جحيم الكتمان1

البارت الأول — نهاركِ أسود، أنتي مين ودخلتي أوضتي ازاي! — في إيه يا حمزة، صوتك عالي كدا ليه؟ — دي كانت نايمة جنبي!! — أهدي يا بني، مش كدا، إحنا هنفهمك. — أهدي إيه؟! حد يجاوبني، مين دي ودخلت ازاي؟ ردت بخوف من عصبيته: — دخلت من الباب دا. بعصبية أكتر: — لا والله! دا على أساس إن باب أوضتي مفتوح على الشارع؟ — يا بني، جدك قال إنك عارف إنها جاية. — جدي!! — أيوا، هو كلمنا إمبارح وقال إن دي مراتك وطلب مننا نوصلها على أوضتك أول ما توصل. — مرات مين؟! أنتم بتستهبلوا؟ أنا معرفهاش. ما تردي أنتي، أكيد جاية عنوان غلط. — أنا مش بكلمك!! بدموع: — أنت قولتلي متتكلميش. — دي هطعيطلي كمان! بقولكم إيه، اطلعوا برا كلكم. — نعم! — بقول برا، يالا. مسك تلفونه بعصبية علشان يرن على جده، لقي رسالة منه، فتحها بسرعة: "عارف إنك أول ما تصحى هتبقى مضايق ومش طايق حد، بس أنا عند وعدي ليك، أهو، ودي هديتك اللي وعدتك بيها. أنا جوزتك واحدة لو هتعيش عمرك كله مكنتش هتعرف تختار زيها. أنا كنت وكيلك في عقد الجواز وخلصت كل الأوراق. خلي بالك منها. وأه، متحاولش تكلمني علشان أنا مسافر فترة كدا وهقفل الخط دا. سلام يا حبيبي." رمى الفون في الأرض بعصبية ووشه مليان غضب. قعد وحط إيده على رأسه وهو بيحاول يستوعب اللي بيحصل. قام خد شاور ولبس بسرعة ونزل لقاهم كلهم قاعدين في الصالون، مبصش لحد فيهم وخرج بسرعة من الفيلا بغضب. — حمزة… حمزة! في الشركة — ممكن أدخل؟ — لأ، مش عاوز أقابل حد النهاردة. قفلي كل المواعيد. — حمزة بيه، حضرتك تعبان! رفع رأسه وبصلها بغضب، خافت وطلعت بسرعة من مكتبه. في الفيلا — شكلنا كدا هنعيش في قلق الأيام الجاية دي. بخوف: — هو ااا هو كل دا حصل بسببي أنا؟ بتريقة: — تخيلي! — طب أنا ممكن أمشي، أنا مش عاوزة أسببلكم مشاكل. — يختي ياريت. بصي، شنطة هدومك لسه زي ما هي فوق، أطلعي خوديها بسرعة، وأحسنلك تختفي من هنا خالص. بدموع: — بس بس أنا ااا… — أنتي لسه هتبسبسي؟ أنطقي. — أنا ممعييش فلوس للسفر ومعرفش حد هنا. — أنتي منين؟ — إسكندرية. — أول مرة تيجي القاهرة؟ — أها. — طيب أطلعي هاتي حاجتك، وأنا هدبرلك الفلوس وهخلي السواق يوصلك محطة القطر. يالا بسرعة. بإبتسامة حزينة: — بجد مش عارفه أشكرك أزاي. — بقولك بسرعة، أنتي لسه هتحضنيني؟ يالا قبل ما ييجي. طلعت بسرعة الأوضة، دخلت الحمام غسلت وشها وطلعت مسكت الشنطة، ولسه بتفتح الباب لقت حمزة في وشها. بخوف رجعت لورا. بص على الشنطة وبعدها رفع عينه ليها: — أنتي رايحة فين؟ بخوف وهي باصة في الأرض: — ماشية من هنا. دخل وقفل الباب بالمفتاح ورماه على السرير. — دا على أساس إيه إن شاء الله؟ تدخلي وتطلعي من نفسك كدا. خلع الجاكت والقميص ورماهم على الأرض. بعصبية: — أنا مش بكلمك، ما تردي! رفعت رأسها فاتخضت أول ما شافت جسمه عريان من فوق، الشنطة وقعت من إيديها وهي بتترعش. — إيه، مالك؟ شوفتي عفريت؟ بعياط: — أنا عاوزة أمشي من هنا. بص على السرير بضيق وبعدها بصلها وهو بيقرب منها: — أنتي كنتي نايمة جنبي إمبارح وأنتي كدا! بإرتباك: — كدا أزاي يعني؟ قرب أكتر، فجأة شالها فصرخت من الخوف: — أنت بتعمل إيه؟ — ششش، مش عاوز نفس، فاهمة؟ بدموع: — حاضر. حطها على السرير بدفعة: — اقلعي. برقت برعب: — نعم!! بارت 2 برقت برعب: — نعم!! — بقولك اقلعي. — يا قليل الأدب، يا سافل. — إيه!! وقفت على السرير وهي بتزعق: — لو مفتحتش الباب حالا هصوت ولم عليك الناس. مسح وشه بغضب: — أنتي عارفة عقوبة اللي بتعمليه معايا دا إيه؟! — افتح وخليني أمشي، أحسنلك. — يعني مش هتجبيها معايا لبر؟ — أخرك، هاتوا، أنت باين عليك مش بتيجي بالأحترام. — دي حقيقة، أستلمي بقي. شد رجليها مرة واحدة، وقعت على السرير فصرخت بقوة. — سبني يا حيوان، أنتم كلكم كدا؟ خلعها الكوتشي ورماه من الشباك. — الكوتشي بتاعي، انت عملت إيه!! بص حواليه بغضب، فبصت هي كمان، لقت الأرض كلها طين من الكوتشي بتاعها، والسرير كمان لما وقفت عليه. بلعت ريقها بخوف، وبعدها بصتله، لقت نظراته كلها شر. — أحم أنا ااا أنا أسفة والله مـ… قاطعها بحدة: — وربنا لأندمك على كل دا، بس أصبري، أنتي بقي جيتيلي برجلك. — ااا قصدك إيه؟ — هدخل أخد شاور، أنتي عارفه لو طلعت لقيت الأوضة بالقرف دا هيحصلك إيه؟ بخوف: — هـ هيحصلي إيه؟ رفع حاجبه بجدية: — أوعدك هخليكي تحصلي الكوتشي. — يا ربي أنا إيه اللي عملته في نفسي دا. دا الملاك اللي جده كان بيقول عليه دا هيرميني من الشباك! أعمل إيه؟ أهرب؟ طب لو قفشني مش عارفه هيعمل فيا إيه، دا شكله مجنون. سمعت صوت الدش. بصت على المفتاح جنبها بخوف: — لأ أنا ههرب، هيحصلي إيه يعني أكتر من كدا؟ خدت المفتاح وشنطتها، فتحت الباب نزلت جري على السلم، حاولت تفتح باب الفيلا بس كان مقفول جامد، لقت شباك بيطل على الجنينة، فتحته ورمت شنطتها، ولسه بتنط رجليها اتجرحت، استحملت الألم وبتبص حواليها علشان تمسك شنطتها، لقت حمزة قدامها ماسك الشنطة. — عاااا أنت بتطلعلي منين! — أنتي عارفه غلطتي كام غلطة لحد دلوقتي؟ — لأ معرفش. — كنتي عاوزة تهربي، مش كدا! — لأ أبدا، دا أنا كنت جاية أجيب الكوتشي. — أمم، والشنطة دي كانت بتعمل إيه معاكي؟ — ااا أصل نسيت وجبتها معايا. بعصبية: — وحيات أمك لتوبك على الكدب دا، أصبري بس هفوقلك وهوريكي، يالا قدامي. — لأ اتفضل انت. — بقولك قداااامي. جريت على جوا بغضب، طلعت الأوضة وقفلت على نفسها. — افتحي الباب؟ — لأ مش فاتحة. — افتحي لأفتح دماغك. — وربنا ما أنا فاتحة، انت طلعتلي منين؟ — معلشي، أصلي غاوي أمشي وأنا نايم لبيوت الناس وأنام على سرايرهم. — قول اللي أنت عاوزة برضو، مش هفتح. — بقي كدا؟ — أيوا، أنا همشي من هنا ومش هتشوف وشي تاني. — أحم، أنت مبتردش ليه؟ — يا ربي هو أنا ناقصة رعب؟ — لأ، ناقصة تربية. لفت وهي بتشهق من الخضة لما لقتها وراها. — أنت، أنت دخلت أزاي!!! مسك دراعها بقوة وقعدها على الكرسي: — أنتي عارفة لو مبطلتيش تتنططي زي الفشار كدا، أنا هديكي بالبوكس في وشك أخليكي تبصي في المرايا متعرفيش أنتي مين. — يلهوي، هي جوازة طين أنا عارفه. — خمس دقايق والأوضة تبقي فلة، فاهمة؟ فلة. — ح حاضر. الباب خبط. — أدخل. — حمزة بيه، أستاذ فريد تحت في إنتظارك. — طيب أنا نازل. — أنتي لسه واقفة!!! اتنفضت من الرعب: — بنضف أهو. — هو أنا ناقص مجانين يا ربي. — دا على أساس إنك عاقل أوي. رجع ومسكها من قفاها: — أنتي قولتي حاجة صح. — لا محصلش، مقولتش. — لا قولتي وسمعتك. — أخر مرة، أوعدك. — أنا نازل خمس دقائق وجاي، عارفه لو مش لقيتك خلصتي، هعمل إيه؟ — هترميني زي الكوتشي. — شاطرة. بغضب: — أهلاً، أنت شرفت. — مبارك يا عريس. قرب منه بغضب فرجع فريد لورا الكرسي: — دا أنا أخر من يعلم بقي؟ بتعملوا مؤامرة عليا يا فريد انت وجدي!! — أنا مليش دعوه يعم، أنت عارف جدي محدش يقدر يوقفه. أنا نفسي معرفش هو عمل دا أمتى وأزاي، معرفتش غير النهاردة الصبح من رسالة منه وبعدها قفل تلفونه. جري وراه: — عليا يالا، أنا الكلام دا أنت كنت مع جدي في فرع إسكندرية وقريب جدا منه، أكيد عارف عنه كل حاجة. يضحك: — كلامك صح، بس الليلة دي والله مكنش أعرف. يمكن مرضيش يقولي علشان عارف إني لا يمكن أوافقه في الموضوع دا بالذات. — لأ حنين يالا وبتفهم. — يابني أنت أخويا مش ابن عمي بس. — غور يالا برا، مش عاوز أشوف وشك لحد ما جدك ييجي وأشوف حل للورطة دي. — أنا شكلي بتهزء ولا إيه! أحم، على العموم أنا مسافر فرع إسكندرية فعلا دلوقتي ومش جاي لحد ما جدي يظهر، لأن مينفعش أسيب الفرع لوحده. كمل بضحك: وأبقي سلملي على العروسة يا عريس. — يابن الـ… — سلااام. — أنتي لسه صاحية؟ — أيوا، هي فين أوضتي علشان أرتاح؟ — ترتاحي! دا أنتي طموحة أوي. — قصدك إيه؟ — هتعرفي دلوقتي. أه صحيح، أنتي اسمك إيه؟ — وعد. — هنتصاحب ولا إيه؟ بقولك اسمك؟ — اسمي وعد والله. — أه، وعد منين بقي إن شاء الله؟ — إسكندرية. قرب منها وهو مركز في عنيها: — وهو اللي بيسرق حاجة بيفضل يبينها قدام الناس كدا كتير! بخوف: — والله ما سرقت حاجة. — عاوزة تفهميني إن دي عيونك بجد، مش بحر إسكندرية؟ بتتنيح: — ها؟ فاق شويه من سرحانه ورجع لورا: — أوف، يالا عاوز أنام. — طب وأنا هنام فين؟ — زي ما نمتي امبارح، هيكون فين يعني؟ — يعني إيه؟! — شايفة السرير اللي قدامك دا؟ — أيوا. — اتخمدي. — وأنت مش هتتخمد؟ جز على سنانه بغضب: — أنتي عارفة إن عمري ما حد استجرأ وعصبني كدا! — خلاص أنا هنزل أنام تحت في الصالون. مسك دراعها بقوة: — نعم يا ختي، سمعيني تاني كدا! بتوتر: — بقول هنام هنا على السرير دا أهو، عاوز حاجة؟ — يالا نامي. قعدت على السرير وهي بتحاول تتجاهل نظرات عنيه المرعبة. — بقولك إيه. وهي تحت البطنية: — نعم. — أنتي إيه اللي خلاك توافقي جدي على الجوازة دي مع إنك متعرفنيش! — أقولك ومتزعلش. بستغراب: — أزعل ليه؟ هو فيه إيه يزعل؟ — بصراحة قالي إنك معقد وعاوز حد يستحمل عُقدك دي. بغضب شال البطنية من على وشها: — شكلي مش هستنى لبكرا علشان أحاسبك، قومي. بخوف: — هتعمل فيا إيه!! — مش أنا معقد، أنا هوريكي العقد على أصوله. شايفة الشباك اللي قدامك دا؟ — أيوا، ماله؟ — افتحيه ونطي منه. — أيييه! قلع التيشيرت بعيونه الرمادي وبصلها بغضب وعضلاته بارزة من كتر عصبيته: — أنا قولت كلمة، لطنتي دلوقتي من الشباك لهخليكي تندمي على اليوم اللي رجليكي خطت البيت دا. بخوف: — هـ هتعمل إيه يعني؟ قرب وهو مركز في عينيها: — مش أنا جوزك وحطتوني قدام الأمر الواقع؟ خلاص، يبقى هاخد حقو… لسه بيكمل، لقاها طلعت على الشباك بسرعة وفعلا هترمي نفسها. اتصدم وجري عليها: — يخربيت عقلك، هتعملي إيه؟ — هـ هموت نفسي لو قربتلي. — طب خلاص، أنزلي، مكنتش هعمل حاجة صدقيني. — أبعد بقولك، هرمي نفسي. — بقولك إيه، حمزة الخوري مش بيتهدد، ارمي نفسك وخلصيني. بدموع وهي بتبص لتحت وبتبص للسما وفجأة… بارت 3 — أبعد بقولك، هرمي نفسي. — بقولك إيه، حمزة الخوري مش بيتهدد، ارمي نفسك وخلصيني. بدموع وهي بتبص لتحت وبتبص للسما، وفجأة تميل جسمها وهي بتهمهم ببعض الكلمات، ولسه بتقع لقت حمزة ماسك إيدها: — أنتي باين عليكي بجد مجنونة. بدموع: — سيبني، أنا عاوزة أموت. — وأنتي جاية تموتي في بيتي أنا؟ ليه؟ هي أي مصيبة وخلاص! — أنت قليل الأدب. — تصدقي أنا اللي غلطان وربنا لسايبك. — عاااااا. — يالهووي، دي وقعت بجد. نزل بسرعة لقاها واقعة تحت الشباك بتعيط بألم. — أنا كنت بحسبك ماسكة بإيدك التانية في الشباك والله. — أبعد عني يا زبالة. بعصبية: — أنا زبالة!! — وحقير وسافل كمان، أنت فعلا معقد، رميتني من الشباك يا مجنون يا ابن المجانين. وهي بتخلع النجيلة وبتزقلها عليه. بيحاول يكتف إيديها: — عندك حق، أنا المفروض كنت أرميكي من فوق البرج، شباك إيه اللي يقصر في واحدة زيك. — سبني بقولك، أنا غلطة عمري إني قبلت أتجوز واحد مختل زيك. — دا على أساس إني كنت بنام تحت شباكك كل يوم علشان تحني عليا بنظرة ولا إيه؟ فوقي، أنا حمزة الخوري، أي بنت تتمناني. — أنت فاكر بعُقدك دي حد كان ممكن يبصلك؟ أنت تحمد ربنا إني قبلت وتجوزتك، أنا أنضحك عليا. — احترمي نفسك، أنا ماسك نفسي بالعافية. — واحد زيك لازم يكون على سرير في المستشفى مش وسط البشر كدا. — في إيه يا بني؟ هي حصلها إيه! — ألحقيني بالله عليكي، دا كان هيموتني. — حصلك إيه بس؟ رجلك مالها؟ وريني كدا. — عااااا شيلي إيدك، بتوجع أوي. — دي شكلها مكسورة ولازم تروحي المستشفى. خدها يا بني قبل ما حالتها تسوء. — أنا اللي حالتي بتسوء. إيه اللي بيحصلي دا؟ حياتي بتتشقلب بسبب هزار جدي البايخ. بجد مش عارف بيحصلي كدا ليه. — يا بني أهدي، كل حاجة تتحل، بس المهم توديها المستشفى بسرعة. — لأ مش عاوزة منه حاجة، دا ممكن يتعمد يعمل حادثة علشان يموتني. — شايفة قلة أدبها! — أستحملها يا بني، معلشي. — يالا قومي معايا. — مش هقوم، أبعد عني، أنا عاوزة أموت وأرتاح من شكلك. شالها بغضب ومشي بيها ناحية العربية، رماها على الكرسي. — عااااا، مبتعرفوش تتعاملوا مع بنأدمين؟ بتمرمطوا ولاد الناس معاكم ليه!!! — ششش، أخرسي لحد ما نوصل، مش عاوز أسمع صوتك. فضلت تعيط بدون صوت وهي ساندة رأسها على الشباك سرحانة. — إيه، وقفت ليه؟ — تحبي ناخد كمان لفة ولا إيه؟ المستشفى أهي، أنزلي وخلصيني. فتحت الباب وهي بتحط رجليها على الأرض، صرخت بقوة: — ااااه. — أسندي عليا. — لا طبعا، أنت بتحلم. — صدااااع، أنا بتكلم معاكي ليه أصلا؟ قرب شالها ودخل بيها، حاولت تقاوم بس الوجع كان ليزيد فسكتت، وهي بتبص لملامحه وعنيه الرمادي وحاسة بضربات قلبه العالية. نزل عينه ليها فبعدت نظرها عنه بسرعة بإحراج. بإبتسامة: — غريبة، تلات دقايق من غير كلام، هتتحسدي. — خير يا أستاذ، المدام مالها؟ — وقعت على رجليها، عاوزين نشوفها اتكسرت إن شاء الله ولا لسه. — نعم! — ااا قصدي يعني عاوزين نطمن عليها. بصلها لقاها بتبصله: — أنتي عجبك الموضوع ولا إيه؟ أنا معرفكيش غير بقالي يوم وشيلتك أكتر ما شيلت المسؤلية. — نزلني، أنا أصلا مش عاوزاك تقربلي. حطها على السرير، وجه الدكتور شافها وقال إنها لازم تتجبس، وبالفعل جبس رجلها. — مبروك الجبس. بصوت واطي: — وقح. — قولتي حاجة!! — أحم لأ، مقولتش. — طب يالا علشان نروح. — نروح على فين؟ أنت بتحلم. — أمم، وبعدين معاكي؟ — أنت مش مجبر تستحملني، سبني في حالي وأرجع لحياتك. — دا على أساس إن عقد الجواز دا لعبة ولا إيه! — طلقني وخلاص. — لتكوني فاكرة إني هموت عليكي؟ أنا فعلا هعمل كدا، بس مستني جدي يظهر بس وأفهم ورطني الورطة دي ليه، وبعدها هطلقك على طول. — ولحد ما جدك ييجي، أنا وضعي إيه؟ — هتيجي على الفيلا طبعا. — على جثتي، لو رجعتلها تاني. ببرود: — براحتك، رأيك ملوش لازمة أصلا. أنا هروح أشرب فنجان قهوة برا لحد ما تكوني ارتحتي شويه علشان نخرج. طلع وقفل الباب وراه بقوة. بعدها بشويه دخلت الممرضة. — إيه أخبارك دلوقتي؟ جهزتي نفسك؟ بدموع ترفع رأسها بإتجاها ومتردش. — في إيه بس؟ بتعيطي ليه؟ حاسة بأي ألم في رجلك؟ مسكت وعد إيديها بتوسل: — لو طلبت منك طلب، ممكن تساعديني؟ — أهدي بس، أنا تحت أمرك. — هربيني من هنا. — اييه!! — عاوزة أخرج من هنا من غير ما حد يعرف. بستغراب: — قصدك الأستاذ اللي جابك هنا من شويه؟ تمسح دموعها وهي بترشف بحزن: — أيوا هو. — طب تحبي أكلم حد من أهلك يجيلك؟ تحرك رأسها بمعنى لأ: — أنا معنديش حد هنا، ساعديني أطلع بالله عليكي من غير ما يشوفني. — طيب أهدي متقلقيش، جهزي نفسك بسرعة وأنا هروح أعطل الكاميرات علشان الإدارة وهرجعلك. بفرحة: — أنا عمري ما هنسالك جميلك دا. — حبيبتي ولا يهمك، يالا بقي غسلي وشك وأستعدي. — يالا بسرعة قبل ما حد من الأمن يلاحظ. — هو أنا ااا أنا ممكن أطلب طلب كمان؟ وهي بتبص حواليها بحذر: — قولي. — أنا مش عارفة هروح فين. — نعم!! — أنا من إسكندرية ومليش حد هنا، ممكن تقوليلي أروح محطة القطر أزاي وتمن التذكرة بس؟ — مستحيل تتحملي كل دا ورجلك متجبسة كدا بدموع: — طب هعمل إيه؟ بصي، أنتي شكلك طيبة، أنا عندي شقة بتاعة أخويا مقفولة محدش بيروحها، ممكن تقعدي فيها كام يوم لحد ما تشوفي هتعملي إيه. — بجد؟ أنتي هتعملي معايا كدا؟ — لا مش وقته الكلام دا، لازم أرجع الشغل بسرعة. العنوان أهو ودا المفتاح والفلوس دي هتوقفي بيها أي تاكسي وتروحي على هناك تقعدي، وأنا هعدي عليكي بالليل أطمن عليكي. — مش عارفه أقولك إيه والله. — مع السلامة بقي، أنا كدا هترفد بااي. — سلام. — ها، عملتي إيه؟ بإبتسامة: — كله تمام يا بيه، عملت كل اللي قولتهولي. — أوعي تكون شكت في حاجة. — أبدا، دي كانت فرحانة أوي، شكلها هبلة أوي وسهل ينضحك عليها. ملامح وشه أتغيرت للغضب: — في إيه يا روح أمك؟ فوقي لنفسك، هي مين دي اللي هبلة؟ أنتي أتجننتي ولا إيه؟ — أحم أنا أسفة والله ماقصدش. — يالا على شغلك ولا كأنك قابلتينى النهاردة، فاهمة؟ بخوف: — ح حاضر. لنفسه بخبث: — أشوفك بالليل يا وعدي. بارت 4 — وصلنا يا هانم. بصت لشكل العمارة بستغراب: — أنت متأكد إن دا العنوان! — أيوا يا هانم، دي العمارة والشقة في الدور السابع. — معقولة أخوها عنده شقة في العمارة الفخمة دي؟ — فيه حاجة يا هانم تحبي أساعدك؟ — لأ لأ مفيش، أنا هنزل لوحدي، شكرا. طلعت في الأسانسير وهي مستغربة أزاي الأمن مش كلمها ولا حتي سألها طالعة لمين. فتحت باب الشقة وهي خايفة من شئ مجهول، كأنها حاسة إن في حاجة هتحصل. — الله، الشقة حلوة أوي، دي مفيش فيها ذرة تراب. طب ليه قالت إنه محدش بييجي هنا! رجعت لورا بخوف والشك بدأ يزيد جواها، مسكت ألة حادة وبدأت تلف في الشقة كلها وهي مرعوبة ليكون دا فخ فيها وإن في حد في الشقة. — الحمد لله، محدش هنا. مالك يا وعد؟ أهدي، مفيش حاجة. أكيد يعني عمارة شيك زي دي فيه حد بينضفها باستمرار. بطلي توتر بقي وأفرحي، أخيرا خلصتي من المختل دا. قال جوزي قال. قفلت الباب بالمفتاح وخدت نفس بإرتياح. دخلت أوضة النوم، فتحت الدولاب لقت هدوم رجالي شيك جدا. — إيه دا؟ هو سايب هدوم هنا كمان؟ دا إيه الجمال دا. أترمت على السرير بتعب وهي باصة للسقف بحزن: — مكنتش عارفة أحسبها كل الحسابات دي ولا كان عندي إختيار تاني. بدأت دموعها تنزل بقهر: — أنا أكتر شخص الحياه أجبرته على كل طريق مشي فيه. راحت في النوم في دقائق من كتر التعب. في الشركة — لسه فيه مواعيد تانية؟ — لأ، كدا كله خلص. هو بس مستر فريد اتصل من أسكندرية وحضرتك في الميتنج وقال إنه هيكلمك تاني. — سيبك من فريد. خلصتي اللي قولتلك عليه؟ — أيوا يا فندم، كله جاهز. — تمام أوي. وجدي لسه مفيش حد يعرف مسافر فين؟ — للاسف لأ. هو فيه مشاكل بينكم؟ رفع عينه من الورق وبصلها بستغراب: — سمر، على فكرة الفضول دا حاجة مش لطيفة خالص. — أحم أنا أسفة. — يالا أتفضلي. — الحمد لله على سلامتك يا يابني. — الله يسلمك. — إيه دا؟ أنت جيت لوحدك؟ — أيوا. — أحم، أمال وعد فين؟ نزل الدرجتين اللي طلعهم وبصلها بحدة: — دادة سحر، أنتي عارفة إني بعزك زي أمي الله يرحمها، صحيح ساعات بندهلك بأسمك من غير ألقاب علشان أنتي أقرب حد ليا وواخد عليكي، بس الليلة دي البت دي تنسيها خالص كأنها مظهرتش أصلا. — دي باين عليها غلبانة يا بني وملهاش حد هنا. — هربت… هربت مني. أعمل إيه؟ أنزل إعلان في الجرايد أقول مراتي هربت يا جماعه ياريت اللي يشوفها يقولها ترجع البيت! — هربت!! — أيوا، وياريت نقفل الموضوع دا بقي علشان أنا الصراحة مبسوط بالهدوء دا ومش عاوز قلق تاني. أنا طالع أرتاح. — ااا في حاجة كمان. — أمم، خير يا سحر؟ التحقيق دا مش هيخلص ولا إيه؟ — الظرف دا جالك من شوية. — ظرف إيه دا! — معرفش، حد سبهولك ومشي. — طيب هاتيه. طلع أوضته، خلع أول زرارين في القميص، مسك الظرف بستغراب لما شاف عليه طابع بريد إسكندرية: — معقولة يكون من فريد! فتحه لقاه قسيمة الجواز بتاعته هو ووعد. بغضب رمى الورقة بعيد: — حقيقي مكنتش أتخيل إنك ممكن تعمل فيا كدا يا جدي. دي هديتك على كل تعبي معاك في الشركة؟ تدبسني التدبيسة دي! بستغراب كأن لفت إنتباهه حاجة، مسك الورقة تاني وبص بتركيز: — إيه دا؟ غريبة يعني مفيش مؤخر ولا مهر ولا حتي شهود على العقد من طرفها! إيه حكايتك يا وعد؟ وإيه جابك في طريقي وخلي جدي يحطني في موقف زي دا من غير حتي ما ياخد رأيي ولا حتي يلمح بالموضوع؟ أنا لازم أفهم، أنتي الوحيدة دلوقتي اللي عندها أجابة لكل سؤال محيرني. في الشقة عند وعد قامت وهي بتتوجع من ضهرها: — اااه، أنا نمت أزاي بحالتي دي؟ يااه، الساعة عشرة. لين أتأخرت أوي، شكلها في نباطشية. قامت وهي بتتاوب، مسكت قميص أبيض طويل من لبس الرجالي اللي في الدولاب لأنها ممعهاش هدوم، ودخلت الحمام وهي بتسند على عكاز. بعد شويه سمعت صوت باب الشقة بيتفتح، ففكرت إنها لين. خرجت من الحمام شعرها كله ميه ومش لابسة حاجة غير القميص اللي فوق الركبة بحاجة بسيطة. بإبتسامة: — لين، أنتي جيتي. بصت في الصالة مش لقتها، أستغربت، دخلت الأوضة صرخت بصدمة لما لقت حمزة قاعد على كرسي التسريحة وحاطط رجل على رجل. بخوف رجعت لورا. — ها، مش هتسأليني دخلت أزاي المرة دي؟ وهي بتترعش: — أ… أنت عرفت مكاني ازاي؟ قام وهو بيقرب منها وهي بترجع لورا: — بس حلو قميصي عليكي أوي. بصت على نفسها وبعدها بصتله بصدمة، وجت تجري على الحمام علشان تلبس، اتزحلقت في ميه شعرها على الأرض، جري حمزة ومسكها، بص لعيونها الزرقة اللي شبه البحر. — أنتي طلعتيلي منين؟ كانت مركزة في عنيه ومردتش. ضغط على وسطها أكتر، شهقت بكسوف: — أنت بتعمل إيه؟ اوعي كدا، سبني. — هو أنا لسه عملت حاجة؟ — أبعد عني، والله لو قربت لـ… — بس بقي، أنتي إيه مبتفصليش؟ على العموم دا الدور السابع، يعني لو حابة تعمليها تاني صدقيني المرة دي مش هتيجي على كسر رجل، دا هتبقي كسر رقبة على طول، ويبقي أحسن. بتوتر: — أنت دخلت أزاي؟ — من الباب دا. حطت إيديها في وسطها: — دا على أساس أن باب أوضتي بيطل على الشارع! ضحك وهو بيرجع شعره لورا وبيقعد على السرير. برقت بخوف: — لأ لأ، مستحيل اللي في بالي يكون صح. — حسيتك كارهه الفيلا بسبب وجود سحر وعم عبده معانا، وأحنا مهما كنا لسه عرسان جداد، فجبتك شقتنا دي يا حياتي علشان نبقي لوحدنا وناخد راحتنا أكتر. بصدمة: — أحيييه، شقتك! لبارت 5 — حسيتك كارهه الفيلا بسبب وجود سحر وعم عبده معانا، وأحنا لسه عرسان جداد، فجبتك هنا شقتي علشان ناخد راحتنا. — أحيييه، شقتك! ضحك من تعبيرات وشها وهي مصدومة. — أنت عاوز تفهمني إنك أخو لين! ضحك أكتر: — يا الله، حقيقي ما شفتش في حياتي حد بذكائك أنتي. عاوزة تقنعيني إن دماغك مشتغلتش ولو لثانية وشكيتي إن كل دي ممكن تبقي لعبة؟ قعدت مكانها ولسه مش قادرة تستوعب كلامه: — عرفت أزاي أني كنت هقولها تهربني؟ — الحقيقة دي مكنتش متوقعها. هي اللي جت قالتلي إنك طلبتي منها كدا علشان تاخد فلوس. أمال كنتي فاكرة إيه؟ مفتاح شقة أخوها معاها بالصدفة؟ وكمان كاتبة العنوان في ورقة مجهزاه وفلوس التاكسي؟ كل دا صدفة؟ ولا مين هي علشان أخوها يبقي عنده شقة في عمارة زي دي! بعدم إستيعاب: — أفرض مكنتش قولتلها تشوفلي مكان؟ — كانت هي اللي هتعرض عليكي العرض دا بطريقة غير مباشرة، وكنتي برضو هتوافقي، لأنك مكنتيش هتلاقي حل تاني. تفكير واحد معقد بقي. بعصبية وصوت عالي: — لأ، أنت أكيد ضغط عليها وعذبتها علشان تجبرها تعمل دا يا حيوا… قاطعها بنظرة حادة وهو بيقربلها: — أنا بقول تخلي بالك من كلامك، علشان أحنا هنا لوحدنا وسهل عليا أعاقبك بالطريقة اللي تسكتك خالص. فضلت ترجع لورا لحد ما خبطت في الحيطة وراها، بخوف بصتله وصوت نَفسها بيعلي: — ااا أنت هتعمل أيه؟ بص على لبسها وبعدها رفع عينه في عنيها وهو قريب منها أوي: — لسانك. بخوف: — ماله؟ — يقصر علشان مزعلكيش. — ح حاضر. — وصوتك. — ماله دا كمان؟ — يبقي واطي، وياريت مسمعهوش خالص. أنتي هنا في عالمي الخاص، الشقة دي محدش يعرف إني شاريها أصلا، حتي جدي. وأنتي بالنسبة لهم هربتي خلاص، وأنا معرفش عنك حاجة، يعني مصيرك بإيدي أنا. ضربات قلبها زادت من قربه وتعبيرات وشه المخيفة. — وعنيكي دي. بدموع: — مالها؟ بسرحان: — مش عارف! القميص دا حلو عليكي أوي، ما تخليكي بيه على طول. بخوف: — أ… أنت أنت… بصوت هادئ وهو قريب منها: — أنا أيه؟ — أنت سافل ومشفتش ساعة تربية. عض شفايفه بغل: — دا أنا… بعدته عندها وجريت على الحمام بسرعة، قفلت على نفسها. ظبط نفسه بجدية: — أنتي أزاي أصلا تلبسي حاجة مش بتاعتك كدا وفي بيت أنتي مش عارفاه؟ أفرضي فعلا كانت شقة حد غريب ودخل وأنتي كدا! من ورا الباب: — وأنت مالك؟ بتتحشر ليه في حياتي! مش كفاية إنك أنت السبب في كل دا؟ — الهدوم قدام الباب، أنا جبتلك شنطة هدومك، ألبسي وتعالي علشان عاوزك. بتأفف: — حاضر. كتفت إيديها بضيق: — نعم، عاوز أيه؟ — اقعدي. — بقولك اقعدي! — أهو قعدنا، جاي عاوز أيه؟ فتح قدامها قسيمة الجواز بهدوء: — إيه دا؟ بخوف: — دي… دي ورقة القسيمة. بزعيق: — لا بجد! تصدقي كنت بحسبها ورقة بفرة. عنيها بدأت تدمع بخوف: — والله قسيمة جواز. مسك أعصابه وبهدوء: — ما أنا عارف إنها زفت. إيه اللي مكتوب دا؟ فين الشهود؟ أبوكي ممضيش ليه؟ وليه مفيش أي حقوق ليكي في العقد؟ — لأ، ما أنتي هتتكلمي، يعني هتتكلمي، مفيش حل تاني. أنتي مين وبنت مين علشان جدي يضحي بمستقبلي علشانك ويجوزنا بالطريقة دي!! مسحت دموعها وتكلمت بصوت خافت: — بابا كان صاحب أُنكل سالم جدك، فلما مات مكنش ليا حد خالص، وخصوصا إنه كان عارف من بابا إن فيه مشاكل بينه وبين أعمامي، علشان كدا صمم يجوزني ليك علشان يحميني منهم. — لا والله، دخل عليا أنا كدا فيلم الخمسينات دا صح!! وهي بتفرك في إيدها بتوتر: — صدقني دا اللي حصل، وقالي كمان إن الجواز دا هيبقي لفترة قصيرة وبعدها هنطلق. — مستحيل يكون دا السبب الحقيقي. جدي مش قليل، وكان قادر يحميكي من أي حد مهما كان، ومن غير ما يعمل كل دا. وبعدين أزاي بتقولي إنه عمل كدا علشان خايفة من أهلك، وفي نفس الوقت كنتي هترجعي برجلك أسكندرية تاني!؟ قامت وهي بتعيط ولسه هتمشي، صرخت بقوة من رجلها لما داست عليها بشدة فوقعت في الأرض: — اااه. قام حمزة بسرعة وشالها بدون أي كلام ودخلها على السرير: — أنتي لازم ترتاحي، كدا رجلك هتورم والجبس هيطول. بعيون حمرة من كتر العياط: — أنا بجد أسفة. — نامي، أنتي لازم ترتاحي. — هو أنت هتعمل معايا أيه؟ بصلها بغضب ممزوج بحزن: — معنديش حل غير إني أستني وأشوف القدر مخبيلي أيه معاكي. كنت جاي وفي بالي إني هلاقي إجابة لكل سؤال معنديش إجابته وهرتاح، بس حتي إجاباتك بتخليني محتار أكتر. شايف في عنيكي حاجات كتير عكس اللي بيطلع منك، والمصيبة إني معرفش أول ما ببص في عنيكي بيحصلي أيه. مبعرفش أنا كنت بقولك ايه أصلا، وكأن غضبي كله بيروح في ثانية. هو أنتي بتعملي لي أيه! على العموم مضطر أصدقك على الأقل لحد ما جدي يظهر. — طب هترجعني الفيلا تاني؟ — مش هينفع، أنتي هتفضلي هنا. دي الطريقة الوحيدة، إلا لو كلامك صح، هتخلي جدي يظهر بسرعة. — مش فاهمة. — أنا عارف جدي كويس، هو مستحيل يسافر بالطريقة دي ويقفل كل أرقامه كدا من غير ما يعرف اللي بيحصل معانا. — ااا قصدك إنه بيكلم حد وبيعرف منه كل حاجة؟ بصلها بإبتسامة خفيفة: — ما شاء الله، دماغك طلعت بتشتغل. — بس أنت قولت إن تلفونه مغلق! — هي مدة ذكائك تلات ثواني بس ولا ايه؟ ما كنتي بدأتي تفكري صح. هو جدي هيغلب يعني؟ يجيب خط تاني وتالت وعاشر. وبعدين أنا بتكلم معاكي ليه أصلا؟ يالا نامي. — طب وأنت؟ بغمزة: — أيه، تحبي أنام جنبك هنا ولا ايه؟ عيطت أكتر بخوف. — يخربيت اللي يفكر يفك معاكي في الكلام. أنا غلطان، أتخمدي، أنا همشي بس هقفل عليكي بالمفتاح. عارفه لو عملتي حاجة ولا عرفتي حد إنك محبوسة هعمل ايه! — أحم، هتعمل أيه؟ قرب منها: — هاجي أعيش معاكي هنا، وبصراحة لو دا حصل موعدكيش إني أفضل محترم كدا كتير. — دا على أساس إنك محترم أصلا! بضيق: — طب بما إني كدا كدا قليل الأدب، فثانية كدا. قرب منها وحاول يقبّلها رغم مقاومتها، وهي اتحركت فجأة واتخبطت شفتها في سنانه وظهر جرح صغير بينزل دم. فجأة تلفونه رن. بعد عنها بسرعة وهو متفاجئ باللي عمله. وعد كانت مبرقة ومش بتتحرك من الصدمة، كان فيه جرح بسيط على شفتها اللي تحت بينزل دم. — هو أنا ااا… فجأة لاقي عينيها بتغمض بالتدريج، ومالت على السرير مغمي عليها. اتصدم وقرب منها بخوف: — وعد… واااعد، فوقي! دي… دي ماتت دي ولا أيه يا ربي؟ أعمل أيه؟ دا كله علشان قربت منها بس!!! جاب برفان وحاول يفوقها. فضلت دايخة شويه، بس عرف إنها خلاص هتبقي كويسة. جاب لزقة وحطها مكان الجرح وهو بيقول لنفسه: — أنا هقوم أمشي بسرعة قبل ما تفوق، وساعتها هتلم عليا العمارة بجد. غطاها كويس وخرج. تاني يوم، في الفيلا — حمزة يا يابني، قوم، الساعة تسعه، تلفونك مش بطل رن. — سحر، سبيني، لسه بدري، أنا تعبان. — أنت راجع البيت الساعة واحدة بالليل إمبارح، لازم تبقي تعبان، وكمان نايم بهدومك!؟ قوم فَوَق كدا، وأنا هجهزلك الفطار بسرعة، أنت أول مرة تتأخر على الشغل كدا. — طيب طيب، روحي أنتي، أنا خلاص صحيت، بلاش فطار، جهزيلي بس القهوة بتاعتي علشان أصحصح. — من عنيا. بص في الساعة بستغراب: — يانهار أبيض، الساعة تسعه! قام بسرعة، كان لابس القميص مفتوح وعضلات بطنه باينة، خلع القميص ونزل في الأرض لعب عشرين ضغط، ومفيش غير شكل وعد شاغله كل تفكيره من اللي حصل إمبارح. خلص ودخل خد شاور ولبس شميز أبيض على بنطلون كلاسيك وساعة كلاسيك ونظارة شمس رافعها على رأسه. — القهوة يا حمزة. — تسلم إيدك يا سحورة. — مزاجك رايق أوي النهاردة. خد رشفة من القهوة: — يعني حاجة زي كدا. — تصدق بقيت أحس فعلا إن البت وعد دي وجودها كان شؤم على البيت. شرق وهو بيشرب أول ما جابت اسم وعد: — ليه بتقولي كدا؟ — مش عارفه، مكنتش مرتاحة كدا من ساعة ما جت. أول ما دخلت البيت، في ناس تدخل بإبتسامة تنور البيت، ودي داخلة مكشرة وساكتة. — أه صحيح، فكرتيني، هي لما جت مين كان معاها؟ — سواق عربية جدك هو اللي جابها، وأول ما دخلت كأنها كانت بتعيط، عيونها حمرة كدا ووشها في الأرض. جدك كلمني وقال أطلعها أوضتك، وفعلا دا اللي حصل. — يعني هي مكنتش تعرف إني نايم فوق! — تقريبا لأ، بس أصلها حتي ما فتحتش النور، دي حطت الشنطة وضوء القمر كان منور الأوضة بنور خافت، قعدت على السرير على طول وعملت نفسها نايمة أول ما لقتني لسه واقفة معاها في الأوضة، شكلها كانت بتطردني البت دي. ضحك حمزة وهو بيشرب أخر شويه في الفنجان. — سلام يا سحورة. في الشقة عند وعد قامت وهي ماسكة رأسها بوجع: — يا ربي، دماغي هتنفجر. إيه ريحة البرفان دي؟ هتخنق. كح كح! وقفت قدام المراية وهي بتربط شعرها، تبص بخضة على شفايفها بتحسس عليها فبتتألم: — ااه، إيه دا؟ هو حصلي ايه! أفتكرت اللي حمزة عمله معاها، إبتسمت بسرحان وبعدها دموعها نزلت بقوة وهي بتبص لنفسها في المراية. بدأ صوت عياطها يعلي ودموعها تنزل بقهرة، بصت حواليها لقت شنطة هدومها، فتحتها بسرعة ومن جيب سري فيها طلعت تلفون ورنت على رقم. — ألوو. بعياط: — أنت فين؟ ليه سبتني لوحدي؟ مكنش دا وعدك ليا. — فيه إيه بس يا وعد؟ حمزة عمل فيكي حاجة! — أرجوك تعالي، هو قالي إنه هيطلقني أول ما أنت تظهر. — فهميني طيب، فيه إيه؟ — أنا لازم أختفي، وجودي غلط، أنا شقلبتله حياته كلها. — ممكن تهدي وتقوليلي حصل أيه؟ دا حفيدي وأنا عارفه كويس، عمره ما هيفكر يأذيكي، هو عصبي أه ومتهور، بس صدقيني لو عرفك كويس هيحب… قاطعته بقهرة: — لأ، متقولهاش بالله عليك، كفاية اللي حصلي قبل كدا. أنت قررت تساعدني وأنا وافقت على كل تخطيطك علشان كنت متأكدة إنه هيبقي كاره وجودي وعاوز يتخلص مني بسرعة، بس لو حصل اللي أنت بتقوله دا، أنا هموت نفسي قبل ما يعرف حقيقتي. — بعد الشر عليكي، أهدي طيب، وكل حاجة ليها حل. — قسيمة الجواز وصلت حمزة، وجه واجهني بأسئلة معرفتش أجاوب عليها. — أزاي يعني؟ أنا مفهمك كويس، هتقوليله ايه؟ — لما ببقي قدامه مبعرفش. أكدب كلامي بيبقي ملخبط، لما ببصله وبحس إني باخد نفسي بصعوبة وعاوزة أهرب منه بأي طريقة. مقتنعش بأي حاجة قولتها. — يبنتي، أديله فرصة، وعمرك ما هتندمي، هو دا اللي هيعوضك عن كل اللي مريتي بيه. بدموع: — مش هقدر أظلمه معايا. إيه ذنبه يحب واحدة كانت اتأذت من حد قبل ما تعرفه وكانت حامل؟ — وعد!!! التفتت بصدمة أول ما سمعت صوت حمزة، وقع الفون من إيدها على الأرض. بارت 6 بدموع: — مش هقدر أظلمه معايا. إيه ذنبه يحب واحدة كانت اتأذت من حد قبل ما تعرفه؟ — وعد!!! التفتت بصدمة أول ما سمعت صوت حمزة، وقع الفون من إيدها على الأرض واتكسر. — وعد، أنتي فين؟ لسه نايمة ولا ايه؟ زقت التلفون برجليها تحت السرير، وفضلت واقفة مكانها مش قادرة تتحرك. — إيه دا؟ أنتي صحيتي؟ بنادي عليكي مبترديش ليه؟ بعياط أول ما شافته: — أنا عاوزة أرجع إسكندرية. بصدمة من حالتها: — فيه إيه بس؟ مالك!!؟ — أنت ملكش ذنب في كل دا، أنا غلطت لما وافقته في قراره، أنا مستهلش أكون مراتك. انهارت في العياط. حضنها بقوة وهي ماسكة فيه بكل قوتها: — أنا خايفة أوي يا حمزة. — طيب فهميني، حد زعلك؟ أنا اشتكتلك ولا قولتلك أمشي؟ وبعدين ما أنا من ساعة ما شوفتك لسانك طويل، ليه دلوقتي بقيتي حساسة كدا؟ بعدت عنه وهي بتضحك من كلامه. — أيوا كدا، روقي وغسلي وشك دا وتعالي، أنا لسه مفطرتش، هنفطر سوا. وهي بترشف من العياط: — إيه دا؟ أنت هتفطر معايا؟ بتاع إيه إن شاء الله! رفع وشها بإيده بستغراب: — يبنت الغدارة! الشهادة لله أنتي غلبتي الحرباية في تغيير لونها. مالك يا بنت المجنونة؟ ما أنتي كنتي حلوة من شويه وطيبة!! — أطلع براا. — هي دموعك بتنزل تغزي لسانك فبيطول ولا ايه!! — برا يا متح*رش يا سافل، أنت فاكر اللي عملته امبارح دا هيعدي بسهولة كدا! — إيه دا؟ الشتيمة دي ليا أنا! — وكمان غبي، أنت شايف حد غيرك هنا يا معقد يا مختل؟ — تصدقي خسارة فيكي الأكل يا واطية. ماله الفطار مع سحر أحسن من الفطار مع بومة زيك. بغضب: — أنا بومة! — أيوا بومة، دا الجبس نفسه مش طايقك، أنا ماشي. خرج وقفل الباب بدفعة. قعدت على السرير وهي حاطة إيدها على قلبها، خدت نفس بإرتياح: — الحمد لله مسمعش المكالمة. رفعت إيديها بستغراب وهي بتشم هدومها، لقت برفان حمزة لزق في التيشيرت لما حضنته، فضحكت بسرحان: — ياريتني قابلتك من زمان يا حمزة، يمكن كان القدر يكون حنين عليا شويه بوجودك. جاي يضحكلي بعد ما دمرني! طب يفيد بأيه وأنا لا قادرة أفرح بوجودك معايا، ولا عارفه هلاقي حجج لحد أمتي أتخانق معاك بيها علشان تكرهني. في الشركة — يا فندم أهدي، مش كدا. حمزة بيه زمانه جاي. — أنا قاعد مستني بقالي ساعتين، بيقلل مني يعني؟ بتأخيره دا. — أنا كلمته على تلفونه مبيجمعش، واتصلت على تلفون البيت قالولي طلع من ساعة، يعني أكيد حصل حاجة أخرته. — دا كلام فارغ، البيزنس مبيعترفش بالحجج التافهه دي. — يا فندم بس أرتاح وأنا اا… قاطعها حمزة: — وإلا ميحترمش المكان اللي قاعد فيه، يبقي قليل الذوق. بغضب يقف: — أنت قصدك إيه يا حمزة! — قصدي اللي أنت فهمته، بس بتحاول متصدقوش يا عادل. — أنت قد كلامك دا؟ — في البيزنس اللي بيقول كلمة بيبقي قدها، وأنت لو مش محتاج الصفقة دي ومتأكد إن مفيش شركة في السوق غير شركات الخوري اللي ممكن تمولك، مكنتش قعدت ثانية زيادة. صح كدا؟ يلبس نظارته بغضب: — أنا ليا كلام تاني مع جدك لما يرجع من السفر. يضحك وهو بيعدل قميصه: — لما تشوفه أبقي سلملي عليه يا كوتش.