— بتهيألك إنه سهل؟ أنا الوقت اللي بيعدي عليا بعيد عنه بحس إني جسم من غير روح، بحس إن سلاسل الماضي بتخنقني. متفتكرش إن الكتمان سهل، دا جحيم بينهش الشخص من جوا وبيخليه شبه عايش طول الوقت.
— سبيني أخلصك أنا من الجحيم دا.
— فكرت لو متقبلنيش، أنا هعمل أيه!
— شوفت، معندكش رد لكلامي، ودا اللي مخليني مرعوبة. أنت كل إحتمالك إنه هيسامحني ويتقبلني، ومعندكش إحتمال ولو بسيط عن موقفي. أنا لو سابني بعد ما يعرف…
عيطت بقهرة وهي بتجري لبرا، خبطت في حمزة.
بقلق: — وعد، مالك؟ حصل أيه؟
بصتله وهي منهارة في العياط وسابته وطلعت جري على الأوضة.
— هو فيه أيه؟ أنا لازم أفهم بقي كل حاجة.
دخل على جده المكتب بدون استئذان، لقاه قاعد حاطط إيده على وشه وصوت تنهيدة كأنه بيعيط.
بصدمة جري عليه نزل على ركبته قدامه: — جدي، مالك؟ أيه اللي حصل!!
نزل إيده ودموعه بانت قدام حمزة اللي كان مصدوم، قدامه أول مرة يشوف جده بيعيط.
— أنا السبب يا بني، لو مكنتش عملت اللي عملته مكنتش هتعيش في الجحيم اللي عايشة فيه دلوقت.
— قصدك مين؟ وعد!
مسح دموعه وبوجع: — حتي أنت كمان مسلمتش من ظلمي ليك. أنا لا كنت أب كويس في يوم، ولا حتي قدرت أكون جد كويس لأحفادي.
— جدي، أنت بتقول أيه؟ أنت أحسن جد في الدنيا كلها.
— متنكرش إنك أتعذبت بسببي زيها. أنا بسبب غلطة من عشرين سنة هعيش بقيت حياتي في عذاب.
— أنا مش فاهم حاجة، غلطة أيه وايه دخل وعد بحالتك دي؟!
— وعد نفسها هي الغلطة اللي ظلمناها كلنا وعاشت تدفع ثمن غلطة كل واحد فينا طول عمرها. عمك عادل وهو في شبابه كان شاب طايش، حب واحدة وأتجوزها من ورانا، على مراته. معرفناش غير بعد ما مراته التانية دي ما ولدت، جالي وهو بيعيط وشايل البنت دي في إيده، بيقولي إنها بنته وإن أمها ماتت وهي بتولدها.
قام وقف بصدمة وهو مش مستوعب الكلام: — أيه الكلام دا يا جدي!
كمل ودموعه نازلة: — يومها أنا غضبت عليه، مكنتش عاوز بيته يتخرب، حكمت عليه إنه يرمي البت دي قدام أي ملجأ وينساها، وخصوصا لما عرفت منه إن محدش يعرف بالجوازه دي خالص. مراته كانت حامل في فريد وقتها، خوفت لبيتهم يتخرب بسبب البنت دي.
قعد على الكرسي وهو مصدوم من الكلام: — يعني عاوز تفهمني الكلام اللي سمعته من الشغالين والدكتور دا صح!؟
— وعد كانت في ملجأ؟ طب ليه! ليه مختهاش من زمان؟ فينك من عشرين سنة؟ عمي ميت بقاله عشر سنين، أيه اللي فكرك وروحت تجيبها بعد الوقت دا كله!!
— مكنتش مهتم وقتها أعرف هو وداها فين ولا اسم الملجأ أيه، كل همي كان أزاي أحافظ على العيلة من أي خطر يواجهها. لحد ما القدر وقعها قدام عربيتي من شهر، وروحت معاها المستشفي. الشبه اللي كان بينها وبين عمك كبير في شبابه لدرجة خوفتني، مشاعري اللي كانت بتشدني ليها وخوفي عليها وهي في العمليات كأنها حد من لحمي، كنت مرعوب ليطّلع إحساسي صح.
بزهول: — يعني كلام السواق كله صح.
— فضلت مكدب نفسي وبحاول أهرب من الإحساس دا لحد ما فاقت وحكتلي على كل حاجة في حياتها، وإنهم قالولها إنهم لقوها قدام دار الأيتام وهي في اللفة. جبتها معايا الفيلا بعد ما طلعت من المستشفي، علشان أتأكد عملت تحليل DNA من غير ما حد يعرف بينها هي وفريد، وطلع مطابق.
نزلت دموعه بقوة وهو مش عارف يرد بأيه.
— حتي بعد دا كله القدر مرحمنيش من تأنيب الضمير بعد اللي حصلها.
— فريد يعرف إنها أخته!
رفع رأسه بتلقائية: — ولا هي تعرف. لحد دلوقتي. سامحني يا حبيبي، أنا فكرت لو جوزتهالك وحبيتوا بعض، ممكن جزء كبير يتحل وتتقبل حقيقة إنها ااا…
— جدي، أنا بحبها بجد. فكرة إنها مين وبنت مين صدقني مكنتش فارقه معايا خالص. أرجوك أهدي بقي، وكل حاجة هتبقي كويسة.
— بس في حاجة تانية لازم تعرفها، ومتستعجلش في تفكيرك، أنا عارف إنه مش سهل، بس ااا…
— في ايه تاني؟ أتكلم بسرعة بالله عليك، أنا مبقتش قادر أستحمل أي صدمات تانية.
— لما دخلت المستشفي وقت ما خبطتها كانت اا…
— كانت ايه؟!
بصوت مخلوط بالبكاء: — كانت حامل من اعتداء.
وقف وهو مبرق بصدمة: — نعم!!!
في أوضة وعد وهي بتلم حاجتها بعياط
— انتي السبب في كل حاجة. كنتي عارفة إنه مستحيل يخبي على حفيده مهما حصل، ومع ذلك فضلتي موجودة. لازم أمشي بسرعة قبل ما يقوله.
فتحت الباب ونزلت بسرعة والشنطة في إيديها، طلعت من باب الفيلا وهي بتعيط، فجأة اتخبطت في شخص من كتر استعجالها وعياطها.
رفعت رأسها: — أنا أسفة.
خلع نظارة الشمس بصدمة: — أنتي!!
ملامح وشها قلبت لرعب: — لااااا.
حط إيده على بوقها وهو بيشدها بعيد عن البوابة والحراس: — يخربيتك، أنتي لسه عايشة!
البارت 14
خلع نظارة الشمس بصدمة: — أنتي!!
ملامح وشها قلبت لرعب: — لااااا.
حط إيده على بوقها وهو بيشدها بعيد عن البوابة والحراس: — يخربيتك، أنتي لسه عايشة!
حاولت تهرب من قبضته وهي بتضرب فيه بقوة.
بيراقب الطريق بحذر: — أوعي تكوني قريبة حد منهم، دي تبقي مصيبة.
خبطته برجلها فسابها وهو بيتألم: — عاااا، حمزاااا، ألحقووني.
سمع حمزة الصوت، افتكر إنه جاي من أوضتها لأنها لسه طالعة قدامه، طلع بسرعة بخوف على أوضتها هو وجده.
جري وراها بسرعة قبل ما تدخل الفيلا وخبطها على دماغها بحوض زرع صغير لقاه جمبه
