عندما طرق الباب، أخذت نفساً طويلاً وقالت بخوف: — ادخل.
دخل رحيم وفوجئ بها، فتطاير الشرار من عينيه وأغلق الباب بسرعة! وقال بصوت مكتوم من الغضب: — إيه الهباب ده؟! — إيه؟ مش عروسة والنهاردة كتب كتابي؟! — النهاردة ليلة موتك إن شاء الله… أنتِ لابسة قميص نوم وعاوزة تطلعي بيه؟! ده أنا كنت دبحتك لو حد لمحك كده! ردت بلامبالاة: — عادي موتني… قميص نوم إيه، ده فستان حضرتك! اقترب منها بغضب عارم: — وأقسم بالله لو ما لبستي دلوقتي عباية عليه ومسحتي الروج لآجي وأقلعه أنا ليكي غصب! خافت رحمة وقالت بسرعة: — خلاص خلاص، هلبس العباية! — ما كان من الأول… لازم دور الشرسة ده مش لايق عليكِ، امسحي الروج وغطي شعرك مش عاوز مخلوق يشوفه. — حاضر حاضر.
ارتدت رحمة العباية ووضعت الحجاب، فبدت أجمل بكثير. سألته بخوف: — خلصت. نفخ رحيم بغيظ: — لا خليكي هنا… أنا مش هطلعك أصلاً، هجيب المأذون هنا.
خرج رحيم وأحضر المأذون إلى الغرفة. وبعد نظرات التهديد من رحيم، وافقت رحمة وتم عقد القران وأصبحت زوجته رسمياً.
طرد رحيم الجميع ودخل إليها، فوجدها تبكي وقد خلعت العباية. فقال: — بقا أنتِ كنتِ عاوزة تتحديني وتطلعي كده صح؟ ردت بشهقات متقطعة وسخرية: — أنت عاوز إيه تاني؟ أنت مش كتبت الكتاب وارتاحت؟! اه كنت هطلع كده فيها إيه… إيه، مش عروسة؟!
في ثانية، قطع رحيم المسافة وجلس على السرير أمامها. ارتبكت وحاولت القيام، لكنه شدها وأجلسها على قدميه وأمسك بها بتمكن. وقال ببرود: — اه عروسة، وجوزك له حق إدهوله. — حق؟! حق إيه؟ أنت ملكش حقوق عندي! قال بعصبية: — لا ليااا! جوزك وليااا… رحمة اتظبطي، أنا اه بالي طويل بس مش هطوله أكتر من كده! قامت رحمة وقفت وهي تبكي بصراخ: — ليك؟ طيب خد حقك أنا قدامك اهو مش همنعك! شدها رحيم مرة أخرى وأجلسها: — هو أنا متجوزك علشان أخدها بالغصب؟ لا، أنا عاوزها بالرضا! غمضت رحمة عينيها وقالت: — عمرك ما هتاخد مني حاجة برضاي، أنت اتجوزتني بالغصب، عايز تاخد حقوقك يبقى خدها بالغصب! صاح رحيم بصوت عالٍ أفزعها: — رحمممممممممه! قلت لك اتظبطي! — أنت عايز مني إيه دلوقتي؟ قال بغموض ونبرة حادة: — اللي طلبته الصبح منك وبنفس راضية، ومش هكررها! — قلت لك عمرك ما هتاخد أي حاجة بنفس راضية مني، خد اللي أنت عايزه مش همنعك بس مش هخليك تاخده مني برضاي أبداً!
غمض رحيم عينيه لدقائق وهو يصارع غضبه، وبدأ يضغط على يدها بقوة. وقال بصوت مخيف: — رحمة… تأتأت بخوف: — نـ.. نعـ.. نعم؟ — نفذي اللي قلته بالحرف!
خافت رحمة واقتربت منه ببطء، وطبعت قبلة خفيفة على شفتيه… لم يستطع رحيم التماسك أكثر، وأخرج كل شوقه وغيظه في تلك اللحظات، بينما تاهت هي في مشاعرها، ولم يشعرا بالوقت حتى طرق الباب بقوة!
بعد رحيم عنها بصعوبة وهما يتنفسان بسرعة، ثم حاول إخراج صوته بطبيعية:
— في إيه؟ مين على الباب؟ جاء صوت فوزية برعب من الخارج: — الحق يا سي رحيم… حسن بيقول المعلم فاضل القط جايب رجالة وداخل على الحارة ونواياه الليلة!
انتفض رحيم واقفاً وكاد يوقع رحمة من على قدميه، وقال بشر: — جه لقضاه… وأنا الليلة يا قاتل يا مقتول! رحمة بخوف: — هو في إيه؟!! — غيري بسرعة الفستان ده والبسي حاجة تانية وفوقيها العباية والطرحة، أقل من دقيقتين يا رحمة والاقيكي جاهزة!
التفت رحيم إلى الشباك واتصل برقم مجهول: — عاوز دعم. أجابه المجهول: — موجود ووصلنا الخبر، ونفذ! — طيب.
التفت رحيم فوجد رحمة قد ارتدت عباية فيروزي وطرحة بيضاء كالملائكة، وقالت: — أنا لبست. اقترب منها وأمسك وجهها حانياً: — اللي أقوله يتنفذ… فوزية هتاخدك في مخبأ سري تحت الأرض، إياكي تطلعي منه يا رحمة لغاية ما أجيلك، ماشي؟ مسكت رحمة يديه وخافت: — استنى أنا خايفة! أخذها رحيم في حضنه: — أوعى تخافي يا رحمة أنا معاكي وموجود… متخافيش. — طيب خدني معاك متسيبنيش هنا لوحدي مع الست اللي برة دي… قبل رحيم جبهتها بعكس شخصيته الشرسة: — متخافيش مش هيحصل لك حاجة، وفوزية أكثر واحدة هحافظ عليكِ معاها. — طيب ماما أوعى تعمل فيها حاجة بالله عليك، وأنا هروح مع فوزية. ضمها أكثر وقال: — حاضر… فوزززززية!
جاءت فوزية تركض، فقال لها رحيم: — خدي رحمة وخلي بالك منها… لو حصل لها حاجة مش هيكفيني فيكي روحك! ثم نظر لرحمة بحنان: — يالا روحي معاها يا رحمة. — حاضر، يالا يا طنط فوزية.
ضحك رحيم وفوزية على كلمة “طنط فوزية”، وأخذتها فوزية ونزلت بها إلى المخبأ، بينما خرج رحيم لرجاله.
بعد قليل، سمعت رحمة صوت إطلاق نار كثيف وصراخاً في الحارة، فانكمشت في مكانها ودفنت وجهها بين يديها وهي تدعو بخوف: — يا رب…
في الخارج، وقف رحيم في وسط الحارة وأطلق النار في الهواء وصاح بصوته كله: — مش عاوز حد يقف يتفرج، اللي هيقف هيموت! كله يقفل على نفسه كويس! حسن: — كل واحد يا رحيم باشا في مكانه. رحيم بغموض: — سيبه يدخل من الجهة الشرقية… ويدخل لغاية نص الحارة بالظبط، وبعدها عاوز الكل يتغربل!
وبالفعل، دخل “فاضل القط” برجاله حتى منتصف الحارة، واستغرب سهولة الدخول قبل أن يكتشف أنه فخ! اشتبك الطرفان وبدأ إطلاق النار الكثيف من كل ناحية، وقف رحيم بثبات في المنتصف يطلق النار بغل حتى تساقط رجال فاضل.
شاور رحيم لرجاله بالتوقف، وجاء حسن يركض:
