ضحكتي على اخويا وخدعتيه وخلتيه يتجوزك؟ ولا هتعملي فيها دور البريئة وهتقولي أنا معملتيش حاجة، هو اللي عمل كل حاجة؟ اتقي شري أحسن، وابعدي عني ومتحاوليش تبرري تاني، ده أحسنلك. أنا لحد دلوقتي صابر عليكي وساكت، بس لو سمعت منك حرف تاني مش هيحصلك كويس.
ثم ترك يدها بغضب وغادر وأغلق الباب بقوة، تاركًا الأخرى تنظر في أثره بحزن وغضب.
جلست على سريرها رافعة رأسها إلى الأعلى، تتوسل إلى الله بصوت خفيف أن يظهر الحق ويظهر أنها مظلومة وليس لها أي دخل في أي شيء حدث.
أخذت تفكر في حل حتى توصلت إلى:
مسحت حورية دموعها قائلة:
— أنا مش هفضل أعيط كده كتير. أنا عمري ما كنت بالضعف ده أبدًا. ايه اللي حصلي من ساعة ما وقعت مع العيلة دي؟ يا رب اديني القوة إني استحمل وأقدر أوضحله اللي حصل. لازم يفهم إني المظلومة هنا مش الظالمة. يارب الصبر من عندك يارب.
أخذت تفكر وتفكر إلى أن قاطع تفكيرها رنين هاتفها. اتجهت نحوه لتمسك الهاتف وترى أن المتصل هي صديقتها المقربة سلمي. لترد على الفور:
— ايه يا حورية؟ مختفية بقالك كام يوم مش بتردي على تليفونك. هو مش الزفت ده مات؟ روحتِ فين بعد كده؟ هترجعي القاهرة ولا هتعملي ايه؟ أنا ممكن أتصرفلك في شقة في القاهرة تقدري تروحي تقعدي فيها.
حورية بنبرة ضعيفة قليلًا:
— أنا تعبانة أوي يا سلمي.
سلمي بقلق:
— في ايه يا حورية؟ ايه اللي حصل؟
حورية:
— بعد موت كريم مكانش ينفع أمشي، وخصوصًا بعد ما خلفت عمر، فعلشان كده كان لازم إني اتجوز… رعد.
قاطعتها سلمي قائلة بصدمة:
— رعد؟ هو مش اللي كنتي بتحبيه بردو؟
حورية ببكاء:
— هو يا سلمي، هو.
وحكت لها كل ما حدث بينهما منذ البارحة إلى الذي حدث قبل قليل. ثم أكملت قائلة:
— مش عارفة أعمل ايه خالص يا سلمي. أنا تعبت أوي. عمري أبدًا ما كنت متخيلة إننا نرجع لبعض كده. يعني يوم ما نرجع سوا يبقي فاكرني كده؟ وكمان بيعايرني إني يتيمة. عمري ما كان بالقسوة دي، بس أنا اللي خليته كده. بس والله كان غصب عني، مكنش بإيدي. أنا كنت بحاول إني أحميه. ليه بس كده؟ يارب ليه؟
سلمي بحزن:
— استغفري ربنا يا حورية. أكيد ربنا مش هيخذلك أبدًا وهيعوضك إن شاء الله. بصي يا حورية، من الآخر كده، لازم تتجاهليه تمامًا. كل ما يجي يحاول يتكلم معاكي طنشيه كأنه مش موجود خالص. مترديش عليه. وربنا معاكي يا حبيبتي، وإن شاء الله هيعوضك.
حورية بحزن:
— يارب يا سلمي، يارب. هحاول أعمل اللي انتي قولتي عليه.
سلمي:
— طيب يا حبيبتي، معلش لازم أقفل دلوقتي، بس اوعي تنسي تجاهليه تمامًا.
تنهدت حورية ثم قالت:
— هحاول، حاضر. سلام.
انتهاء المكالمة.
ستوب
سلمي: صديقة حورية المقربة، تبلغ من العمر خمسة وعشرين عامًا. تزوجت وهي في العشرين من عمرها وانتقلت مع زوجها إلى إحدى قرى الصعيد. قصيرة القامة وملامحها هادئة للغاية، ذات شخصية مراعية وحنونة.
نرجع
رعد بضيق:
— يا حورية، تعالي.
خرجت حورية من غرفتها لترى ماذا يريد.
حورية بنبرة هادئة:
— نعم؟
رعد بضيق:
— ماما هتطلع كمان شوية علشان عايزة تطمن عليكي.
ثم صمت قليلًا ليقول بسخرية شديدة:
— حتى هي خدعتيها وبينتلها إنك مجرد ملاك حقيقي. انتي مجرد شيطان. أنا بقرف أوي لما بتعامل معاكي.
امتلأت عيناها بالدموع لتحاول الرد:
— بس أنا…
قاطعها قائلًا بضيق:
— مش عايز أسمع منك حرف. هي هتطلع دلوقتي ومعاها نغم. مش محتاج أقولك طبعًا إنك متقوليش أي حاجة قدامهم، رغم إني متأكد إنك هتقولي علشان تباني انتي الملاك وأنا الظالم المفتري زي عادتك. أحسنلك متقوليش حاجة.
كادت ترد ولكن قاطعها جرس المنزل، ليتركها ويذهب ليفتح الباب.
أم رعد:
— صباحية مباركة يا عريس، فين حورية؟
رعد بهدوء:
— جوا، اتفضلي. هي فين نغم؟
لم يكمل كلامه حتى وجد أخته نغم في وجهه قائلة بمرح:
— مسا مسا يا عريس، فين العروسة؟
رعد:
— جوا يا أختي، هتكون فين يعني؟
نغم:
— يخربيت أم ردودك يا أخي.
ستوب
نغم: أخت رعد الصغرى، في الثانية والعشرين من عمرها. فتاة مرحة للغاية وذات ملامح هادئة وجميلة. تحب حورية للغاية، فحورية هي صديقتها المقربة. تعلم معظم أسرار حورية، وحورية أيضًا تعلم بكل أسرارها تقريبًا. تحب شخصًا ما، ولكن لا أحد يعلم من هو إلا حورية.
فيروز: والدة رعد، في الثانية والخمسين من عمرها. طيبة للغاية وتحب حورية جدًا، فهي تعتبرها ابنتها. لم تكن راضية أبدًا بزواج حورية من كريم لأنها كانت تقول إنه لا يستحقها ولن تستطيع التعامل معه، ولكنها لم تعترض. وكانت تعامل حورية بحب شديد. ورغم حزنها الشديد بعد موت ابنها كريم، لكنها وافقت على زواج حورية ورعد، ليس بسبب عمر كما كانت تدعي، ولكن لأنها رأت أن حورية ورعد سيكونان زوجان رائعين سويًا.
