إبتسم يحيى بسخرية مريرة يردد كلمات أخيه داخل نفسه بمرارة.. تعتبره مثل أخاها.. كم كان مراد ساذجًا.. لا يدري أنها كانت توهمه بأنه عشقها الأول.. وهو صدقها لأنها كانت بدورها عشقه الأول والأخير.. وأنه في ليلة إكتشافهم لها مع أخيه هشام في حجرة نومه.. كان قد وعدها قبلها مباشرة بأنه سيخبر جده في اليوم التالي برغبته في الزواج منها وتحقيق حلم لطالما تمنى أن يناله.. ولكن ما حدث ليلتها دمر كل ما حلم به طوال عمره.. لتتزوج أخاه ويرحلا بعيدًا عن المنزل، ثم يوافق هو على الزواج من أختها عندما عرض عليه الجد ذلك الأمر.. ربما نكاية بها.. أو هو فقدان الأمل في أن يقع مجددًا بالحب.. أو ربما هو فقدانه الإيمان بالحب ذاته.. حقًا كم تظلمنا الحياة وتسخر منا.. تحركنا كالدمى في يديها ولا نستطيع أن نفعل شيئًا سوى أن نخضع لها.. ونسايرها.
أفاق من أفكاره على صوت أخيه يقول في حيرة:
يحيى.. روحت فين؟
زفر يحيى وهو يستند برأسه إلى الكرسي خلفه يغمض عينيه قائلًا:
روحت لنفس المكان بس في زمن غير الزمن.. زمن كنت فيه واحد تاني مبقتش دلوقتي عارفه ولا قادر أميزه جوايا.
ليفتح عينيه ويعتدل قائلًا في حزم:
المهم دلوقتي.. أنا عايزك تفهم بشرى متعملش مشاكل معاها وتعدى اليومين اللي رحمة قاعدة فيهم هنا على خير.. مفهوم يا مراد.. أنا فيه اللي مكفيني ومش ناقص جنانها.
ربت مراد على ساق أخيه مطمئنًا وقد رأى حقًا ذلك الإرهاق البادي على أخيه قائلًا:
متقلقش يا يحيى، أنا هنبه عليها بنفسي وأوعدك متعملش مشاكل.. وزي ما إنت قلت هما يومين وهتمشى.. بس هي راحت فين؟
عقد يحيى حاجبيه قائلًا:
تقصد مين؟
قال مراد:
بشرى.. رجعت البيت ملقيتهاش.
قال يحيى بنظرة ذات مغزى:
وإنت بتسألني أنا عن مراتك يا مراد؟
شعر مراد بالتأنيب المختفي داخل طيات كلمات أخيه ليقول بإرتباك:
أصل هي كلمتني والفون كان مقفول.. ولما فتحته وكلمتها.. تليفونها كان خارج التغطية، فقلت يمكن قالتلك حاجة.
قال يحيى بملامح جامدة:
لأ مقالتليش.. ومشوفتهاش النهاردة خالص.. إنت عارف إني كنت مشغول برجوع رحمة.
أومأ مراد برأسه متفهما وهو يقول:
ورحمة فين دلوقت؟
تنهد يحيى قائلًا:
عند راوية.
قال مراد:
بقالها كتير؟
قال يحيى:
تقريبا ساعة.
أومأ مراد برأسه ثم نهض قائلًا:
شكلهم هيطولوا.. طيب.. أنا هروح أوضتي آخد شاور وأرجعلكم تاني.
أومأ يحيى برأسه.. ليذهب مراد بإتجاه الباب ليتوقف عند سماع أخيه يقول بحزم:
ياريت يا مراد تخف من سهرك برة شوية وتاخد بالك من مراتك وبيتك.
إلتفت إليه مراد ينظر إلى ملامح أخيه الجامدة ليدرك أنه يلمح إلى شئ ما.. كاد أن يستوضح عن مقصده بذلك التنبيه، ولكنه الآن مرهق.. ويحتاج لأخذ حمام سريع يزيل به كل ما علق بأفكاره المتعبة أكثر من جسده المنهك.. وليؤجل هذا الحديث إلى وقت لاحق.. ليغادر يتابعه يحيى بعينيه يقول بصوت خافت:
لولا عارف طبيعة بشرى.. مكنتش عذرتك أبدًا في اللي بتعمله يا مراد.
ليتنهد في حزن ثم يشرد مجددًا في عذابه الخاص.. يتألم كالعادة….. وحده تمامًا
نهضت رحمة قائلة بصدمة:
إنتي إزاي تعملي كدة.. إزاي هنت عليكي بالشكل ده يا راوية؟ ده أنا أختك من لحمك ومن دمك.
إنهمرت دموع راوية على وجنتيها وهي تقول بإنهيار:
مش عارفة يا رحمة إزاي طاوعتهم وعملت اللي عملته.. يمكن عشان حسيت بحبه ليكي، ويمكن عشان كنت أنانية وفضلت مشاعري على مشاعرك.. أو يمكن عشان شيطاني قاللي إن ده حل كويس لينا كلنا.. مش عارفة.. صدقيني مش عارفة.. بس كل اللي شايفاه دلوقتي هو إحساسي من يومها.. كنت عارفة إني غلط وإني أذنبت في حقك.. والإحساس بالذنب مكنش بينيمني.. كنت متأكدة إني مجرمة وأستاهل العقاب.. بس العقاب قاسي أوي يا رحمة.. مرض بياكل في جسمي وبيموتني بالبطء.. بيبعدني عن كل اللي إتمنيته وعملت عشانه كل ده.. أنا آسفة يا رحمة.. وعارفة إن أسفي مش كفاية، بس كان نفسي أعترفلك وأطلب منك السماح.. أنا خلاص مبقاش أدامي كتير وخايفة أموت وأنا شايلة ذنبك جوايا.
شعرت رحمة بالشفقة على أختها وإنفطر قلبها وهي تشعر بأن كل ما حدث لها يهون أمام ذلك الموت الذي يهدد أختها المسكينة ويحرمها من زوج ضحت من أجله بأقرب الناس إليها وطفل لن تعيش لتراه يكبر أمامها يومًا بعد يوم.. لتسرع بنفض مشاعرها الغاضبة بعيدًا.. وإحلال السماح في قلبها محل الغضب.. لتجلس مجددًا في السرير آخذة أختها في حضنها لتفرغ راوية دموعها على صدر رحمة.. تشعر بالخزي من أختها صاحبة القلب الطيب والتي سامحتها رغم ذنبها الكبير.. لتقول بألم:
أنا آسفة يا رحمة… والله آسفة وندمانة.. ندمانة بجد عن كل اللي عملته زمان.. ربنا يسامحهم بقى.. هما اللي فضلوا يزنوا على دماغي.. والزن على الودان أمر من السحر.
ربتت رحمة على شعرها قائلة بحنان:
