ثم اقترب منها ولمس شعرها وقال لسماح: — بصي يا سماح متنيحيش أوي كده… متجيش ناحية شعرها هو عاجبني… لا بصي، متجيش ناحيتها أصلاً!
اقتربت سماح من رحمة وقالت: — دي نملس عليها تدينا شوية حلاوة! شهقت رحمة وبدأت تسعل بشرقة شديدة حتى احمرت عيونا ودمعت: — ميه… ميه!
أخذها رحيم في أحضانه وأجلسها على الكرسي وجلس هو على ذراع الكرسي، ثم صاح بسماح: — اتحركي يا زفتة جيبي لها مية… هتموت مني قبل ما اتجوزها! جرى سماح للثلاجة وأحضرت الماء: — اتفضلي يا مزة. شد رحيم الماء من يدها وقال لرحمة: — اشربي يا رحمة… اشربي بالراحة. شربت رحمة وبدأت تسترد أنفاسها، ثم سألت: — مين دي وعايزة إيه؟!! — أنا يا ست الكل… سماح أشطر كوافيرة في المنطقة دي! همست رحمة لرحيم: — خليها تمشي من هنا، أنا هعمل ميك أب لنفسي. رد رحيم بكسل وهمس: — لا علشان متقوليش إن أنا استخسرت فيكي حاجة. قاطعتهم سماح: — أنتوا بتهمسوا بتقولوا إيه… شكلكم بتحبوا بعض والنبى لايقين على بعض!
وفجأة… بينما كان رحيم يجلس على ذراع الكرسي، انكسر الذراع وسقط رحيم على الأرض! شهقت رحمة بخضة: — بسم الله الرحمن الرحيم! إيه يا ست انتي امشي من هنا! قال رحيم بوجع وهو على الأرض: — يخرب بيت أبوعك… كانت شورة سودة! اقتربت سماح لتقيمه: — قوم يا سيد الناس… مش عارفة مرتك قارشة ملحتي ليه، أكونشي مرات أبوها وأنا مش عارفة؟ رحمة بضيق: — مشيها من هنا بالله عليك هرجع! رحيم: — خلاص يا سماح أنا رجعت في كلامي. سماح بإصرار: — طلاق تلاتة ما يحصل، هظبطك! رحمة بقرف: — مشيها مش قادرة، مش شايف ضوافرها عاملة إزاي… ابعدها عني!
قام رحيم وشد سماح بعيداً وجعل رحمة خلف ظهره: — خلاص يا سماح امشي… هي قرفت منك. خرجت سماح عن شعورها وقالت ببيئة: — قـ… قرفت من إيه يا رووووحى مني؟ ده كل نسوان الحارة يتمنوا ياخدوا ميعاد عند سماح… ده أنا أشطر كوافيرة فيكي يا منطقة… ده كوافييري بيشغي ناس! قالت رحمة وهي ترتجف: — شايف… شايف بتتكلم إزاي؟ جايب لي واحدة تعمل لي ميك أب ولا تأكلني في ساندوتش؟! ضحك رحيم بصوته كله ثم قال: — خلاص بقى يا بت… امشي مش هتمكيجيها. ردت سماح وهي تنسحب: — والله خسرانة، ده أنا كنت هرسم لك حنة على جسمك! — شكراً، أنا مش برسم الحاجات دي، امشي بقى. سماح: — أنا ماشية… بس بكرة تقولوا تعالي يا سماح هقول لا عندي عرايس… سلام يا سي رحيم، ربنا يعينك على الفرسة دي!
