روحت سارة بيتها، وأول ما دخلت رمت نفسها على السرير وفضلت تعيط. وقامت تدور على تليفونها عشان تشوف صورة قاسم ملقتوش، فضلت تدور كتير لحد ما فكرت إنها تتصل عليه. ولما اتصلت لقت شاب بيرد عليها.
سارة: ألو، لو سمحت التليفون ده بتاعي.
الشاب: هو انتي صاحبته؟ أنا لقيته في الكافتريا.
سارة: طب ممكن تجيبهولي بكره عشان محتجاه ضروري.
الشاب: حاضر، بكره قابليني الساعة 9 في الكافتريا.
سارة: تمام.
قفلت الخط وهي مستنيه بكره عشان تاخد تليفونها.
الحلقة الخامسة
عند يوسف في البيت:
د/هشام: انت إيه اللي دخلك المحاضرة متأخر؟ أنا عارف إني مبسمحش لحد يدخل ورايا.
يوسف: خلاص يا بابا، ما انت كرشتني قدام الطلبه كلها ولا أكني ابنك.
د/هشام: انت عارف كويس أنا بحترم مواعيدي ازاي، ولازم تبطل استهتار ونشوف مستقبلك.
يوسف: أنا مش مستهتر يا بابا.
د. هشام: لا مستهتر. انت السنة اللي فاتت أجلت السنة كلها عشان والدتك وقلت ماشي مش مشكله، نفسيتك تعبانه. تقدر تعرفني بقا من أول السنة دي، منزلتش الكلية غير النهارده وكمان جاي متأخر.
يوسف: مستهتر مستهتر، أنا مبقاش يفرق معايا حاجه. أنا طالع أنام عشان تعبان.
د/هشام: يوسف، أنا لسه مخلصتش كلامي.
يوسف: اتفضل يا بابا، في محاضره تانى تحب تدهالى؟
د. هشام: إيه اللي عمل في هدومك كده؟
يوسف: كنت بجيب عصير وخبطت في واحده وادلق عليا.
فلاش باك
يوسف واقف في الكافتريا بيشتري عصير مانجا وراجع للتربيزة، لقى واحده بتجري وخبطت فيه دلقت عليه العصير كله ومبصتش حتى عليه ولا اعتذرت وكملت جري. يوسف كان في قمه غضبه ولسه هيتحرك لقى تليفونها واقع على الأرض.
الوقت الحالي
د. هشام: اتفضل اطلع غير هدومك ونام، وياريت تروح الكلية تشوف محاضراتك، وابقى عدى بكره على الشركه، فيه مشروع مهم عاوزك تمسكه.
يوسف: حاضر يا بابا، تصبح على خير.
د. هشام: وانت من أهله.
طلع يوسف أوضته خد شاور ونام على السرير وبيفكر في البنت اللي خبطت فيه ومفكرتش تعتذر.
جه تاني يوم، وسارة واقفه بتدور على الشاب اللي لقى الموبيل بتاعها.
سارة: ياترى هو فين دا؟ أنا معرفتش حتى اسمه.
فرح: طب خدي اتصلي عليه من عندي.
اتصلت سارة على تليفونها ورد يوسف عليها وقالها دقيقتين وهكون عندك.
فجأه شافت شاب دخل من باب الكافتريا اللي كانت فاضيه محدش فيها غير سارة وفرح.
سارة: أكيد ده اللي لقى تليفوني.
فرح: يووووسف، ازيك.
يوسف: فرح! بتعملي إيه هنا؟
فرح: سارة صحبتي موبيلها ضاع وفيه شاب لقاه والمفروض إنه هيجيبه دلوقتي.
يوسف لسارة: هو انتي بقا اللي خبطتي فيا ودلقتي عليا العصير ومعتذرتيش؟
سارة: خبطت فيك امتى؟ هو رمى جتت وخلاص.
يوسف: انتي بتستعبطي؟ دا انتي خليتي منظري زباله امبارح وحتى مفكرتيش تقولي آسفه، وكمان وقعتي موبيلك ولا خدتي بالك إنه ضاع أصلًا. أنا مشوفتش استهتار بالشكل ده.
سارة بعد ما افتكرت إنها خبطت في حد امبارح: إيه؟ بتستعبط؟ ده وانت مالك؟ مستهتره ولا لأ مش فاهمه، إيه قله الزوق ديه؟
يوسف: يعني أنا جاي أرجعلك موبيلك بالرغم من اللي عملتيه امبارح وكمان بتهزقيني؟
سارة: ممكن موبيلي لو سمحت عشان عندي محاضره.
يوسف: مش هديهولك إلا لما تعتذري على اللي عملتيه امبارح.
سارة: وأنا مش هعتذر.
فرح: معلش يا يوسف، حقك عليا. أنا واديها تليفونها عشان خاطري، هنتأخر على المحاضرة.
يوسف: أنا هسيبه عشان خاطرك يا فرح، وأنا كمان عندي محاضره ومش عاوز أتأخر عليها
سارة في سرها: قال يعني الواد بيحترم مواعيده أوى.
فرح: على فكره سمعتك.
سارة: طب يلا احنا كدا مش هنلاقي مكان نقعد فيه.
دخلوا المدرج، وفعلًا كان مليان جدًا ومكنوش لاقيين مكان يقعدوا فيه.
سارة: أوف منك لله يا يوسف، هو اللي أخرنا وادينا مش لاقيين مكان.
فرح: طب هنقعد فين؟ المحاضره قربت تبدأ.
وراحوا يدوروا على مكان ورا، لقوا يوسف بيشورلهم.
يوسف: فرح، تعالوا اقعدوا هنا.
فرح: يوسف بيقولنا نروح نقعد هناك، تقريبا في مكان فاضى. تعالى نشوف.
وصلوا للمكان اللي قاعد فيه يوسف.
فرح: انت مفيش جنبك غير مكان لواحد بس، مش هينفع.