التفتت رحمة لرحيم وقالت: — هي دي اللي جايبها تعمل لي ميك أب؟ مش لاقي إلا هي؟! — أعمل لك إيه… دي أشهر كوافيرة على فكرة. اقترب رحيم منها وأمسك وجهها بين يديه وقال: — يا روحي دي كانت لو لمست وشك هترقعك عين… وشك يتحرق وقتي! — يعني إيه ترقعني عين؟! — يعني تصوب عينها كده وتقول يا خرابي على وشها حلو ومفيهوش عيب… يقوم وشك يولع على طول! قالت رحمة بخضة: — إيه دي! متقول بسم الله ما شاء الله… لا مش عايزاها تعمل لي حاجة. رحيم: — دي أشهر واحدة هي وأمها في المنطقة تحسد الناس… يالا أمها ماتت، عارفة هي السبب في موت أمها! (كان رحيم يثرثر في أي موضوع مبسوطاً بقربها). تساءلت رحمة: — السبب إزاي؟ ؟! ابتسم رحيم: — لا، كانت تعبانة وسماح جابت لها دكتور… بعدها الولية فاقت وبقت حلوة، قامت سماح قايلة لها: “يا ولية ما أنتي زي الحصان اهو فيكي صحة عننا!”… طبت وقعت ماتت!
ضحكت رحمة بحرارة: — يا مامي! دي وحشة أوي كده هتموت الناس كلها! قال رحيم بتوهان: — اه وهتموتني أنا شخصياً… — هتموتك ليه؟ اقترب رحيم منها ولم تعد بينهما مسافة: — عيونها ! رحمة بتوتر: — احم… طيب ممكن تبعد بس كده؟ ابتسم رحيم: — لا… زقيني أنتِ. رحمة ببراءة: — أنت كبير وطويل وأنا صغنونة مقدرش أزقك. رحيم: — يخرب بيت أمك… ما بلاش أم الدلع ده، والله هي والعة لوحدها! — متجيبش سيرة بابا وماما، عيب. — طيب ما تجيب بوسة تصبيرة لغاية بكرة؟
— على فكرة عيب حضرتك، ابعد بقى! — حضرتي إيه بس… طفي النار اللي فيا يا رورو يا عسل… أصل تهب في وشك! احمر وجه رحمة خجلاً: — أنت قليل الأدب! قال رحيم بمكر: — طب طلاق تلاتة منك قبل ما اتجوزك لتجيبي بوسة، أنا أصلاً فاضي ومورييش حاجة! — مش هجيب حاجة، ابعد بقى سيبني. — طيب هاخدها بليل… المأذون هييجي بليل نكتب الكتاب ونعلي الجواب ونشرب الشربات. تضايقت رحمة: — أنت عايز مني إيه؟ هو حد قال لك تربيني من أول وجديد؟! رد رحيم بثبات: — اه يا رحمة… أنتِ مززززاج، واللي بيدخل دماغي وبيمزجني مش بسيبه بسهولة! — سيبني في حالي أنا مش شبهك ولا أنت شبهي، خليني أرجع لشغلي وأمي! أجابها بجدية: — شغلك اللي فشلتي فيه واتقفشتي من أول لحظة… وبعدين لو بعتنا لست والدتك صورتك كده وأنتِ في حارة شعبية في بيت تاجر مخدرات هتقول إيه؟ طب أنا يا رحمة… أنا اللي مبرجعش في كلمة قولتها!
أمسك رحيم شعرها وقال بغموض: — أنا أشر مما تتخيلي، والليلة هتكوني على ذمتي وبكرة دخلتك يا رحمة… وأخر مرة هكرر الكلام ده، من الآخر أنا نفسي فيكي وأنا متعودتش أحرم نفسي من حاجة. قالت بوجع ودموع: — اتعودت تيجي على بنات الناس وتأذيهم صح؟ رد بنبرة حادة:
— مفيش بنت ملت دماغي زيك… ولا فكرت في واحدة غيرك… ولا نفذت لواحدة اللي هي عاوزاه إلا أنتِ! بكت رحمة: — ابعد عني ابعد خليني أكلم أمي أطمن عليها. — لا… ويالا على أوضتك جهزي نفسك علشان كتب الكتاب بليل.
جرت رحمة إلى غرفتها تبكي حتى حان الوقت وسمعت صوت المأذون، وأرسل رحيم من ينبهها لتستعد. قررت رحمة أن تتحدى رحيم، فأخرجت فستاناً قصيراً ومفتوحاً من الظهر من حقيبتها، ولمت شعرها على جانب وضعت روجاً نبيذياً.
